جاڭا حابارلار

تاريحي ماڭىزدى مىندەتتى ارقالاپ، گۇلدەنۋ ۇلى ىسىنە ءورىس اشتى

    كەلۋ قاينارى: شينجياڭ گازەتى    2017-10-27 21:32:58  

جاڭا كەزەكتى ج ك پ ورتالىق كوميتەتى مەن ج ك پ ورتالىق ءتارتىپ تەكسەرۋ كوميتەتىنىڭ دۇنيەگە كەلۋى تۋرالى
شينحۋا اگەنتتىگىنىڭ تىلشىلەرى جاۋ چىڭ، حو شياۋگۋاڭ، جاڭ شياۋسۇڭ، لو جىڭگۋاڭ

 ارماندى ورىنداۋ جولىنداعى ۇزاق ساپاردا تاعى ءبىر جاڭا جورىق باستالدى −
  2017 - جىلى 24 - قازان كۇنى پارتيا 19 - قۇرىلتايىنىڭ 2300دەن استام ۋاكىلى مەن ۇسىنىس ەتىلگەن ۋاكىلى جاسىرىن داۋىس بەرۋ ءتاسىلى ارقىلى ورتالىق كوميتەتتىڭ 376 مۇشەسى مەن كانديدات مۇشەسىنەن قۇرالعان جۇڭگو كوممۋنيستىك پارتياسىنىڭ 19 - كەزەكتى ورتالىق كوميتەتىن جانە ورتالىق ءتارتىپ تەكسەرۋ كوميتەتىنىڭ 133 مۇشەسىنەن قۇرالعان 19 - كەزەكتى ورتالىق ءتارتىپ تەكسەرۋ كوميتەتىن سايلاپ شىقتى.   بۇل 89 ميلليوننان استام پارتيا مۇشەسىنىڭ ماڭىزدى تاپسىرماسى، ءبىر ميلليارد 300 ميلليوننان استام حالىقتىڭ ءۇمىتى.
  بۇرىنعىعا مۇراگەر، كەيىنگىگە بۇيداگەر بولۋ تاريحي مىندەتىن ارقالاعان جاڭا كەزەكتى ورتالىق باسشىلىق كوللەكتيۆى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزەدى.
  بولاشاقتى بەتكە الىپ، ماڭىزدى مىندەتتى باتىلدىقپەن ارقالادى
  − شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنە كادر دايىنداۋ قىزمەتىنە دۇرىس بەتالىس كورسەتتى
  جۇڭحۋا ۇلتىنىڭ عاسىردان بەرگى گۇلدەنۋ تاريحىنا كوز جىبەرسەك، شەشۋشى ساتتەردىڭ، كوبىنەسە، بىرنەشە قادامنان تۇراتىندىعىن بايقايمىز.
  بۇگىنگى كۇندە، ءبىز ءدال وسىنداي جاڭا تاريحي باستامادا تۇرمىز −
  الداعى 5 جىل − «قوس 100 جىل» كۇرەس نىساناسىنىڭ تاريحي توعىسۋ كەزەڭى. جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق نىسانانى ىسكە اسىرۋمەن بىرگە، ۇتىمدى جاعدايدى پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي شەرۋ تارتامىز.
  ارمان الدان قول بۇلعايدى، دەگەنمەن، الداعى جول تەپ - تەگىس ەمەس.
  بولاشاققا كوز تاستاعاندا، جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ ۇلى ءىسى ءالى دە ۇزاققا جالعاساتىن ءارى جاپالى تاريحي مىندەت، ءسوز جوق، ءالى دە كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋگە، ءالى دە «قارلى تاۋدان اسىپ»، «سازدى دالادان وتۋگە» تۋرا كەلەدى.
  دۇنيە جۇزىنە كوز جىبەرگەندە، ءبىز عاسىردا ءبىر تۋاتىن ۇلى بۇرىلىستى باستان وتكەرىپ جاتىرمىز، حالىقارالىق جاعداي اۋمالى - توكپەلى، حالىقارالىق كۇشتەردىڭ سالىستىرماسىندا جاڭا وزگەرىستەر جارىققا شىقتى، الەم ەكونوميكاسى تەرەڭدەي رەتتەلۋ ۇستىندە، سىرتقى ورتا قىم - قۋىت، كۇردەلى.
  «جاڭا جاعداي، جاڭا مىندەتتەرگە سايكەس، پارتيامىز تولقىن قالاي تۋلاسا دا كەمەنىڭ رولىن مىقتاپ ۇستاۋدان جازباۋى، ءسوز جوق، قۋاتتى ورتالىق باسشىلىق كوللەكتيۆى بولۋى كەرەك»، - دەپ باس شۋجي شي جينپيڭ باتىل ءارى پارمەندى ءۇن قاتتى.
  جۇڭگونىڭ ءىسىن جاقسى ىستەۋدىڭ تەتىگى پارتيادا، ادامدا.
  شي جينپيڭ جولداستى ۇيتقى ەتكەن پارتيا ورتالىق كوميتەتى ءداۋىر تىنىسىن ءداپ باسىپ، ۇلتتىڭ بولاشاعىن كوزدە ۇستاپ، پارتيانىڭ 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنە كادر دايىنداۋ قىزمەتىنە باسا نازار اۋدارىپ، ءبىرسىپىرا ماڭىزدى ورنالاستىرۋلار جاسادى.
  2016 - جىلى اقپاندا ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى پارتيا 19 - قۇرىلتايىنا قاتىستى كادر دايىنداۋ قىزمەتىن ارناۋلى اقىلداسىپ، پارتيا 19 - قۇرىلتايى اياسىندا كادرلاردى تەكسەرۋ قىزمەتىنە باسشىلىق ەتۋ گرۋپپاسىن قۇرۋدى ۇيعاردى، باس شۋجي شي جينپيڭ گرۋپپانىڭ باستىعى مىندەتىن ءوز ۇستىنە الدى.
  ءبىر جىلدان استام ۋاقىتتان بەرى، باس شۋجي شي جينپيڭ ىلگەرىندى - كەيىندى 3 رەت ولكە، اۆتونوميالى رايون، توتە قاراستى قالالار مەن ورتالىقتاعى ورىنداردىڭ پارتكومدارىنداعى (پارتيا باسشىلىق گرۋپپاسى) نەگىزگى جاۋاپتى جولداستاردىڭ ماجىلىسىنە قاتىناستى ءارى ماڭىزدى ءسوز سويلەپ، پارتيانىڭ 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتارىن تەكسەرۋ قىزمەتى جونىندە اتتانىسقا كەلتىرىپ، ورنالاستىرۋ جاساپ، ايقىن تالاپتار قويدى؛ تەكسەرۋ گرۋپپاسىنىڭ قاتىستى جاعدايلار تۋرالى مالىمەتىن كوپ رەت تىڭداپ، قاتىستى قىزمەتتەر جونىندە ماڭىزدى نۇسقاۋ بەردى.
 كادرلار قىزمەتىن جاقسارتۋ، كادرلاردى ويداعىداي تاڭداۋ، ويداعىداي پايدالانۋ، باسشىلىق القا قۇرىلىسىن كۇشەيتۋ... باس شۋجي شي جينپيڭ پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتارىن تەكسەرۋ قىزمەتىنىڭ ماڭىزدى ءمانىن جان - جاقتى، تەرەڭ بايىمداپ، ءبىر قىدىرۋ جاڭا ۇستانىم، جاڭا يدەيا، جاڭا تۇجىرىمداردى العا قويىپ، پارتيا 19 - قۇرىلتايىنا كادر دايىنداۋ قىزمەتىنىڭ دۇرىس بەتالىسىنا تۇبىرىنەن كەپىلدىك ەتتى.
  وسى نەگىزدە، 2016 - جىلى ماۋسىمدا ورتالىق كوميتەت ساياسي بيۋروسىنىڭ تۇراقتى كوميتەتى مەن ورتالىق كوميتەت ساياسي بيۋروسىنىڭ ءماجىلىسى «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنە كادر دايىنداۋ قىزمەتىن مۇقيات جاقسى ىستەۋ جونىندەگى پىكىردى» ماقۇلداپ، پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىن سايلاۋدىڭ جالپى تالاپتارى جانە كانديداتتاردىڭ شارتى، قۇرىلىمى، ت. ب جونىندە ايقىن پىكىرلەردى العا قويدى.
  «ۇشكە نازار اۋدارۋ» − پارتيا ورتالىق كوميتەتىنىڭ جاڭا كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىنە كادر دايىنداۋ قىزمەتىن جوبالاۋىنىڭ ءورىستى جۇيەسىن ايگىلەدى −
  جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ ۇستانىمىن دايەكتىلەندىرۋ، تياناقتاندىرۋعا نازار اۋدارىپ، جاپپاي دوڭگەلەك داۋلەتتى قوعام قۇرىپ، مەملەكەتتى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتىپ، جۇڭگوشا سوتسياليزم ىستەرىنىڭ العا قاراي دامۋىن ۇزدىكسىز جەبەۋ؛
  پارتيانىڭ بيلىك جۇرگىزۋ قابىلەتىن كوتەرۋگە، پارتيانىڭ العاباسارلىعىن ساقتاۋعا، دامىتۋعا نازار اۋدارىپ، ورتالىق كوميتەت قۇرىلىسىن نىعايتىپ، رەفورما جاساۋ، جاڭالىق اشۋ رۋحىمەن پارتيا قۇرىلىسىنىڭ جاڭا، ۇلى ينجەنەرياسىن جاپپاي ىلگەرىلەتىپ، پارتيانىڭ بيلىك جۇرگىزۋ ورنىن ۇزدىكسىز بەكەمدەۋ؛
  پارتيا ىستەرىنىڭ مۇراگەرى بولۋىنا، گۇلدەنىپ - دامۋىنا نازار اۋدارىپ، پارتيا مەن مەملەكەتتىڭ باياندى تىنىشتىعىنا كەپىلدىك ەتۋ.
  پارتيا ورتالىق كوميتەتى مىنالاردى باسا دارىپتەدى: ءسوز جوق، پارتيانىڭ سيپاتىنا تاباندى بولۋ، پارتيانىڭ باسشىلىق ۇيتقىلىق ورنىنا تاباندى بولۋ، ساياساتشىلار ۇجىمى ولشەمىنە تاباندى بولۋ، كادرلار قوسىنىن «تورتتەندىرۋ» باعىتىنا تاباندى بولۋ، ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا تاباندى بولۋ، سەنىمى بەرىك، حالىققا قىزمەت كورسەتەتىن، ۇكىمەت ىسىنە شوگەل، ىسكەر، جاۋاپكەرشىلىكتى باتىلدىقپەن ارقالايتىن، تۋراشىل، پاك جاقسى كادر ولشەمىنە تاباندى بولۋ كەرەك. ءسوز جوق، قاتاڭ تۇردە پارتيا ۋستاۆىنىڭ بەلگىلەمەسىنە نەگىزدەلىپ، دەموكراتيالىق ورتالىقتاندىرۋ ءتۇزىمى پرينسيبىنە تاباندى بولىپ، پارتيا ىشىندەگى دەموكراتيانى تولىق ساۋلەلەندىرىپ، بۇقارالىق لۋشيانمەن ءجۇرىپ، دەموكراتيانىڭ ساپاسى مەن ناقتى ونىمدىلىگىن جوعارىلاتا ءتۇسۋ كەرەك. ءسوز جوق، جالعاستىرۋ مەن جاڭالىق اشۋدى ۇشتاستىرۋعا تاباندى بولىپ، وتكەن بىرنەشە كەزەكتى ورتالىق كوميتەت پەن ورتالىق ءتارتىپ تەكسەرۋ كوميتەتىنە كادر دايىنداۋ قىزمەتىنىڭ تاجىريبەلەرىن تولىق ۇلگى ەتۋمەن بىرگە، داۋىرمەن بىرگە العا باسۋدى كورنەكتىلەندىرىپ، نىسانانى، ماسەلەنى باعدار ەتۋدەن جازباي، ۇزدىكسىز تۇردە جاقسارتۋ، كەمەلدەندىرۋ؛ ءبىر تۇتاس وي ەلەگىنەن وتكىزۋگە تاباندى بولىپ، ءبىر تۇتاس، تياناقتى ورنالاستىرۋ جاساپ، جان - جاقتى، ۇقىپتىلىقپەن ۇيىمداستىرۋ كەرەك.
  پارتيا ورتالىق كوميتەتى مىنانى ايقىن العا قويدى: جاڭا كەزەكتى ورتالىق كوميتەت بۇكىل پارتيانى، بۇكىل ەل حالقىن باستاپ، جاپپاي دوڭگەلەك داۋلەتتى قوعام قۇرىپ شىعۋ بورىشىن ارقالاپ وتىر. ول بىلاي بولۋعا ءتيىس:  − ماركسيزم - لەنينيزممەن، ماۋ زىدۇڭ يدەياسىمەن، دىڭ شياۋپيڭ نازارياسىمەن، «ۇشكە ۋاكىلدىك ەتۋ» ماڭىزدى يدەياسىمەن جانە عىلمي دامۋ كوزقاراسىمەن قارۋلانىپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن پارتيا ورتالىق كوميتەتىنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي دايەكتىلەندىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، پارتيانىڭ نازارياسى مەن لۋشيانىن، باعىت - ساياساتىن باتىل دايەكتىلەندىرىپ، جۇڭگوشا سوتسياليزم جولىمەن بۇلجىماي ءجۇرىپ، بۇكىل ىنتا - پەيىلىمەن حالىق ءۇشىن قىزمەت كورسەتەتىن ساياساتشىلار ۇجىمى؛
  − ىنتىماقتى، ءبىر تۇتاس، ءورىس اشا العا ىلگەرىلەيتىن، قايراتتانا ءىس تىندىراتىن، شىندىققا جۇگىنىپ، جاڭالىق اشاتىن، ستيلى تاماشا، تۋراشىل، پاك، بۇكىل پارتيا، بۇكىل ەلدەگى ءار ۇلت حالقى سەنىم ارتاتىن جانە قولدايتىن ساياساتشىلار ۇجىمى؛
  − ءداۋىردىڭ الدىڭعى لەگىندە جۇرەتىن، كۇردەلى جاعدايدى يگەرە الاتىن، ءتۇرلى سىن - سايىستار مەن كۇرەستەرگە يكەمدىلىكپەن توتەپ بەرە الاتىن، پارتيانى جونگە سالۋعا، مەملەكەتتى جونگە سالۋعا، ارميانى جونگە سالۋعا شەبەر، جۇڭگوشا سوتسياليزم ىستەرىنىڭ العا دامۋىن تىنباي ىلگەرىلەتەتىن ساياساتشىلار ۇجىمى.
پارتيا ورتالىق كوميتەتى جاڭا كەزەكتى ورتالىق ءتارتىپ تەكسەرۋ كوميتەتىنەن دە ۇلكەن ۇمىتتەر كۇتىپ وتىر −
  مۇرات - سەنىمدى بەكەمدەپ، پارتيانىڭ لۋشيانىن، باعىت - ساياساتىن باتىل دايەكتىلەندىرىپ، اتقارىپ، پارتيا ۋستاۆىن باتىل اتقارۋ جانە ادالدىقپەن قورعاۋ؛ پارتيا ستيلى، پاكتىك قۇرىلىسى مەن جەمقورلىققا قارسى تۇرۋ قىزمەتىن جالپى جاعداي تۇرعىسىنان شەبەرلىكپەن يگەرۋ؛ پارتيالىلىعى كۇشتى، ءادىل، تۋراشىل، پرينسيپتەن جازباۋعا باتىل بولۋ، پارتيا ىشىندەگى پارتيا ۋستاۆىنا، پارتيا بەلگىلەمەسىنە، پارتيا تارتىبىنە قايشى جايتتەرمەن جانە بۇرىس ستيلدەرمەن باتىل كۇرەس جۇرگىزۋ.
  جوعارىداعى تۇلعالىق تالاپتارعا ساي، پارتيا ورتالىق كوميتەتى جاڭا كەزەكتى ورتالىق كوميتەتتىڭ مۇشەلىگىنە، كانديدات مۇشەلىگىنە كورسەتىلەتىندەردى ماركسيزمدىك ساياساتشى ولشەمىمەن تارازىلاپ، ولارعا قويىلاتىن ساپالىق تالاپ جونىنەن «5 باستاماشىلدىقتى» باسا دارىپتەدى −
  ماركسيزم - لەنينيزمگە، ماۋ زىدۇڭ يدەياسىنا، دىڭ شياۋپيڭ نازارياسىنا، «ۇشكە ۋاكىلدىك ەتۋ» ماڭىزدى يدەياسىنا جانە عىلمي دامۋ كوزقاراسىنا باستاماشىلدىقپەن تاباندى بولۋ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن پارتيا ورتالىق كوميتەتىنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي دايەكتىلەندىرۋ، تياناقتاندىرۋ، كوممۋنيزمدىك اسقاق مۇراتى بولۋ، ءبىرشاما جوعارى ماركسيزم - لەنينيزم نازاريالىق ساپاسى بولۋ، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن بەكەمدەۋ، اسا كۇشتى ساياسي تانىمى، جالپى جاعداي تانىمى، ۇيتقى تانىمى، ساپ تۇزەۋ تانىمى بولۋ، پارتياعا ادال بولۋ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن باتىل، بۇلجىماي وسكەلەڭ ءبىر اۋىزدىلىقتى ساقتاۋ، ساياسيدا سەرگەك، دايەكتى بولۋ، كەلەلى ماسەلەدە تۋى ايقىن بولۋ، شەشۋشى ساتتە جانە كەلەلى ىستەردە ىستىق - سۋىقتىڭ سىن - سىناعىنان ءوتۋ؛
  جاڭا دامۋ ۇستانىمىن باستاماشىلدىقپەن ورناتۋ جانە تياناقتاندىرۋ، «بەستى ءبىر تۇلعالاندىرۋ» تۇلعالىق ورنالاستىرۋىن ءبىر تۇتاس جوسپارلاي وتىرىپ العا ىلگەرىلەتۋ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى العا ىلگەرىلەتۋ، رەفورمادا قامال الۋدىڭ قيىن تۇيىندەرىن شەشۋ، ءتۇرلى حاۋىپ - قاتەرگە توتەپ بەرۋ قابىلەتى بولۋ، ءبىرشاما جوعارى كاسىپتىك ورەسى، باي امالياتتىق تاجىريبەسى جانە بۇقارالىق قىزمەت قابىلەتى بولۋ، ماڭىزدى جاۋاپكەرشىلىكتى ارقالاي الۋ؛
  باستاماشىلدىقپەن پرينسيپكە تاباندى بولۋ، جاۋاپكەرشىلىكتى ارقالاۋ، ۇيرەنۋگە شەبەر بولۋ، يدەياسى ازات بولۋ، باتىلدىقپەن رەفورما جاساۋ، ءورىس اشا جاڭالىق جاراتۋ، شىندىققا جۇگىنىپ، ناقتى ىستەر ىستەۋ، بەلسەندىلىكپەن جۇمىس تىندىرۋ، كۇشتى توڭكەرىستىك، كاسىپتىك ىنتا - ىقىلاسى بولۋ، قىزمەت ورنىندا امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجەلەر جاراتۋ؛
  پارتيا ۋستاۆىن باستاماشىلدىقپەن ارداقتاۋ، دەموكراتيالىق ورتالىقتاندىرۋ تۇزىمىنە تاباندى بولۋ، ءادىل، تۋراشىل بولۋ، پەيىلى دارقان بولۋ، ىنتىماقتاسىپ ءىس بىتىرۋگە شەبەر بولۋ، جۇيەدەن، وزىمەن كوزقاراسى ۇقسامايتىن جولداستارمەن ىنتىماقتاسا وتىرىپ بىرگە قىزمەت ىستەۋ. پارتيانىڭ تاماشا ستيلىن ساۋلەلەندىرۋ، «ۇشتە قاتاڭ، ۇشتە شىنايى بولۋدى» سانالىلىقپەن امالياتتا ايگىلەۋ، بۇقارامەن ەتەنە بايلانىس ورناتۋ، بۇكىل ىنتا - پەيىلىمەن حالىق ءۇشىن قىزمەت كورسەتۋ؛
  پارتيانىڭ تارتىبىنە باستاماشىلدىقپەن قاتاڭ بويسۇنۋ، پاك، تارتىپشەڭدىك ولشەمىنە بويسۇنۋ، تۋراشىل، پاك بولۋ، پارتيانىڭ ءىشى - سىرتىندا ءبىرشاما جوعارى بەدەلى بولۋ.
  پارتيا ورتالىق كوميتەتى، سونىمەن بىرگە، جاڭا كەزەكتى ورتالىق ءتارتىپ تەكسەرۋ كوميتەتىنىڭ مۇشە كانديداتتارىنىڭ ساپالىق تالابى جونىنەن مىنالاردى ايرىقشا باسا دارىپتەدى −
  ساياسيدا تاباندى، پارتياعا ادال بولۋ. وزەكتى ارقاۋ ەتۋگە، جالپى جاعدايعا قىزمەت كورسەتۋگە تاباندى بولۋ، پارتيانى پارتيا باسقارۋ، پارتيانى قاتاڭ جونگە سالۋ باعىتىن مۇقيات دايەكتىلەندىرۋ، پارتيا ۋستاۆى جۇكتەگەن قىزمەت جاۋاپكەرشىلىكتەرىن ادالدىقپەن ادا ەتۋ، پارتيا ۋستاۆى مەن پارتيا ىشىندەگى وزگە دە ەرەجە - قاعيدالاردى باتىل قورعاۋ، پرينسيپكە تاباندى بولۋ، جاۋاپكەرشىلىكتى باتىلدىقپەن ارقالاۋ، قىزمەت مىندەتىن تىڭعىلىقتى جاقسى ىستەۋ، شىندىقتى ءىس جۇزىنەن ىزدەۋ، پارتيا ۋستاۆىنا، پارتيا بەلگىلەمەسىنە، پارتيا تارتىبىنە قايشى جايتتەرمەن جانە جەمقورلىق جايتتەرىمەن باتىل كۇرەس جۇرگىزۋ؛
  ساياسات ورەسى جوعارى، ءتارتىپ كوزقاراسى كۇشتى بولۋ. پارتيانىڭ باعىت - ساياساتتارىن جاپپاي، دۇرىس اتقارۋ، پارتيا ىستەرى قىزمەت تاجىريبەسى بولۋ، ءتارتىپ اتقارۋدى، باقىلاۋدى جاۋاپكەرشىلىكپەن قانات جايدىرۋ جانە پارتيا تارتىبىنە قاتىستى دەلولاردى ءبىر جايلى ەتۋدى ۇستىنە الۋ، پارتيا ورتالىق كوميتەتىنىڭ بەدەلى مەن پارتيانىڭ ءتارتىبىنىڭ قاتاڭدىعىن باستاماشىلدىقپەن قورعاۋ، پارتيا مۇشەلەرىنىڭ دەموكراتيالىق ۇقىعى مەن حالىق جۇرتشىلىعىنىڭ مۇددەسىن شىنايى قورعاۋ؛
  پاك، تارتىپشەڭ بولۋ ولشەمىنە باستاماشىلدىقپەن بويسۇنۋ، ءوزىن قاتاڭ تارتىپكە شاقىرۋ، ءادىل، تۋراشىل بولۋ، تۋراشىل، پاك بولۋ، پارتيانىڭ ءىشى - سىرتىندا ءبىرشاما جوعارى بەدەلى بولۋ.
 2016 - جىلى شىلدەدە 19 - قۇرىلتاي اياسىندا كادرلاردى تەكسەرۋ قىزمەتىنە باسشىلىق ەتۋ گرۋپپاسى «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتارىن تەكسەرۋ قىزمەتى تۇلعالىق جوباسىن» قاراپ ماقۇلداپ، كانديدات سانىن ۇلەستىرۋ، تەكسەرۋ ءتاسىلى ساتىسى، سونداي - اق ۇيىمداستىرىپ اتقارۋ سياقتىلار جونىنەن ناقتى ورنالاستىرۋلار جاسادى.
  ورتالىقتىڭ ءبىر تۇتاس ورنالاستىرۋىنا ساي، 2016 - جىلى شىلدەدەن 2017 - جىلى ماۋسىمعا دەيىن، 19 - قۇرىلتاي اياسىندا كادرلاردى تەكسەرۋ قىزمەتىنە باسشىلىق ەتۋ گرۋپپاسى ىلگەرىندى - كەيىندى 46 تەكسەرۋ گرۋپپاسىن ۇيىمداستىرىپ، 31 ولكەگە، رايونعا، قالاعا جانە ورتالىق پەن مەملەكەت ورگانى، ورتالىق فينانس كاسىپورىندارى، بەيجيڭدەگى ورتالىق كاسىپورىندارى سياقتى 124 ورىنعا تەكسەرۋ جۇرگىزدى. ورتالىق اسكەري ىستەر كوميتەتى دە 10 تەكسەرۋ گرۋپپاسىن اتتاندىرىپ، بۇكىل ارمياداعى 29 ۇلكەن ورىن مەن اسكەري ىستەر كوميتەتى ورگانىنىڭ سوعىس رايونى دارەجەسىندەگى تاراۋلارىنا تەكسەرۋ جۇرگىزدى.
  پارتيا ورتالىق كوميتەتى مەن ورتالىق ءتارتىپ تەكسەرۋ كوميتەتىنىڭ كانديداتتارىن كورسەتۋ، تەكسەرۋ، ۇسىنۋ ورتالىق بەلگىلەگەن تارتىپكە جانە تاسىلگە ساي قاتاڭ جۇرگىزىلدى، تۇلعالىق جاقتان العاندا، «جان - جاقتى تالداۋ جاساپ، زەرتتەۋ جۇرگىزۋ، تەكسەرەتىن ورىندى بەلگىلەۋ»، «سويلەسۋ، تەكسەرۋ - زەرتتەۋ جانە كورسەتۋ، تەكسەرۋ وبيەكتىسىن بەلگىلەۋ»، «ىشكەرىلەي تەكسەرۋ، سارالاۋ وبيەكتىسىن العا قويۋ»، «تەكسەرۋ گرۋپپاسىنىڭ مالىمەتىن تىڭداۋ، ۇسىنىس ەسىمدىگىن العا قويۋ» سىندى 4 ۇلكەن ساتىعا ساي، كادرلاردىڭ ءمورالى، قابىلەتى، شوگەلدىگى، ناتيجەسى، پاكتىگى جان - جاقتى تەكسەرىلدى.
  19 - قۇرىلتاي اياسىندا كادرلاردى تەكسەرۋ قىزمەتىنە باسشىلىق ەتۋ گرۋپپاسى 7 رەت پارتيا ورتالىق كوميتەتى ساياسي بيۋروسىنىڭ تۇراقتى كوميتەتى 6 رەت ءماجىلىس اشىپ، تەكسەرۋ گرۋپپالارىنىڭ مالىمەتىن ءبىر - بىردەن تىڭداپ، پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتىعىنا كورسەتىلەتىن ادامداردىڭ ۇسىنىستىق ەسىمدىگىن اقىلداسىپ العا قويدى.
  جوعارى ولشەم ورناتىپ، قاتاڭ تالاپ قويدى
  − ساياسي ولشەمدى ماڭداي الدى ورىنعا قويىپ، كىرشىكسىزدىك ماسەلەسىندە «نولدىك توزىمدىلىك» كورسەتىپ، ساياسي وتكەل مەن پاكتىك وتكەلىن مىقتى يگەردى
  ادام تاڭداۋدا، ادام ىستەتۋدە ولشەم − تەتىك.
  پارتيا 18 - قۇرىلتايىنان بەرى، پارتيا ورتالىق كوميتەتى ءمورالدى دا قابىلەتتى بولۋدان، ءمورالدى الدىڭعى ورىنعا قويۋدان، كادرلاردى جەر - جەردەن سارالاۋدان، قابىلەتتىلەردى مىندەتكە تاعايىنداۋدان، پارتيا ىستەرىن باستى ورىنعا قويۋدان، ءادىل دە تۋراشىل بولۋدان جازباي، ادام ىستەتۋدىڭ دۇرىس بەتالىسىن جانە جاقسى كادر بولۋ ولشەمىن ونان ارى ايقىندادى:
  ءار دارەجەلى باسشى كادرلار ادال، كىرشىكسىز بولۋ، جاۋاپكەرلىك ارقالاۋ كەرەك، اسىرەسە، جوعارى دارەجەلى باسشى كادرلار، ەڭ الدىمەن، پارتياعا ادال بولۋى كەرەك؛ ورتالىق كوميتەتتىڭ مۇشەلەرى باستاماشىلدىقپەن جالپى جاعدايدى مەڭگەرۋى، دەموكراتيالىق ورتالىقتاندىرۋ تۇزىمىنە باستاماشىلدىقپەن تاباندى بولۋى، پارتيانىڭ تاڭداۋلى ستيلىن باستاماشىلدىقپەن ساۋلەلەندىرۋى، ۇكىمەت ىسىندە پاك بولۋ ەرەجەسىنە باستاماشىلدىقپەن بويسۇنۋى، ۇيرەنۋدى باستاماشىلدىقپەن كۇشەيتۋى كەرەك ...
  بولاشاقتا جۇڭگو جاڭا بورىش ارقالاپ، ۇلى گۇلدەنۋگە جول باستايتىن قانداي ساياساتشىلار ۇجىمىن قاجەت ەتەدى؟
  باس شۋجي شي جينپيڭ بىلاي دەپ ايقىن اتاپ كورسەتتى: پارتيا مەن حالىق ىستەرىنىڭ دامۋىنداعى كۇردەلى دە اۋىر مىندەتتەردى ورىنداۋعا ساياسيدا بەرىك، كاسىپكە جۇيرىك، جونگە سالۋعا شەبەر، جاۋاپكەرلىكتى باتىل ارقالايتىن، ستيلى دۇرىس باسشى تىرەكتىلەرىن تاڭداپ ءوسىرۋ قاجەت.
  مۇنداي باسشى تىرەكتىلەردى تاڭداپ وسىرۋدە، ءسوز جوق، ساياسي ولشەمدى ماڭداي الدى ورىنعا قويۋعا تاباندى بولىپ، ساياسيدا تولىمسىزداردى «ءبىر داۋىسپەن تەرىستەۋ» كەرەك −

  ساياسي ماسەلە − قاشاندا ءتۇبىرلى سيپات الاتىن كەلەلى ماسەلە.
  ساياسي ساپانى تەكسەرۋدەگى جاساندىلىقتى شىنايىلىققا وزگەرتۋ ءۇشىن، تەكسەرۋ گرۋپپاسى «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى» كانديداتتاردى تارازىعا سالۋدىڭ ساياسي ولشەمى ەتۋدەن جازباي، «4 تانىم» ارقىلى كانديداتتاردىڭ ساياسي ساپاسىن تەكسەرىپ، كانديداتتاردىڭ ساياسي تۇرعىسىن، ساياسي تۇراقتىلىعىن جانە ساياسي تارتىپكە، ساياسي قاعيداعا بويسۇنۋ جاعدايىن ىشكەرىلەي تەكسەردى.
  پارتيا ورتالىق كوميتەتىمەن وسكەلەڭ ءبىراۋىزدىلىقتى ساقتاماعانداردى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن سانالى تۇردە قورعاماعانداردى ءبىر داۋىسپەن تەرىستەدى؛ پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا كۇڭگىرت پوزيتسيادا بولعان، ءتىپتى، ىشتەي نارازى بولىپ، ءوز بەتىمەن كەتكەندەردى ءبىر داۋىسپەن تەرىستەدى؛ تۇرلاۋسىزداردى، جەلگە قاراي جىعىلاتىنداردى، اتاق - ابىرويىن قورعاشتايتىنداردى، اتالمىش «كوزى اشىق كورەگەندى ادام» بولعىسى كەلەتىندەردى، جاۋاپكەرلىك ارقالاۋعا باتىلى بارمايتىنداردى ءبىر داۋىسپەن تەرىستەدى ...
 ءبىرتالاي جولداس: بۇل رەتكى تەكسەرۋ «قىزىل سىزىق» سىزىپ، «بۇلجىماس ارقاۋ» تارتتى، «ساياسي وتكەل» مىقتى، شىنايى يگەرىلدى، ساياسيدا سەنىمسىزدەر سايلانۋدان ەكشەلىپ، باتىل رەتتەلىپ، اۋىستىرىلدى، - دەدى.   سونىمەن بىرگە، ۇلكەن دۇرىس، ۇلكەن بۇرىس ماسەلەسى الدىندا تۇرعىسى بەرىك كادرلار، ساياسيدا سەنىمدى، جاۋاپكەرلىكتى باتىل ارقالايتىن كادرلار، ءوز مەكەمە - ورنىنىڭ رەفورما ىستەرىن كۇش سالا ىلگەرىلەتكەن كادرلار توپ جارىپ العا شىعىپ، پارتيا ورتالىق كوميتەتى مەن ورتالىق ءتارتىپ تەكسەرۋ كوميتەتىنىڭ تەكسەرىلەتىن كاندايداتتار كولەمىنە كىردى.
  مۇنداي باسشى تىرەكتىلەردى تاڭداپ وسىرۋدە، ءسوز جوق، كىرشىكسىزدىك ماسەلەسىندە «نولدىك توزىمدىلىككە» تاباندى بولىپ، «ماسەلەسى بارلاردى كورسەتۋدەن»، «ماسەلەسى بارلاردىڭ سايلانۋىنان» ساقتانۋ كەرەك.
  كانديداتتاردىڭ كىرشىكسىزدىك وتكەلىن مىقتى يگەرىپ، جاڭا كەزەكتى ورتالىق باسشىلىق كوللەكتيۆىنىڭ كىرشىكسىزدىگىنە كەپىلدىك ەتۋ پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتارىن تەكسەرۋ قىزمەتىنىڭ بۇلجىماس پرينسيبىنە اينالدى.
  ءار كانديداتتىڭ كادرلار ارحيۆىن، ءسوز جوق، تەكسەرۋگە، جەكە باسىنا ساياتىن ىستەر مالىمەتىن، ءسوز جوق، اداقتاۋعا، ءتارتىپ تەكسەرۋ، باقىلاۋ - تەكسەرۋ ورگاندارىنىڭ پىكىرىن، ءسوز جوق، تىڭداۋعا، دەرەگى ناقتى، تەكسەرۋگە بولاتىن ارىز - ارمان، اشكەرەلەۋ ىستەرىن، ءسوز جوق، تەكسەرۋگە كەپىلدىك ەتتى؛ شارلاۋدان، قازىنالىق باقىلاۋدان اڭىس ەتىلگەن جاعدايلار، پارتيا ءتارتىبى، اكىمشىلىك ءتارتىپ جازاسىنا ۇشىراۋ جاعدايى سياقتىلارعا ىشكەرىلەي تالداۋ جۇرگىزىپ، تۇجىرىم جاسادى؛ كادرلاردىڭ «8 ساعاتتان تىس» جاعدايىن ءبىلۋ اياسىن كەڭەيتتى... مىنە وسىنداي وتكەلدەر پاكتىك تەكسەرۋىن قاتاڭداستىردى.
  تەكسەرۋدە بايقالعان كۇدىكتى تۇيىندەر مەن بايقالعان دەرەكتەردى تەكسەرۋ گرۋپپاسى مۇقيات اداقتاپ تەكسەرىپ، بىردە - ءبىر ماسەلە مەن كۇدىكتى ءتۇيىندى قاعىس قالدىرمادى.
  بىرەۋلەر ءبىر كادردىڭ ءوز اۋلاسىنا بايىرعى اعاشتى كوشىرىپ العانىن اڭىس ەتكەندە، تەكسەرۋ گرۋپپاسى دەرەۋ ادام جىبەرىپ، ونىڭ اۋلاسىن جاسىرىن تەكسەرتتى؛ بىرەۋلەر ءبىر كادردىڭ تەلەفون شالىپ، ءوز باستىعى ءۇشىن داۋىس جيناپ جۇرگەنىن اڭىس ەتكەندە، تەكسەرۋ گرۋپپاسى ىسكە قاتىستى اداممەن ارنايى سويلەستى ءارى ولكەلىك كوميتەت پەن ۇيىمداستىرۋ بولىمىنەن باسقا جولدار ارقىلى كوپ جاقتان اداقتاپ تەكسەرۋىن ءوتىندى.
  «لۋپا» استىندا «كەمىستىگى» بار كادرلار تەكسەرىلىپ انىقتالدى.
  بەلگىلى ءبىر جەردە تەكسەرۋ گرۋپپاسى قۇپتاۋشىلارى ءبىرشاما كوپ 2 كادردىڭ كىرشىكسىزدىككە ساياتىن ماسەلەسىن بىلگەن سوڭ، ولاردى ماجىلىستە اقىلداسۋعا كورسەتىلەتىندەر ەسىمدىگىنەن باتىل تۇردە شىعارىپ تاستادى. تەكسەرۋ اياقتاعان سوڭ، بۇل 2 كادر قىزمەتتىك قىلمىسقا شاتىلىپ، دەلو تۇرعىزىلىپ تەكسەرۋگە الىندى.
  وسىنداي باسشى تىرەكتىلەردى تاڭداپ وسىرۋدە، ءسوز جوق، پارتيا ءىسىن ماڭداي الدى ورىنعا قويۋعا، ىسىنە قاراپ ادام تاڭداۋعا تاباندى بولىپ، كانديداتتار وتكەلىن يگەرۋدە شىندىققا جۇگىنۋگە كەپىلدىك ەتتى −  ادام تاڭداۋ، ادام ىستەتۋدىڭ ماقساتى − قىزمەت ىستەپ، ناتيجە شىعارۋ.
  باس شۋجي شي جينپيڭ بىلاي دەپ باسا دارىپتەدى: كادرلاردىڭ ناقتى قىزمەت قابىلەتىنە ءمان بەرۋ، نەگىزگى ساتىدا تاباندىلىقپەن شىنىعىپ شىققان، جاپالى قىزمەت ورنىندا جانە ماشاقاتتى جەرلەردە شىڭدالىپ، قىزمەتتە كورنەكتى ناتيجە كورسەتكەن، شۇعىل، قيىن، قاتەرلى، ماڭىزدى مىندەتتەردى ورىنداعان كادرلارعا ءمان بەرۋ، ءورىس اشا العا ىلگەرىلەپ، جاۋاپكەرلىكتى باتىل ارقالاعان رەفورماشىل ىسكەرلەرگە ءمان بەرۋ، كاسىپتىك ويلاۋ قابىلەتى، كاسىپتىك ساپاسى، كاسىپتىك ءادىسى بار، قابىلەتتى، جونگە سالۋعا شەبەر، ءوز ءىسىنىڭ ماماندارىنا ءمان بەرۋ كەرەك.
  بەلگىلى ءبىر جەردەگى ءبىر ايەل كادر اۋەلدە تەكسەرىلەتىن وبيەكتى قاتارىنا الىنعان بولاتىن، ءبىراق ىشكەرىلەي تەكسەرۋ جانە جان - جاقتى سارالاۋ ارقىلى تەكسەرۋ گرۋپپاسى ونىڭ قابىلەتى پارتيا ورتالىق كوميتەتى مەن ورتالىق ءتارتىپ تەكسەرۋ كوميتەتىنىڭ كانديداتى تۋرالى تالابىنان بەلگىلى دارەجەدە الشاق ەكەنىن سەزدى. بايىپتىلىقپەن ويلانىپ، سونداي - اق جەرگىلىكتى پارتكومنىڭ نەگىزگى باسشىسىمەن قايتا - قايتا پىكىرلەسىپ، ونى كانديداتتار قاتارىنا الماي، ساياسي ساپاسى جاقسى، ۇزاق ۋاقىت ماشاقاتتى جەردە بولعان، ناتيجەسى ءبىرشاما كورنەكتى باسقا كادردى كانديداتتار تىزىمىنە كىرگىزدى.
  شىندىققا جۇگىنۋگە، ىسىنە قاراپ ادام تاڭداۋعا تاباندى بولىپ، قۇرىلىمدى، سالىستىرمانى عانا كوزدەيتىن كونە كوزقاراستى جوعالتىپ، دارىندىلارعا، كاسىپكە ءمان بەرەتىن جاڭا وزگەرىس تۋىنداتتى.
  ورتالىق پەن مەملەكەت ورگاندارىنىڭ قاتىستى ورىندارىندا تەكسەرۋ گرۋپپاسى «ساياساتشى + مامان» تالابى بويىنشا كانديداتتاردى تەكسەرىپ، ونىڭ جالپىلىق باسقارۋعا جەتىك - جەتىك ەمەستىگىنە، جالپى جاعدايدى مەڭگەرۋگە شەبەر - شەبەر ەمەستىگىنە قاراۋمەن بىرگە، وندا ءبىرشاما جوعارى ءبىلىم دەڭگەيى مەن كاسىپتىك ساپا بار - جوقتىعىنا، شەشۋشى ساتتە كەسىم جاساي الاتىن كاسىپتىك باتىلدىق بار - جوقتىعىنا دا قارادى.
  ساياسيدا تۇرعىسى بەكەم ەمەستەردى تەكسەرۋ كولەمىنە كىرگىزبەدى؛ كىرشىكسىزدىك جاعىندا ماسەلەسى بارلاردى تەكسەرۋ كولەمىنە كىرگىزبەدى؛ قابىلەتى كورنەكتى ەمەستەردى تەكسەرۋ كولەمىنە كىرگىزبەدى.   پارىقتى سان بويىنشا تەكسەرۋگە، پارىقتى سان بويىنشا تاڭداۋعا، جاقسىلارى اراسىنان ۇزدىكتەرىن تاڭداۋعا تاباندى بولىپ، كانديداتتاردىڭ شارتى مەن كورسەتىلەتىندەردىڭ سانى، قۇرىلىمى سياقتى جاعدايلاردى جان - جاقتى ويلاستىرىپ، تەكسەرىلەتىن 152 وبيەكتىنى تاڭداۋ وبيەكتىلەرىنىڭ قاتارىنا كىرگىزبەدى.
  كوپشىلىك بۇرىنعىمەن سالىستىرعاندا، وسى رەتكى تەكسەرۋدىڭ ولشەمى اناعۇرلىم جوعارى، يگەرىلۋى اناعۇرلىم قاتاڭ، ونىمدىلىگى اناعۇرلىم جاقسى بولعانىن، «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ» كانديداتتارىنىڭ ساپاسىنا كەپىلدىك ەتىپ عانا قالماستان، مۇنان كەيىنگى ادام تاڭداۋ، ادام ىستەتۋگە دە ولشەم تۇرعىزىپ، كادرلاردىڭ جەتىلۋىنە ايقىن بەتالىس سىلتەگەنىن اڭىس ەتتى.
  «ءماجىلىس اشىپ كورسەتۋگە»، «بەلەتكە بەلگى قويىپ كورسەتۋگە» بوي ۇرمادى
  − پارتيانىڭ باسشىلىعىنان جازباۋدى دەموكراتيانى تولىق ساۋلەلەندىرۋمەن ورگانيكالى ۇشتاستىرىپ، ساپالى، ءونىمدى دەموكراتيانى جۇزەگە اسىردى  
  2016 - جىلى تامىز ايىنىڭ باسىندا ءمالىم ولكەدەگى ءبىر كادر «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ» كانديداتتارىن كورسەتۋگە قاتىناساتىنى تۋرالى ۇقتىرۋدى تاپسىرىپ الادى.
  بۇرىنعى تاجىريبە بويىنشا، بۇل كادر بارىپ «ءماجىلىس اشىپ، بەلەت تاستاسا» جۇمىس بىتەدى دەپ ويلايدى. ويلاماعان جەردەن، تەكسەرۋ گرۋپپاسى ءماجىلىس تە اشپاي، بەلەت تە تاستاتپاي، قايتا ونىمەن اڭگىمەلەسۋ فورماسىن قولدانادى. اۋەلى، اڭگىمەلەسۋدە كانديداتتى كورسەتىپ، بىرەر اۋىز كوزقاراسىن ايتۋ عانا بولماي، قايتا وتە ىشكەرىلەپ، ەمەۋرىن كورسەتپەي، ۋاقىتقا دا شەكتەمە قويىلمايدى، وتە جىنتىكتەپ، سابىرمەن سۇراپ، الدى - ارتىنا جيىنى 2 − 3 ساعات جۇمسايدى.
  «ءماجىلىس اشىپ كورسەتۋگە»، «بەلەتكە بەلگى قويىپ كورسەتۋگە» بوي ۇرمادى، ونىڭ ورنىنا ىشكەرىلەي اڭگىمەلەسىپ، تەكسەرۋ - زەرتتەۋ جۇرگىزدى، بۇل وزگەرىس «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ» كادرلار ىستەرىنىڭ دايىندىق قىزمەتىنىڭ ۇستانىمىنداعى جاسامپازدىقتى شوعىرلى ايگىلەدى.
  «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ» كانديداتتارىن تەكسەرۋ قىزمەتىنە كوپ رەت قاتىناسقان ءبىر جولداستىڭ تانىستىرۋىنشا، بۇرىنعى تەكسەرۋ قىزمەتىندە ءبىرىنشى باسقىشتا ولكەلىك، اۆتونوميالى رايوندىق، قالالىق پارتكومدار جالپى (كەڭەيتىلگەن) ءماجىلىس اشىپ، بەلەت تاستاپ كورسەتەدى ەكەن. مۇنداي «ءماجىلىس اشىپ كورسەتۋ»، «بەلەتكە بەلگى قويىپ كورسەتۋ» جولىمەن كادر سايلاعاندا ينفورماتسيا سيممەتريالى بولمايتىندىقتان، كوپتەگەن ادامدار بايلانىس بويىنشا كوڭىلگە قاراپ بەلەت تاستايدى دا، سايلانعاندار ەڭ تاڭداۋلى كادر بولۋى ەكىتالاي بولادى ءارى بەلەت جيناۋ، پارا بەرىپ سايلانۋ سياقتى كوپتەگەن ولقىلىقتار تۋىلادى، ءتىپتى، «كەسىكتى ۇقىق»، «كەسىكتى زات» ساۋداسى جارىققا شىعادى. مۇندايدا دەموكراتيانىڭ ءمانى وزگەرىپ، بەتالىستان اداسادى. كادرلار جاۋاپكەرسىزدىك ىستەپ، پارتيا ۇيىمدارى جاۋاپكەرلىگىنەن جازىپ، پارتيانىڭ باسشىلىعى السىرەيدى.
  وسى ماسەلەگە ساي، پارتيا ورتالىق كوميتەتى 2014 - جىلى «پارتيا، ۇكىمەت باسشىلارىن، كادرلارىن تاڭداپ ءوسىرۋ، مىندەتكە قويۋ قىزمەتى ەرەجەسىنە» وزگەرىس ەنگىزىپ، باسىپ تاراتىپ، دەموكراتيالىق كورسەتۋ بەلەت كەرەك ەمەس دەگەندىك ەمەس، قايتا «تەك بەلەتكە عانا قاراماۋ» سىندى فۋنكتسيالىق رولىن قايتادان تۇراقتاندىردى.
  «ءبىز دەموكراتيانى ساۋلەلەندىرۋىمىز كەرەك، ءبىراق سايلاۋ بەلەتىنىڭ پارتيانىڭ كادرلاردى باسقارۋ پرينسيبىن وقشاۋلاۋىنا بولمايدى». «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ» كادرلار ىستەرىنىڭ دايىندىق قىزمەتى باستالعاننان كەيىن، باس شۋجي شي جينپيڭ «ءماجىلىس اشىپ كورسەتۋگە، بەلەتكە بەلگى قويىپ كورسەتۋگە بوي ۇرماۋ، كادرلاردى سايلاۋدا، كادرلاردى ىستەتۋدە پارتيا ۇيىمدارى، ءسوزسىز، باسشىلىقتى كۇشەيتىپ، وتكەلدى تىڭعىلىقتى يگەرۋ كەرەك» دەپ ايقىن ورتاعا قويدى.
  ورتالىقتىڭ تالابىنا ساي، تەكسەرۋ گرۋپپاسى پارتيانىڭ باسشىلىعىنان جازباۋ مەن دەموكراتيانى تولىق ساۋلەلەندىرۋدى ۇشتاستىرىپ، تەكسەرۋ قىزمەتىنىڭ تۇتاس بارىسىندا پارتيا ۇيىمدارىنىڭ وتكەلدى يگەرۋ رولىن تولىق ساۋلەلەندىردى.
  پارتيانىڭ باسشىلىعىنان جازباۋ مەن دەموكراتيانى تولىق ساۋلەلەندىرۋدى ۇشتاستىرۋ كورسەتۋ فورماسىن جاقسارتۋدان ايگىلەندى − الدىمەن اڭگىمەلەسىپ تەكسەرۋ جۇرگىزىپ، پىكىر تىڭداپ، پايدالانۋ ەسىمدىگىن شىعارعاننان كەيىن بارىپ ماجىلىستە كورسەتتى.
  ءبىر كادر مىنانى اڭىس ەتتى: قيت ەتسە بولدى، نەشە 100 ادام «دۇرلىگىپ» بەلەت تاستايتىن كورىنىس جوعالدى، ءبىراق اڭگىمەلەسۋ كولەمى كەڭەيدى، اڭگىمەلەسۋ مازمۇنى ەگجەي - تەگجەيلى بولدى. تەكسەرۋ گرۋپپاسى ولارعا بارىپ بەتپە - بەت اڭگىمەلەسىپ، كەڭ كولەمدە، ىشكەرىلەي پىكىر الدى، «بۇل − شىن اتىمەن اتىن اتاپ كورسەتۋ بولدى، اڭگىمەلەسۋگە قاتىناسقان ادامداردىڭ سانى بۇرىن ماجىلىسكە قاتىناسىپ تانىستىراتىن ادامداردىڭ سانىنان دا كوپ بولدى».
  «كادرلاردىڭ كوڭىل كۇيى جايبىراقات، باسشىلاردىڭ ماڭايى تىنىش، قوعامنىڭ اڭىسى جىم - جىلاس بولدى». جەرگىلىكتى ورىندا ۇزاق جىل قىزمەت ىستەگەن ءبىر كادر مىنانى اڭىس ەتتى: بۇرىن تەكسەرۋ گرۋپپاسى كەلىسىمەن كورسەتۋ ءماجىلىسىن اشىپ، كۇللى جۇرتتى اۋرە - سارساڭعا سالىپ، كەيبىر كادرلاردىڭ مازاسى كەتەتىن. وسى جولى اڭگىمەلەسۋگە قاتىناسپاعان بولسام، تەكسەرۋ گرۋپپاسىنىڭ مۇندا قىزمەت ورىستەتىپ جاتقانىن بىلمەي قالار ەدىم.
  پارتيانىڭ باسشىلىعىنان جازباۋ مەن دەموكراتيانى تولىق ساۋلەلەندىرۋدى ۇشتاستىرۋ اڭگىمەلەسۋ فورماسىن جاقسارتۋدان ايگىلەندى − اڭگىمەلەسۋ تەكسەرۋدىڭ ءبىر بۋىنىنان تۇتاس بارىسىنا كەڭەيدى، اڭگىمەلەسۋدىڭ باعىتتامالىلىعى، ناقتى ونىمدىلىگى مەن يكەمدىلىگى اناعۇرلىم كۇشەيدى.
  «ءماجىلىس اشىپ كورسەتۋگە»، «بەلەتكە بەلگى قويىپ كورسەتۋگە» بوي ۇرماۋ دەموكراتيا كەرەك ەمەس دەگەندىك ەمەس، بۇل قايتا دەموكراتيانىڭ شىنايىلىعىن، ونىمدىلىگىن تولىق ساۋلەلەندىرىپ، پارتيا ىشىندەگى دەموكراتيانىڭ ساپاسى مەن ونىمدىلىگىن ونان ارى جوعارىلاتۋ بولىپ تابىلادى.
  ساناققا نەگىزدەلگەندە، تەكسەرۋ گرۋپپاسى ورتا ەسەپپەن ءار ولكەدەن 1500دەن استام ادام - رەت اڭگىمەلەسكەن، بۇل بۇرىنعى ماجىلىسكە قاتىناسىپ كانديدات كورسەتەتىن ادامداردىڭ سانىنان الدەقايدا كوپ. ءار رەتكى اڭگىمەلەسۋدىڭ رولى دا تۇرلىشە، كەيبىرەۋىنىڭ ءتۇيىنى اشكەرەلەۋ مەن تانىستىرۋعا شوعىرلانسا، كەيبىرەۋىنىڭ ءتۇيىنى سالىستىرۋ، سارالاۋ، كەيبىرەۋىنىڭ ءتۇيىنى ىشكەرىلەي باعالاۋ، كەيبىرەۋىنىڭ ءتۇيىنى ناقتى تۇجىرىمداۋ بولدى.
  ءبىر ساقا جولداس بىلاي دەدى: يان - ان مەزگىلىندە، پارتيا ۇيىمى كادرلاردىڭ جاعدايىن ۇعىسۋ ءۇشىن تۇندە قولدارىنا شام الىپ، تاۋ اسىپ، تاس باسىپ بارىپ كادرلارمەن اڭگىمەلەسەتىن. رەفورما جاساپ، ەسىك اشۋدىڭ العاشقى مەزگىلىندە كادر قاتتى قاجەت بولدى، كوپ ۋاقىتتاردا دا ۇيىم كادرلارعا بارىپ كۇنى بويى اڭگىمەلەسەتىن. «قازىر پارتيانىڭ تاماشا ءداستۇرى قايتا ورالدى».
  پارتيانىڭ باسشىلىعىنان جازباۋ مەن دەموكراتيانى تولىق ساۋلەلەندىرۋدى ۇشتاستىرۋ پارتيا ىشىندەگى دەموكراتيا مەن ورتالىقتاندىرۋدىڭ ورگانيكالى بىرلىگىنەن دە ايگىلەندى − سايلاۋ بارىسىندا دەموكراتيانى تولىق ساۋلەلەندىرۋمەن بىرگە، دەموكراتيا نەگىزىندەگى ورتالىقتاندىرۋعا دا ءمان بەرىلدى.
  تەكسەرۋ گرۋپپاسى تولىق پىكىر الۋ نەگىزىندە العا قويعان ماجىلىستە كورسەتۋگە پايدالاناتىن ەسىمدىكتى پارتيا 19 - قۇرىلتايى اياسىندا كادرلاردى تەكسەرۋگە باسشىلىق ەتۋ گرۋپپاسىنىڭ ماقۇلداۋىنا جولداۋى كەرەك، بۇل ءبىرىنشى رەتكى دەموكراتيا نەگىزىندەگى ورتالىقتاندىرۋ بولدى؛ ماجىلىستە كورسەتىلگەننەن كەيىن، تەكسەرۋ گرۋپپاسى تاعى دا تەكسەرۋ وبيەكتىلەرىنىڭ العاشقى كانديداتتارىن قايتادان جوعارىنىڭ تەكسەرىپ بەكىتۋىنە جولدايدى، بۇل ىشكەرىلەي ورتالىقتاندىرۋ بولدى.
  وسىنداي ءادىس - باسقىشتار «دەموكراتيا نەگىزىندەگى ورتالىقتاندىرۋ مەن ورتالىقتاندىرۋدىڭ جەتەكشىلىگىندەگى دەموكراتيانى ۇشتاستىرۋدىڭ» ماندىك تالابىنا ۇيلەسىپ عانا قالماستان، پارتيا ۇيىمىنىڭ باسشىلىعى مەن وتكەلدىك يگەرۋ رولىن ناقتى تياناقتاندىرۋعا ءتيىمدى بولىپ، قالىڭ كادر - بۇقارانىڭ القاۋى مەن قولداۋىنا يە بولدى.
  ءمالىم ولكەدەگى ءبىر كادرعا تەكسەرۋ جۇرگىزگەندە، كەيبىر جولداستار ونىڭ قىزمەت تاسىلىنە باسقاشا كوزقاراستا بولدى.
  تەكسەرۋ گرۋپپاسى بەلەتكە عانا قاراپ قالماي، سىڭار جاقتىلىق ەتپەي، ىشكەرىلەي تەكسەرۋ ارقىلى بۇل كادردىڭ مىنەزى تىك ەكەنىن، باسقالاردى رەنجىتىپ الۋدان قورىقپايتىنىن، ءبىر جولدا 1100دەن استام لاستاۋشى شاعىن كاسىپورىنداردى، شاعىن شەبەرحانالاردى جاۋىپ تاستاپ، كەيبىر مۇددەلى ادامداردىڭ نالاسىنا قالعانىمەن، قالىڭ كادر - بۇقارانىڭ قولداۋىنا يە ەكەنىن بايقادى.
  «ەگەر بۇرىنعىداي الدىمەن بەلەت تاستاپ كورسەتۋ بولسا، بۇل كادر كورسەتۋ اياسىنان تىس قالۋى مۇمكىن ەدى»، - دەدى تەكسەرۋ گرۋپپاسىنىڭ جاۋاپتىسى.
  اۋەلگى بەينەسىنە قايتتى ءارى رەفورمادا جاڭالىق اشتى، پاراساتقا تولى بولۋمەن بىرگە، ەل جۇرەگىنە ۇيالادى. كوپشىلىك جاپپاي مىنانى اڭىس ەتتى: تەكسەرۋ قىزمەتى پارتيا ورتالىق كوميتەتىنىڭ جاڭا ۇستانىمدارىن، جاڭا تالاپتارىن جانە باس شۋجي شي جينپيڭنىڭ ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، پارتيا 18 - قۇرىلتايىنان بەرگى كادرلار قىزمەتىندەگى جاڭا تاجىريبەلەردى تولىق قابىلدادى، ول دەموكراتيا ساپاسىنىڭ جوعارىلاۋى، سايلاۋ ساپاسىنىڭ جاقسارۋى بولدى.
  ادامدى دالمە - ءدال سارالادى، ادامدى عىلمي ىستەتتى
  − قىزمەت تەكسەرۋ تاسىلىندە، ادىسىندە جاڭالىق اشۋعا كۇش سالىپ، پارتيا مەن حالىق ىستەرى قاجەت ەتەتىن جاقسى كادرلاردى سارالاپ شىقتى
  باس شۋجي شي جينپيڭ تەكسەرۋ قىزمەتىنىڭ ۇستانىمىن، وي جەلىسىن، ءتارتىبىن، باسقىشىن، ءتاسىلىن، ءادىسىن جاڭالاپ، كادرلاردى دالمە - ءدال تەكسەرۋگە، ناقتى تەكسەرۋگە، كادرلاردى دۇرىس ىستەتۋگە، ويداعىداي ىستەتۋگە كەپىلدىك ەتۋدى تالاي مارتە باسا دارىپتەدى.
  قايتكەندە دالمە - ءدال تەكسەرۋگە، ناقتى تەكسەرۋگە بولادى؟ باس شۋجي بىلاي دەپ اتاپ كورسەتتى: ءبىرىنشى، جاعدايدى ىشكەرىلەي، اشالاپ، كوپ ارنالى، كوپ ساتىلى، كوپ جاقتى ۇعىسۋ كەرەك؛ ەكىنشى، جاپپاي دالەلدەۋ كەرەك، ياعني ادامنىڭ ارتىقشىلىعى مەن كەمشىلىگىن ءبىلۋ، سونداي - اق ارتىقشىلىعىنداعى كەمشىلىگىن ءبىلۋ، كەمشىلىگىندەگى ارتىقشىلىعىن ءبىلۋ كەرەك؛ ءۇشىنشى، جۇمىستىڭ قاجەتىنە قاراۋ كەرەك، جۇمىس قاجەتىنىڭ، قىزمەت ورنىنىڭ تالابىن كادرلاردىڭ جەتىلۋىن جەبەۋمەن، ءار تاراپتىڭ بەلسەندىلىگىن جۇمىلدىرۋمەن ۇشتاستىرۋ كەرەك.
  باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، پارتيا 19 - قۇرىلتايى اياسىندا كادرلاردى تەكسەرۋگە باسشىلىق ەتۋ گرۋپپاسى مەن ءارقايسى تەكسەرۋ گرۋپپاسى ادام سارالاۋدىڭ، ادام ىستەتۋدىڭ دالمە - ءدال، عىلمي بولۋ نىساناسىن كوزدەپ، بەلسەنە ىزدەنىس جاساپ، ءبىر قىدىرۋ جاڭا ادىستەردى، جاڭا شارالاردى امالياتتا ءساتتى ايگىلەدى.
  − تەكسەرۋ تاسىلىندە جاڭالىق اشىپ، ىشكەرىلەي اڭگىمەلەستى ءارى جۇمىس ۇستىندە باقىلادى.
  تەكسەرۋ ماقساتى − شىن ءسوزدى تىڭداۋ، ناقتى جاعدايدى تەكسەرۋ. تەكسەرۋ گرۋپپاسى نازاردى وسى نىسانا مەن تالاپقا اۋدارىپ، بۇقارالىق لۋشياننان اۋىتقىماي، تەكسەرۋ ءتاسىلىن امالدىڭ بارىنشا جاقسارتتى.  اڭگىمەلەسۋ الدىندا دايىندىق قىزمەتتەردى جاقسى ىستەپ، ماسەلەلەردى دەن قويا جوبالاپ، اڭگىمەلەسۋدىڭ كىرىسۋ ءتۇيىنى مەن كۇش سالۋ ءتۇيىنىن ءدال تاپتى؛ اڭگىمەلەسۋ بارىسىندا ۋاقىت شەكتەمەسىن قويمادى، كەيبىرەۋلەرمەن 2 − 3 ساعات اڭگىمەلەستى، كەيبىرەۋلەرمەن اڭگىمە كۇندىز اياقتاماسا، كەشتە اڭگىمەلەستى؛ يدەيالىق جاقتا الاڭداۋشىلىعى بارلارعا جولىققاندا، ەستەلىك داپتەردى الماي، كومپيۋتەردى ءسوندىرىپ، ەركىن ورتا ازىرلەدى....
  اڭگىمەلەسۋدەگى كەم - كەتىكتى تولىقتاۋ تۇرعىسىنان، تەكسەرۋ گرۋپپاسى جۇمىس ۇستىندە تەكسەرۋگە، اياسىن كەڭەيتۋگە، بارىسىن ۇزارتۋعا ەرەكشە ءمان بەرىپ، اشىق، جاسىرىن تەكسەرۋ ءتاسىلىن قولدانىپ، كانديداتتاردىڭ شىنايى جاعدايىن ىشكەرىلەي ۇعىستى:
  تاكسيگە وتىرىپ، قالالاردىڭ ءمالى اۋماعىنا، ساۋدا دۇكەندەرىنە، باقشالارعا، الاڭدارعا بارىپ، قالا كەلبەتىن، قالا بەينەسىن كورىپ، اڭىستارعا قۇلاق ءتۇرىپ، ءتۇيىندى نىسانداردى كوردى؛ اۋىل - قىستاقتارعا بارىپ، كەدەي وتباسىلارىن ارالاپ، كەدەيلىكتەن قۇتىلدىرۋدان قامال الۋ جانە كورىكتى اۋىل - قىستاق قۇرىلىسى جاعدايىن كوزدەن كەشىردى؛ ۇيلەردى ارالاپ، ساقا جولداستاردىڭ پىكىرىن تىڭدادى...
  كوپشىلىك بۇل رەتكى تەكسەرۋدە اڭگىمەلەسۋ ەمىن - ەركىن، قۇنتتى، تەكسەرۋ گرۋپپاسىنىڭ سۇراۋى وتە ەگجەي - تەگجەيلى، وتە شىنايى بولدى، ءبىز دە شىن سويلەۋگە، جۇرەك ءسوزىمىزدى ايتۋعا قاقىلىمىز دەپ سانادى.
  تەكسەرۋ ماتەريالىن كەمەلدەندىرۋدە سۋرەت، «سۋرەتكە ءتۇسىرۋ، كەسكىنگە الۋ» قامتىلدى.
  تەكسەرۋ ماتەريالدارى تەكسەرۋ تابىسىنىڭ ايگىسى، سونداي - اق تەكسەرۋ قىزمەتى دەڭگەيىنىڭ بەينەسى.
  «بايانداۋ اناعۇرلىم دالمە - ءدال، مازمۇن اناعۇرلىم ناقتى، ءتىل اناعۇرلىم ۇعىنىقتى، ەرەكشەلىك اناعۇرلىم ايقىن بولۋ» تالابىنا جەتۋ ءۇشىن، تەكسەرۋ گرۋپپالارى «شوگەلدىك» ونەرىن كورسەتتى.   كەيبىرى ادام سارالاۋدىڭ شەشۋشى ينفورماتسياسىن، دارالىق ەرەكشەلىگىن يگەرىپ، ونىڭ ەرەكشەلىگىن دالمە - ءدال جيناقتاپ، ونىڭ وبرازىن كۇش سالا ايشىقتادى؛ كەيبىرى امالياتپەن بىرلەستىرە سويلەدى، كادرلاردىڭ ءمورالى مەن دارىن جاعىنداعى بەينەسى اناعۇرلىم شىنايى، ناقتى، شىندىققا جاناسىمدى بولدى.
  تەكسەرۋ گرۋپپاسىنىڭ مالىمەتىن تىڭداعان كەزدە، كەيبىر باسشى جولداستار: «ۇقساتىپ ايشىقتالدى، دالمە - ءدال ايشىقتالدى، تەكسەرۋ ماتەريالدارىنان سول ادامنىڭ ءوزىن كورگەندەي بولدىق» دەپ باعا بەردى.  − تالداۋ جاساۋدى، تۇجىرىمداۋدى كۇشەيتىپ، قۇبىلىس ارقىلى وزىندىك سيپاتىن كوردى.
  پارتيا ورتالىق كوميتەتى مىنالاردى ايقىن العا قويدى: پارتيا 19 - كەزەكتى ورتالىق كوميتەتى مەن پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتارىن تەكسەرۋ قىزمەتىندە كادرلاردىڭ جالپىلىق بەينەسىن بايقاۋعا باسا ءمان بەرۋ كەرەك؛ ءارى كاسىپتىك دامۋىنا قاراۋ، ءارى پارتيا قۇرىلىسى قىزمەتىنە قاراۋ كەرەك؛ ءارى قىزمەت ناتيجەسىنە قاراۋ، ءارى سۋبيەكتيۆتىڭ قۇلشىنىسىنا قاراۋ كەرەك؛ ءارى رەال جاعدايىنا قاراۋ، ءارى دامۋ بەتالىسىنا قاراۋ كەرەك؛ ءارى باسشىلىق القاسىنىڭ تۇتاس تۇلعاسىنا قاراۋ، ءارى كادرلاردىڭ وزىندىك بەينەسىنە قاراۋ كەرەك؛ سالىستىرۋ بارىسىندا كادرلاردى پارىقتاۋعا، ساياسي ساپاسى، قىزمەت كەشىرمەسى، كاسىپتىك ساپاسى، ءمورالى، مىنەز - قۇلقى جانە تۇتاس القانىڭ ۇيلەسىمدىلىگى جانە سايكەسىمدىلىگى سياقتى جاقتاردان سالىستىرا تالداۋ جاساۋعا ءمان بەرۋ كەرەك.
  تەكسەرۋ گرۋپپالارى «پىكىر اۋىستىرۋعا، سالىستىرۋعا، قايتا قاراۋعا» تاباندى بولىپ، ىشكەرىلەي تالداۋ جاساپ، تۇجىرىمداپ، كادرلارعا وبيەكتيۆ، ءادىل باعا بەردى.
  ءبىر كانديداتقا تەكسەرۋ جۇرگىزگەندە، كەيبىر جولداستار سول كادردىڭ قىزمەت كەشىرمەسى مول بولعانىمەن، ەرەكشەلىگىن ءداپ باسىپ ايتۋ قيىن ەكەندىگىن سەزىندى. كوللەكتيۆ تالداۋ جاساۋ ارقىلى تەكسەرۋ گرۋپپاسى بىلاي دەپ قارادى: بۇل كادر قالالىق پارتكومنىڭ شۋجيى بولعان كەزىندە اۋىل - قىستاقتاردى كەدەيلىكتەن قۇتىلدىرۋدى، شارۋالاردىڭ كىرىسىن ارتتىرۋدى يگەرۋگە باسا ءمان بەرگەن؛ ۇكىمەتتە ورىنباسارلىق مىندەت اتقارعان كەزىندە، كەدەيلىكتەن قۇتىلدىرۋدان قامال الۋعا بۇرىنعىسىنداي دەن قويىپ، بۇرىنعى وي جەلىسى بويىنشا ىستەدى، ونىڭ ۇستىنە جۇمىسىنان ناتيجە شىعاردى، بۇل ونىڭ تەبىندى، «شەگە قاعۋ» رۋحى بار ەكەندىگىن تۇسىندىرەدى.  ءبىر تەكسەرۋ وبيەكتى جونىندە تەكسەرۋ گرۋپپاسى ءىشىنارا تۇرلىشە پىكىرلەردى ەستىدى. وسى كادرعا جاۋاپتى بولۋ پرينسيبىن ارقاۋ ەتكەن تەكسەرۋ گرۋپپاسى كوپ جاقتى دالەل ىزدەۋ، كوپ رەت زەرتتەۋ ارقىلى ول جونىندە اناعۇرلىم وبرازدى، اناعۇرلىم تىكە، اناعۇرلىم تەرەڭ تانىمعا يە بولىپ، ءىشىنارا جولداستاردىڭ ول جونىندە تۇرلىشە كوزقاراستا بولۋ سەبەبىن انىقتاپ، وسى كادردا قىزمەت ءادىسى ماسەلەسى ساقتالعان، ال پرينسيپتىك ماسەلە جوق دەگەن قورىتىندى جاسادى.
  بۇل رەتكى تەكسەرۋ قىزمەتى ءارى پارتيانىڭ ىشكى ساياسي ەكولوگياسى جونىندەگى ءبىر رەتكى سىناق، ءارى بۇكىل پارتيا مۇشەلەرىنىڭ ءتارتىپ تانىمى، قاعيدا تانىمى جونىندەگى ءبىر رەتكى ىسىلۋ.
  وسىنىڭ الدىندا لياۋنيڭ سياقتى جەرلەردە تۋىلعان داۋىس جيىپ، سايلاۋدا قارالىق ىستەۋ، سايلاۋدى ءبۇلدىرۋ دەلوسىنا بايلانىستى، باس شۋجي شي جينپيڭ پارتيا 19 - كەزەكتى ورتالىق كوميتەتى مەن پارتيا 19 - كەزەكتى ورتالىق ءتارتىپ تەكسەرۋ كوميتەتى كانديداتتارىن تەكسەرۋ قىزمەتىندە ەڭ باتىل پوزيتسيا، ەڭ كەسىمدى شارا ارقىلى ستيلى پاك، سالتى دۇرىس بولۋعا كەپىلدىك ەتىپ، تاماشا ساياسي ەكولوگيانىڭ قالىپتاسۋىن ىلگەرىلەتۋ كەرەكتىگىن ايقىن تالاپ ەتتى.
  تەكسەرۋ گرۋپپالارى ورتالىقتىڭ ءتۇرلى ءتارتىپ تالابىن قاتاڭ اتقارىپ، ءتۇزىمدى ورناتىپ، اقاۋسىزداندىرىپ، «قاعيدادان قاعىس قالاتىن جەر بولماۋعا» مۇمكىندىك جاسادى؛ بەتكە قارايتىن كوڭىل كۇيدى باتىل جەڭىپ، «سىرعاقتىق»، «بۇقپانتايلىق»، «جالتاقويلىق» سياقتى قاعيداعا، ەرەجەگە، زاڭعا قايشى ءتۇرلى - ءتۇستى ارەكەتتەردى قاتاڭ ءبىر جاقتى ەتتى.
 دەن قويا سارالاپ، سىعايلاپ شىعاردى.
  دالمە - ءدال، عىلمي تۇردە ىشكەرىلەي تەكسەرۋ، سالىستىرۋ، تاڭداۋلىلاردى سارالاۋ ارقىلى پارتيا 19 - قۇرىلتايى اياسىندا كادرلاردى تەكسەرۋگە باسشىلىق ەتۋ گرۋپپاسى پارتيا 19 - كەزەكتى ورتالىق كوميتەتى مەن پارتيا 19 - كەزەكتى ورتالىق ءتارتىپ تەكسەرۋ كوميتەتى كانديداتتىعىنا سارالاناتىن وبيەكتىلەردى اقىلداسىپ العا قويدى. 2017 - جىلى 25 - قىركۇيەكتە ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى ءبىر تۇتاس ويلاستىرىپ، پارتيا 19 - كەزەكتى ورتالىق كوميتەتى مەن پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتىعىنا كورسەتىلگەندەردىڭ ۇسىنىس ەسىمدىگىن اقىلداسىپ العا قويدى. 29 - قىركۇيەكتە باس شۋجي شي جينپيڭ ج ك پ ورتالىق كوميتەتى ساياسي بيۋروسى ءماجىلىسىن باسقارىپ اشىپ، پارتيا 19 - كەزەكتى ورتالىق كوميتەتى مەن پارتيا 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتىعىنا كورسەتىلگەندەردىڭ ۇسىنىس ەسىمدىگىن قاراپ ماقۇلدادى ءارى پارتيانىڭ مەملەكەتتىك 19 - قۇرىلتايىندا سايلاۋعا تاپسىرۋدى ۇيعاردى.
  جۇڭگونى باستاپ، بۇرىنعىعا مۇراگەر بولىپ، بولاشاققا جول اشتى
  − جاڭا كەزەكتى پارتيا ورتالىق كوميتەتى باسشىلىق كوللەكتيۆىنىڭ ساپاسى جاقسى، قۇرىلىمى ۇيلەسىمدى، بۇكىل پارتيا، بۇكىل ارميا، بۇكىل ەلدەگى ءار ۇلت حالقىنىڭ سەنىم ارتۋىنا تاتيدى
  ەل باسقارۋدىڭ تەتىگى، اۋەلى، ادام ىستەتۋدە.
  ۇلتتىڭ گۇلدەنۋىندەي ۇلى ىسكە باسشىلىق ەتىپ وتىرعان جۇڭگو كوممۋنيستىك پارتياسى تاعى ءبىر رەت ماڭىزدى مىندەتتى باتىلدىقپەن ارقالايتىن ساياساتشىلار ۇجىمىن سايلاپ شىقتى.
  2017 - جىلى 20 - قازاندا پارتيا 19 - قۇرىلتايىنىڭ ءتوراعالار القاسى 2 - جيىنىن وتكىزدى. پارتيا 18 - كەزەكتى ورتالىق كوميتەتى ساياسي بيۋروسىنىڭ تاپسىرۋىمەن ليۋ يۇنشان پارتيا 19 - كەزەكتى ورتالىق كوميتەتىنىڭ مۇشەلىگىنە، كانديدات مۇشەلىگىنە جانە ورتالىق ءتارتىپ تەكسەرۋ كوميتەتىنىڭ مۇشەلىگىنە ۇسىنىس رەتىندە كورسەتىلگەن كانديداتتاردىڭ ەسىمدىگى جونىندە تۇسىنىك جاسادى. قۇرىلتايدىڭ ءتوراعالار القاسىنىڭ جيىنى پارتيا 18 - كەزەكتى ورتالىق كوميتەتى ساياسي بيۋروسى ۇسىنعان ەسىمدىكتى داۋىسقا سالىپ ماقۇلداپ، ونى جالپى ۋاكىلدەردىڭ اقىلداسۋىنا تاپسىردى.
  قۇرىلتاي كەزىندە پارتيانىڭ 19 - قۇرىلتايىنا قاتىناسقان ۋاكىلدەر مەن ۇسىنىس ەتىلگەن ۋاكىلدەر كانديداتقا ۇسىنىلعانداردىڭ ەسىمدىگىن بايىپتىلىقپەن مۇقيات قاراپ، دەن قويا تالقىلاپ، پارتيا مەن حالىققا وسكەلەڭ جاۋاپتى بولۋ رۋحىن ايگىلەدى.
  ۋاكىلدەر تەگىس بىلاي دەپ قارادى: «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ» كانديداتتارىن كورسەتۋدە دەموكراتيالىق ورتالىقتاندىرۋ پرينسيبىندە، پارتيانىڭ باسشىلىعى مەن دەموكراتيانى ساۋلەلەندىرۋدى ءوزارا ۇشتاستىرۋدا تاباندى بولىپ، بۇكىل پارتيانىڭ تىلەگىن تولىق توعىستىردى، كەڭ كولەمدى جانە بەرىك حالىق رايى نەگىزى بار.
  ۋاكىلدەر ۇسىنىس رەتىندە كورسەتىلگەن كانديداتتاردىڭ ەسىمدىگىنە جوعارى باعا بەرىپ، بىلاي دەپ قارادى: بۇل جان - جاقتى ويلاستىرىلعان، ءبىرشاما كەمەلدى جوبا بولدى، كانديداتقا كورسەتىلگەندەردىڭ ساپاسى، جالپى جاقتان العاندا، ۇزدىك، قۇرىلىمى عىلمي، ۇيلەسىمدى، وتە - موتە، ساياسي تانىمى، جالپى جاعداي تانىمى، ۇيتقى تانىمى، ساپ تۇزەۋ تانىمى كۇشتى، پارتيا ورتالىق كوميتەتىنىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن باتىلدىقپەن ىلگەرىلەتەتىن جانە امالياتتا ايگىلەيتىن، قىزمەت ورنىندا كورنەكتى ناتيجە جاراتقان، پارتيانىڭ تاڭداۋلى ءداستۇرى مەن ستيلىن سانالى تۇردە ساۋلەلەندىرگەن، قالتقىسىز ادال، كىرشىكسىز، جاۋاپكەرلىكتى باتىلدىقپەن ارقالايتىن، كادرلار مەن بۇقارا اراسىندا ءبىرشاما بەدەلدى، تاڭداۋلى كادرلاردى تولىقتاپ، پارتيامىزدىڭ كەڭ كولەمدى ۇيىستىرۋ قۋاتى مەن پارمەندى جاۋىنگەرلىك قۋاتىن ايگىلەدى.
  ۇلى ءىس نەشە ۇرپاق كوممۋنيستەردىڭ الدىڭعىلاردىڭ ءىزىن سوڭعىلار باسىپ، تالىقپاي قۇلشىنۋىن قاجەت ەتەدى. ۋاكىلدەر بىلاي دەپ اتاپ كورسەتتى: پارتيا 18 - كەزەكتى ورتالىق كوميتەتى مەن 18 - كەزەكتى ورتالىق ءتارتىپ تەكسەرۋ كوميتەتىندەگى كوپتەگەن جولداستاردىڭ پارتيا مەن حالىقتىڭ ءىسىن ماڭىزدى ورىنعا قويىپ، ورتالىق كوميتەتتەن جانە ورتالىق ءتارتىپ تەكسەرۋ كوميتەتىنەن بوساۋى كوممۋنيستەردىڭ اسىل قاسيەتى مەن اڭعارىمدىلىعىن ايگىلەدى. ۋاكىلدەر ولارعا وسكەلەڭ قۇرمەت بىلدىرەتىندىكتەرىن ايتتى.
  قۇرىلتاي كەزىندە ۋاكىلدەر ۇيىرمەلەرى دايىندىق سايلاۋ وتكىزىپ، پارىقتى سايلاۋ ءتاسىلى ارقىلى «پارتيا 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ» كانديداتىنا كورسەتىلەتىندەردى سايلاپ شىقتى. پارتيا 19 - كەزەكتى ورتالىق كوميتەتىنىڭ مۇشە كانديداتتىعىنا 222 ادام كورسەتىلدى، پارىقتى سان 18، 204 ادام سايلانىپ، پارىق مولشەرى %8.8 بولدى. ورتالىق كوميتەتتىڭ كانديدات مۇشەلىگىنە كورسەتىلگەن كانديداتتار 189 ادام، پارىقتى سان 17، 172 ادام سايلانىپ، پارىق مولشەرى %9.9 بولدى، ورتالىق ءتارتىپ تەكسەرۋ كوميتەتىنىڭ مۇشە كانديداتتىعىنا 144 ادام كورسەتىلدى، پارىقتى سان 11، 133 ادام سايلانىپ، پارىق مولشەرى %8.3 بولدى.
  قۇرىلتاي ءتوراعالار القاسى 22 - قازان كەشتە جانە 23 - قازان تۇستەن بۇرىن 3 -، 4 - جيىنىن وتكىزىپ، دايىندىق سايلاۋدا سايلانعان پارتيانىڭ 19 - كەزەكتى ورتالىق كوميتەتى مەن 19 - كەزەكتى ورتالىق ءتارتىپ تەكسەرۋ كوميتەتىنىڭ كانديداتتارىنىڭ ەسىمدىگىن ماقۇلدادى.
 كانديداتتار ەسىمدىگىندە پارتيا 18 - كەزەكتى ورتالىق كوميتەتى قۇرامىنداعىلاردىڭ اراسىنان 132سى تاعى دا كورسەتىلىپ، %35.1تى يەلەدى؛ 244 ادام جاڭادان كورسەتىلىپ، %64.9تى يەلەدى. پارتيا 18 - كەزەكتى ورتالىق ءتارتىپ تەكسەرۋ كوميتەتى قۇرامىنداعىلاردىڭ اراسىنان 10ى تاعى دا كورسەتىلىپ، %7.5تى يەلەدى؛ 123 ادام جاڭادان كورسەتىلىپ، %92.5تى يەلەدى.
  24 - قازان تۇستەن بۇرىن حالىق سارايىنىڭ ۇلكەن زالى ايبىندى دا مەرەيلى دۋمانعا شومدى. شي جينپيڭنىڭ باسقارۋىندا قۇرىلتاي رەسمي سايلاۋ وتكىزدى. سايلاۋ بەلەتىن تاراتۋ، سايلاۋ بەلەتىن تولتىرۋ جانە بەلەت تاستاۋ، بەلەت ەسەپتەۋ ارقىلى قۇرىلتايعا قاتىناسقان 2300دەن استام ۋاكىل مەن ۇسىنىس ەتىلگەن ۋاكىل جاڭا كەزەكتى ورتالىق كوميتەتتى جانە ورتالىق ءتارتىپ تەكسەرۋ كوميتەتىن سايلاپ شىقتى.
  10 مىڭ ادامدىق ۇلكەن زالدا شاتىرلاعان شاپالاق ءۇنى ۇزاققا دەيىن تولاستامادى!
  بۇل جاڭا كەزەكتى ورتالىق كوميتەت باسشىلىق كوللەكتيۆىن قۇتتىقتاعاندىق جانە ماداق ايتقاندىق، مۇنان دا ماڭىزدىسى، جاڭا كەزەكتى ورتالىق كوميتەت باسشىلىق كوللەكتيۆىنىڭ گۇلدەنۋ ۇلى ءىسىن اشۋىنا دەگەن سەنىمى مەن ءۇمىت - تىلەگى.
  جاڭا كەزەكتى ورتالىق كوميتەتتىڭ قۇرامىنداعىلاردىڭ نەگىزگى تۇلعاسى ولكە، مينيستر دارەجەلى جانە ارميانىڭ سوعىس رايوندارى باسشىسى مىندەتىنەن جوعارى باسشى تىرەكتىلەر، ايماق، قالا دارەجەلى جانە ارميانىڭ كورپۋس دارەجەلى باسشى كادرلارى، سونداي - اق فينانس كاسىپورىندارىنىڭ، مەملەكەت مەنشىگىندەگى ماڭىزدى تىرەكتى كاسىپورىنداردىڭ، جوعارى مەكتەپتەردىڭ، عىلمي زەرتتەۋ ورىندارىنىڭ باسشىلارى، جۇمىسشى، شارۋالاردىڭ تاڭداۋلى ۋاكىلدەرى، ازاتتىق ارميا قاھارمان ۇلگىلەرى ۋاكىلدەرى، مامان، وقىمىستىلاردىڭ جانە ءار شەپتىڭ تاڭداۋلى ۋاكىلدەرى دە بار.
  جاڭا كەزەكتى ورتالىق كوميتەتتىڭ قۇرامىنداعىلاردىڭ ورتاشا جاسى 57 جاس، ايەل كادر 30، از ۇلت كادرى 38؛ ۋنيۆەرسيتەتتەن جوعارى ماعلۇماتقا يە ادام %98.1تى، جوعارى كاسىپتىك تەحنيكالىق اتاعى بارلارى %43.9تى يەلەيدى، جۇڭگو عىلىم اكادەمياسىنىڭ اكادەميگىنەن، جۇڭگو ينجەنەريالىق عىلىمدار اكادەمياسىنىڭ اكادەميگىنەن 25 ادام بار.
  جاڭا كەزەكتى ورتالىق ءتارتىپ تەكسەرۋ كوميتەتىنىڭ قۇرامىنداعىلاردىڭ نەگىزگى تۇلعاسى ولكەلىك، اۆتونوميالى رايوندىق، قالالىق ءتارتىپ تەكسەرۋ كوميتەتىنىڭ شۋجيلەرىنەن، ورتالىق ءتارتىپ تەكسەرۋ كوميتەتى جىبەرگەن ءتارتىپ تەكسەرۋ گرۋپپالارىنىڭ باستىقتارى قاتارلى ءتارتىپ تەكسەرۋ شەبىندەگى باسشى جولداستاردان، قاتىستى جاقتارداعى جانە ورىندارداعى جاۋاپتى جولداستاردان قۇرام تاپقان.
  ۋاكىلدەر ءبىر اۋىزدان «جاڭا كەزەكتى ورتالىق كوميتەت جانە ورتالىق ءتارتىپ تەكسەرۋ كوميتەتى جەر - جەردەگى، تاراۋلارداعى، ءار شەپتەگى، ءار كاسىپتەگى پارتيانىڭ بيلىك جۇرگىزۋ تىرەكتىلەرىن جانە تاڭداۋلى ۋاكىلدەرىن شوعىرلاندىرعان، جالپىلىق ساپاسى جاقسى، قۇرىلىمى ءبىرشاما ۇيلەسىمدى، ورنالاسۋى ءبىرشاما بىركەلكى، ورتالىقتىڭ تالابىنا جانە كادرلار مەن بۇقارانىڭ ءۇمىت - تىلەگىنە ۇيلەسەتىن، جاڭا داۋىردەگى جۇڭگوشا سوتسياليزم ىستەرىنىڭ دامۋ قاجەتىنە ۇيلەسەتىن، جالىندى دا تەبىندى، قايراتتانا ۇمتىلاتىن، ىنتىماعى، بىرلىگى بار، سەنىم ارتۋعا بولاتىن ورتالىق باسشىلىق كوللەكتيۆى» دەستى.
  جۇڭگو كوممۋنيستەرىنىڭ كىرشىكسىزدىگى، العاباسارلىعى ۇرپاقتان - ۇرپاققا جالعاسادى، باسشىلىق كۇشى، ۇندەۋ قۋاتى قاۋلاي بەرەدى.
  جاڭا تاريحي باستامادا جاڭا كەزەكتى ورتالىق كوميتەت باسشىلىق كوللەكتيۆىنىڭ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ۇزدىكسىز ىنتىماقتاستىرىپ جانە باستاپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتۋگە تاباندى بولىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ۇزدىكسىز العا باساتىنى داۋسىز!
  (شينحۋا اگەنتتىگىنىڭ 24 - قازاندا بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە