باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدىڭ جەر-جەرى، مەكەمە ورىندارى ۇيرەنۋ، ۇگىتتەۋ تەبىنىن كۇشەيتىپ، پارتيا 19-قۇرىلتايىنىڭ رۋحىن كاسىپورىندارعا، اۋىل-قىستاقتارعا، ورگاندارعا، مەكتەپتەرگە، الەۋمەتتىك اۋماقتارعا، اسكەري لاگەرلەرگە دەيىن جەتكىزدى

    كەلۋ قاينارى: شينجياڭ حالىق راديو ىستانسياسى    2017-10-28 18:01:17  

ستانسيامىزدىڭ جيناق حابارىن تىڭداڭىزدار: تاياۋدان بەرى، رايونىمىزدىڭ جەر-جەرى، ورىندارى پارتيا 19-قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋدى ماڭداي الدى ساياسي مىندەت ەتىپ، پارتيا 19-قۇرىلتاي رۋحىن كاسىپورىنعا، اۋىل-قىستاققا، ورگانعا، مەكتەپ اۋلاسىنا، الەۋمەتتىك اۋماققا، اسكەي لاگەرگە جەتكىزىپ، جۇرت جۇرەگىنە تەرەڭ ۇيالاتتى. كوپشىلىك، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايى تۇراقتاندىرعان مىندەتتەردىڭ شينجياڭدا تياناقتانىپ، تامىر تارتۋىن ىلگەرلەتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە، جاڭا داۋىردەگى جۇڭگوشا سوتسياليزمنىڭ ۇلى جەڭسىنە قول جەتكىزۋىنە بەلسەندى ۇلەستەر قوساتىندىقتارىن ءبىلدىردى.
27-قازان تۇستەن بۇرىن، اۆتونوميالى رايوندىق پارتكومنىڭ ۇيىمداستىرۋ ءبولىمى كادرلار جينالىسىن اشىپ، پارتيا 19-قۇرىلتايىنىڭ رۋحىن جەتكىزدى جانە ۇيرەندى. شينجياڭ كادرلار ينيستيتۋتى پارتكومىنىڭ شۋجيى جي گۇيلين بىلاي دەدى: «شينجياڭ كادرلار ينيستيتۋتى الداعى قىزمەت بارىسىندا 19-قۇرىلتاي رۋحىن مۇقيات دايەكتىلەندىرىپ، تياناقتاندىرىپ، ءتورتتى ءوزارا ۇشتاستىرادى: ياعىني، كاسىپتىك كۋرىس قىزمەتىمەن ۇشتاستىرامىز؛ «ەكىنى ۇيرەنۋ، بىردە تولىمدى بولۋ» جانە «ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» قيمىلىمەن ۇشتاستىرامىز؛ ۇيىمداستىرۋ تاراۋىنىڭ وزەكتى قىزمەتىمەن سونداي-اق، قازىر ورىستەتىپ وتىرعان 2017-جىلعى جوعارى دارەجەلى مەكتەپتەردەن مۇراتتى دا ءمورالدى ۇزدىك وقۋشىلاردى سارالاۋ كۋرىسى قىزمەتىمەن ۇشتاستىرامىز؛ ءتۇرلى كۋرىس قىزمەتى بارىسىندا ىرىقتىلىقپەن ۇلگى بولىپ، ىرىقتىلىقپەن قىزمەت وتەپ، كادرلاردى تاربيەلەۋ كۋرىسى ارقىلى ادال، كىرشىكسىز، مىندەتتى باتىلدىقپەن ارقالاي الاتىن كادرلار قوسىنىن جەتىلدىرىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن كۇش سالامىز جانە ۇلەس قوسامىز».
جۋىردا، اۆتونوميالى رايوندىق سۋ يگىلىگى مەڭگەرمەسى 300 دەن استام پارتيالى كادردى پارتيا 19-قۇرىلتايىنىڭ بايانداماسىن ۇيرەنۋگە ۇيىمداستىردى، سۋ يگىلىگى مەڭگەرمەسىنىڭ سۋ ساپاسىن جاقسارتىپ ىندەتتىڭ الدىن-الۋ كەڭسەسىنىڭ ورىنباسار مەڭگەرۋشىسى جەڭىس ماتان ۇلى، كەدەيلەردىڭ اۋىز سۋ ماسەلەسىن تەزارادا شەشۋ كەرەكتىگىن ايتا كەلىپ: «ءبىز اۋەلگى ناتيجەنى تۇراقتاندىرۋ نەگىزىندە، بەكەمدەپ، دەڭگەيىن جوعارىلاتۋ جوسپارىن جاسادىق. وسى جوسپارعا جالپى 4 ميلليارد 790 ميلليون يۋان قارجى قوسىلىپ، قامتىعان جالپى جان سانى 4 ميلليون 460 مىڭ ادامعا جەتتى، مۇندا كەدەي جان سانى 2 ميلليون 310 مىڭ ادام، 2020-جىلعا بارعاندا، ءبىز وسى ينجەنەريالار ارقىلى، 2 ميلليون 310 مىڭ كەدەي جان سانىنىڭ اۋىز سۋ ماسەلەسىن شەشەمىز. سونىمەن بىرگە وسى جوسپار نەگىزىندە، بۇقارانى جاپپاي دوڭگەلەك داۋلەتتى قوعامعا جەتكىزىپ، كەدەيلىكتەن قۇتىلدىرۋدان قامال الۋ شايقاسىندا جاپپاي جەڭىسكە جەتىپ، قىزمەتتى ناقتى تياناقتاندىرۋ سەنىمىمىز كۇشتى»،-دەدى.

پارتيانىڭ 19-قۇرىلتايى تۇڭعىش رەت «كوركەمدىكتى» جۇڭگوشا سوتسياليزم قۇرىلىسىنىڭ باستى مىندەتتەرىنە قوستى. بۇل ەلىمىزدىڭ ەكولوگيالىق وركەنيەت قۇرىلىسىن كۇشەيتۋ، قورشاعان ورتا ماسەلەسىن وڭاۋ جاعىنداعى بەرىك بەكىمىن ايگىلەدى، ءارى جاڭا داۋىردەگى ورمان شارۋاشىلىعى رەفورماسىنىڭ دامۋىنا ايقىن باعدار نۇسقادى. اۆتونوميالى رايوندىق ورمان شارۋاشىلىعى مەڭگەرمەسىنىڭ ورىنباسار باستىعى لي دۇڭشىڭ: « قارامايلى جاراتىلستىق قورىعىن قورعاۋ ەرەجەسىن جاساپ اتقاردىق، ءبىز ەگىستىكتەن ورماندى قالپىنا كەلتىرۋ ساياساتىن ونان ارى كەمەلدەندىرۋدەمىز، بۇدان كەيىن تابيعاتتى قورعاۋ، جابايى حايۋاناتتاردى قورعاۋ، ادامزات پەن تابيعاتتىڭ جاراسىمدىلىعىن قورعاۋدى 19-قۇرىلتاي رۋحىمەن ۇشتاستىرىپ، بۇدان بىلاي ىلگەرىندى-كەيىندى ەكولوگيالىق ورتانى قورعايتىن، شەكتەۋ سيپاتىندىق ەرەجەلەردى اتقارۋىمىز كەرەك، سوندا عانا ورماندى زاڭ بويىنشا باسقارۋ، ەكولوگيالىق ورتانى زاڭ بويىنشا قورعاۋعا كەپىلدىك ەتە الامىز»،-دەدى.
بىرنەشە كۇننەن بەرى، تارىم وزەنى اعارى اقسۋ باسقارۋ مەكەمەسى ۋاقىتتى مىقتى ۇستاپ، 19-قۇرىلتاي رۋحىن ۇيرەنىپ، تياناقتاندىردى. تارىم وزەنى اعارى اقسۋ باسقارۋ مەكەمەسىنىڭ باستىعى ۋاڭ جىچىڭ بىلاي دەدى: «19-قۇرىلتاي بايانداماسىندا ەكولوگيالىق وركەنيەت قۇرىلىسى ارناۋلى تاراۋشاعا ءبولىنىپ اۋىزعا الىندى. تارىم وزەنىن وڭاۋدىڭ ءوزى ەكولوگيالىق ماسەلە ەسەپتەلەدى. ءبىز بيىلدان باستاپ، نەگىزگى جاۋاپتى ادامدار وزەن اعارلارىنىڭ لاستانۋىن وڭاۋعا جاۋاپتى بولۋ ءتۇزىمىن جالعاستى اتقارۋ ارقىلى وزەن ارناسى اينالىمىن باسقارۋ بارىسىندا كورىلەتىن بىلعانىش زاتتاردى تازالاۋ، وزەن ارناسىنداعى كومەسكى سۋ جولدارىن باسقارۋ، وزەن ارناسىن يەمدەنىپ الۋ سياقتى ماسەلەلەردى شەشتىك».

وسى بىرنەشە كۇنگى تاڭعى ماجىلسىتە، اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ ماكىت اۋدانى قۇمقۇسار اۋىلى تومەنگى قادىلىق قىستاعىندا تۇراتىن قىزمەت اترەتىنىڭ مۇشەلەرى، قسىتاق كادرلارى جانە قىستاق تۇرعىندارىنىڭ ۋاكىلدەرى بىرلىكتە اۋىل شارۋاشىلىعى مەن اۋىل-قىستاقتى وسىزامانداندىرۋدى جەدەل ىلگەرلەتۋ، كەدەيلەردى دالمە-ءدال سۇيەمەلدەۋ، اۋىل سالتى وركەنيەتى سياقتى مازمۇنداردى ارقاۋ ەتىپ، ۇيرەنۋ جانە تالقى ورىستەتتى. قىزمەت اترەتىنىڭ مۇشەلەرى مەن پارتيالى كادرلار قيىنشىلىعى بار بۇقارانىڭ ماقتا سياقتى كۇزدىك داقىلداردى جيناۋىنا كومەكتەسۋمەن بىرگە، اتىز باسىندا بۇقاراعا پارتيا 19-قۇرىلتايىنىڭ رۋحىن قاراپايىم دا ۇعىنىقتى تىلمەن جەتكىزىپ ۇگىتتەدى. قىزمەت اترەتىنىڭ باستىعى، قىستاقتىڭ ءبىرىنشى شۋجيى ءدىلبار مامەت: «پارتيا 19-قۇرىلتايىنىڭ رۋحىن مۇقيات ۇيرەنۋ جانە ىشكەرلەي دايەكتى تياناقتاندىرۋدىڭ قىزۋ ورلەۋىن دەرەۋ كوتەرىپ، اناعۇرلىم تاسقىنداعان جىگەر جانە قىزعىندىلىقپەن قىستاقتا تۇرۋ قىزمەتىنە كىرىسىپ، بىرلىكتە بىلەك سىبانا، قايراتتانا ىستەپ، تومەنگى قادىلىق قىستاعىن جاراسىمدى، وركەنيەتتى، العا باسقان، باي قىستاق ەتىپ قۇرىپ شىعامىز»،-دەدى.
قاشار كونەشار اۋدانىنداعى ءار دارەجەلى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قسىتاقتا تۇراتىن قىزمەت اترەتتەرى مەن تۋىسقاندىق قاتىناس ورناتقان كادرلار پارتيا 19-قۇرىلتايى مازمۇنىن ۇگىتتەۋدى وتباسىلارىن ارالاۋ قىزمەتىنە ەنگىزدى. اۆتونوميالى رايوندىق پارتكوم ساياسي-زاڭ كوميتەتىنىڭ قاشقار كونەشار اۋدانى زەمىن اۋىلى مۇسۇما قۇتشا قىستاعىندا تۇراتىن حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ قىزمەت اترەتىنىڭ باستىعى حۋاڭ شاۋۋي:« پارتيا 19-قۇرىلتايىنىڭ رۋحىن ويداعىداي ۇگىتتەپ، ويداعىداي دايەكتى تياناقتاندىرىپ، حالىق تۇرمىسىنا كوپ كۇش شىعارىپ، حالىق تۇرمىسىنداعى قيىنشىلىقتاردى مۇمكىندىگىنشە شەشىپ، دامۋ بارىسىندا حالىق تۇرمىسى ماسەلەلەرىن ءبىر ءجايلى ەتۋ كەرەك»،-دەدى.

كۇنەس اۋداندىق مادەنيەت، دەنە-تاربيە، راديو-كينو-تەلەۆيزيا مەكەمەسىنەن جابايى المانى وزگەرتۋ الاڭىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاقتاعى وتباسىلارىن ارالاپ، قىستاق تۇرعىندارىنا پارتيا 19-قۇرىلتايىنىڭ رۋحىن بەتپە-بەت ۇگىتتەدى جانە ءتۇسىندىردى. قىزمەت اترەتىنىڭ ۇگىت-لەكسياسىن تىڭداعاننان كەيىن 68 جاستاعى پارتيا مۇشەسى جوۋ چينحاي بىلاي دەدى: ءتۇيىندى ماسەلەلەردى اناعۇرلىم ءتۇسىندىم. مەملەكەتتىڭ ەكونوميكا قۇرىلىسى مەن حالىق تۇرمىسى جاعىندا وتكەن 5 جىلدا باقىت كورسەتكىشى اناعۇرلىم جوعارىلاعانىن سەزىندىم، مەملەكەتىمىز بارعان سايىن قۇدىرەتتەنۋدە. پارتيانىڭ قۇرىلىسى جاعىندا پارتيا مۇشەسى تۇرعىسىنان پارتيانىڭ جەمقورلاردى جازالاعاندا استە جۇمساق قولدىلىق ىستەتپەي كەسكىن شارا قولدانعاندىعىن شىنايى اڭعاردىم. سوندىقتان دا، پارتيانىڭ 19-قۇرىلتايىنان كەيىن اناعۇرلىم باقىتتى تۇرمىس كەشىرەتىنىمىزگە سەنىمىم كامىل، پارتيا ورتالىق كوميتەتىنە العىس ايتامىن.
27-قازان تاڭەرتەڭ، ءۇشتۇرپان اۋدانى الەۋمەتتىڭ اۋماعىنىڭ ۇگىت-لەكسيا جاساۋشىسى ساپار جۇما اۋدانداعى جىنشيڭ تۇرعىندار رايونىنا بارىپ، تۇرعىندار رايونىنداعى تۇرعىندارمەن بىرگە وتىرىپ، كوپشىلىككە 19-قۇرىلتاي بايانداماسىنداعى وقۋ-اعارتۋ، ەمدەۋ-دەنساۋلىق ساقتاۋ، قوعامدىق قامسىزداندىرۋ جاقتارىنداعى مازمۇنداردى ءتۇسىندىردى. كوپشىلىك ءبىر-بىردەن سوزگە شىعىپ، باقىتتى تۇرمىس جونىندە تالقى ورىستەتتى. 63 جاستاعى مەرينيسا ءمويدىن قارت ناۋقاستانعالى ۇزاق جىل بولىپتى، وسى رەتكى 19-قۇرىلتاي بايانداماسىنداعى قارتتار «ناۋقاسىن كورسەتەتىن شيپاحانا بولۋ، قارتتاردى كۇتىمدەۋ ورنى بولۋ، باس-پاناسى بولۋ، ءالسىزدەردى سۇيەمەلدەۋ» ساياساتىن ەستىگەننەن كەيىن قارت ءوزىن اناعۇرلىم الاڭسىز ءارى حاۋىپسىز سەزىندى. مەرينيسا ءمويدىن بىلاي دەدى: «بۇگىن ۇگىت-لەكسيانى تىڭدادىم، جاسىم 63 كە كەلدى، پارتيا مەن ۇكىمەت اي سايىن 120 يۋان زەينەتكەرلىك كومەك قاراجاتىن جانە 850 يۋان ەڭ تومەنگى تۇرمىسىن قامتاماسىزداندىرۋ قاراجاتىن بەرەدى، تۇرمىسىم بارعان سايىن جاقسارىپ كەلەدى، پارتيانىڭ ساياساتى ا بارعان سايىن جاقسارىپ كەلەدى، كوپشىلىك پارتيانىڭ ساياساتىنا ءدان ريزا، ءوز باسىم قاتتى اسەرلەنىپ وتىرمىن».

ءان الەمى

جول توسىلىپ قالدى

تۇلپارىم