باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ازيا - تىنىق مۇحيت ەكونوميكالىق ىنتىماقتاستىق ۇيىمى مۇشەلەرىنىڭ باسشىلارى مەن شىعىس وڭتۇستىك ازيا ەلدەرى وداعى باسشىلارىنىڭ كەڭەسىنە قاتىناستى

    كەلۋ قاينارى: شينجياڭ گازەتى    2017-11-12 21:37:27  
 شينحۋا اگەنتتىگىنىڭ 10 - قاراشادا ۆيەتنامنىڭ داناڭ قالاسىنان بەرگەن حابارى. مەملەكەت ءتوراعاسى شي جينپيڭ 10 - قاراشادا ۆيەتنامنىڭ داناڭ قالاسىندا وتكىزىلگەن ازيا - تىنىق مۇحيت ەكونوميكالىق ىنتىماقتاستىق ۇيىمى مۇشەلەرىنىڭ باسشىلارى مەن شىعىس وڭتۇستىك ازيا ەلدەرى وداعى باسشىلارىنىڭ كەڭەسىنە قاتىناستى.
  كەڭەسكە قاتىناسقان باسشىلار «ىنتىماقتاسا وتىرىپ جاڭا قوزعاۋشى قۋاتتاردى ىسكە قوسىپ، جاپپاي بايلانىس ورناتقان جانە ءبىر تۇلعالانعان ازيا - تىنىق مۇحيت ءوڭىرىن قۇرۋ» كەڭەستىك تاقىرىبى توڭىرەگىندە تالقى جۇرگىزىپ، ازيا - تىنىق مۇحيت ەكونوميكالىق ىنتىماقتاستىق ۇيىمىنىڭ شىعىس وڭتۇستىك ازيا ەلدەرى وداعىمەن ىنتىماقتاستىعىن اقىلداستى.
  شي جينپيڭ سوزىندە بىلاي دەپ اتاپ كورسەتتى: ازيا - تىنىق مۇحيت ەكونوميكالىق ىنتىماقتاستىق ۇيىمى − ازيا - تىنىق مۇحيت وڭىرىندەگى ەڭ ىقپالدى ەكونوميكالىق ىنتىماقتاستىق تۇعىر، شىعىس وڭتۇستىك ازيا ەلدەرى وداعى − ازياداعى ومىرشەڭدىك كۇشى مەن كومەسكى كۇشى ەڭ زور وڭىرلىك ءبىر تۇلعالانعان ۇيىم. ەكى مەحانيزمنىڭ ىنتىماقتاستىق ۇستانىمى ءوزارا توعىسقان، ەكەۋى دە بىردەي اقىلداسۋ، يكەمدى ىسكەرلىك تانىتۋ، تاراپتاردىڭ قولايىنا جاعۋدى ەسكەرۋ سياقتى پرينسيپتەرگە بويسۇنادى، تاراپتاردىڭ ىنتىماقتاستىق جاساۋ، ۇشتاسۋ بولاشاعى كەڭ.
  شي جينپيڭ ازيا - تىنىق مۇحيت ەكونوميكالىق ىنتىماقتاستىق ۇيىمىنىڭ شىعىس وڭتۇستىك ازيا ەلدەرى وداعىمەن ىنتىماقتاستىعى جونىندە بىرنەشە ۇسىنىسىن قويدى: ءبىرىنشى، وڭىرلىك ەكونوميكانىڭ ءبىر تۇلعالانۋىن بىرگە ىلگەرىلەتۋ. ءبىز ازيا - تىنىق مۇحيت ءوڭىرىنىڭ اشىق ەكونوميكاسىن كۇش بىرىكتىرە تۇلعالاپ، تەڭ تۇرعىدا اقىلداساتىن، بىرگە ات سالىساتىن، جالپى بەتتىك يگىلىككە كەنەلەتىن وڭىرلىك ىنتىماقتاستىق جۇلگەسىنىڭ قالىپتاسۋىن ىلگەرىلەتىپ، ازيا - تىنىق مۇحيت ەركىن ساۋدا رايون قۇرىلىسىن تىزە قوسا ىلگەرىلەۋىمىز كەرەك. جۇڭگو شىعىس وڭتۇستىك ازيا ەلدەرى وداعىنىڭ ءوڭىردىڭ جاپپاي ەكونوميكالىق سەرىكتەستىك قاتىناس كەلىسىمى كەلىسسوزىندە وزەكتى رولىن ساۋلەلەندىرۋىن باتىل قولداپ، شىعىس وڭتۇستىك ازيا ەلدەرى وداعىنا مۇشە ەلدەرمەن بىرگە كەلىسسوزدىڭ ەرتەرەك اياقتالۋىن ىلگەرىلەتۋدى قالايدى. ەكىنشى، ءوزارا بايلانىس قۇرىلىسىن بىرگە ىلگەرىلەتۋ. ءبىز ازيا - تىنىق مۇحيت ەكونوميكالىق ىنتىماقتاستىق ۇيىمى مەن شىعىس وڭتۇستىك ازيا ەلدەرى وداعىنىڭ قوس قوزعالتقىشتىق رولىن ساۋلەلەندىرىپ، نەگىزدىك قۇرىلعى قۇرىلىسى، ساياسات بەلگىلەۋ، ادامداردىڭ بارىس - كەلىسى سياقتى سالالاردا اناعۇرلىم ۇتىمدى شارالار قولدانىپ، اناعۇرلىم كەڭ كولەمدە، اناعۇرلىم تەرەڭ ساتىلاردا ءوزارا بايلانىس تورىن قۇرۋىمىز كەرەك. ءۇشىنشى، قامتىمدى، باياندى دامۋدى بىرگە ىلگەرىلەتۋ. ءبىز ءوزىمىزدىڭ دامۋ ستراتەگيالارىمىزدى ب م ۇ - نىڭ 2030 - جىلعا دەيىنگى باياندى دامۋ كەڭەستىك تارتىبىمەن ۇتىمدى تۇردە ءتۇيىلىستىرىپ، ەكونوميكا، قوعام، قورشاعان ورتا سايكەستى ىلگەرىلەيتىن باياندى دامۋ جولىن قاراستىرىپ، كەدەيلىكتى ازايتۋ، كليمات وزگەرىسىنە توتەپ بەرۋ، ايەلدەر سياقتى سالالارداعى ىنتىماقتاستىقتى نىعايتىپ، دامۋ ۇستىندەگى مۇشەلەردىڭ قابىلەت قۇرىلىسىن جۇرگىزۋىنە، دامۋ پارقىن ازايتۋىنا كومەكتەسۋىمىز كەرەك.
  شي جينپيڭ مىنانى باسا دارىپتەدى: جۇڭگو مەن شىعىس وڭتۇستىك ازيا ەلدەرى وداعىنداعى مۇشە ەلدەردىڭ تاۋ - وزەندەرى جالعاسقان، ءبىر - بىرىنە سەنەتىن، ءبىر - ءبىرىن تۇسىنەتىن، ءوزارا پايدا جەتكىزەتىن، ءوزارا كومەكتەسەتىن ستراتەگيالىق سەرىكتەر. جۇڭگو تۋىسقاندىق، ادالدىق، تيىمدىلىك، كەشىرىمدىلىك ۇستانىمىنان جازباي، شىعىس وڭتۇستىك ازيا ەلدەرى وداعىمەن دوستىق ىنتىماقتاستىقتى تاباندىلىقپەن دامىتادى، شىعىس وڭتۇستىك ازيا ەلدەرى وداعى ورتاق تۇلعاسى قۇرىلىسىن باتىل قولدايدى، شىعىس وڭتۇستىك ازيا ەلدەرى وداعىنىڭ وڭىرلىك ىنتىماقتاستىقتاعى وزەكتى ورنىن باتىل قولدايدى، «ءبىر بەلدەۋ، ءبىر جول» دارىپتەمەسىنىڭ شىعىس وڭتۇستىك ازيا ەلدەرى وداعىنىڭ دامۋ ستراتەگياسىمەن ىشكەرىلەي ءتۇيىلىسۋىن ىلگەرىلەتىپ، جۇڭگو مەن شىعىس وڭتۇستىك ازيا ەلدەرى وداعىنىڭ اناعۇرلىم جوعارى دەڭگەيدەگى ستراتەگيالىق سەرىكتەستىك قاتىناسىن قالىپتاستىرىپ، جۇڭگو - شىعىس وڭتۇستىك ازيا ەلدەرى وداعىنىڭ اناعۇرلىم تىعىز تاعدىرلاس ورتاق تۇلعاسىنا بەت تۇزەپ، ازيا - تىنىق مۇحيت ءوڭىرىنىڭ ىقپالداسا دامۋدى جانە بىرگە گۇلدەنۋدى جۇزەگە اسىرۋىنا جاڭا قوزعاۋشى كۇش قوسامىز.
ءان الەمى

جول توسىلىپ قالدى

تۇلپارىم