باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جۇڭگو - ا ق ش باسشىلارى ەكى ەل كاسىپورىنشىلارى كەڭەسىنىڭ جابىلۋ راسىمىنە قاتىناستى

    كەلۋ قاينارى: شينجياڭ گازەتى    2017-11-10 19:41:48  
شينحۋا اگەنتتىگىنىڭ 9 - قاراشادا بەيجيڭنەن بەرگەن حابارى. مەملەكەت ءتوراعاسى شي جينپيڭ 9 - قاراشادا حالىق سارايىندا مەملەكەتتىك ساپارمەن جۇڭگوعا كەلگەن ا ق ش زۇڭتۇڭى ترامپپەن بىرگە جۇڭگو - ا ق ش كاسىپورىنشىلارى كەڭەسىنىڭ جابىلۋ راسىمىنە قاتىناستى ءارى ءسوز سويلەدى. ۋاڭ ياڭ جابىلۋ راسىمىنە قاتىناستى.
  شي جينپيڭ مىنالاردى اتاپ كورسەتتى: بيىل جۇڭگو مەن ا ق ش - تىڭ «شاڭحاي مازمۇنداماسىن» جاريالاعاندىعىنىڭ 45 جىلدىعى. 45 جىلدان بەرى جۇڭگو مەن ا ق ش - تىڭ ەكونوميكا - ساۋدا قاتىناسى تاريحي سيپات الاتىن دامۋدى ىسكە اسىردى. ەكى ەل حالقى دا وسىنىڭ ارقاسىندا مول يگىلىككە كەنەلدى. اماليات جۇڭگو مەن ا ق ش - تىڭ ەكونوميكا - ساۋدا ىنتىماقتاستىعىن ورناتۋىنىڭ كومەسكى كۇشى زور ەكەنىن، ءوزارا تيىمدىلىك جاساپ، ورتاق يگىلىككە كەنەلۋگە بولاتىندىعىن دالەلدەدى.
  شي جينپيڭ جۇڭگونىڭ ەكونوميكالىق جاعدايى جانە جۇڭگو - ا ق ش ەكونوميكا - ساۋدا قاتىناسى جونىندە 3 كوزقاراس ءبىلدىردى. شي جينپيڭ مىنالاردى اتاپ كورسەتتى: جۇڭگونىڭ ەكونوميكاسىنىڭ ۇزاق ۋاقىت جاقسى بەتالىسقا قاراي دامۋ بولاشاعى نۇرلى. قازىر جۇڭگونىڭ ەكونوميكاسى جوعارى قارقىنمەن ارتۋ كەزەڭىنەن ساپالى دامۋ كەزەڭىنە بۇرىلىس جاسادى. جۇڭگونىڭ ەكونوميكالىق قۇرىلىمى ۇزدىكسىز جاقسارىپ كەلەدى. جۇڭگو ەكونوميكاسىنىڭ جاقسى بەتالىسقا قاراي ۇزدىكسىز دامۋىنىڭ نەگىزى دە، شارت - جاعدايى دا، قوزعاۋشى كۇشى دە بار. حالىقارالىق اقشا قورى ۇيىمى بيىل جىل باسىنان بەرى جۇڭگو ەكونوميكاسىنىڭ ارتۋى جونىندەگى مەجەسىن ءبىرقانشا رەت جوعارى كوتەردى، بۇل ولاردىڭ جۇڭگو ەكونوميكاسىنىڭ بەتالىسىنا دەگەن سەنىمىن ايگىلەيدى.
  شي جينپيڭ مىنالاردى اتاپ كورسەتتى: جۇڭگونىڭ رەفورما جاساۋعا، ەسىك اشۋعا تاباندى بولۋىنىڭ بولاشاعى ايقىن. تەك رەفورما جاساپ، ەسىك اشقاندا عانا، جۇڭگونى دامىتۋعا بولادى. ءبىز قامداۋ جاعىنداعى قۇرىلىمدىق رەفورمانى تەرەڭدەتىپ، بازار، قازىنا - سالىق، فينانس، قارجى قوسۋ جانە قارجى توپتاۋ، مەملەكەت مەنشىگىندەگى كاسىپورىندار سياقتى سالالاردا پارمەندى، ناقتى رەفورما جوبالارىن شوعىرلى تۇردە اتقارىپ، رەفورمانى جاپپاي تەرەڭدەتۋ جولىن بەتكە الىپ ارشىندى قاداممەن العا تاراتامىز. سىرتقا ەسىك اشۋ − جۇڭگونىڭ نەگىزگى مەملەكەت ساياساتى. جۇڭگونىڭ اشىلعان قاقپاسى ەندى جابىلمايدى، قايتا ءتىپتى دە ايقارا اشىلادى. ءبىز ج ك پ مەملەكەتتىك 19 - قۇرىلتايىنداعى ستراتەگيالىق ورنالاستىرۋلارعا ساي، جاپپاي اشىق ۇستاۋدىڭ جاڭا ارناسىن قالىپتاستىرۋدى ىلگەرىلەتەمىز، ا ق ش كاسىپورىندارىن قامتىعان شەتەل قارجىلاندىرعان كاسىپورىنداردىڭ جۇڭگوداعى ساۋدا جاساۋ ورتاسى دا بارىنشا اشىق، جاريا، ولشەمدى بولا تۇسەدى.
  شي جينپيڭ بىلاي دەپ اتاپ كورسەتتى: جۇڭگو مەن ا ق ش - تىڭ ەكونوميكا - ساۋدا ىنتىماقتاستىعىن كەڭەيتۋىنىڭ بولاشاعى زور. دۇنيە جۇزىندەگى ەڭ ءىرى دامۋ ۇستىندەگى ەل مەن ەڭ ءىرى دامىعان ەل − جۇڭگو مەن ا ق ش - تىڭ ەكونوميكا جاعىندا ءوزارا تولىقتاۋ سيپاتى باسەكەلەسۋدەن الدەقايدا باسىم. جۇڭگو مەن ا ق ش - تىڭ ەكونوميكا - ساۋدا جاعىنداعى ىنتىماقتاستىق ءورىسى كەڭ. ءبىز ا ق ش - تان ەنەرگيا جانە اۋىل شارۋاشىلىق ونىمدەرىن يمپورت ەتۋ كولەمىن بەلسەندى ارتتىرىپ، قىزمەت كورسەتۋ ساۋداسى جاعىندا ىنتىماقتاستىقتى تەرەڭدەتۋدى قالايمىز، سونىمەن بىرگە ا ق ش - تىڭ جۇڭگوعا حالىقتىق تەحنيكالىق ونىمدەردى ەكسپورت ەتۋ تەبىنىن ارتتىرۋىن ءۇمىت ەتەمىز. ءبىز جۇڭگو كاسىپورىندارىن ا ق ش - قا بارىپ قارجى قوسۋعا ۇزدىكسىز شابىتتاندىرامىز، سونداي - اق ا ق ش كاسىپورىندارىن، فينانس قۇرىلىمدارىن «ءبىر بەلدەۋ، ءبىر جول» قۇرىلىسىنىڭ قاتىستى ىنتىماقتاستىق نىساندارىنا بەلسەنە ات سالىسۋىن قارسى الامىز.
  شي جينپيڭ مىنانى اتاپ كورسەتتى: جۇڭگو - ا ق ش ەكونوميكا - ساۋدا ىنتىماقتاستىعىنىڭ تەز قارقىنمەن دامۋىنا بايلانىستى، ەكى ەل اراسىندا كەيبىر قاجالىستاردىڭ بولۋى دا تابيعي ءىس. ەكى جاق تەرەزەسى تەڭ تۇرعىدا، ءوزارا ءتۇسىنىسىپ، ءوزارا جول بەرىپ، ماسەلەلەردى كەلىسسوز ارقىلى ۇيلەسىمدى ءبىر جايلى ەتۋى كەرەك.
  شي جينپيڭ جۇڭگو مەن ا ق ش - تىڭ ونەركاسىپ، ساۋدا سالاسىنداعىلاردىڭ ۇزاق ۋاقىتتان بەرى ەكى ەلدىڭ دوستىعى ءۇشىن كۇش سالىپ، جۇڭگو مەن ا ق ش - تىڭ ەكونوميكا - ساۋدا ىنتىماقتاستىعىن جانە ەكى ەل قاتىناسىنىڭ دامۋىن نىعايتۋدىڭ جالىندى كۇشىىنە اينالعاندىعىن القادى. شي جينپيڭ بىلاي دەپ اتاپ كورسەتتى: جۇڭگودا بۇرىنعىلار: «ساۋدا ىستەسەڭ ءوزارا قايىرىمدى بول، ءوزارا پايدا جەتكىز» دەگەن ەكەن. ەكى ەلدىڭ كاسىپورىنشىلارى مەن ونەركاسىپ، ساۋدا سالاسىنداعىلاردىڭ تىزە قوسا قۇلشىنۋىندا، جۇڭگو - ا ق ش ەكونوميكا - ساۋدا ىنتىماقتاستىعى، ءسوز جوق، تەرەزەسى تەڭ تۇرعىدا، ءوزارا تيىمدىلىك جاساۋ نەگىزىندە بۇدان دا كوپ تابىستارعا قول جەتكىزەتىندىگىنە، جۇڭگو - ا ق ش ەلدەرى حالىقتارىنىڭ دا وسىنىڭ ارقاسىندا ءتىپتى دە مول مۇددەگە كەنەلەتىنىنە سەنەمىن.
  ترامپ بىلاي دەدى: ا ق ش پەن جۇڭگو ەرەكشە تىعىز ىنتىماقتاستىق ورناتقان سەرىكتەر، ەكونوميكا، حاۋىپسىزدىك سياقتى سالالاردا كەڭ كولەمدى ورتاق تانىم قالىپتاستىردى. ا ق ش پەن جۇڭگونىڭ ىنتىماقتاستىق اياسىن كەڭەيتۋى ەكى ەلدىڭ دامۋىنا پايدالى. ا ق ش جۇڭگومەن ەكونوميكا - ساۋدا سالاسىنداعى ءوزارا ءتيىمدى ىنتىماقتاستىقتى ۇزدىكسىز كۇشەيتىپ، ەنەرگيا سياقتى سالالارداعى ىنتىماقتاستىقتى نىعايتىپ، ەكى ەلدىڭ گۇلدەنىپ - كوركەيۋىن جەبەپ، ەكى ەلدىڭ ەكونوميكا - ساۋدا قاتىناسىنداعى ماسەلەلەردى ۇيلەسىمدى ءبىر جايلى ەتۋدى ءۇمىت ەتەدى. ا ق ش پەن جۇڭگونىڭ ونەركاسىپ، ساۋدا سالاسىنداعىلار ەكى ەلدى بايلانىستىراتىن ماڭىزدى دانەكەر، ا ق ش پەن جۇڭگونىڭ ىنتىماقتاستىعىن ىلگەرىلەتۋدە ۇزدىكسىز بەلسەندى رول اتقارا الادى.
  ديڭ شۋەشياڭ، ليۋ حى، ياڭ جيەچى، ا ق ش - تىڭ مەملەكەت ىستەر حاتشىسى تيللەرسون، سونداي - اق جۇڭگو مەن ا ق ش - تىڭ كاسىپورىن سالاسىنان 50گە تارتا ۋاكىل جابىلۋ راسىمىنە قاتىناستى.
ءان الەمى

جول توسىلىپ قالدى

تۇلپارىم