جاڭا حابارلار

مەن جۇڭگو كوممۋنيستىك پارتياسىنا مۇشە بولۋعا ءوتىنىش بەردىم

    كەلۋ قاينارى: شينجياڭ حالىق راديو ىستانسياسى    2017-10-28 17:27:54  
تۇرپان راديو ستانسياسىنىڭ ءتىلشىسى يۋان ياننىڭ حابارىن تىڭداڭىزدار: توقسۇن اۋدانى شيا اۋىلى قاراسۋ قىستاعىنىڭ تۇرعىنى توحتىگۇل ساۋىت 25-قازان پارتياعا مۇشە بولۋ ءوتىنىشىن قىستاقتا تۇراتىن قىزمەت اترەتىندەگىلەرگە تابىس ەتتى، ول 19-قۇرىلتايدان كەيىن قىستاقتاعى پارتياعا مۇشە بولۋ ءوتىنىشىن بەرگەن تۇڭعىش ديقان بولدى.
25-قازان تۇستەن كەيىن، قىستاقتا تۇراتىن كادرلار توحتىگۇل ساۋىتتىڭ ۇيىنە بارىپ، پارتيا 19-قۇرىلتايىنىڭ رۋحىن ۇگىتتەپ ءتۇسىندىردى، توحتىگۇل ساۋىت بىلاي دەدى: كوممۋنيستىك پارتيانىڭ ارقاسىندا باقىتتى تۇرمىسقا كەنەلدىك، قازىر، بالالارىمىز مەكتەپتە تەگىن وقيدى، ديقاندار بەيقۇت ۇيگە كوشىپ كىردى، جولداسىم ەكەمىز دە قالادا قىزمەت ىستەيمىز، پارتياعا ىلەسكەندىكتەن عانا تۇرمىسىمىز اناعۇرلىم جاقساردى. جۇڭگو كوممۋنيستىك پارتياسىنا مۇشە بولۋعا ەرەكشە ىنتالىمىن. ءارى ءىس جۇزىندىك ارەكەتىم ارقىلى پارتيانىڭ قامقورلىعىن اقتاپ، كوممۋنيستىك پارتياعا ەرتەرەك مۇشە بولعىم كەلەدى.
38 جاستاعى توحتىگۇل ساۋىت ورتا مەكتەپ بىتىرگەننەن كەيىن وتباسىندا ەگىس جۇمىسىمەن شۇعىلدانادى، بيىل، اۋدانداعى ءبىر كيىم تىگۋ دۇكەنىنە قىزمەتكە ورنالاستى، ايىنا 2 مىڭ يۋان ەڭبەكاقى الادى. جولداسى ءانۋار ءاشي 17 جىلدىڭ الدىندا پارتياعا مۇشە بولعان ساقا پارتيا مۇشەسى، وتكەن جىلى اۋدان قالاشىعىنان اياق كيىم دۇكەنىن اشتى، تۇرمىسى دا كۇننەن كۇنگە جاقسارىپ كەلەدى. توحتىگۇل ساۋىتتىڭ جۇڭگو كوممۋنيستىك پارتياسىنا مۇشە بولۋ ارمانى كۇننەن كۇنگە كۇشەيە ءتۇستى، قىستاقتا تۇراتىن كادرلار وتباسىلارىن ارالاپ 19-قۇرىلتايدىڭ رۋحىن ۇگىتتەپ، تۇسىندىرگەننەن كەيىن، ونىڭ جۇڭگو كوممۋنيستىك پارتياسىنا مۇشە بولۋ بەكىمى بۇرىنعىدان دا بەكەمدەلدى.
تۇرپان قالالىق مادەنيەت-دەنە تاربيە، راديو-كينو-تەلەۆيزيا، اقپارات باسپا ءسوز مەكەمەسىنەن توقسۇن اۋدانى شيا اۋىلى قاراسۋ قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ورىنباسار باستىعى ەرەجەپ يۇسوپ بىلاي دەدى: «بۇل ءبىزدىڭ كادرلارعا زور شابىت بولدى. ءبىز اۋەلگى ماقساتتى ۇمىتپاي، ۇزدىكسىز العا ىلگەرلەپ، پارتيانىڭ ءۇنىن قىستاقتارعا، جالپى وتباسىلارىنا تۇگەل جەتكىزۋگە كۇش سالامىز».

بەرىپ كەت ورامالىڭدى

دوستار

الىستاعى اق ەركە