جاڭا حابارلار

قىزمەت اترەتىندەگىلەر دالمە-ءدال كۇش شىعارىپ، كەدەي بۇقارانىڭ كىرىستى ارتتىرۋ ءورىسىن كەڭەيتتى

    كەلۋ قاينارى: شينجياڭ حالىق راديو ىستانسياسى    2017-11-11 21:32:34  
ستانسيامىزدىڭ ءتىلشىسى ايبىعازى راحمان ۇلى مەن ءۇشتۇرپان حالىق راديو ستانسياسىنىڭ ءتىلشىسى جاڭ حىنىڭ حابارىن تىڭداڭىزدار: اۆتونوميالى رايوندىق پارتكوم ۇيىمداستىرۋ ءبولىمى ساقا كادرلار مەكەمەسىنىڭ ءۇشتۇرپان اۋدانى يمام قالاشىعى تومەنگى مەكىت قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى جەرگىلىكتى جاعدايعا قاراي ىستەپ، كەدەي بۇقارانىڭ كىرىستى ارتتىرۋ ءورىسىن امالدىڭ بارىنشا كەڭەيتتى.
ءۇشتۇرپان اۋدانى يمام قالاشىعى تومەنگى مەكىت قىستاعىنىڭ تۇرعىنى ءمۇتالىپ تاۋاككۇل وتباسىنىڭ اتىزىندا، اۋىل شارۋاشىلىق تەحنيكتەرى ءمۇتالىپ تاۋاككۇلدىڭ بيىلعى ەڭ سوڭعى ءبىر توپ اعاش ساڭىراۋقۇلاعىن تەرۋىنە كومەكتەسىپ جاتتى.
بيىل، قىستاقتا تۇرعان قىزمەت اترەتىنىڭ كومەگىندە، ءمۇتالىپ تاۋاككۇل اتىزىنا اعاش ساڭىراۋقۇلاعىن ەكتى، ءسويتىپ، ءوزى دە كەدەي وتباسىنان كەدەيلىكتەن قۇتىلعان ۇلگى وتباسىنا اينالدى. ول بىلاي دەدى: «جاڭا اعاش ساڭىراۋقۇلاعىنىڭ ءار كيلوگرامىنان 20 يۋانداي كىرىس كىرەدى، كەپتىرىلگەن اعاش ساڭىراۋقۇلاعىنىڭ ءار كيلوگرامىنان كىرەتىن پايدا 100 يۋان مولشەرىنە جەتەدى. بيىل وسى بەتالىسپەن دامىسا، كىرىسىم از دەگەندە، مولشەرمەن 7 مىڭ يۋانداي ارتادى. ەگەر شارت ـ جاعداي جار بەرسە، مەن اتىزدىڭ اۋماعىن تاعى ەكى مۋ كەڭەيتەمىن، دوڭگەلەك داۋلەتتى تۇرمىسقا جەتۋ سەنىمىم كۇشتى».
ءمۇتالىپ تاۋاككۇل وتباسىنىڭ اعاش ساڭىراۋقۇلاعىنىڭ جەرگىلىكتى ورىن بازارىندا ءوتىمدى بولۋىنا ساي، اعاش ساڭىراۋقۇلاقتى بەلسەنە سىناق رەتىندە ەككەن قىستاق تۇرعىندارى بارعان سايىن كوبەيدى. قىستاق تۇرعىنى گۇليسا راحمان بىلاي دەدى: «ءمۇتالىپتىڭ جەرى جاقسى بولماسا دا كىرىس كىرىپ وتىر، سوندىقتان مەن دە ۇيىمدەگى اعاشتاردىڭ استىنا اعاش ساڭىراۋقۇلاعىن ەكسەم دەيمىن، كەلەر جىلى ءبىز دە كىرىسىمىزدى ارتتىرۋعا قۇلشىنامىز».
پارتيا 19-قۇرىلتايىنىڭ بايانداماسىندا، كەدەيلىكتەن قۇتىلدىرۋدان قامال الۋدى ىشكەرىلەي ورىستەتىپ، جالپى حالىقتىڭ ورتاق قۇرىپ، ورتاق يگىلىكتەنە دامۋدان اناعۇرلىم كوپ تيىمدىلىككە يە بولۋ سەزىمىنە كەنەلۋىنە كەپىلدىك ەتۋ كەرەكتىگى العا قويىلدى. كەزەكتە، پارتيا 19-قۇرىلتايىنىڭ رۋحىن ۇزدىكسىز ىشكەرىلەي ۇيرەنۋگە، دايەكتىلەندىرۋگە ساي، اۆتونوميالى رايوندىق پارتكوم ۇيىمداستىرۋ ءبولىمى ساقا كادرلار مەكەمەسىنىڭ قىستاقتا تۇرعان قىزمەت اترەتى تاعى قىستاقتىڭ كەدەيلىكتەن قۇتىلدىرۋدان قامال الۋ قىزمەتى جونىندە اناعۇرلىم كوبىرەك ويلاستىردى. قىزمەت اترەتىنىڭ ورىنباسار باستىعى ۋي يۋان بىلاي دەدى: «ءبىز اۋدانعا توتە قاراستى قاتىستى تاراۋلارمەن بىرلەسىپ، قىستاق تۇرعىندارىنىڭ حالىق تۇرمىسىن جاقسارتۋ ماسەلەسىنە توپتىق تەكسەرۋ جۇرگىزىپ، كەدەيلىكتەن قۇتىلدىرۋدان قامال الۋ قىزمەتىن تىڭ باستامادا جوبالاپ، دالمە-ءدال كۇش شىعارامىز. سۋارۋ توعانىن وزگەرتۋ، بەيقۇت ءۇي قۇرىلىسى، اعاش استىنا اعاش ساڭىراۋقۇلاعىن ەگۋدى جالپىلاستىرۋ، جاڭعاقتى قۇنتتاپ مانەرلەۋ، مەملەكەت ءتىلى باستاۋىش مەكتەبى قۇرىلىسى، اۋىل-قىستاقتا قولدانىلمالى تەحنيكاعا تاربيەلەۋ سياقتى 10 جاقتان ىسكە كىرىسىپ، بۇقارا كوڭىل بولگەن ماسەلەلەردى كوبىرەك شەشىپ، پارتيا مەن ۇكىمەتتىڭ قامقورلىعىن بۇقارانىڭ وتباسىلارىنا جەتكىزەمىز».

بەرىپ كەت ورامالىڭدى

دوستار

الىستاعى اق ەركە