جاڭا حابارلار

رايونىمىزدىڭ جەر-جەرى، تاراۋلارى ءتۇرلى فورمالارمەن 19-قۇرىلتاي رۋحىن ۇيرەندى، ۇگىتتەدى، دايەكتىلەندىردى

    كەلۋ قاينارى: شينجياڭ حالىق راديو ىستانسياسى    2017-10-30 12:17:56  

ستانسيامىزدىڭ جيناق حابارىن تىڭداڭىزدار: بىرنەشە كۇننەن بەرى، رايونىمىزدىڭ جەر-جەرى، تاراۋلارى اۆتونوميالى رايوننىڭ ءبىر تۇتاس ورنالاستىرۋى بويىنشا، ءتۇرلى فورما ارقىلى ۇگىت تەبىنىن ارتتىرىپ، 19-قۇرىلتايدىڭ رۋحىن ۇيرەنۋ، ۇگىتتەۋ، دايەكتىلەندىرۋدىڭ قىزۋ ورلەۋىن جەدەل كوتەردى.
اۆتونوميالى رايوندىق حالىق ۇكىمەتى كەڭسەسى 19-قۇرىلتاي رۋحىن ۇيرەنۋ، ۇگىتتەۋ، دايەكتىلەندىرۋ جونىندە ورنالاستىرۋ جاسادى، بىرنەشە كۇننەن بەرى، كەڭسەنىڭ ءار قايسى باسقارما-بولىمىندەگى پارتيالى كادرلار قاز-قالپىندا، ءىس جۇزىندىكپەن ۇشتاستىرا ۇيرەندى، كەڭسە حاتشىلار 4-باسقارماسىنىڭ ورىنباسار باستىعى شامشىنۇر ياقۇپ: ءبىز 19-قۇرىلتاي بايانداماسىنداعى ءاربىر ءسوزدى ۇزدىكسىز مۇقيات ۇيرەنىپ، 19-قۇرىلتايدىڭ بايانداماسىن جەتە ءتۇسىنىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحى بويىنشا شىنايى بىرلىككە كەلتىرىپ، پارتيالىلىقتى دارىپتەپ، جالپى جاعدايعا ءمان بەرىپ، « ءتورت تانىمدى» كۇشەيتىپ، ءوز قىزمەتىمىزبەن ۇشتاستىرىپ، تىڭ باستامانى تابان تىرەر تياناق ەتىپ، اناعۇرلىم قۇلشىنىپ تابىسقا قول جەتكىزىپ، پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بىلەك سىبانا قايراتتانا ىسكە كىرىسەمىز،-دەدى.
19-قۇرىلتايدىڭ بايانداماسىندا ەكولوگيالىق وركەنيەت قۇرىلىسى تىڭ دەڭگەيگە كوتەرىلدى. 19-قۇرىلتاي بايانداماسىن ۇيرەنگەننەن كەيىن، اۆتونوميالى رايوندىق قورشاعان ورتانى قورعاۋ مەكەمەسى جوبا-قازىنا باسقارماسىنىڭ باستىعى شىن جى: «19-قۇرىلتايدىڭ بايانداماسىندا، ەكولوگيالىق وركەنيەتتى كوركەيتۋ ــــ جۇڭحۋا ۇلتتارىنىڭ ماڭگى دامىتاتىن مىڭ جىلدىق ۇلى جوباسى، ەكولوگيالىق وركەنيەتتى قورعاۋدا مىندەت اۋىر، جول ۇزاق ەكەندىگى ايقىن ورتاعا قويىلدى، ءبىز دە قورشاعان ورتانى قورعاۋ قىزمەتىنىڭ ءدوپ كەلگەن قيىن جاعدايى مەن جاپالى مىندەتتەرىن اڭعاردىق، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە، ءسوزجوق، قارىشتاپ العا باسىپ ەكولوگياسى تاماشا وركەنيەتتى دامۋ ارناسىنا تۇسەتىندىگىمىزگە كامىل سەنەمىز»،-دەدى.
 سونىمەن بىرگە، تيانشاننىڭ تۇستىگى مەن تەرىستىگىندە دە 19-قۇرىلتاي رۋحىن ۇيرەنۋ، ۇگىتتەۋ، دايەكتىلەندىرۋدىڭ قىزۋ ورلەۋى كوتەرىلدى. جەر-جەر تۇرلىشە جولدارمەن 19-قۇرىلتاي رۋحىن ورگانعا، الەۋمەتتىك اۋماققا، اۋىل-قسىتاققا، مەكتەپكە جەتكىزۋدى ىلگەرلەتتى.
«اعاي سالەمەتسىزبە، بۇگىن ءسىزدىڭ ۇيىڭىزگە كەلۋدەگى ماقسات 19-قۇرىلتايدىڭ رۋحىن ۇگىتتەۋ، تەلەۆيزوردان كوردىڭىزبە؟».
«كوردىم».
«سىزشە قانداي سياقتى؟».
«توتەنشە كەرەمەت! مەملەكەت ءۇشىن، حالىق ءۇشىن اسا زور قۇلشىنىس جاسالدى. جۇڭگولىق بولعانىمدى ماقتانىش سانايمىن».
تاياۋدا، قۇلجا قالالىق ءادىليا مەكەمەسى ۇگىت-لەكسيا ۇيىرمەسىنىڭ باستىعى ميھىرنيسا توقتى قۇلجا قالاسى بايانداي قالاشىعىنىڭ ساندۋان قىستاعىنداعى تۇرعىن ما چۇنليننىڭ ۇيىنە بارىپ، 19-قۇرىلتايدىڭ رۋحىن ۇگىتتەدى. ميھىرنيسا توقتى ۇنەمى نەگىزگى ساتىعا بارىپ ۇگىت-لەكسيا جاسايتىندىقتان، بۇقارا ونى «دامي» مۇعالىم دەپ اتاساتىن. ۇگىت لەكسيانى تىڭداعاننان كەيىن، ما چۇنلين جۇڭگولىق بولعانىن ماقتانىش ەتتى. ول: «بۇرىن 17 مۋ جەردەن جىلدىق كىرىسىمىز 10 مىڭ يۋانعا جەتپەيتىن، قازىر اي سايىن ءبىر مىڭ 200 يۋان، جىلدىق كىرىسىمىز 10 مىڭ يۋاننان اسادى. بۇگىن دامي مۇعالىمنىڭ ۇگىت-لەكسياسىن تىڭداپ، تۇرمىسىمىزدىڭ ونان ارى جاقساراتىنىنا سەنىمىمىز كامىل، جۇڭگولىق بولعانىمدى ماقتانىش سانايمىن»،-دەدى.

بىرنەشە كۇننەن بەرى، قۇمىل قالالىق ۇلتتىق ءتىل-جازۋ بايىرعى زامان كىتاپتارى كەڭسەسىنىڭ ەۋىرعول رايونى قالا ءىشى اۋىلى التۇن قىستاعىندا تۇراتىن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەسى مۇجيبۇل راحمان قىستاق كوميتەتىنىڭ راديو پونكيتىنەن پايدالانىپ، ءار كۇنى تۇستە بەلگىلى ۋاقىتتا ءبىر جارىم ساعات حاباردى جالعاپ تاراتىپ، قىستاق تۇرعىندارىنىڭ پارتيا 19-قۇرىلتايىنىڭ رۋحىن اناعۇرلىم كوپ تۇسىنۋىنە مۇمكىندىك جاسادى. سونىمەن بىرگە، مۇجيبۇل راحمان مەن ارىپتەستەرى ءار ۇلت بۇقاراسى ۇناتىپ كورىپ، ءسۇيىپ تىڭدايتىن فورمامەن 19-قۇرىلتايدىڭ رۋحىن ۇگىتتەۋدى جوسپارلاۋدا. ول بىلاي دەدى: «ءبىز تاياۋدا قىستاق تۇرعىندار كوميتەتىندە قوس ءتىل جونىندە سۇراۋ-جاۋاپ جارىسىن وتكىزۋدى ۇيىمداستىرماقشىمىز، مۇنداعى ماقساتىمىز قىستاق تۇرعىندارىنىڭ مەملەكەت ءتىلى قابىلەتىن جوعارىلاتىپ، قىستاق تۇرعىندارىنا 19-قۇرىلتايدىڭ مازمۇنىن اناعۇرلىم جاقسى جەتكىزۋ».
«جەلەگىڭدى اشايىن، ايداي جۇزىڭدى كورەيىن، قيىلعان قارا قاستارىڭ.... » بىرنەشە كۇننەن بەرى، باي اۋدانى باي قالاشىعى رىستان الەۋمەتتىك اۋماعى بۇقارالىق مادەنيەت قيمىلى ورتالىعىنىڭ جاتتىعۋ ۇلكەن زالىندا، رىستان الەۋمەتتىك اۋماعىنىڭ ادەبيەت-كوركەمونەر جاعىنداعى تىرەكتى كادرلارى ادەبيەت-كوركەمونەر نومىرلەرىنە جاتتىعىپ، ادەبيەت-كوركەمونەر ويىندارىن قويۋ فورماسىمەن، بۇقاراعا 19-قۇرىلتايدىڭ رۋحىن ۇگىتتەدى. باي اۋدانى باي قالاشىعى مادەنيەت پۋنكتىنىڭ كادرى ايشام ءالي بىلاي دەدى: «ءبىز الەۋمەتتىك اۋماقتارداعى مادەنيەت-كوركەمونەر تىرەكتىلەرىن ءنومىر دايىنداپ، الەۋمەتتىك اۋماقتارعا بارىپ ويىن قويىپ، 19-قۇرىلتايدىڭ رۋحىن ۇگىتتەپ، ونى ءار ۇلت بۇقاراسىنىڭ كوكەيىنە قوندىرىپ، جۇرەگىنە ۇيالاتۋعا ۇيىمداستىردىق. مەن مادەنيەت پۋنكتىنىڭ كادرىمىن، مادەنيەت-كوركەمونەر فورماسىمەن 19 ـ قۇرىلتايدىڭ رۋحىن ۇگىتتەپ، ``ءۇش ءتۇرلى كۇش`` پەن ``ەكى بەتكەيلەردى`` كۇرەسىندى تازالاعانداي تازالاپ، كوركەم مەكەندى بىرلىكتە قۇرامىز».
28-قازان، كورلا قالاسى ىنتىماق ءمالى باسقارماسى يۇڭ-ءان الەۋمەتتىك اۋماعىنىڭ پارتيالى كادرلارى تۇرعىندارعا 19-قۇرىلتايدىڭ رۋحىن ۇگىتتەدى. الەۋمەتتىك اۋماق پارتكومىنىڭ شۋجيى لي مەيشىڭ، ماڭگى سونبەس رۋحاني كۇي جانە تىنباي العا باساتىن كۇرەس جاساۋ بەينەسى ارقىلى جاڭا بورىشتى كۇش سالا ارقالايتىنىن ايتا كەلىپ بىلاي دەدى: «ءبىز پارتيانىڭ ءۇنىن ءار ۇلت تۇرعىندارىنا جەتكىزۋگە مىندەتتىمىز، تىزە قوسا سەلبەسىپ، الەۋمەتتىك اۋماقتاعى ءار ۇلت تۇرعىندارىن اناعۇرلىم تىنىش، اناعۇرلىم ءجايلى، اناعۇرلىم مەرەيلى تۇرمىسقا كەنەلتىپ، كورلا قالاسىنىڭ دامۋىنا اناعۇرلىم زور ۇلەس قوسايىق».
27-قازان، سانجى قالالىق پارتكوم پارتيا مەكتەبىنىڭ جوعارى دارەجەلى لەكتورى سۇي جيمين سانجى قالالىق مەملەكەت جەر بايلىعى مەكەمەسىنە بارىپ، ورگان كادرلارىنا پارتيا 19-قۇرىلتايىنىڭ رۋحى جونىندە ارناۋلى تاقىرىپتا پارتيا ساباعىن ءوتتى، پارتيا ساباعىندا سۋرەتتەر مەن تۇسىنىك بەرۋ ۇشتاستىرىلىپ، ىشكەرىلەي ءتۇسىندىرىلدى. سانجى قالالىق مەملەكەت جەر بايلىعى مەكەمەسىنىڭ باستىعى ۋ جۇن بىلاي دەدى: «وسى رەتكى پىسىقتاۋ بارىسىندا جاڭا ءداۋىردىڭ جاڭا ەرەكشەلىگىنە دەگەن تانىم اناعۇرلىم كۇشەيدى. ەندىگى كەزەكتە، باياندامادا العا قويىلعان ``مەملەكەت تەرريتورياسى كەڭىستىگىن اشۋ، قورعاۋ ءتۇزىمىن ورناتۋ``، `` اۋىل-قىستاقتى كوركەيتۋ ستراتەگياسىن اتقارۋ`` تالابىن ارقاۋ ەتىپ، قوعام ءۇشىن بۇرىنعىدان دا ويداعىداي قىزمەت ەتەمىز».
بىرنەشە كۇننەن بەرى، كۇشار اۋداندىق 2-بالالار باقشاسى بالالار باقشاسىنداعى وقىتۋشىلار مەن جۇمىسشى-قىزمەتكەرلەردى 19-قۇرىلتاي بايانداماسىنىڭ رۋحىن ۇيرەنۋگە ۇيىمداستىردى. وقىتۋشى فاڭ داندان وتكەن جىلى قىركۇيەكتە ىشكى ولكەدەن كۇشارعا كەلگەننەن كەيىن، پارتيا مەن مەملەكەتتىڭ مەكتەپكە ءتۇسۋ الدىنداعى « قوس ءتىل» تاربيەسىنە ءمان بەرۋىن جانە اتا-انالاردىڭ بالالارىنىڭ ءبىلىم ۇيرەنۋىنەن كۇتكەن ءۇمىتىن شىنايى سەزىندى. ول بىلاي دەدى: «19-قۇرىلتاي بايانداماسىندا وقۋ-اعارتۋ قىزمەتىنە تىڭ تالاپتار قويىلدى، بوبەكتەر وقىتۋشىسى سالاۋاتىممەن مەن بوبەكتەرگە مەملەكەت ءتىلىن ۇيرەتىپ، مەملەكەت ءتىلىن ويداعىداي پايدالانۋىنا مۇمكىندىك جاسايمىن، تاعى ولاردىڭ جۇرەگىنە وتاندى ءسۇيۋ، العىس ايتۋ، ۇلتتار ىنتىماعى تۇقىمىن ءسىڭىرىپ، تاربيەلەۋىمىز ارقىلى، بالالاردىڭ پارتيانىڭ شۇلەن شۇعىلاسىندا ەسەيىپ-ەرجەتۋىنە مۇمكىندىك جاسايمىز».


بەرىپ كەت ورامالىڭدى

دوستار

الىستاعى اق ەركە