جاڭا حابارلار

رايونىمىزداعى ءار ۇلت كادر، بۇقاراسى 19-قۇرىلتاي رۋحىن ۇيرەنۋ، ءتۇسىنۋ، دايەكتىلەندىرۋ، تياناقتاندىرۋ قىزۋ ورلەۋىن كوتەردى

    كەلۋ قاينارى: شينجياڭ حالىق راديو ىستانسياسى    2017-10-27 17:38:34  

سستانسيامىزدىڭ جيناق حابارىن تىڭداڭىزدار: بىرنەشە كۇننەن بەرى، قالادان اۋىلدارعا دەيىن، ورگاننان زاۆوتتارعا دەيىن، رايونىمىزداعى ءار ۇلت كادرلارى مەن بۇقاراسى پارتيا 19-قۇرىلتاينىڭ بايانداماسىن مۇقيات ۇيرەندى، «جاپپاي دوڭگەلەك داۋلەتتى قوعام قۇرايىق»، «كورىكتى جۇڭگو»، «اقاۋسىز جۇڭگو» دەگەندەر قۇلاققا سىڭىستى سوزگە اينالدى. كوپشىلىك: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە،ءسوزجوق، تىعىز ىنتىماقتاسىپ، يدەيا مەن ارەكەتتى پارتيا 19-قۇرىلتايىنىڭ رۋحىمەن ۇشتاستىرىپ، ىنتىماقتاسا كۇرەس جاساپ، جۇمىستى جاپالى، تىندىرىمدى ىستەپ، جاپپاي دوڭگەلەك داۋلەتتى قوعام قۇرۋ، جاپپاي سوتسياليستىك وسىزاندانعان ەل قۇرۋ جاڭا ساپارىنا اسقاق تا ارشىندى قادام تاستاۋىمىز كەرەك،-دەستى.
«2020-جىلعا بارعاندا جاپپاي دوڭگەلەك داۋلەتتى قوعام قۇرۋ»، «بىرلىكتە اۋقاتتانۋ جولىندا بىردە-بىرەۋىن دە قاعىس قالدىرماۋ» ـــــ 19-قۇرىلتاي بايانداماسىنداعى كەدەيلىكتەن قۇتىلدىرۋدان قامال الۋ جونىندەگى كوكەيگە ەڭ قونىمدى سوزدەر. شينجياڭعا 9- توپتاعى باعىتتامالى كومەكتەسەتىن كادر، قۇلجا قالالىق حالىق ۇكىمەتىنىڭ ورىنباسار قالا باستىعى شى لەي بىلاي دەدى: بولاشاققا كوز تاستايتىن بولساق جاۋاپكەرلىگىمىزدىڭ اۋىر، بورىشىمىزدىڭ داڭقتى ەكەنىن اڭعارامىز. ءدال باس شۋجي ايتقانداي، ءبىز 2020-جىلعا دەيىن اۋىلداستاردىڭ بىردە-ءبىرىن قالدىرماي تۇگەل كەدەيلىكتەن قۇتىلدىرامىز، وسى 3 جىلدا شينجياڭعا كومەكتەسۋ قارجىسىنان 500 ميلليون يۋان قارجى ورنالاستىرىپ، كاسىپتەندىرۋ ماسەلەسىن، اۋىل شارۋاشىلىق ونىمدەرى اسىپ قالۋ، توقىما بايلىعى تولىق پايدالانىلماۋ سىندى كەدەرگى بولىپ وتىرعان بىرنەشە فاكتوردى شەشىپ، شينجياڭعا كومەكتەسۋ قىزمەتى بارىسىندا مۇنى تىندىرىمدى ىستەيمىز.

اۆتونوميالى رايوندىق عىلىم-تەحنيكا مەڭگەرمەسى اۋىل-قىستاق عىلىم-تەحنيكاسى جانە قالا-اۋىل عىلىم-تەحنيكاسىن جالپىلاستىرۋ باسقارماسىنىڭ ورىنباسار باستىعى جين ليجۋان تىلشىگە بىلاي دەدى: عىلىم-تەحنيكا ابىزالدىلىعىنان پايدالانىپ، اۋىل شارۋاشىلىعىن، اۋىل-قىستاقتى وسىزامانداندىرۋدى جەدەل ىلگەرلەتىپ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە جەتۋ كەرەك. ءبىر اۆتونوميالى رايوننىڭ كەدەيلەردى عىلىم-تەحنيكا ارقىلى دالمە-ءدال سۇيەمەلدەۋ ارناۋلى نىسانىن باستاپ اتقاردىق، نەگىزىنەن، ەرەكشە ۇسىنىسپەن جىبەرىلەتىن عىلىم-تەحنيكالىق قوسىنىن نەگىز ەتكەن قىزمەت وتەۋ قوسىنى قۇرىلىپ، كەدەي رايوندارعا توتە بارىپ كومەكتەسۋ، سۇيەمەلدەۋ قىزمەتىن ىستەدى. وزىق تەحنيكا ناتيجەلەرىنىڭ كەدەي اۋىل-قىستاقتاردا قولدانىلۋىن جەبەپ، كەدەي قىستاقتاردىڭ ەرەكشە كاسىپتى دامىتۋىن جەبەدى، ءارى جۇمىسقا كىرىسۋ قۇرىلىلىمىن رەتتەپ، كەمەلدى تەحنيكالار جەتكىزدى، باعىمشىلىقتان تارتىپ جەم-ءشوپ ماتەريالدارىنا دەيىن دەن قويا سالىستىرىپ، كەدەي وتباسىلارىن كەدەيلىكتەن قۇتىلىپ اۋقاتتانۋعا باستادى.
تۇرپان قالاسى ءىدىقۇت رايونى شاتقال اۋىلى شياڭگۇڭ قىستاعىندا، قىستاق تۇرعىنى سىمايىل قوجىابدۇ جەردەن ەتتى سۇڭعىلا قازىپ جاتىپتى، ول تىلشىگە بىلاي دەدى: وتباسىمىز 300 مۋلىق ورماندىق جەردى كوتەرمەگە الىپ سەكسەۋىلدىڭ اراسىنا ەتتى سۇڭعىلانى كىرىستىرىپ ەكتىك، بۇل بوراننان ساقتانىپ، قۇمدى تۇراقتاندىرۋ رولىن اتقارىپ عانا قالماستان، وتباسىمىزدىڭ كىرىسىن مولايتتى. قازىر، پارتيا مەن ۇكىمەتتىڭ ەگىستىكتەن ورماندى قالپىنا كەلتىرۋ قوسىمشا قاراجاتى، حالىقتى اۋقاتتاندىرۋ بەيقۇت ءۇي قوسىمشا قاراجاتى، بالالاردى تەگىن وقىتۋ سياقتى حالىققا ءتيىمدى كوپتەگەن ساياساتتارىنىڭ ارقاسىندا ديقانداردىڭ تۇرمىسىندا وراسان زور وزگەرىس بولدى. باس شۋجي شي جينپيڭ 19- قۇرىلتاي بايانداماسىندا اۋىل-قىستاق ەكونوميكاسىن كۇش سالا دامىتىپ، جەردى كوتەرمەگە بەرۋ ۋاقىتىن ۇزارتىپ، ەكولوگيالىق ورتانى قورعاۋدى العا قويدى، بۇل وتە ءتيىمدى ساياسات بولدى، الدا تۇرمىسىمىزدىڭ بارعان سايىن جاقساراتىنىنا سەنىمىم كامىل.

19-قۇرىلتايداعى «كورىكتى جۇڭگو» جونىندەگى ايتىلىم جۇرتتىڭ جىگەرىن تاسقىنداتتى. بىرنەشە كۇننەن بەرى، اۆتونوميالى رايوندىق قورشاعان ورتانى قورعاۋ مەڭگەرمەسى توپىراق ورتاسىن باسقارۋ باسقارماسىنىڭ ورىنباسار باستىعى ۋاڭ باۋۋي 19- قۇرىلتاي بايانداماسىن قايتالاي وقىپ ۇيرەندى، ول تىلشگە بىلاي دەدى: باياندامادا العا قويىلعان «جاپپاي دوڭگەلەك داۋلەتتى قوعام قۇرۋدان تارتىپ، سوتسياليستىك وسىزاماندانعان قۇدىرەتتى ەل قۇرۋعا دەيىنگى» كۇرەس جاساۋ جاڭا نىساناسى ماعان تەرەڭ اسەر قالدىردى، توپىراقتىڭ لاستانۋىنىڭ الدىن الۋ جانە ونى وڭاۋ قىزمەتىنە سايكەستى ناقتى نىسانادا وزگەرىستەر بولدى. 2020- جىلعا بارعاندا توپىراق ورتاسى ساپاسى تۇلعالىق جاقتان ورنىقتىلىقتى ساقتايدى، 2030- جىلعا بارعاندا، رايونىمىزدا توپىراقتىڭ ساپاسى ورنىقتى جاقسارادى. جوعارىداعى نىسانالاردى ورىنداۋ ءۇشىن، الدا توپىراقتىڭ لاستانۋىن ەگجەي-تەگجەيلى تەكسەرۋ قىزمەتىن ورىستەتىپ، رايونىمىزدا توپىراقتىڭ لاستانۋ جاعدايىن قاتاڭ يگەرۋدى جوسپارلاپ وتىرمىز؛ مۇنان سىرت، توپىراقتىڭ لاستانۋىن وڭاۋ، قالپىنا كەلتىرۋ سىناق ءتۇيىنىن جالعاستى ورىستەتىپ، سىناق ءتۇيىنى كولەمىن بىرتىندەپ كەڭەيتەمىز؛ لاستانۋ قاينارىن باقىلاپ باسقارۋدى كۇشەيتىپ، توپىراقتىڭ لاستانۋىنىڭ الدىن الۋ قىزمەتىن جاقسى ىستەيمىز. ءتۇرلى شارالار ارقىلى كورىكتى شينجياڭ قۇرۋعا كەپىلدىك ەتەمىز.
وسى كەز، اققۋدىڭ وڭتۇستىككە قايتاتىن كەزى، كورلا قالاسى باۋ-باقشا مەكەمەسى اققۋ وزەنى ورتا اترەتىنىڭ قىزمەتكەرلەرى ءار كۇنى شارلاۋ جۇرگىزە ءجۇرىپ، اققۋلارعا جەم تاستايدى. قازىر، وزەندەگى اققۋلاردىڭ سانى 136 عا جەتتى. اققۋ وزەنى ورتا اترەتىنىڭ باستىعى ياسىن يدايات بىلاي دەدى: «19-قۇرىلتايدىڭ بايانداماسىندا، ادام مەن تابيعات ــ تىرشىلىكتىڭ ورتاق تۇلعاسى، ادامدار ءسوز جوق تابيعاتقا قۇرمەت ەتىپ، تابيعاتقا سايكەسىپ، تابيعاتتى قورعاۋ كەرەك، ــ دەپ العا قويىلدى، اققۋ وزەنى ورتا اترەتى بۇدان كەيىن تەبىندى ارتتىرىپ، تاۋلىك بويى شارلاۋ جۇرگىزىپ، اققۋلارعا كۇنىنە ءۇش رەت جەم بەرىپ، ولاردىڭ حاۋىپسىزدىگىن قورعاپ، اققۋدى، ەكولوگيالىق ورتانى اناعۇرلىم قورعايدى».

19-قۇرىلتايدىڭ بايانداماسىندا، «الدىن-الۋدى نەگىز ەتۋگە تاباندى بولىپ، وتانشىلدىق تازالىق قيمىلىن ىشكەرىلەي ورىستەتىپ، اقاۋسىز وركەنيەتتى تۇرمىس ءتاسىلىن دارىپتەپ، سالماقتى ناۋقاستاردىڭ الدىن الۋ جانە تىزگىندەۋ كەرەك»، ــ دەپ اتاپ كورسەتىلدى. اۆتونوميالى رايوندىق وتانشىلدىق تازالىق قيمىلى كوميتەتى كەڭسەسىنىڭ مەڭگەرۋشى ۋ پيڭ بىلاي دەدى: «ەندىگى كەزەكتە وتانشىلدىق تازالىق قيمىلىن كۇش سالا ورىستەتەمىز، ءبىز تازالىق قيمىلدارىن بەلسەنە وتكىزۋدى دانەكەر ەتۋ ارقىلى، قالا مەن اۋىلدىڭ ورتاسىن تازالاۋ، رەتتەۋ ارەكەتىن ىشكەرىلەي جۇرگىزەمىز، وتە-موتە دەنساۋلىققا ىقپال جەتكىزەتىن ءىشىنارا قاتەرلى فاكتورلاردى ءونىمدى وڭايمىز. اۋىل-قىستاقتارعا، مال شارۋاشىلىعى رايوندارىنا بارىپ، لاس، بەتالدى، ناشار جايتتەردى تۇبەگەيلى وڭاپ، اۋىل-قىستاقتاردىڭ زالالسىزداندىرىلعان تازالىق ءۇيىن جالپىلاستىرۋ مولشەرىن جوعارىلاتىپ، تاماشا تازالىق ادەتىن كۇش سالا ۇگىتتەپ جانە دارىپتەپ، اقاۋسىز جۇڭگو ستراتەگياسىن اتقارىپ، ءار ۇلت بۇقاراسىنىڭ وركەنيەتتى تازالىق ساپاسى مەن اقاۋسىز دەڭگەيىن جوعارىلاتۋ ءۇشىن، ءتيستى ۇلەسىمىزدى قوسامىز».
قىستاقتاعى 19-قۇرىلتاي بايانداماسىن ۇگىتتەۋشى بولعان قۇمىل قالاسى ەۋىرعول رايونى قارا ءدوۋا قالاشىعى ۇلىجول قىستاعى پارتيا ياچەيكاسىنىڭ شۋجيى يۇسىپ امەت بىرنەشە كۇننەن بەرى اۋىلداستارعا پارتيا 19-قۇرىلتايىنىڭ ءتۇرلى ساياساتىن ۇگىتتەۋمەن قاربالاس بولدى. ول بىلاي دەدى: «مەن بۇگىن 19-قۇرىلتاي بايانداماسىنىڭ رۋحىن ۇگىتتەدىم، وندا وقۋ-اعارتۋ، ەمدەۋ، دەنساۋلىق ساقتاۋ، دەنساۋلىقتى جاپپاي تەكسەرۋ، جۇمىسقا ورنالاستىرۋ، حالىققا ءتيىمدى ساياسات، تۇرعىن ءۇي، جەر سياقتىلارعا قاتىستى مازمۇنداردى تۇگەلدەي ديقاندارعا جەتكىزىپ، ولاردىڭ پارتيا 19-قۇرىلتايىنىڭ رۋحىن، پارتيانىڭ ديقاندارعا جاساعان قامقورلىعىن بىلۋگە مۇمكىندىك جاسادىم، بۇدان كەيىن 19-قۇرىلتاي بايانداماسىنىڭ رۋحىن ىشكەرىلەي ءتۇسىنىپ، باياندامانىڭ رۋحىن ديقاندارعا جالعاستى جەتكىزەمىن».
26-قازان تاڭەرتەڭ ەرتە، فۋكاڭ قلاسى جۇڭگوشا شيپاحاناسىنىڭ زىنيچۋانزى قالاشىعى حىجياۋان سەنترلى قىستاعىنداعى قىزمەت اترەتىندەگىلەر ءدارى-دارمەك ساندىقشاسىن تاعى كوتەرىپ، وتباسىلارىن بىردەن ارالاپ، تۇرعىنداردىڭ دەنساۋلىعىن تەكسەرىپ، كوپشىلىكپەن شۇيىركەلەسىپ، سالتاناتتى قۇرىلتايدى تىلگە تيەك ەتىپ، 19-قۇرىلتايى بايانداماسىنىڭ مازمۇنىن ۇگىتتەدى. قازىر، قىستاقتىڭ جاڭادان سالىنعان دەنساۋلىق ساقتاۋ ورنىنىڭ نەگىزگى تۇلعاسىنىڭ قۇرىلىسى ءبىتىپ، قاراشانىڭ اياعىندا پايدالانۋعا بەرىلەتىندىگى مەجەلەنىپ وتىر. قىزمەت اترەتىندەگىلەر ماتەريال دايىنداۋمەن قاربالاس بولىپ جاتتى. قىزمەت اترەتىنىڭ باستىعى لياڭ جۇنجيە بىلاي دەدى: «حىجياۋان سەنترلى قىستاعىنىڭ جاڭا دەنساۋلىق ساقتاۋ ورنى سالىنىپ پايدالانۋعا بەرىلگەننەن كەيىن، ءبىز ولشەمدەنگەن دەنساۋلىق ساقتاۋ ورنىنىڭ تالابى بويىنشا جۇڭگوشا شيپاگەرلىكتىڭ ەمدەۋ جابدىقتارى مەن ءدارى-دارمەكتەرىن جانە جۇڭگوشا، باتىسشا ەمدەۋ شيپاگەرلەرى مەن سەسترالاردى ورنالاستىرىپ، قىستاق تۇرعىندارىنىڭ وزدەرىنە ۇيلەسەتىن ەمدەلۋ ءتاسىلىن تاڭداۋىنا مۇمكىندىك جاساپ، سول ارقىلى قىستاق تۇرعىندارىنا ەمدەۋ جاعىندا اناعۇرلىم قولايلى قىزمەت ەتەمىز».
بىرنەشە كۇننەن بەرى، اۆتونوميالى رايوندىق ساياسي كەڭەس كەڭسەسى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بىرلەسكەن كەڭسەسىنىڭ كادرى داي جيڭ 19-قۇرىلتايدىڭ بايانداماسىن قايتا-قايتا ۇيرەندى، ول، ءوزىنىڭ ءىس جۇزىندىك قىزمەتىنە ۇشتاستىرىپ، پارتيا 19-قۇرىلتايىنىڭ رۋحىن تياناقتاندىراتىنىن ايتا كەلىپ بىلاي دەدى: «جاس پارتيالى كادرلار، ءسوز جوق، قاجىرلىلىقپەن ۇيرەنىپ، كىتاپتان، امالياتتان ۇيرەنىپ، قىزمەت بارىسىندا تاماشا ستيل جەتىلدىرىپ، ساپاسى مەن قىزمەت قابىلەتىن ۇزدىكسىز جوعارىلاتىپ، قىزمەتتىڭ اۋىر مىندەتىن اناعۇرلىم كوپ ۇستىنە الۋى قاجەت. قىزمەتتەرىن جىڭىشكەلىكپەن ىستەپ، حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ، ۇلتتار ىنتىماعىنىڭ ۇلى شاڭىراعىندا، وڭتۇستىك شينجياڭنىڭ وقۋ- اعارتۋىن قولداۋ سياقتىلاردى ءبىر تۇلعا ەتىپ، كۇشتى بىرىكتىرىپ، كەدەيلىكتەن قۇتىلدىرۋدان اناعۇرلىم ويداعىداي قامال الىپ، قىزمەتتى اناعۇرلىم ويداعىداي ىستەپ، قيىنشىلىعى بار بۇقارالىق توپقا قامقورلىق جاساپ، باس نىسانانى جۇزەگە اسىرۋ ءۇشىن ۇلەس قوسۋ كەرەك».
19-قۇرىلتايدىڭ بايانداماسىندا بىلاي دەپ اتاپ كورسەتىلدى: جان-جاقتىلى الەۋمەتتىك جۇمىسقا ورنالاستىرۋ قىزمەتىن وتەپ، جوعارى مەكتەپ تاۋىسقان وقۋشىلار سياقتى جاس بۇقارالىق توپتاردىڭ، ەگىس جۇمىسكەرلەرىنىڭ ءتۇرلى جولدارمەن جۇمىسقا ورنالاسىپ، كاسىپ كوزىن اشۋىن جەبەۋ قاجەت. كاسىپ كوزىن اشۋ ارمانىن ارقالاعان جاس جاي شۇي قازىر جىڭ اۋدانى جىڭ قالاشىعى بيڭحى الەۋمەتتىك اۋماعىنىڭ كاسىپ كوزىن اشۋعا تاربيەلەۋ بازاسىندا قىزمەت ىستەيدى، ول بىلاي دەدى: «پارتيا 19-قۇرىلتايىنىڭ جاستاردىڭ كاسىپ كوزىن اشۋىن، جۇمىسقا ورنالاسۋىن جەبەيتىندىگىن ءبىلىپ قاتتى قۋاندىم، مەن وسى جەردەن بىرنەشە جىل تەحنيكا ۇيرەنىپ، تەحنيكاعا جەتىلگەننەن كەيىن، وسى جەردەن دۇكەن اشسام دەيمىن، ەستىسەم بۇل جەردە دە 3 جىل ءوسىمسىز قارىز بەرەدى ەكەن، ودان كەيىن كاسىپ كوزىن اشپاق بولسام، ءوتىنىش بەرەمىن، بولاشاعىما تولىق سەنىمىم بار».


بەرىپ كەت ورامالىڭدى

دوستار

الىستاعى اق ەركە