باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ا ق ش زۇڭتۇڭى ترامپپەن بىرگە تىلشىلەرمەن كەزدەستى

    كەلۋ قاينارى: شينجياڭ گازەتى    2017-11-10 19:40:01  
 شينحۋا اگەنتتىگىنىڭ 9 - قاراشادا بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - قاراشا كۇنى حالىق سارايىندا جۇڭگوعا مەملەكەتتىك ساپارمەن كەلگەن ا ق ش زۇڭتۇڭى ترامپپەن بىرگە تىلشىلەرمەن كەزدەستى.
  شي جينپيڭ مىنالاردى اتاپ كورسەتتى: 2 كۇننەن بەرى، مەن ترامپ زۇڭتۇڭمەن جۇڭگو - ا ق ش قارىم - قاتىناسى جانە تاراپتار بىردەي كوڭىل بولەتىن ماڭىزدى حالىقارالىق، وڭىرلىك ماسەلەلەر تۋرالى تەرەڭ پىكىر اۋىستىم، ءبىز الداعى ءبىر مەزگىلدەگى ەكى ەل قاتىناسىنىڭ دامۋى جونىندە ءبىرسىپىرا جاڭا، ماڭىزدى ورتاق تانىمعا كەلدىك. ءبىزدىڭ كەڭەسىمىز سىندارلى بولدى جانە مول تابىسقا قول جەتكىزدى. جۇڭگو مەن ا ق ش ەلدەرىنىڭ دامۋى ءبىرىن - ءبىرى تولىقتىرادى جانە ءبىر - بىرىنە قايشى كەلمەيدى، جۇڭگو مەن ا ق ش - تىڭ وزىنە ءتان تابىستارى تاراپتاردىڭ ورتاق مۇددەسىنە ۇيلەسەدى. كۇردەلى دە الماعايىپ حالىقارالىق جاعدايعا سايكەس، جۇڭگو مەن ا ق ش ەلدەرىنىڭ دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋ، الەمنىڭ دامۋى مەن گۇلدەنۋىن ىلگەرىلەتۋ جاقتارىنداعى ورتاق مۇددەلەرى ونان ارى كوبەيىپ، ارقالاعان جاۋاپكەرشىلىكتەرى ونان ارى اۋىرلاپ، ىنتىماقتاستىق كەڭىستىگى ونان ارى كەڭەيىپ كەلەدى. اقاۋسىز، ورنىقتى دامىعان جۇڭگو - ا ق ش قاتىناسى ەكى ەل حالقىنىڭ ءتۇبىرلى مۇددەسىنە ۇيلەسىپ قالماستان، حالىقارالىق قوعامنىڭ ورتاق تىلەگى دە بولىپ وتىر. جۇڭگو مەن ا ق ش ەلدەرى ءۇشىن ايتقاندا، ىنتىماقتاستىق − بىردەن - ءبىر دۇرىس تالعام، تەڭ يگىلىككە كەنەلۋ عانا اناعۇرلىم جارقىن بولاشاققا جول اشادى. ترامپ زۇڭتۇڭ ەكەۋىمىز ۇزدىكسىز تۇردە ءتۇرلى تاسىلدەر ارقىلى تىعىز بايلانىستى ۇزبەي، تاراپتار بىردەي كوڭىل بولەتىن ماڭىزدى ماسەلەلەر ۇستىندە پىكىر اۋىسىپ وتىرۋعا كەلىستىك. ەكى جاق جۇڭگو مەن ا ق ش - تىڭ ديپلوماتيا جانە حاۋىپسىزدىك، جان - جاقتى ەكونوميكا، قوعام جانە گۋمانيتارلىق، زاڭ اتقارۋ جانە ينتەرنەت حاۋىپسىزدىگى سىندى 4 جوعارى دارەجەلى كەڭەس مەحانيزمىنەن تولىق پايدالانىپ، كەڭەس مەحانيزمىنىڭ اناعۇرلىم مول جەتىستىكتەر بەرۋىن ىلگەرىلەتۋ جولىندا بىرگە قۇلشىنۋدى قۇپتادى. ەكى جاق ەكى ەل ارمياسىنىڭ ءار ساتىلى بايلانىسى مەن كەڭەسىن كۇشەيتىپ، زاڭ اتقارۋ جانە ينتەرنەت حاۋىپسىزدىگى سالاسىنداعى ىنتىماقتاستىقتى كۇشەيتۋدى قۇپتادى.
  جۇڭگو مەن ا ق ش - تىڭ ەكونوميكا - ساۋدا ىنتىماقتاستىعى تۋرالى توقتالعاندا، شي جينپيڭ مىنالاردى اتاپ كورسەتتى: ەكى مەملەكەت باسشىسى جۇڭگو مەن ا ق ش دۇنيە جۇزىندەگى الدىڭعى 2 ۇلكەن ەكونوميكالىق تۇلعا جانە عالامدىق ەكونوميكالىق ارتۋدىڭ جەتەكشىسى ساناتىندا، ساۋدا مەن قارجى قوسۋ جاعىنداعى ىنتىماقتاستىقتى كەڭەيتىپ، ماكرولىق ەكونوميكالىق ساياساتتاردىڭ سايكەستىرىلۋىن كۇشەيتىپ، ەكى ەلدىڭ ەكونوميكا - ساۋدا قاتىناستارىنىڭ اقاۋسىز، ورنىقتى، اۋقىمدى، تەڭ العا قاراي دامۋىن ىلگەرىلەتۋگە ءتيىس دەپ قارادى. جۇڭگو مەن ا ق ش - تىڭ الداعى ەكونوميكالىق ىنتىماقتاستىق جوسپارىن جاساپ جانە اتقارىپ، ەكى ەلدىڭ ەنەرگيا، نەگىزدىك قۇرىلعى قۇرىلىسى، «ءبىر بەلدەۋ، ءبىر جول» قۇرىلىسى سياقتى سالالارداعى ناقتى ىنتىماقتاستىعىن بەلسەندى تۇردە ورىستەتۋدىڭ قاجەتتىلىگى بار. ساپار كەزىندە ەكى جاق قول قويىسقان ساۋدا توقتامدارى مەن قوس باعىتتا قارجى قوسۋ كەلىسىمدەرى ەكى مەملەكەتتىڭ ەكونوميكا - ساۋدا سالاسىنداعى ىنتىماقتاستىعىنىڭ كەڭ ءورىسىن تولىق ايگىلەدى، بۇل ەكى ەل حالقىنا وراسان زور ناقتى يگىلىكتەر اكەلەدى.
  كورەي تۇبەگىندەگى يادرو ماسەلەسى جونىندە، شي جينپيڭ مىنالاردى اتاپ كورسەتتى: جۇڭگو مەن ا ق ش تۇبەكتىڭ يادروسىزدانۋىن ىسكە اسىرۋعا تاباندى تۇردە كۇش سالىپ، يادرولىق قارۋدى تاراتپاۋدىڭ حالىقارالىق جۇيەسىن قورعاۋدى قايتالاي دارىپتەدى. ەكى جاق تۇبەكتەگى يادرو ماسەلەسىن كەڭەس جانە كەلىسسوز ارقىلى شەشۋگە كۇش سالادى ءارى قاتىستى جاقتارمەن بىرگە تۇبەك پەن شىعىس سولتۇستىك ازيانىڭ باياندى حاۋىپسىزدىگىن ىسكە اسىرۋدىڭ جولدارىن ىشكەرىلەي قاراستىرۋدى قالايدى.
  شي جينپيڭ مىنالاردى باسا دارىپتەدى: جۇڭگو مەن ا ق ش - تىڭ ورتاق مۇددەسى الاۋىزدىقتان الدەقايدا باسىم، ءبىر - ءبىرىنىڭ يەلىك ۇقىعى مەن تەرريتوريا تۇتاستىعىنا قۇرمەت ەتىپ، ءبىر - ءبىرىنىڭ دامۋ جولى جونىندەگى تالعامى مەن ءبىر - بىرىنىڭ ايىرماشىلىقتارىنا قۇرمەت ەتۋى ءتيىس. تەك قاشاندا سىندارلى پوزيتسيا ۇستانعاندا عانا، ەكى جاق ورتاقتىققا ۇمتىلىپ جانە ايىرماشىلىقتاردى ساقتاپ، ورتاقتىقتاردى شوعىرلاندىرىپ جانە ايىرماشىلىقتى ازايتىپ، ىنتىماقتاستىقتى ىلگەرىلەتۋگە مۇمكىندىك الادى. جۇڭگو دا، ا ق ش تا ازيا - تىنىق مۇحيت رايونىندا ماڭىزدى ىقپالعا يە مەملەكەتتەر. ايدىن - شالقار تىنىق مۇحيت جۇڭگونى دا، ا ق ش - تى دا سيعىزا الادى. ەكى جاق ازيا - تىنىق مۇحيت ىستەرىندە تىلدەسۋ مەن ىنتىماقتاستىقتى نىعايتىپ، ورتاق دوستىق شەڭبەرىن ورناتىپ، سىندارلى ءوزارا ىقپالداستىق جاعدايىن قالىپتاستىرىپ، ءوڭىردىڭ بەيبىتشىلىگى مەن گۇلدەنۋىن بىرگە قورعاۋى جانە جەبەۋى كەرەك.
  شي جينپيڭ مىنالاردى اتاپ كورسەتتى: ترامپ زۇڭتۇڭ ەكەۋىمىز دە ەكى ەل حالىقتارىنىڭ دوستىعى جۇڭگو مەن ا ق ش قاتىناسىنىڭ ۇزاق ۋاقىتتار بويى ورنىقتى بولۋى مەن دامۋىنىڭ تاعانى دەپ قاراپ، گۋمانيتارلىق قارىم - قاتىناستى كەڭەيتۋگە قوسىلدىق.
  شي جينپيڭ مىنالاردى باسا دارىپتەدى: ترامپ زۇڭتۇڭنىڭ جۇڭگوداعى مەملەكەتتىك ساپارى تابىستى تاريحي ساپار بولدى، ەكى مەملەكەت باسشىسىنىڭ وسى جولعى كەزدەسۋى جۇڭگو مەن ا ق ش قاتىناسىنىڭ الداعى ءبىر مەزگىلدەگى دامۋىنىڭ بەتالىسىن ايقىنداپ، جوباسىن كورسەتتى. جۇڭگو جاق ا ق ش جاقپەن بىرگە تاراپتار كەلىسكەن ورتاق تانىم بويىنشا، جۇڭگو مەن ا ق ش قاتىناسىنىڭ اناعۇرلىم زور جەتىستىكتەرگە جەتۋىن ىلگەرىلەتىپ، ەكى ەل حالىقتارى مەن ءار ەل حالىقتارىنا اناعۇرلىم ويداعىداي يگىلىكتەر اكەلۋدى قالايدى.
  ترامپ مىنالاردى ءبىلدىردى: ءتوراعا شي جينپيڭنىڭ وسى جولعى جۇڭگوعا ساپارىمدا مەنى ىستىق ىقىلاسپەن كۇتىپ العانىنا راقىمەت ايتامىن، جۇڭگوداعى ساپارىم ماعان تەرەڭ، ۇمىتىلماستاي اسەر بەردى. جۇڭگونىڭ ۇزاق تاريحى جانە مارقايعان مادەنيەتى بار. جۇڭگو حالقى قول جەتكىزگەن ۇلى تابىستارىن ماقتانىش، ابىروي تۇتادى. مەن ج ك پ 19 - قۇرىلتايىنىڭ تابىسپەن وتكىزىلگەنىن تاعى ءبىر رەت قۇتتىقتايمىن. قازىر ا ق ش پەن جۇڭگو ەلدەرىنىڭ ەكى جاقتى قاتىناستى دامىتىپ، ەكى ەل حالىقتارىنىڭ تۇرمىسىن جاقسارتىپ، ەكى جاقتى ىنتىماقتاستىقتى نىعايتۋىنا ءارقانداي كەزدەگىدەن دە وڭتايلى وراي تۋدى. ەكى جاق لاڭكەستىك ارەكەتتەردى تيۋعا كۇش سالادى. ا ق ش جاق جۇڭگو جاقپەن ءادىل، ءوزارا ءتيىمدى، قۋاتتى ەكونوميكا - ساۋدا قاتىناسىن دامىتۋدى قالايدى. ەكى ەل ءوڭىر مەن دۇنيە ءجۇزىنىڭ بەيبىتشىلىگىن، ورنىقتىلىعىن، گۇلدەنۋىن بىرگە ىلگەرىلەتۋدىڭ كەلەلى جاۋاپكەرشىلىگىن ارقالاپ وتىر.
ءان الەمى

جول توسىلىپ قالدى

تۇلپارىم