جاڭا حابارلار

قىزمەت اترەتىندەگىلەر ەركشە باعىمشىلىق ارقىلى ديحانداردىڭ كەدەيلىكتەن قۇتىلىپ، كىرىسىن ارتتىرۋىنا كومەكتەستى.

    كەلۋ قاينارى: شينجياڭ حالىق راديو ىستانسياسى    2017-10-30 11:55:09  

ستانسيامىزدىڭ ءتىلشىسى ايبىنحازى راحىمان ۇلى مەن اقسۋ رايو ستانسياسىنىڭ ءتىلشىسى لي پۋدىڭ وسى جونىندەگى حابارىن تىڭداڭىزدار: بيىل جىل باسىنان بەرى، ونسۋ اۋداندىق ورمان شارۋاشىلىعى مەكەمەسىنىڭ ارىلىق قالاشىعى يىرما قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى سول جەردىڭ جاعدايىنا قاراي، ءار ۇلت قىستاق ديحاندارىن ساۋىن سيىر باعىمشىلىعىن دامىتىپ، جەرگىلىكتى ورىنداعى كەدەي، قينشىلىعى بار وتباسىلارىنىڭ كەدەيلىكتەن قۇتىلىپ، كىرىسىن ارتتىرۋىنا كومەكتەستى.
تاڭەرتەڭ ەرتە، ونسۋ اۋدانى ارىلىق قالاشىعى يىرما قىستاعىنىڭ ديحانى يمام امەت ءوزىنىڭ ساۋىن سيىر قوراسىنا بارىپ، ساۋىن سيىرلارعا جەم-ءشوپ بەردى، بۇل سيىرلار بۇرىن ونىڭ ءوز سيىرى بولسا، قازىر سەلبەستىك كوپەراتيۆبىنىڭ سيىرىنا اينالدى. مىنە وسىلايشا قازىر ول كەدەيلىكتەن دە قۇتىلدى. ونسۋ اۋداندىق ورمان شارۋشىلىعى مەكەمەسىنەن قىستاقتا تۇرعان قىزمەت اترەتىنىڭ كومەگىندە، بيىل يمام امەت 17 ساۋىن سيىردى سىناق رەتىندە باقتى، كەلەر جىلى وسى مەزگىلدە، ونىڭ سيىر قوراسىنا تاعى بىرنەشە بۇزاۋ كوبەيەتىن بولادى. يمام امەت: «بۇرىن ەگىن ەككەندە كىرىسىم ماردىمسىز بولاتىن، مال شارۋاشىلىعىمەن شۇعىلداندانعاننان كەيىن، كىرىسىم ارتتى، قازىر جىلىنا 100 مىڭ يۋان كىرىس كىرگىزەم،»-دەدى.
ونسۋ اۋدانى ارىلىق قالاشىعى يىرما قىستاعى جۇگەرى ەگۋدى نەگىز ەتەدى، بۇل قىستاقتىڭ ساۋىن سيىر باعىمشىلىعىن دامىتۋىن جەتكىلىكتى جەم-شوپپەن قامدادى. بيىل جىل باسىنان بەرى، قىستاقتا تۇرعان قىزمەت اترەتى قىستاق ديحاندارىن ساۋىن سيىر باعۋ ارقىلى كىرىسىن ارتتىرۋعا شابىتتاندىرۋمەن بىرگە، تەحنيكتەردى جەتەكشىلىك ەتىپ كومەكتەسۋگە ۇسىنىس ەتتى. قىزمەت اترەتىنىڭ مۇشەسى تۇرسىن ازەز: « ولار جىل سايىن جۇگەرى ەكسەدە كىرىسى ماندىماي كەلگەن ەدى، كەيىن ءبىز باعىمشىلىق تەحنيكاسىن ۇيرەتتىك، مال شارۋاشىلىق مەكەمەسىنىڭ ادامدارى دا تەحنيكالىق جاقتان جەتەكشىلىك ەتتى، قازىر ءبىر بۇزاۋىنىڭ ءوزىن 5 تە 7 مىڭ يۋانعا ساتۋعا بولادى،-دەدى.
قازىر، يىرما قىستاعىنداعى 375 وتباسى ساۋىن سيىر باعىمشىلىعىمەن شۇعىلدانادى، الايدا، قىستاقتاعى 50 وتباسى ءالى دە كەدەيلىكتەن قۇتىلا العان جوق. تۇتاس قىستاقتى كەدەيلىكتەن قۇتىلدىرۋ ءۇشىن، قىزمەت اترەتى كەدەي وتباسىلارىن الدا قۇرىلاتىن سەلبەستىك كوپەراتيۆىنە كىرگىزۋدى جوسپارلاپ، كەدەي وتباسىلارىن سيىرىنا قاراي كوپەراتيۆكە قاتىناستىرىپ، جىل سوڭىندا پايداعا ورتاق كەنەلتتى، سەلبەستىك كوپەراتيۆى باعىمشىلىق تەحنيكاسى، ونىمدەردى ساتۋ سياقتى وتكەلەكتەرگە كومەك كورسەتەدى. قىستاق پارتيا ياچەيكاسىنىڭ شۋجيى اقنياز يسام بىلاي دەدى: «ءبىز 100 مۋ جەر اجىراتىپ، 30 دا 50 مىڭ يۋان ارالىعىنداعى شاعىن سومالى قارىز اقشا تاراتۋ فورماسى ارقىلى كەدەي وتباسىلارىنا سيىر ساتىپ الىپ بەرەمىز دە، ونى سەلبەستىك كوپەراتيۆتە بىرلىكتە باعامىز. وسى ارقىلى بۇرىنعى ءار وتباسى وزدەرى باعاتىن ءداستۇرلى باعىمشىلىق فورماسى قازىرگىدەي ءبىر قورادا جيناپ باعۋ سىندى وسى زامانعى باعىمشىلىققا وزگەرتىلدى، سونىمەن بىرگە، تەحنيكالىق جاقتان دا ارناۋلى جەتەكشىلىك ەتتىك، مىنە بۇل سيىر باعاتىن ديقانداردىڭ كىرىسىن كورنەكتى ارتتىرادى».


بەرىپ كەت ورامالىڭدى

دوستار

الىستاعى اق ەركە