باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

2017-جىلعى رايونىمىزداعى جاي جوعارى مەكتەپتەردەن بىتىرگەن وقۋشىلاردى 9-توپتا شينجياڭعا كومەكتەسەتىن ولكە، قالالارعا جىبەرىپ تاربيەلەۋ قيمىلى باستالدى

    كەلۋ قاينارى: شينجياڭ حالىق راديو ىستانسياسى    2017-11-02 12:13:42  
ستانسيامىزدىڭ ءتىلشىسى دۇڭ جىيۇڭنىڭ حابارىن تىڭداڭىزدار: 2017-جىلعى اۆتونوميالى رايونداعى جاي جوعارى مەكتەپتەردەن بىتىرگەن وقۋشىلاردى 9-توپتا شينجياڭعا كومەكتەسەتىن ولكە، قالالارعا جىبەرىپ تاربيەلەۋ قيمىلى 1-قاراشا تۇستەن بۇرىن باستالدى.
تاڭەرتەڭ ەرتە، بايىنعولىن وبلىسىنان كاسىپتەنۋ،شارۋاشىلىق قۇرۋ ماقساتىمەن كەلگەن جاي جوعارى مەكتەپ بىتىرگەن 130 وقۋشى ءۇرىمجى جوعارى قارقىندى تەمىر جول جاڭا جولاۋشىلار ۆاگزالىندا بەيجيڭگە باراتىن پويەزدى كۇتتى، ولار جولشىباي پويەز اۋىستىرىپ شيۇڭ-ان جاڭا رايونىنا بارىپ 15 كۇندىك كۋرسكە قاتىناسادى. جوعارى مەكتەپ بىتىرگەن وسى 130 وقۋشى شيۇڭ-ان جاڭا رايونىندا مەمەلەكەت جاعدايىن، مەملەكەت ساياساتىن تانۋ، وتانشىلدىق تاربيە، كاسىپتەنۋ، شارۋاشىلىق قۇرۋ ساياساتى، كاسىپتىك تەحنيكالىق قابلەت سياقتى كۋرستەرگە قاتىناسادى،ءارى كاسىپتەنۋ، شارۋاشىلىق قۇرۋ، دامىتۋ بازاسى، ونەركاسىپ باقشا رايونى سياقتى جەرلەرگە بارىپ ۇيرەنەدى.
لوپنۇر اۋدانىنان كەلگەن حۋ چيلۇڭ ەسىمدى جىگىت بيىل ۋنيۆەرسيتەت بىتىرگەن، قىزمەت قاراستىرىپ جۇرگەن ول اۆتونوميالى رايوننىڭ جاي جوعارى مەكتەپ ءبىتىرىپ كاسىپتەنبەگەن وقۋشىلاردى شينجياڭعا كومەكتەسەتىن ولكە، قالالارعا جىبەرىپ تاربيەلەۋ جوسپارىن ەستىگەننەن كەيىن وسى كۋرسكە تىزىمدەلىپتى، ول بىلاي دەدى: شيۇڭ-ان جاڭا رايونىنا بارىپ ۇيرەنۋگە قاتىناساتىن بولدىم، ەرەكشە قۋانىشتىمىن، وڭاي قول جەتپەيتىن وسى ورايدى قاستەرلەپ، ساباقتاردى مۇقيات ۇيرەنەمىن، وقىپ قايتا ورالعاننان كەيىن كورىكتى مەكەنىمىزدى اناعۇرلىم كوركەيتۋگە ۇلەس قوسامىن.
مەملەكەت پەن اۆتونوميالى رايوننىڭ كاسىپتەندىرۋدى الدىڭعى ورىنعا قويۋعا تاباندى بولۋ ستراتەگياسىن دايەكتىلەندىرىپ، اۆتونوميالى رايوننىڭ جاي جوعارى مەكتەپ ءبىتىرىپ كاسىپتەنبەگەن وقۋشىلاردى كاسىپتەندىرۋ ماسەلەسىن ويداعىداي شەشۋ ءۇشىن، رايونىمىز 2011-جىلى قاڭتاردان باستاپ، جاي جوعارى مەكتەپ ءبىتىرىپ كاسىپتەنبەگەن وقۋشىلاردى شينجياڭعا كومەكتەسەتىن ولكە، قالالارعا جىبەرىپ تاربيەلەۋ جوسپارىن اتقارىپ، 7 جىلدا جيىنى مولشەرمەن 45 مىڭ ادامنىڭ كاسىپتەنۋ ماسەلەسىن شەشتى. بيىل، اۆتونوميالى رايون جاي جوعارى مەكتەپ ءبىتىرىپ كاسىپتەنبەگەن 4 مىڭ وقۋشىنى تاربيەلەۋدى جوسپارلادى، 31-قازانعا دەيىن، جاي جوعارى مەكتەپ ءبىتىرىپ كاسىپتەنبەگەن 3 مىڭ 826 وقۋشىنى تاربيەلەدى. اۆتونوميالى رايوندىق الەۋمەتتىك كاسىپتەندىرۋگە قىزمەت ەتۋ مەكەمەسى جوعارى تەحنيكوم مەن ورتا تەحنيكوم بىتىرگەن وقۋشىلاردىڭ كاسىپتەنۋىنە قىزمەت ەتۋ باسقارماسىنىڭ ورىنباسار تەكسەرىپ-زەرتتەۋشىسى فىڭ جيانجياڭ بىلاي دەدى: 20-قاراشادان بۇرىن، 4 مىڭ وقۋشىنى كۋرسكە قاتىناستىرۋ نسىانالى مىندەتىن ورىنداپ عانا قالماستان، ونىڭ ۇستىنە 600 وقۋشىنى كۋرسكە قاتىناستىرىپ، مىندەتتى اسىرا ورىنداماقشىمىز. كۋرس كەزىندەگى جاتىن ورىن، وقۋ قاراجاتى، تۇرمىس قاراجاتتتارىن شينجياڭعا كومەكتەسەتىن ولكە، قالالار تولىق قامتاماسىز ەتەدى. قايتىپ كەلگەننەن كەيىن بارلىعى كاسىپورىندار مەن ءىس ورىندارىنداعى قىزمەت ورىندارىنا بارىپ قىزمەت ىستەيدى.
ءان الەمى

جول توسىلىپ قالدى

تۇلپارىم