جاڭا حابارلار

ۇلتتار ىنتىماعى پالاۋىنىڭ ءدامى ءتىل ۇيرەدى

    كەلۋ قاينارى: شينجياڭ حالىق راديو ىستانسياسى    2017-10-29 12:29:38  
تۇرپان راديو ستانسياسىنىڭ ءتىلشىسى يۋان يان جازعان حاباردى تىڭداڭىزدار: تاماققا كەلىڭدەر، تاماققا كەلىڭدەر، ءيسى مۇرىندى جارادى.... »
26-قازان تۇستە، توقسۇن اۋدانى شيا اۋىلى قاراسۋ قىستاعىنداعى ىشكى ولكەدەن كەلىپ سۋ ورىپ كەتكەن توعاندى قايتا بەرىكتەپ جاتقان 32 حالىق جۇمىسكەرى قىستاق تۇرعىنى ءرابيا عۇپىر اكەلگەن تۇسكى استى قۇشىرلانا جەدى. جۇمىسكەرلەر ءيسى اڭقىعان پالاۋدى قۇشىرلانا جەپ، ۇلتتار ىنتىماعى پالاۋىنىڭ ءدامى ءتىل ۇيرەدى ەكەن،-دەستى. گانسۋدان كەلگەن جۇمىسكەر ما ديڭلى تىلشىگە: مۇنداعى بۇقارا وتە مەيماندوس ەكەن، بىزگە پالاۋ باسىپ اكەلىپ بەردى، ءدامى ءتىل ۇيرەتىن قۇمىل قاۋىنى دا بار، قاتتى اسەرلەندىك، ولارعا قالاي العىس ايتارىمىزدى دا بىلمەي وتىرمىز، ەڭ جاقسىسى قۇرىلىستى ساپالى جۇرگىزىپ، بۇقاراعا ۇسىنامىز»،-دەدى.
ما ديڭلى مەن سەرىكتەرى 4 كيلومەتىرلىك سۋ ورىپ كەتكەن توعاندى قايتا بەرىكتەپ جاتقان ەدى، بۇل توعان قاراسۋ اۋىلىنىڭ 4-جانە 5-گرۋپپاسىنىڭ 400 مۋ جەرىن سۋارۋعا پايدالانىلاتىن، توعاننىڭ قازىلعانىنا ۇزاق ۋاقىت بولعاندىقتان، كوپتەگەن جەرلەرى ورىلىپ، سۋ قاشىپ، سۋ بايلىعىنان پايدالانۋ مولشەرى تومەندەپ كەتكەن ەدى. ما ديڭلى قاتالى جۇمىسكەرلەر قاراسۋ قىستاعىنا كەلىپ توعاندى قايتا بەرىكتەۋگە كىرىسكەن جارتى ايدان بەرى، قىستاق تۇرعىندارى ولارعا ۇنەمى قۇمىل قاۋىنى، ءجۇزىم، نان، شاي سياقتىلاردى جەتكىزىپ بەرىپ، ولاردىڭ ەڭبەگىنە العىس ايتىپ كەلەدى.
53 جاسقا شىققان ءرابيا عۇپىر وتباسىنىڭ 10 مۋ ەگىستىك جەرى ءدال وسى توعان ارقىلى سۋارىلاتىن، جۇمىسكەرلەردىڭ ءار كۇنى توعاندى بەرىكتەپ جۇرگەنىن كورگەننەن كەيىن، ول جۇبايى امۇت بۇساكپەن بىرگە جۇمىسكەرلەرگە ءبىر قازان پالاۋ باسىپ اپارىپ بەرۋدى ويلايدى. سونىمەن ولار تاڭەرتەڭ 9:00 دان باستاپ پالاۋ باسۋدىڭ قاربالاستىعىنا كىرىسەدى، پالاۋعا 16 كيلوگرام كۇرىش، 5 كيلوگرام ەت، 5 كيلوگرام ازىقتىق ماي جانە ەكى كيلوگرام مەيىز، ءبىر كيلوگرام اق بۇرشاق قوسىپ باسادى. جارتى كۇن قاربالاس بولعانىمەن، جۇمىسكەرلەردىڭ پالاۋدى قۇشىرلانا جەگەنىن كورگەن ولاردىڭ كوڭىلى جاي تاپتى. ءرابيقان عۇپىر تىلشىگە: «بۇل جۇمىسكەرلەر سونشاما الىستان كەلىپ توعاندى بەرىكتەپ، ەرەكشە جاپا شەگۋدە. ءبىزدىڭ ءبىر ۋاققى تاماق اپارۋىمىز قارپايىم ءىس، ولاردىڭ قۇشىرلانا جەگەنىن كورىپ قۋانىپ قالدىق، ءبارىمىز ءبىر وتباسىنىڭ ادامدارىمىز-عوي، ءوزارا كومەكتەسۋىمىز كەرەك»،-دەدى.

بەرىپ كەت ورامالىڭدى

دوستار

الىستاعى اق ەركە