جاڭا حابارلار

مەن ۇيىمە كەلگەندەي بولامىن

    كەلۋ قاينارى: شينجياڭ حالىق راديو ىستانسياسى    2017-11-12 20:24:49  
حاباردى تىڭداڭىزدار: بىرنەشە كۇننەن بەرى، ءۇشتۇرپان اۋدانى وتباسى اۋىلىنداعى پارتيا قۇرىلىسى كەڭسەسىنىڭ كادرى لي زۋلين قولىنداعى جۇمىسىن بىتىرە سالىپ، قارىنداسى ايتۇرسىن الىمنىڭ ۇيىنە حال سۇراي باراتىن بولدى. لي زۋليننىڭ كومەگى مەن شابىتتاندىرۋىندا، ايتۇرسىننىڭ مەملەكەت ءتىلى دەڭگەيى نەداۋىر جوعارىلادى، سونداي-اق پراكتيكا ىستەيتىن قىزمەتتى ءساتتى تاۋىپ، وتباسىنىڭ تۇرمىسى بارعان سايىن جاقساردى.
ەسىكتەن كىرىسىمەن اعالى-قارىنداس ەكەۋى اڭگىمەلەسىپ، ىستىق ىقىلاسپەن ءوزارا حال سۇراستى. ءبىر جىلدىڭ الدىندا، 24 جاستاعى لي زۋلين حۋنان ينجەنەريا ينستيتۋتىنان وقۋ بىتىرگەننەن كەيىن، ءۇشتۇرپان اۋدانى وتباسى اۋىلدىق ۇكىمەتكە قىزمەتكە ورنالاسادى، ول ارالاپ كورۋ بارىسىندا وتباسىندىق قيىنشىلىعى بار ايتۇرسىن الىمنىڭ ۇيىمەن بەلسەنە تۋىسقاندىق قاتىناس ورناتادى. ايتۇرسىننىڭ اكەسىنىڭ دەنساۋلىعى جاقسى بولماي، ءوزى مەن ءسىڭلىسى وقيتىندىقتان، وتباسىنىڭ اۋىر جۇگى شەشەسىنىڭ موينىندا ەدى. لي زۋلين كۇن ارالاتىپ ولارعا بارىپ كومەكتەسىپ، ءۇي جۇمىسىن ىستەستى. ايتۇرسىن الىم: «ول ءار رەت كەلگەندە ءىشىپ جەيتىن كوپ نارسە الا كەلەدى، ءار جولى جاڭعاق جينار كەزدە، ول جاڭعاق جيناۋعا كومەكتەسەدى»،-دەدى.
ادەتتە لي زۋلين وسى اپەكەلى-ءسىڭىلىنىڭ مەملەكەت ءتىلى مۇعالىمى مىندەتىن اتقارادى. اڭگىمەلەسۋ بارسىىندا ول، بيىل ۋنيۆەرسيتەتتىڭ ءۇشىنشى جىلدىعىندا وقيتىن ايتۇرسىننىڭ مەكتەپتەن سىرت پراكتيكا جاسايتىن جۇمىس ءجايلى باسى قاتىپ جۇرگەنىن بىلەدى. لي زۋلين ءار قايسى جاقتى سايكەستىرۋ ارقىلى ونى اۋىلداعى ساقشى ىستەرى پۋنكتىنە پراكتيكا ىستەۋگە تانسىتىرىپ، ايتۇرسىن اي سايىن پراكتيكا ەڭبەكاقىسى قوسىمشا قاراجاتىنا يە بولادى. ايتۇرسىن الىم: «مەكتەپ ءبىتىرۋ كۋالىگىن ءالى المادىم، سوندىقتان پراكتيكا جاسايتىن ورىن تابۋ قيىن. بۇعان ەرەكشە باسىم قاتتى. ول ماعان قىزمەت تانسىتىردى، تۇستە ماعان قامقورلىق جاساپ، اسحانادان تاماق الىپ بەرەدى. قازىر حانزۋ اعام بار بولدى، ماعان قىزعاتىندار كوپ»،-دەدى.
بارىس-كەلىس جيىلەپ، لي زۋلين ايتۇرسىننىڭ ءۇيىن ءوز ۇيىندەي كورەتىن بولدى. ول: «ءار جولى كەلگەندە ولار ىستىق ىقىلاسپەن قارسى الادى، ءبىز بىرگە تاماق ءىشىپ، بۇكپەسىز اڭگىمەلەسەمىز، مەن ۇيىمە كەلگەندەي بولامىن»،-دەدى.

بەرىپ كەت ورامالىڭدى

دوستار

الىستاعى اق ەركە