باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

لي پىڭشين پارتيا 19 - قۇرىلتايىن حابارلاۋدىڭ ءبىرىنشى شەبىندەگى اۆتونوميالى رايونىمىزدىڭ اقپارات قىزمەتكەرلەرىنە امانداسا باردى

    كەلۋ قاينارى: شينجياڭ گازەتى    2017-10-27 21:20:18  
  تىلشىلەرىمىز ياۋ تۇڭ، يۋان لەي 26 - قازاندا بەيجيڭنەن حابارلايدى. كۇللى دۇنيە ءجۇزى كوز تىككەن پارتيا 19 - قۇرىلتايى جەڭىسپەن جابىلدى. پارتيا 19 - قۇرىلتايىنا قاتىناسقان شينجياڭ ۋاكىلدەر ۇيىرمەسىنىڭ باس حاتشىسى، اۆتونوميالى رايوندىق پارتكومنىڭ ورىنباسار شۋجيى لي پىڭشين جاقىندا بەيجيڭدە پارتيا 19 - قۇرىلتايىن حابارلاۋدىڭ ءبىرىنشى شەبىندەگى اۆتونوميالى رايونىمىزدىڭ اقپارات قىزمەتكەرلەرىنە امانداسا بارىپ، اۆتونوميالى رايوندىق پارتكومنىڭ پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ جونىندەگى ورنالاستىرۋىن جەتكىزىپ، قۇرىلتاي كەزىندەگى اۆتونوميالى رايونىمىزدىڭ اقپارات - ۇگىت قىزمەتىن تولىق تۇراقتاندىردى ءارى ءبىرىنشى شەپتە جاپالى قىزمەت ىستەپ جاتقان اقپارات قىزمەتكەرلەرىنەن شىنايى حال سۇرادى.
  اۆتونوميالى رايوندىق پارتكوم پارتيا 19 - قۇرىلتايىن ۇگىتتەۋ، حابارلاۋ قىزمەتىنە ايرىقشا ءمان بەردى، اۆتونوميالى رايوندىق پارتكوم ۇگىت ءبولىمى دەن قويا ۇيىمداستىرىپ، الدىڭعى شەپتە تۇرىپ قولباسشىلىق ەتتى، اۆتونوميالى رايونىمىزدىڭ باستى اقپارات قۇرالدارى مىعىم حابارلاۋ قوسىنىن ۇيىمداستىرىپ، ماڭىزدى بەتتەر مەن ۋاقىتتارعا ورنالاستىرىپ، تاراتۋ فورماسى مەن مازمۇنىنا جاڭالىق ەنگىزىپ، حابارلاۋ قىزمەتىندە تاماشا ۇگىت ونىمدىلىگىنە قول جەتكىزدى.
  لي پىڭشين شينجياڭ حالىق راديو ستانسياسىنىڭ تىكە تاراتۋ بولمەسىنە جانە شينجياڭ تەلەۆيزياسىنىڭ الدىڭعى شەپ ستۋدياسىنا كەلىپ، تىكە تاراتۋدىڭ قامتاماسىز ەتىلۋى، باعدارلامالاردىڭ جاسالۋى، حابارلاردىڭ ورنالاستىرىلۋى سياقتى جاقتارداعى جاعدايلاردى ۇعىستى ءارى سول جەردىڭ وزىندە شينجياڭ گازەتى، شينجياڭ ەكونوميكا گازەتى، شينجياڭ حالىق راديو ستانسياسى، شينجياڭ تەلەۆيزياسى، ءتاڭىرتاۋ سايتى جانە بيڭتۋان گازەتى، بيڭتۋان راديو - تەلەۆيزيا ستانسياسى سياقتى اقپارات قۇرالدارىنىڭ پارتيانىڭ 19 - قۇرىلتايىن حابارلاۋ جاعدايلارىن ۇعىستى.
  لي پىڭشين مىنالاردى اتاپ كورسەتتى: اۆتونوميالى رايوندىق پارتكومنىڭ پارمەندى باسشىلىعىندا، اۆتونوميالى رايوندىق پارتكوم ۇگىت ءبولىمىنىڭ ناقتى جەتەكشىلىگىندە، اۆتونوميالى رايونداعى باستى اقپارات قۇرالدارى دۇرىس ساياسي باعىتتان، دۇرىس قوعامدىق پىكىر بەتالىسىنان، اقپارات مۇراتىنان، قىزمەت تالپىنىسىنان جازباي، پارتيا 19 - قۇرىلتايىن ۇگىتتەۋدى، حابارلاۋدى ساياسي سانانى سىناۋدىڭ ماڭىزدى ورايى ەتىپ، پارتيا 19 - قۇرىلتايىنىڭ رۋحىن تيانشاننىڭ تۇستىگى مەن تەرىستىگىنە، سانسىز وتباسىلارعا جەتكىزىپ، كەسەك تابىسقا جەتتى. مەن سىزدەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ ۇلى تۋىن بيىك ۇستاپ، اۆتونوميالى رايوندىق پارتكومنىڭ پارتيا 19 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ، تياناقتاندىرۋ جونىندەگى ورنالاستىرۋى بويىنشا، «4 تانىمدى» كۇشەيتىپ، «4 سەنىمدى» مىقتاپ ورناتىپ، ساياسي تانىمدى، باعدار تانىمىن، جالپى جاعداي تانىمىن، جاڭالىق اشۋ تانىمىن، بورىش تانىمىن ۇزدىكسىز كۇشەيتىپ، ءتۇرلى اقپارات قۇرالدارىنىڭ باسىمدىعىن ساۋلەلەندىرىپ، ارناۋلى ستون، ارناۋلى باعدارلاما اشىپ، حابارلاۋ جۇمىستارىن دەن قويا جوسپارلاپ، ءتۇرلى فورمالار مەن تاسىلدەردەن تولىق پايدالانىپ، ءار ۇلت بۇقاراسى قۋانا تىڭداپ، كوڭىلدەنە كورەتىن فورمالاردى قولدانىپ، «پارتيا 19 - قۇرىلتايىنىڭ رۋحىن بارلىق وتباسىلارعا جەتكىزۋ» قيمىلىمەن بىرلەستىرىپ، پارتيا 19 - قۇرىلتايى رۋحىنىڭ كاسىپورىندارعا، اۋىل - قىستاقتارعا، ورگاندارعا، مەكتەپتەرگە، الەۋمەتتىك اۋماقتارعا، اسكەري كازارمالارعا جەتۋىن ىلگەرىلەتىپ، بۇكىل رايونىمىزدا پارتيا 19 - قۇرىلتايىنىڭ رۋحىن ۇگىتتەۋ ورلەۋىن دەرەۋ كوتەرىپ، پارتيا 19 - قۇرىلتايى رۋحىنىڭ حالىق تىلەگىن توعىستىرىپ، جىگەردى جانيتىن، قىزمەتتەردى ىلگەرىلەتەتىن باياندى قوزعاۋشى كۇشكە اينالۋىنا مۇمكىندىك جاساۋلارىڭىزدى ءۇمىت ەتەمىن.
  اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن بىرگە بارىپ امانداستى.
ءان الەمى

جول توسىلىپ قالدى

تۇلپارىم