جاڭا حابارلار

قىستاققا تۇسكەن اكەلى-بالالى ەكەۋى تىزە قوسا سەلبەسىپ، قىستاق ديحاندارىنا باقىت جاراتۋ جولىن قاراستىردى

    كەلۋ قاينارى: شينجياڭ حالىق راديو ىستانسياسى    2017-11-13 14:11:27  
ستانسيامىزدىڭ ءتىلشىسى ايبىنعازى راحىمان ۇلى مەن باي اۋداندىق راديو-تەلەۆيزيا مەكەمەسىنىڭ ءتىلشىسى جيا چۇنحۋانىڭ حابارىن تىڭداڭىزدار: ءارقانداي جاعدايدا تىزە قوسا وتىرىپ سەلبەسۋ قاجەت. باي اۋدانى ونباش اۋىلى شوماق قىستاعىندا، قىستاقتا تۇرعان ەكى كادر بار، ولار ساپتاس، ءارى جولداس، ءارى اكەلى-بالالى. قىستاقتا تۇرعاننان بەرى، اكەلى-بالالى ەكەۋى تىزە قوسا سەلبەسىپ، قىستاق ديحاندارىنا باقىت جاراتۋ جولىن قاراستىردى.
قىستاق ديحاندارىنا مەملەكەت ءتىلىن ۇيرەتىپ جاتقان اقسۋ ايماقتىق مال شارۋاشىلىعى مەكەمەسىنىڭ باي اۋدانى ونباش اۋىلى شوماق قىستاعىندا تۇرعان «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەسى قايرات اكپار، قىستاقتا تۇرعاننان بەرى، قوس ءتىل كەشكى كلاسىنان پايدالانىپ، كوپشىلىككە مەملەكەت ءتىلىن ۇيرەتىپ، ساياساتتى ۇگىتتەپ، قىستاق ديحاندارىنىڭ سىرتقا شىعىپ جۇمىس ىستەۋىنە نەگىز قالادى.
2015-جىلى قىزمەتكە قاتىناسقاننان بەرى، قايرات اكپار «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ ءبىر مۇشەسى بولۋدى ويلادى، بيىل مەكەمە ونىڭ قىستاقتا تۇرۋ ءوتىنىشىن بەكىتتى، مۇنى كورىپ ول ءبىر جاعىنان قۋانسا، ەندى ءبىر جاعىنان الاڭدادى: ۇيتكەنى قىستاقتا تۇرۋ تىزىمدىگىندە، اقسۋ ايماقتىق مال شارۋاشىلىق مەكەمەسىندە 32 جىل قىزمەت ىستەگەن اكەسىنىڭ ەسىمى دە بار ەدى، قايرات اكپار: «اكەم ەكەۋىمىز بىرگە قىستاقتا تۇراتىن بولساق، ۇيدە شەشەم مەن جۇبايىم قالادى، ونىڭ ۇستىنە سول كەزدە جۇبايىمنىڭ اۋىر اياق بولعانىنا 8 اي بولعان ەدى، ۇيدەگىلەردەن راسىندا قاتتى الاڭدادىم»،-دەدى.
ۇيىندەگىلەرمەن اقىلداسقاننان كەيىن، اكەلى-بالالى ەكەۋى، بىرلىكتە باي اۋدانى ونباش اۋىلى شوماق قىستاعىنا بارىپ، قىستاقتا تۇرۋ بەكىمىنە كەلەدى. اكەسى اكپار ياسىن بىلاي دەدى: «بالاما الدىمەن ۇيىمعا اۋىرەشىلىك تاۋىپ بەرۋگە بولمايتىن، مەكەمەنىڭ مەنى تاڭداۋى، ماعان سەنگەندىگى ەكەنىن، ءوز قيىنشىلىعىمىزدى ءوزىمىز جەڭۋىمىز كەرەكتىگىن ايتتىم. ءسويتىپ، ءبىز بىرگە بارۋ بەكىمىنە كەلدىك، ۇيدەگىلەردە بۇعان قوسىلدى».
قايرات اكپاردىڭ قىزمەتكە قاتىناسقانىنا ەندى عانا ەكى جىل بولعان، نەگىزگى ساتىدا قىزمەت ىستەۋ تاجىريبەسى كەمشىل، كوپتەگەن قىزمەتتە اكەسىنىڭ جەتەكشىلىگىنە مۇحتاج، قىزمەت اترەتىندە، اكەسى ونىڭ ۇستازىنا اينالدى. اكپار ياسىن بىلاي دەدى: «بالامدى مىناداي بىرنەشە جاقتا تاربيەلەدىم: ءبىرىنشى، وتباستارىن ارالاۋ ماسەلەسى، ياعني وتباستارىن قالاي ارالاۋ، وتباستارىنا بارعاننان كەيىن قالاي تىزىمگە الۋ، ماسەلە مەن سۇرانىستى قالاي شەشۋ؛ ەكىنشى، ەگىنشى-مالشىلاردىڭ حانزۋ ءتىلى دەڭگەيى ماسەلەسى، قىزمەت اترەتىندەگىلەر اقىلداسقاننان كەيىن، ۇلىمدى قوس ءتىل وقىتۋشىسى ەتىپ بەلگىلەدىك؛ ءۇشىنشى، ءبىزدىڭ قىزمەت اترەتىندە حانزۋ جولداستار نەداۋىر كوپ، وسى جاعدايعا ساي، قىزمەت اترەتىندەگىلەر اقىلداسقاننان كەيىن، ۇلىمدى وتباستارىن ارالاۋ بارىسىندا اۋدارماشى بولۋعا كورسەتتىك».
اكەسىنىڭ قاسىندا ءجۇرىپ تاربيەلەنگەندىكتەن قايرات اكپار ءوز جۇمىسىنا تەز ۇيلەستى. قىستاق ديحاندارىنىڭ مەملەكەت ءتىلى وقىتۋشىسى بولعاننان كەيىن، ەگىنشى-مالشىلاردىڭ حانزۋ ءتىلى دەڭگەيىنە قاراي وتىرىپ، ول بۇرىنعى ۇلكەن ءبىر سىنىپتى، تەز، ورتاشا جانە باياۋ سىنىپ سىندى ءۇش شاعىن سىنىپقا ءبولىپ، باعىتتامالى تۇردە قىستاق ديحاندارىنىڭ مەملەكەت ءتىلى دەڭگەيىن جوعارلاتتى. قىستاق ديحانى تۇردىگۇل ارشيدەن: «ساباقحانادا قايرات اكپارات اعامىز بىزگە مەملەكەت ءتىلىن ۇيرەتۋدەن سىرت، مال شارۋاشىلىق بىلىمدەرىن دە تۇسىندىرەدى، وسىندا مەملەكەت ءتىلىن ۇيرەنگەننەن كەيىن، سىرتقا شىعىپ جۇمىس ىستەيتىن بولساق، اناعۇرلىم جاقسى قىزمەتتەر تابۋىمىز مۇمكىن»،-دەدى.
قايرات اكپار: «وراي بولسا، كەلەر جىلى قىستاقتا جالعاستى تۇرىپ، بيىل نەگىزگى ساتىدا تۇرۋ بارىسىندا توپتاعان تاجىريبەلەرىمدى ساۋلەلەندىرىپ، ەندىگى قىزمەت اترەتىندەگىلەرمەن بىرگە، شوماق قىستاعىنىڭ دامۋىنا ۇلەس قوسۋدى ءۇمىت ەتەمىن»،-دەدى.

بەرىپ كەت ورامالىڭدى

دوستار

الىستاعى اق ەركە