جاڭا حابارلار

رايونىمىزدىڭ جەر-جەرى، تاراۋلارى 19-قۇرىلتاي رۋحىن ۇيرەنۋ، ۇگىتتەۋ، دايەكتىلەندىرۋ قىزۋ ورلەۋىن كوتەردى

    كەلۋ قاينارى: شينجياڭ حالىق راديو ىستانسياسى    2017-10-29 12:48:02  

ستانسيامىزدىڭ جيناق حابارىن تىڭداڭىزدار: بىرنەشە كۇننەن بەرى، رايونىمىزدىڭ جەر-جەرى شوعىرلى ۇيىمداستىرىپ ۇيرەنۋ، قىستاقتاردى، وتباسىلارىن ارالاۋ، دەكلاماتسيا جارىسىن وتكىزۋ سياقتى ءتۇرلى فورمامەن پارتيا 19-قۇرىلتايىنىڭ رۋحىن ۇيرەنۋ، ۇگىىتتەۋ، دايەكتىلەندىرۋ قيمىلىن ورىستەتتى.
26-قازان، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى كادرلاردى پارتيا 19-قۇرىلتايىنىڭ بايانداماسىن قايتالاي ۇيرەنۋگە ۇيىمداستىردى، ۇيرەنۋ ماجىلىسىندە، پارتيا ياچەيكالارى قايتالاي ۇيرەنۋ تاجىريبەسى جونىندە اۋىس-كۇيىس جاسادى، ءارى ءوز قىزمەتتەرىنە ۇشتاستىرىپ، قىزمەت نىساناسىن العا قويدى. اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ ورىنباسار مەڭگەرۋشىسى سۋ گوپيڭ بىلاي دەدى: «19-قۇرىلتاي بايانداماسىنداعى جاڭالىق اشا دامۋ تانىمىن دايەكتىلەندىرۋ، تياناقتاندىرۋ جاعىندا، ءىرى ساندى مالىمەتتىڭ امبابات سىناق رايونى قۇرىلىسى مەن جۇڭگودا جاسالعان ونىمدەردىڭ 2025-جىلعى شينجياڭ ارەكەت جوباسىن تياناقتاندىرىپ اتقارامىز، وسى شارالار ارقىلى ەكونوميكا، دامۋ ءتاسىلىن اناعۇرلىم جانداندىرىپ، اناعۇرلىم جاڭالىق اشۋ قۋاتىنا يە ەتىپ، سول ارقىلى شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى بولعان رولىنا اناعۇرلىم سايكەسىپ، باتىستان ەنگىزىپ، شىعىسقا شىعارۋ ارقىلى شينجياڭنىڭ ەكونوميكالىق قۋاتىن تىڭ بەلەسەكە كوتەرەمىز».
پارتيا 19-قۇرىلتايىندا بىلاي دەپ اتاپ كورسەتىلدى: كەزەكتە، جەمقورلىققا قارسى تۇرۋ كۇرەسى ءالى دە قاتاڭ دا كۇردەلى، تەگەۋرىندى كۇيدى كۇشەيتىپ، ءبىر جولاتا جەڭىسكە جەتۋ بەكىمى،ءسوز جوق، قۇرىشتاي بەرىك بولۋ كەرەك. اۆتونوميالى رايوندىق ءتارتىپ تەكسەرۋ كوميتەتى باقىلاۋ-تەكسەرۋ مەڭگەرمەسىنىڭ ورىنباسار باستىعى ۋ جيان اۆتونوميالى رايوندىق ءتارتىپ تەكسەرۋ كوميتەتىنىڭ 27-قازان ۇيىمداستىرعان توپتىق ۇيرەنۋىنە قاتىناسقاننان كەيىن بىلاي دەدى: «4 تانىمدى اناعۇرىم كۇشەيتىپ، 4 سەنىمدى بەمەكدەيمىز. حالىقتى سەنتر ەتىپ، حالىقتىڭ مۇددەسىن ماڭداي الدى ورىنعا قويىپ، پارتيا ۇستاۆى بەرگەن باقىلاۋ، ءتارتىپتى اتقارۋ جاۋاپكەرلىگىن قۋزاۋ مىندەتىن دۇرىس اتقارامىز. جەمقورلىققا قارسى تۇرۋدا شەت-شەكارا بولماۋدان، تۇگەل قامتۋدان، استە كەشىرىم ەتپەۋدەن جازباي، تيداۋ سالۋعا ءمان بەرىپ، تەگەۋرىندى كۇشەيتىپ، ۇزاق ۋاقىت سەسكەندىرەمىز. بارلىق جەمقورلىق جايتىمەن، جەمقورلىق ارەكەتىمەن، جەمقورلارمەن تۇبەگەيلى كۇرەس جاسايمىز. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنا كەپىلدىك ەتىپ، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، جۇڭگوشا سوتسياليزمنىڭ ۇلى جەڭىسىنە قول جەتكىزۋ ءۇشىن كۇش-قايراتىمىزدى ارنايمىز».
اۆتونوميالى رايوندىق پارتكوم كەڭسەسى جان-جاقتىلى وڭاۋ 4-باسقارماسىنىڭ كادرى اۋ جياشىڭ بىلاي دەدى: «پارتكوم كەڭسەسىنىڭ جاس پارتيالى كادرى تۇرعىسىنان، اۆتونوميالى رايوندىق پارتكومنىڭ ورنالاستىرۋى مەن تالابى بويىنشا، قاز-قالپىندا، ءىس جۇزىندىككە ۇشتاستىرا، وي جۇگىرتە ۇيرەنىپ، پارتيا 19-قۇرىلتايىنىڭ رۋحىن ىشكى جاقتا كوكەيدە ساقتاپ، سىرتقى جاقتا ارەكەتكە اينالدىرىپ، وي-سانانى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن قارۋلاندىرۋدان جازباي، امالياتقا جەتەكشى ەتىپ، قىزمەتتى ىلگەرىلەتىپ، مۇرات-سەنىمدى اناعۇرلىم بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن اناعۇرلىم زور ۇلەس قوسامىن».
27-قازان، اۆتونوميالى رايوندىق ءادىليا مەڭگەرمەسى باسقارما دارەجەلىدەن جوعارى باسشى كادرلاردى پارتيا 19-قۇرىلتايىنىڭ رۋحىن قايتالاي ۇيرەنىپ دايەكتىلەندىرۋ، تياناقتاندىرۋعا ۇيىمداستىردى. اۆتونوميالى رايوندىق ءادىليا مەڭگەرمەسى الەۋمەتتىك كۋالاندىرۋ قىزمەتى باسقارماسىنىڭ ورىنباسار باستىعى زۇلپيا سابىر بىلاي دەدى: «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، مەملەكەتتى زاڭمەن جونگە سالۋدى ويداعىداي ىلگەرىلەتۋ، ءادىليا ءتۇزىلىسىنىڭ جان-جاقتىلى قوسىمشا رەفورماسىن تەرەڭدەتۋ جانە الەۋمەتتىك كۋالاندىرۋ ساپاسىن باقىلاۋ-باسقارۋ سياقتى ءتۇرلى مىندەتتەردى ويداعىداي ورىنداپ، الەمەتتىك كۋلاندىرۋ ءتۇزىلىسى رەفورماسىن ىلگەرىلەتۋ اياق الىسىن تەجەيتىن، كەدەرگى بولاتىن ماسەلەلەرى شەشىپ، الەۋمەتتىك كۋالاندىرۋ ءىسىنىڭ دامۋىن ىلگەرىلەتىپ، زاڭمەن جونگە سالاتىن جۇڭگونى قۇرۋ ءۇشىن ءتيىستى ۇلەس قوسامىز».
بىرنەشە كۇننەن بەرى، اۆتونوميالى رايوندىق پارتكوم ۇگىت ءبولىمى لەكتورلار ۇيىرمەسىنىڭ باستىعى شۇي چاڭچۇن باياندامانىڭ رۋحىن قاربالاس ۇيرەنىپ، ۇگىت-لەكسيا جاساۋعا دايىندالدى. ول بىلاي دەدى: «پارتيا 19-قۇرىلتايى اشىلعاننان كەيىن، ۇگىت، يدەيا قىزمەتىنە اناعۇرلىم جوعارى تالاپتار قويىلىپ، اناعۇرلىم زور ءۇمىت ارتىلىپ وتىر، ۇگىت ءبولىمىنىڭ كادرى سالاۋاتىمەن، جاۋاپكەرلىگىمنىڭ جاپالى ءارى ۇلى ەكەنىن سەزىندىم. ءبىز باس شۋجي شي جينپيڭنىڭ 19-قۇرىلتاي بايانداماسىندا اتاپ كورسەتكەن يدەيالوگيا سالاسى قىزمەتىن كۇشەيتۋ تالابى بويىنشا، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن اناعۇرلىم ويداعىداي ۇگىتتەپ، تياناقتاندىرىپ، پارتيا 19-قۇرىلتايىندا العا قويىلعان ءتۇرلى نىسانا، مىندەتتى ۇيرەنىپ، ۇگىتتەپ، ءتۇرلى قىزمەتتى دايەكتىلەندىرۋىمىز، تياناقتاندىرۋىمىز كەرەك».
سونىمەن بىرگە، رايونىمىزدىڭ جەر-جەرى دە پارتيا 19-قۇرىلتاينىڭ رۋحىن كاسىپورىنعا، اۋىل-قىستاققا، ورگانعا، مەكتەپ اۋلاسىنا، الەۋمەتتىك اۋماققا، اسكەري لاگەرگە جەتكىزۋدى بەلسەنە ىلگەرلەتتى.
«تاريح العا جىلجىپ، ءداۋىر تولقىنى كوتەرىلدى، تاريح تەك تاباندى، العا ۇمتىلعان، كۇرەس جاسايتىن ادامدى عانا ۇمىتپايدى، ءبىز ماشاقاتتى كۇرەس جاساپ، ماقتانباۋ، البىرتتىققا سالىنباۋ ستيلىن ساقتاپ، ۋاقىت كۇتىپ تۇرمايدى، ۋاقىتتى مىقتى يگەرۋ سىندى رۋحپەن، جاڭا ءداۋىردىڭ ۇزاق ساپارىندا قۇلشىنۋىمىز كەرەك».

اقسۋ ايماقتىق قوعام حاۋىپسىزدىگى ءورت ءوشىرۋ تارماق اترەتى اقسۋ قالالىق قوعام حاۋىپسىزدىگى ءورت ءوشىرۋ ۇلكەن اترەتى شۇييۇن ورتا اترەتىنىڭ ءماجىلىس زالىندا، وفيتسەرلەر مەن اسكەرلەر 19-قۇرىلتاي رۋحىن ۇيرەنۋدى باستى تاقىرىپ ەتكەن دەكلاماتسيا جارىسىن وتكىزدى. شۇييۇن ورتا اترەتىنىڭ ساياسي جەتەكشىسى سۇڭ شيميڭ: «ءبىز دەكلاماتسيا جارىسىن وتكىزۋ، قارا دوسكا گازەتىن شىعارۋ سياقتى فورمالار ارقىلى 19-قۇرىلتايدىڭ رۋحىن ۇيرەنىپ،19-قۇرىلتايدىڭ رۋحىن جۇرەككە ۇيالاتتىق، باس شۋجي شي جينپيڭنىڭ تاپسىرماسىن ەستە بەرىك ساقتاپ، ءورت ءوشىرۋ بورىشىن ەستەن شىعارمايمىز»،-دەدى.
جۋىقتا، جىڭ اۋدانى قازىنا مەكەمەسىنىڭ تولى قالاشىعى شاعانمودون قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەسى شاۋ چاۋ مالشىلاردىڭ وتىرىقتانعان ورنىنا كوشىپ بارىپ، مالشىلارعا 19-قۇرىلتايدىڭ رۋحىن ۇگىتتەپ، پارتيانىڭ «جاقسى ءۇنىن» جەتكىزدى. ول: «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇراتىن قىزمەت اترەتىنىڭ مۇشەسى رەتىندە، مەن پارتيانىڭ ساياسات ۇگىتشىسى، ءتۇسىندىرۋشىسى مىندەتىن جاقسى اتقارىپ، 19-قۇرىلتايدىڭ ءتۇرلى ساياساتتارىن ويداعىداي ۇگىتتەپ، پارتيانىڭ ءتيىمدى ساياساتتارىن ءسوزجوق نەگىزگى ساتىدا، بۇقارانىڭ اراسىندا تياناقتاندىرىپ، بۇقارانى باستاپ 2020-جىلى جاپپاي دوڭگەلەك داۋلەتتى قوعام قۇرۋ جولىندا تالىقپاي تالپىنامىن،-دەدى.
بىرنەشە كۇننەن بەرى، نىلقى اۋداندىق حالىق سوت مەكەمەسىنىڭ نىلقى قالاشىعى ءدوربىلجىن قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەلەرى مەن قىستاق كادرلارى قىستاق تۇرعىندارىنىڭ ۇيىنە بارىپ پارتيا 19-قۇرىلتايىنىڭ رۋحىن ۇگىتتەپ، بايانداماداعى حالىق تۇرمسىن قامتاماسىزداندىرۋ جانە جاقسارتۋعا قاتىستى حالىققا ءتيىمدى «زور تارتۋدى» قىستاق تۇرعىندارىنا بەتپە-بەت ايتىپ بەردى، كەدەي قىستاق تۇرعىنى نۇرمامەت وسكەننىڭ ۇگىت-لەكسيانى تىڭداعاننان كەيىن كەدەيلىكتەن قۇتىلۋ سەنىمى ونان ارى بەكەمدەلدى. ول: «مەملەكەتتىڭ ساياساتى تاماشا، بىزگە جەر سىلكىنىسىنە ءتوزىمدى ءۇي سالىپ، ات جانە قوي بەرىپ، تۇرمىسمىزدىڭ جاقسارۋىنا مۇمكىندىك جاسادى. بۇل جولى اسا كوپ ءتيىمدى ساياساتتاردىڭ شىققانىن ۇعىستىق، مەن وسى ورايدى مىقتى يگەرىپ، دۇكەن اشىپ، تۇرمىسمدى جاقسارتقىم كەلەدى»،-دەدى.
بىرنەشە كۇننەن بەرى، شايار اۋداندىق وقۋ-اعارتۋ مەكەمەسى پارتيالى كادرلاردى ۇيىمداستىرىپ پارتيا 19-قۇرىلتايىنىڭ رۋحىن ۇيرەندى. شايار اۋداندىق وقۋ-اعارتۋ مەكەمەسى قارجىلاي كومەك بەرۋ ورتالىعىنىڭ جاۋاپتىسى لياڭ ۋىنچيڭ: «قازىر اۋدانىمىز 15 جىلدىق تەگىن وقىتۋدى جاپپاي ىسكە اسىردى. پارتيا 19-قۇرىلتايىندا وقۋ-اعارتۋدى الدىمەن دامىتۋدى ونان ارى تۇراقتاندىرىپ، وقۋ-اعارتۋدىڭ دامۋىنا باعدار كورسەتكەندىكتەن، وقۋ-اعارتۋدىڭ تىڭ ساپارىنا اتتانۋ سەنىمىمىز كۇشەيدى. ءبىز جاڭا تاريحي بورىشتى ارقالاپ، وقۋشىلارعا قارجىلاي كومەك بەرىپ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ قىزمەتىن تىڭعىلىقتى ورىستەتىپ، ءاربىر بالانىڭ تەپە-تەڭ ساپالى وقىتۋدان يگىلىكتەنۋىنە وراي جاراتامىز، پارتيانىڭ وقۋ-اعارتۋ ىستەرىن جاقسى ىستەۋ سەنىمىمىز بەن بەكىمىمىز بار»،-دەدى.
باس شۋجي شي جينپيڭ 19-قۇرىلتاي بايانداماسىندا مىنانى ورتاعا قويدى: جاستار جەتىلسە مەملەكەت كوركەيەدى، جاستار كۇشەيسە مەملەكەت قۇدىرەتتەدى. تۇرپان كاسىپتىك تەحنيكالىق ينستيتۋتىنىڭ وقۋشىلارى پارتيا 19-قۇرىلتايىنىڭ بايانداماسىن مۇقيات ۇيرەندى. كوپشىلىك، باس شۋجيدىڭ تاپسىرماسىن ەستە بەرىك ساقتاپ، مۇراتتى، قابىلەتتى، باتىل جاستاردان بولاتىندىعىن، ناقتى ارەكەتپەن كۇرەس جاساعان جاستىقتىڭ ەڭ كوركەم بولاتىندىعىن ايتتى. تۇرپان قالالىق كاسىپتىك تەحنيكالىق ينستيتۋتىنىڭ وقۋدان بۇرىنعى وقتىۋ كاسىبىنىڭ وقۋشىسى حاليدا ءومار: «باس شۋجي شي جينپيڭنىڭ پارتيا 19-قۇرىلتاي بايانداماسىن تىڭداعاننان كەيىن ەرەكشە قۋانىپ شابىتتاندىم. جوعارى مەكتەپ جاستارى رەتىندە، ءبىز كاسىپتىك بىلىمدەردى كۇش سالا ۇيرەنىپ، عىلىم مادەنيەتپەن ءوزىمىزدى قارۋلاندىرىپ، مەكتەپ بىتىرگەننەن كەيىن وتانعا تيەسىلى ۇلەس قوسۋىمىز كەرەك»،-دەدى.


بەرىپ كەت ورامالىڭدى

دوستار

الىستاعى اق ەركە