باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايوننىڭ پارتيا 19-قۇرىلتايىنىڭ رۋحىن ۇگىتتەۋ، لەكسيا جاساۋ ۇيىرمەسى ايماق، وبلىستاردا جالعاستى ۇگىت-لەكسيا جاساپ، 19-قۇرىلتاي رۋحىن نەگىزگى ساتىدا تامىر تارتقىزدى

    كەلۋ قاينارى: شينجياڭ حالىق راديو ىستانسياسى    2017-11-13 13:10:29  
جيناق حاباردى تىڭداڭىزدار: اۆتونوميالى رايوننىڭ پارتيا 19-قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ۇگىت-لەكسيا ۇيىرمەسى بۇگىن ايماق، وبلىستاردا جالعاستى ۇگىت-لەكسيا جاسادى، ءارى جەرگىلىكتى ورىنداعى ءار ۇلت كادر-بۇقاراسىمەن اڭگىمە ءماجىلىسىن وتكىزىپ، پىكىر اۋىستىردى. جان-جاقتىلى، ىشكەرىلەي، تۇسىنىكتى جاسالعان ۇگىت-لەكسيا پارتيا كادرلار مەن بۇقارا اراسىندا كۇشتى اڭىس قوزعادى، كوپشىلىك: وي-سانانى شي جينپيڭنىڭ جاڭا داۋىردەگى جۇڭگوشا سوتسياليزم يدەياسىمەن قارۋلاندىرىپ، ونى قىزمەتكە جەتەكشى ەتىپ، پارتيا 19-قۇرىلتايىنىڭ رۋحىن ويداعىداي ۇيرەنىپ، ۇگىتتەپ، دايەكتىلەندىرىپ، پارتيا 19-قۇرىلتايىنىڭ رۋحىن شىنايى تياناقتاندىرىپ، تەرەڭ تامىر تارتقىزىپ، شەشەك اتتىراتىندىقتارىن ايتتى.
12-قاراشا تۇستەن بۇرىن، اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، ىلە وبىلىستىق ساياسي كەڭەستىڭ ءتوراعاسى سەرجان ۇعىباي ۇلى تەكەس اۋداندىق پارتكومنىڭ سەنترلى ءماجىلىس ورنىندا جەرگىلىكتى ورىنداعى 300 دەن ارتىق از ۇلت كادرى مەن بۇقاراسىنا قازاق تىلىندە تاماشا ۇگىت-لەكسيا بايانداماسىن جاسادى. بايانداما جاساۋ ماجىلىسىندە، سەرجان ۇعىباي ۇلى تاماشا لەكسيا تەزيسن دايىنداپ، پارتيا 19-قۇرىلتايىنىڭ باستى تاقىرىبىن، باستى جەتىستىگىن، ماڭىزدى ءمانىن جانە شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ باي مازمۇنىن ارقاۋ ەتىپ، جاپپاي، جۇيەلى، جاندى تۇسىنىك جاسادى. ءماجىلىس ورنىنداعى كادرلار مەن بۇقارا تاماشا ۇگىت-لەكسيانى تىڭداۋ ارقىلى پارتيا 19-قۇرىلتايى بايانداماسى جونىندە اناعۇرلىم تەرەڭ تۇسىنىككە يە بولدى، كوپشلىك پارتيا 19-قۇرىلتايىنىڭ رۋحىن قوزعاۋشى كۇشكە اينالدىرىپ، ءماجىلىستىڭ رۋحىن نەگىزگى ساتىعا جەتكىزەتىندىكتەرىن ايتتى. تەكەس اۋداندىق ءان-ءبي ۇيىرمەسى پارتيا ياچەيكاسىنىڭ شۋجيى سۋ مينجيە بىلاي دەدى: «بۇگىنگى ۇگىت-لەكسيانى تىڭداپ، پارتيا 19-قۇرىلتايىنىڭ بايانداماسىن اناعۇرلىم ىشكەرىلەي، جەتە تۇسىندىم، مادەنيەت-راديو-تەلەۆيزيا جۇيەسىنىڭ قىزمەتكەرى تۇرعىسىنان بۇدان كەيىن قىزمەت ارتىقشىلىعىما ۇشتاستىرىپ، جۇرت ۇناتىپ كورىپ، ءسۇيىپ تىڭدايتىن مادەنيەت-كوركەمونەر فورماسى ارقىلى پارتيا 19-قۇرىلتايىنىڭ رۋحىن نەگىزگى ساتىداعى بۇقاراعا جەتكىزەمىن».
اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى جالەل ءناسىر 11-قاراشادان 12-قاراشاعا دەيىن، جەكە-جەكە قاعىلىق، اقتاۋ اۋداندارىندا ۇگىت-لەكسيا جاسادى،ول شي جينپيڭنىڭ جاڭا داۋىردەگى جۇڭگوشا سوتسياليزىم يدەياسى، ەلىمىز قوعامىنداعى باستى قايشىلىقتىڭ وزگەرىسى، قوس 100 جىلدىق كۇرەس نىساناسى ستراتەگيالىق ورنالاستىرۋى سياقتى كوپتەگەن جاقتاردان پارتيا 19-قۇرىلتايىنىڭ رۋحى جونىندە ىشكەرلەي تۇسىنىك جاسادى. قاعىلىق اۋداندىق ارىز-ارمان مەكەمەسىنىڭ باستىعى ءزۇلحۇمار ءداۋۇت بىلاي دەدى: الداعى قىزمەت بارىسىندا پارتيا 19-قۇرىلتايىنىڭ رۋحىن جەتەكشى ەتىپ، جاۋپكەرلىگىم مەن بورىشىمدى ايقىنداپ، پارتيانى قىزۋ سۇيەمىن جانە قولدايمىن، پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسات، شەشىم-ورنالاستىرۋلاردى بۇلجىتپاي دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن ارىز-ارمان قىزمەتىنىڭ جالپى بارىسىندا باتىل دايەكتىلەندىرەمىن جانە تياناقتاندىرامىن.
ۇگىت-لەكسيا جاساۋدان سىرت، اۆتونوميالى رايوندىق ۇگىت-لەكسيا ۇيىرمەسى نەگىزگى ساتىعا ءتۇسىپ ءار ۇلت كادرلارى مەن بۇقاراسى اراسىنا بارىپ بەتپە-بەت اڭگىمەلەسىپ پىكىر اۋىستىردى.
12-قاراشا تۇستەن كەيىن، سانجى قالاسى سانگۇڭ قالاشىعى چاڭشىڭ قىستاعىنىڭ قيمىل ورتالىعىندا، اۆتونوميالى رايوندىق ۇگىت لەكسيا ۇيىرمەسىنىڭ مۇشەسى، شينجياڭ قوعامدىق عىلىم اكادەمياسىنىڭ باستىعى گاۋ جيانلۇڭ بۇقارامەن بىرگە وتىرىپ، كوپشىلىككە پارتيا 19-قۇرىلتاي بايانداماسىنداعى اۋىل شارۋاشىلىق، اۋىل-قىستاق جانە جاڭاشا قالا-قالاشىقتاندىرۋعا قاتىستى مازمۇنداردى جەتكىزدى، ءارى تۇرعىنداردىڭ سۇراۋىنا ءبىر-بىرلەپ جاۋاپ بەردى. چاۋشىڭ قىستاعىنىڭ تۇرعىنى لي شياۋ وتكەن جىلى مەكتەپ بىتىرگەننەن كەيىن ءبىر باعىمشىلىق سەلبەستىك كوپەراتيۆىن قۇردى،19-قۇرىلتاي بايانداماسىن ۇيرەنگەننەن كەيىن، بولاشاعىنا زور سەمىن ارتتى ول بىلاي دەدى: «ۇگىت-لەكسيا ۇيىرمەسىندەگىلەر بەتپە-بەت تۇسىنىك جاسادى، مەنىڭشە بۇل توتەنشە جاقسى، بۇدان كەيىن كاسىپ اشۋىمىزعا كومەگى زور، تۇرمىسمىز قازىر كۇننەن كۇنگە جاقسارىپ، باقىت كورسەتكىشى دە بارعان سايىن جوعارىلاپ، بولاشاققا سەنىمىمىز ارتا ءتۇستى»،-دەدى.
موراي اۋدانى بوستان اۋىلىنداعى ءماجىلىس ورتالىعىندا، اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار ءتوراعاسى ەركەش قۇرمانبەك قىزى بۇقارامەن بىرلىكتە پارتيا 19-قۇرىلتاي بايانداماسىنداعى كەدەيلەردى سۇيەمەلدەۋ، ەمدەۋ، كاسىپ سياقتى حالىققا تيىمدى ساياساتتاردى ءتۇيىن ەتىپ، كوپشىلىككە ۇگىت-لەكسيا جاسادى، جانات اتتى تۇرعىن، ۇگىت-لەكسيانى تىڭداعاننان كەيىن بولاشاق دامۋ سەنىمىنىڭ ارتا تۇسكەنىن ايتا كەلىپ: «پارتيا مەن مەملەكەت نەگىزگى ساتىداعى بۇقارا ءۇشىن اسا كوپ ءتيىمدى ساياساتتار اتقاردى. مەن پارتكوم مەن ۇكىمەتتىڭ قىزمەت ورنالاستىرۋلارىنا بەلسەنە اڭىس قايتارىپ، ءوندىرىستى دامىتىپ، باقىتتى تۇرمىسقا قول جەتكىزۋ جولىندا تالىقپاي قۇلشىنامىن»،-دەدى.
12-قاراشا تۇستەن كەيىن، اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى، شينجياڭ اكىمشىلىك ينستيتۋتىنىڭ ورىنباسار باستىعى ابيبوللا ابدىسالام حوتان ايماعى قاراقاش اۋدانى قاراقاش قالاشىعى چورىقلا قىستاعىنداعى حالىققا قولايلى قىزمەت وتەۋ ورتالىعىنا بارىپ، جەرگىلىكتى ورىنداعى 40 نەشە كادر-بۇقارامەن بەتپە-بەت اۋىس-كۇيىس جاساپ كەڭەستى، ابيبوللا ابدىسالام پارتيا 19-قۇرىلتايىنىڭ بايانداماسىنداعى 13 ءتۇرلى مازمۇندى تانىستىردى، وتە-موتە، نەگىزگى ساتى كادرلارىنىڭ پارتيا 19-قۇرىلتايى بايانداماسىنىڭ رۋحىن الداعى ءتۇرلى قىزمەتتىڭ جەتەكشى يدەياسى ەتىپ، ءتۇرلى قىزمەتتىڭ ءارقايسى بۋىنىندا دايەكتىلەندىرىپ جانە تياناقتاندىرىپ، شىنايى ۇيرەنىپ، جەتە ءتۇسىنىپ، ويداعىداي پايدالانۋ كەرەكتىگىن ايتتى. قاراقاش قالاشىق ۇكىمەتتىڭ پارتيا-ۇكىمەت جانە پارتيا قۇرىلىسى كەڭسەسىنىڭ كادرى نۇرجاحان روزىتوقتى بىلاي دەدى: اۆتونوميالى رايوندىق ۇگىت-لەكسيا ۇيىرمەسى الىس جول باسىپ نەگىزگى ساتىداعى قىستاققا كەلىپ، پارتيا 19-قۇرىلتايى بايانداماسىنىڭ مازمۇنىن نەگىزگى ساتىداعى كادرلارعا دەركەزىندە، جان-جاقتىلى، ىشكەرىلەي ءتۇسىندىردى. بايانداما ءبىزدىڭ الداعى قىزمەتتى ويداعىداي ىستەۋىمىزگە باعىت-باعدار نۇسقادى، كەدەيلىكتەن قۇتىلدىرۋ جاعىندا، پارتيا 19-قۇرىلتايى بايانداماسىنىڭ رۋحىن ناقتىلى قىزمەت بارىسىندا دايەكتىلەندىرەمىن جانە تياناقتاندىرامىن. ءاربىر وتباسىنىڭ ناقتىلى احۋالىنا ساي، وتباستارىنا بىردەن كەدەيلىكتەن قۇتىلدىرۋ جوباسىن جاسايمىن.
اقسۋ قالاسى لاڭگار كوشەسى چاۋياڭ الەۋمەتتىك اۋماعىندا، اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى، اۆتونوميالى رايوندىق اكىمشىلىك ينستيتۋتىنىڭ ورىنباسار باستىعى دۋان لياڭ الەۋمەتتىك اۋماقتاعى كادرلارمەن جانە تۇرعىندارمەن بىرگە نەگىزگى ساتىنىڭ ۇگىت-لەكسيا قىزمەتىن قايتكەندە جاقسى سىتەۋگە بولاتىندىعى جونىندە اڭگىمەلەستى. اقسۋ قالاسى لاڭگار كوشەسى چاۋياڭ الەۋمەتتىك اۋماعى پارتيا ياچەيكاسىنىڭ شۋجيى چاڭ حۇڭشياڭ بىلاي دەدى: الەۋمەتتىك اۋماق قىزمەتى بۇقاراعا بەتپە-بەت قىزمەت وتەيتىن تەكشە، پارتيا 19-قۇرىلتايىنىڭ رۋحىن ۇگىتتەۋ، تياناقتاندىرۋدا الەۋمەتتىك اۋماقتىڭ رولى زور، كۇش سالا قىزمەت ىستەۋ ارقىلى پارتيا 19-قۇرىلتايىنىڭ رۋحىن الەۋمەتتىك اۋماقتا ويداعىداي ۇگىتتەۋىمىز كەرەك. پارتيا 19-قۇرىلتايىنىڭ رۋحىن، وتە-موتە، پارتيانىڭ حالىققا ءتيىمدى ساياساتتارىن ۇگىتتەۋ جاعىندا تاعى دا ىشكەرلەي، تىڭعىلىقتى ۇيرەنىپ، جەتە ءتۇسىنىپ، پارتيانىڭ ساياساتىن ءىس جۇزىندىك قىزمەت بارىسىندا دايەكتىلەندىرىپ، حالىق ءۇشىن قىزمەت ىستەۋ جاعىندا تياناقتاندىرۋ كەرەكتىگىن تەرەڭ سەزىندىم، الداعى قىزمەت بارىسىندا ادەبيەت-كوركەمونەر ۇگىت اترەتىنە جەتەكشىلىك ەتىپ، ولارعا ويداعىداي قىزمەت ەتەمىن، بۇقارا قۋانا قارسى الاتىن تاسىلىمەن ولاردىڭ پارتيانىڭ ءتيىمدى ساياساتتارىن جەتە تۇسىنۋىنە مۇمكىندىك جاسايمىن.
ءان الەمى

جول توسىلىپ قالدى

تۇلپارىم