جاڭا حابارلار

19-قۇرىلتايدىڭ بايانداماسى مەن تۇسىندىرمە وقۋلىعى بۇكىل شينجياڭ كولەمىندە ۇقساس ءبىر ۋاقىتتا باسىپ تاراتىلادى

    كەلۋ قاينارى: شينجياڭ حالىق راديو ىستانسياسى    2017-10-30 12:41:04  

ستانسيامىزدىڭ ءتىلشىسى چيۋ جين مەن پراكتيكانت ءتىلشى گو جيحۋانىڭ حابارىن تىڭداڭىزدار: رايونىمىزداعى ءار ۇلت كادر، بۇقاراسىنىڭ 19-قۇرىلتايدىڭ رۋحىن ۇيرەنۋ، ۇگىتتەۋ شۇعىل قاجەتىن دەر كەزىندە قاناعاتتاندىرۋ ءۇشىن، قازىر 19-قۇرىلتايدىڭ بايانداماسى جانە تۇسىندىرمە وقۋلىعى قاربالاس باسىلۋدا. تۇڭعىش توپتاعى حانزۋ ءتىلى نۇسقاسىنداعى 19-قۇرىلتايدىڭ بايانداماسى مەن 19-قۇرىلتاي بايانداماسىنىڭ تۇسىندىرمە وقۋلىعى بۇگىن بۇكىل ەلىمىزبەن ۇقساس ءبىر ۋاقىتتا تاراتىلادى.
29-قازان تۇستەن كەيىن، ءتىلشى شينجياڭ شينحۋا باسپا زاۆوتىندا، باسپا سەحىنىڭ قاربالاس كۇيگە ەنىپ، 6 ءىرى باسپا جابدىعىنىڭ جەدەل اينالىمعا ءتۇسىپ، جاڭادان باسىپ شىعارىلعان 19-قۇرىلتاي بايانداماسىنىڭ كىتاپشاسى مەن تۇسىندىرمە وقۋلىعىنىڭ دايىن بولعانىن كوردى. شينجياڭ شينحۋا زاۆوتىنىڭ باستىعى گو چۋان بىلاي دەدى: «زاۆود قىركۇيەكتىڭ اياعىنان باستاپ جابدىقتاردى جوندەپ، رەتتەپ، نۇسقاسى زاۆوتقا اكەلىنسە بولعانى 12 ساعاتتا كىتاپ ەتىپ باسىپ شىعارۋعا دايىن تۇردى. 29-قازان تاڭ سارىدە ەلەكتروندى نۇسقاسىن الىپ، زاۆوتتىڭ بەت جاسايتىن سەحىندەگى جۇمىسشى-قىزمەتكەرلەردى بايانداما وقۋلىعىن ەكى ساعاتتا ءتىزىپ شىعىپ، باسپا سەحىنە تاپسىرۋعا ۇيىمداستىردىق. 29-قازان تاڭعى ساعات 3 جارىمنان باستاپ باسىپ، 29-قازان كەشكى ساعات 8 دەن اسقاندا، ءبىرىنشى توپتاعى 80 مىڭ دانا وقۋلىقتى تۇگەلدەي شينحۋا كىتاپحاناسىنا جونەلتتىك».
شينجياڭ حالىق باسپاسى مەكەمەسى پارتكومىنىڭ ورىنباسار شۋجيى، مەكەمە باستىعى مامەتجان ماحمۇت بىلاي دەپ تانىستىردى: وسى رەتكى باسىپ شىعارىلعان 19-قۇرىلتايدىڭ بايانداماسى مەن تۇسىندىرمە وقۋلىعىندا « جۇڭگو كوممۋنيستىك پارتياسى مەملەكەتتىك 19-قۇرىلتايىنىڭ بايانداماسى»، «جۇڭگو كوممۋنيستىك پارتياسى مەملەكەتتىك 19-قۇرىلتايىنىڭ حۇجاتتار جيناعى»، «جۇڭگو كوممۋنيستىك پارتياسىنىڭ ۇستاۆى» جانە «جۇڭگو كوممۋنيستىك پارتياسى مەملەكەتتىك 19-قۇرىلتايى بايانداماسىنىڭ ءتۇسىندىرمە وقۋلىعى» قامتىلدى. مۇنىڭ شىندە، حانزۋ ءتىلى نۇسقاسىنداعى 19-قۇرىلتاي بايانداماسى مەن تۇسىندىرمە وقۋلىعى بۇگىن بۇكىل ەلىمىزبەن ۇقساس ءبىر ۋاقىتتا تاراتىلادى، 19-قۇرىلتايدىڭ ۇيعۇر، قازاق، قىرعىز، سىبە سياقتى تىلدەرىندەگى وقۋلىقتارى قاربالاس رەداكسيالاۋ-اۋدارىلۋ ۇستىندە، بۇلار دا تەز ارادا باسپادان شىعارىلىپ تاراتىلادى. شينجياڭ حالىق باسپاسى باس مەكەمەسى مەن شينجياڭ حالىق باسپاسى مەكەمەسى اۋدارۋ، رەداكسيالاۋ، باسپادان شىعارۋ، باسۋ، تاراتۋ جوباسىن جاسادى. اقسۋ، قاشقار، حوتان، قىزىلسۋ وبلىسىنا ايروپلانمەن تاسۋ ءتاسىلى ارقىلى جەدەل جەتكىزىلىپ، 30-قازاندا ءبىر ۋاقىتتا تاراتۋعا كەپىلدىك ەتىلەدى. 20 كۇننىڭ ىشىندە بارلىق از ۇلت تىلىندەگى نۇسقاسى شينجياڭ كولەمىندە ءبىر ۋاقىتتا تاراتىلادى».


بەرىپ كەت ورامالىڭدى

دوستار

الىستاعى اق ەركە