باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۆيەتنامنىڭ زۇڭليىمەن، كورەيانىڭ زۇڭتۇڭىمەن، فيليپپيننىڭ زۇڭتۇڭىمەن، جاپونيانىڭ باس ءۋازىرىمەن جەكە - جەكە كەزدەستى

    كەلۋ قاينارى: شينجياڭ گازەتى    2017-11-13 21:30:55  

چيليدىڭ زۇڭتۇڭى باچەلەتپەن بىرگە جۇڭگو-چيلي ەركىن ساۋدا كەلىسىمىنىڭ دەڭگەيىن كوتەرۋ كەلىسىم حاتىنا قول قويۋ سالتىنا قاتىناستى

 شينحۋا اگەنتتىگىنىڭ 11 - قاراشادا ۆيەتنامنىڭ داناڭىنان بەرگەن حابارى (تىلشىلەر ليۋ حۋا، حوۋ ليجۇن). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 11 - قاراشادا داناڭ اكىمشىلىك ورتالىعىندا ۆيەتنامنىڭ زۇڭليى رۋان چۇنفۋمەن كەزدەستى.
  شي جينپيڭ داناڭ اكىمشىلىك ورتالىعىنا بارعان كەزدە، رۋان چۇنفۋ ونى قاقپانىڭ الدىندا كۇتىپ الدى. قۇرمەت قاراۋىلدارى قىزىل كىلەمنىڭ ەكى جاعىندا ساپ تۇزەدى.
  شي جينپيڭ جۋىقتا ۆيەتنامنىڭ ورتا، وڭتۇستىك ءوڭىرى اۋىر تايفىڭ داۋىلى اپاتىنا ۇشىراپ، ەلەۋلى ادام جانە مال - مۇلىك شىعىنى بولعاندىعىنا بايلانىستى حال سۇرادى. شي جينپيڭ مىنالاردى باسا دارىپتەدى: ۆيەتنام پارتياسىنىڭ جانە ۇكىمەتىنىڭ باسشىلىعىندا، اپات تۋعان رايونداعى حالىقتىڭ، اپاتتى، ءسوز جوق، جەڭىپ شىعاتىنىنا، قالىپتى ءوندىرىس، تۇرمىستى ەرتەرەك قالىپىنا كەلتىرەتىنىنە سەنەمىز. جۇڭگو ۆيەتنامنىڭ اپاتتان قۇتقارۋ قىزمەتىنە قولداۋ كورسەتەدى.
  شي جينپيڭ مىنالاردى اتاپ كورسەتتى: ەرتەڭ مەن حانوي قالاسىنا بارىپ، ۆيەتنامعا مەملەكەتتىك ساپارىمدى باستايمىن. قازىر جۇڭگو - ۆيەتنام قارىم - قاتىناسى جاقسى دامۋ بەتالىسىن ساقتاپ كەلەدى. تاراپتاردىڭ جوعارى جىكتەگىلەرى ءجيى بارىس - كەلىس جاساسىپ، سىندارلى ىنتىماقتاستىق تەرەڭدەپ، گۋمانيتارلىق اۋىس - كۇيىس جاندانىپ، كوپ جاقتى سايكەسۋ جيىلەدى. جۇڭگو ۆيەتناممەن اراداعى قارىم - قاتىناسقا ايرىقشا ءمان بەرەدى. مەن وسى رەتكى ساپارىم ارقىلى ۆيەتنامنىڭ باسشى جولداستارىمەن ەكى ەل، ەكى پارتيا قارىم - قاتىناسى جانە بىرگە نازار اۋدارىپ وتىرعان ماسەلەلەر جونىندە ىشكەرىلەي پىكىر اۋىسۋدى، جۇڭگو مەن ۆيەتنامنىڭ جان - جاقتى ستراتەگيالىق ىنتىماقتاستىق قارىم - قاتىناسىنىڭ جاڭا دامۋ كەزەڭىنە ءوتۋىن ىلگەرىلەتۋدى ءۇمىت ەتەمىن.
  شي جينپيڭ مىنالاردى باسا دارىپتەدى: حالىقارالىق جانە وڭىرلىك جاعدايدا تەرەڭ، كۇردەلى وزگەرىستەر تۋىلۋدا، جۇڭگو مەن ۆيەتنام ەكى ەلدىڭ رەفورما، دامۋ ىستەرى دە شەشۋشى كەزەڭدە تۇر. ءبىز جۇڭگو مەن ۆيەتنامنىڭ جان - جاقتى ستراتەگيالىق ىنتىماقتاستىعىنىڭ كەڭدىگى مەن تەرەڭدىگىن ارتتىرىپ، جۇڭگو مەن ۆيەتنام سىندى كوممۋنيستىك پارتيا باسشىلىعىنداعى ەكى سوتسياليستىك مەملەكەتتىڭ باياندى تىنىشتىعىن جۇزەگە اسىرۋىمىز كەرەك. جۇڭگو مەن ۆيەتنام جوعارى جىكتەگىلەردىڭ قارىم - قاتىناسىن ساقتاپ، ستراتەگيالىق بايلانىستى كۇشەيتىپ، پارتيانى جونگە سالۋ، ەل باسقارۋ جونىندە تاجىريبە اۋىسۋدى تەرەڭدەتۋى كەرەك. «ءبىر بەلدەۋ، ءبىر جول» مەن «2 ءدالىز، ءبىر شەڭبەردى» ۇشتاستىرۋدى جەدەلدەتۋ، ساۋدا - ەكونوميكا، فينانس، وندىرىستىك قۋات، نەگىزدىك قۇرىلعى قۇرىلىس سياقتى سالالارداعى ناقتى ىنتىماقتاستىقتاردى تەرەڭدەتۋ، ءتۇيىندى نىساندار قۇرىلىسىن ىلگەرىلەتۋ، ءوزارا پايدا جەتكىزىپ، تەڭ ۇتۋدى جۇزەگە اسىرۋ كەرەك. گۋمانيتارلىق اۋىس - كۇيىستى جانداندىرىپ، حالىقتار تىلەگىنىڭ توعىسۋىن جەبەپ، جۇڭگو - ۆيەتنام دوستىعىنىڭ جۇرت جۇرەگىنە ۇيالاۋىنا مۇمكىندىك جاساۋ كەرەك. الاۋىزدىقتاردى لايىقتى ءبىر جاقتى ەتىپ، ەكى پارتيا، ەكى ەل قاتىناسىنىڭ ءارقاشان دۇرىس باعىتپەن العا دامۋىنا كەپىلدىك ەتۋ كەرەك.
  رۋان چۇنفۋ بىلاي دەدى: ج ك پ 19 - قۇرىلتايىندا شي جينپيڭنىڭ جاڭا داۋىردەگى سوتسياليزم يدەياسىنىڭ تۇراقتانعاندىعىن قىزۋ قۇتتىقتايمىن، شي جينپيڭ جولداستىڭ ج ك پ ورتالىق كوميتەتىنىڭ باس شۋجيى بولىپ قايتا سايلانعانىن قۇتتىقتايمىن، باس شۋجي شي جينپيڭنىڭ ج ك پ 19 - قۇرىلتايىنان كەيىن تۇڭعىش رەتكى شەتەلگە مەملەكەتتىك ساپارىندا ۆيەتنامدى تاڭداعانىنا العىس ايتامىن. ۆيەتنام جۇڭگومەن ءداستۇرلى دوستىقتى قادىرلەيدى، جۇڭگونىڭ ەكونوميكالىق، قوعامدىق دامۋىنىڭ تابىسقا جەتكەنىنە قۋانادى، ونى سوتسياليزم ىستەرىنىڭ جەتىستىگى دەپ بىلەدى. جۇڭگو - ۆيەتنام قاتىناسىنىڭ دەڭگەيىن جوعارىلاتۋ ۆيەتنام پارتياسىنىڭ جانە ۇكىمەتىنىڭ ديپلوماتيالىق ساياساتىنىڭ الدىمەن ويلاساتىن تاڭداۋى. ۆيەتنام جۇڭگونىڭ كومەك كورسەتكەنىنە العىس ايتادى، ۆيەتنام - جۇڭگو ىنتىماقتاستىعىنىڭ دەڭگەيىن جوعارىلاتۋ ءۇشىن كۇش سالادى، جۇڭگومەن قارجى قوسۋ، ساۋدا، وندىرىستىك قۋات، عىلىم - تەحنيكا، اۋىل شارۋاشىلىعى، ەلەكتر قۋاتى، نەگىزدىك قۇرىلعى قۇرىلىسى، شەكارالىق ەكونوميكالىق ىنتىماقتاستىق رايونى قۇرىلىسى سياقتى سالالارداعى ىنتىماقتاستىقتاردى كۇشەيتۋدى، «2 ءدالىز، ءبىر شەڭبەر» مەن «ءبىر بەلدەۋ، ءبىر جول» قۇرىلىسىن ۇشتاستىرۋدى ويداعىداي تياناقتاندىرۋدى، جەرگىلىكتى ءوڭىر، ساياحات، مادەنيەت سياقتى گۋمانيتارلىق اۋىس - كۇيىستەردى جيىلەتۋدى ءۇمىت ەتەدى.
  ديڭ شۋەشياڭ، ليۋ حى، ياڭ جيەچى قاتارلى جۇڭگو جاقتىڭ ساپارلاستارى جانە ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ۆيەتنامنىڭ ۇنەمىلىك ىستەرگە جاۋاپتى ورىنباسار زۇڭليى جاڭ حىپيڭ كەزدەسۋدە بىرگە بولدى.
  شينحۋا اگەنتتىگىنىڭ 11 - قاراشادا ۆيەتنامنىڭ داناڭىنان بەرگەن حابارى (ءتىلشى شاڭ ياڭ). مەملەكەت ءتوراعاسى شي جينپيڭ 11 - قاراشادا ۆيەتنامنىڭ داناڭ قالاسىندا چيليدىڭ زۇڭتۇڭى باچەلەتپەن بىرگە جۇڭگو - چيلي ەركىن ساۋدا كەلىسىمىنىڭ دەڭگەيىن كوتەرۋ كەلىسىم حاتىنا قول قويۋ سالتىنا قاتىناستى.
  شي جينپيڭ جۇڭگو - چيلي ەركىن ساۋدا كەلىسىمىنىڭ دەڭگەيىن كوتەرۋ كەلىسىم حاتىنا قول قويىلعانىن قىزۋ قۇتتىقتادى. شي جينپيڭ مىنالاردى باسا دارىپتەدى: بۇل جۇڭگونىڭ لاتىن امەريكاسىنداعى ەلدەرمەن ەركىن ساۋدا كەلىسىمىنىڭ دەڭگەيىن ەڭ الدىمەن كوتەرۋى. جاڭا دەڭگەيى كوتەرىلگەننەن كەيىنگى جۇڭگو - چيلي ەركىن ساۋدا كەلىسىمى جۇڭگو مەن چيليدىڭ ناقتى ىنتىماقتاستىعىنا تىڭ قوزعاۋش كۇش قوسىپ، جۇڭگو مەن لاتىن امەريكاسى ەلدەرى ىنتىماقتاستىعىنا جاڭا ۇلگى ورناتىپ، حالىقارادا بەلسەندى ۇلگىلىك رول اتقارادى.
  باچەلەت بىلاي دەدى: ج ك پ 19 - قۇرىلتايىنىڭ ءساتتى وتكىزىلگەنىن قۇتتىقتايمىن ءارى «ءبىر بەلدەۋ، ءبىر جول» قۇرىلىسىندا ءتىپتى دە زور ناتيجەلەرگە قول جەتۋدى تىلەيمىن. چيلي - جۇڭگو قاتىناسى لاتىن امەريكاسى ەلدەرى مەن جۇڭگو قاتىناسىنىڭ دامۋ تاريحىندا تالاي تۇڭعىشتاردى جاراتتى. چيلي الدا ءجۇرۋ رۋحىن ۇزدىكسىز ساۋلەلەندىرىپ، چيلي مەن جۇڭگونىڭ ناقتى ىنتىماقتاستىعىنىڭ تىنباي دامۋىن ىلگەرىلەتۋدى قالايدى.
  چيلي جۇڭگومەن تۇڭعىش ەركىن ساۋدا كەلىسىمىن جاساسقان لاتىن امەريكاسىنداعى ەل. 2016 - جىلى قاراشادا شي جينپيڭ چيليدە مەملەكەتتىك ساپاردا بولعان مەزگىلدە پاچەلەتپەن بىرگە ەكى ەلدىڭ ەركىن ساۋدا كەلىسىمىنىڭ دەڭگەيىن كوتەرۋ كەلىسسوزىن باستايتىنىن جاريالاعان بولاتىن. تاراپتار ءبىر جىل كەلىسسوز وتكىزۋ ارقىلى ەركىن ساۋدا كەلىسىمىنىڭ دەڭگەيىن كوتەرۋ كەلىسىم حاتىن ءساتتى جاساستى.
  ديڭ شۋەشياڭ، ليۋ حى، ياڭ جيەچى قاتارلىلار قول قويۋ سالتىنا قاتىناستى.
  شينحۋا اگەنتتىگىنىڭ 11 - قاراشادا ۆيەتنامنىڭ داناڭىنان بەرگەن حابارى (تىلشىلەر لۋ جۇن، چىن جى). مەملەكەت ءتوراعاسى شي جينپيڭ 11 - قاراشادا ۆيەتنامنىڭ داناڭ قالاسىندا كورەيانىڭ زۇڭتۇڭى ۋىن زاييانمەن كەزدەستى.
  شي جينپيڭ بىلاي دەپ اتاپ كورسەتتى: جۇڭگو مەن كورەيا ىرگەسى اجىراماس كورشىلەر ءارى تابيعي ىنتىماقتاس سەرىكتەر. ديپلوماتيالىق قاتىناس ورناتقان 25 جىلدان بەرى، دوستىق تۇرعىدا قارىم - قاتىناس جاساۋ، ىنتىماقتاسىپ تەڭ يگىلىككە كەنەلۋ قاشاندا جۇڭگو - كورەيا قاتىناسىنىڭ نەگىزگى اۋەنى بولىپ كەلەدى. جۇڭگو - كورەيا ەكى ەلدىڭ وزدەرىنىڭ ەكونوميكاسى مەن قوعامىنىڭ العا باسۋىن ىلگەرىلەتۋ، ءوڭىردىڭ بەيبىتشىلىگىن، ورنىقتىلىعىن، گۇلدەنۋىن جۇزەگە اسىرۋ جاقتارىندا كەڭ كولەمدى ورتاق مۇددەسى بار. تاماشا جۇڭگو - كورەيا قاتىناسى تاريح پەن ءداۋىر اۋقىمىنا ۇيلەسەدى ءارى ەكى ەل حالىقتارىنىڭ ورتاق تىلەگى. جۇڭگو كورەيامەن قاتىناسقا باسا ءمان بەرىپ، كورەيامەن بىرگە ەكى ەل قاتىناسىنىڭ اقاۋسىز، ورنىقتى دامۋىن كۇش سالا ىلگەرىلەتۋدى قالايدى.
  شي جينپيڭ بىلاي دەپ باسا دارىپتەدى: قازىر جۇڭگو - كورەيا قاتىناسى شەشۋشى مەزگىلدە تۇر. تاراپتار ءبىر - ءبىرىنىڭ وزەكتى مۇددەسى مەن نازار اۋداراتىن ەلەۋلى ماسەلەلەرىنە قۇرمەت ەتىپ، ساياسي ءوزارا سەنىمدى قورعاپ، قارىم - قاتىناس پەن سايكەسۋدى نىعايتادى. شي جينپيڭ جۇڭگونىڭ «ساد» ماسەلەسىندەگى تۇرعىسىن قايتا دارىپتەپ، كەلەلى مۇددە - زيان قاتىناسىنا ساياتىن ماسەلەلەردە تاراپتاردىڭ تاريحقا جاۋاپتى بولۋ، جۇڭگو - كورەيا قاتىناسىنا جاۋاپتى بولۋ، ەكى ەل حالىقتارىنا جاۋاپتى بولۋ پوزيتسياسىمەن تاريحتىڭ سىنىنان وتە الاتىن شەشىم جاساپ، جۇڭگو - كورەيا قاتىناسىنىڭ قاشاندا دۇرىس بەتالىستى بويلاي نىق قاداممەن ۇزاققا ۇمتىلۋىنا شىنايى كەپىلدىك ەتۋ كەرەكتىگىن باسا دارىپتەدى.
  شي جينپيڭ مىنالاردى اتاپ كورسەتتى: جۇڭگو مەن كورەيانىڭ جوعارى جىكتەگىلەرى اراسىنداعى بارىس - كەلىستى ساقتاۋدىڭ ەكى جاقتى قاتىناسقا ماڭىزدى جەتەكتەۋ رولى بار. جۇڭگو كورەيا سىرتقى ىستەر مينيسترىنىڭ وسى ايدا جۇڭگوعا ساپارلاي بارۋىن قارسى الادى. تاراپتار كەلەسى قادامداعى ەكى ەل قاتىناسىنىڭ دامۋى جونىندە جالپى جوبا جاساۋدى ۇزدىكسىز كۇشەيتىپ، تاراپتاردىڭ حالىقارالىق جانە وڭىرلىك ىستەردەگى ىنتىماقتاستىعىن كەڭەيتۋ جونىندە تالقى جۇرگىزۋى كەرەك. ەكى ەلدىڭ ءار سالاداعى ناقتى بارىس - كەلىس ىنتىماقتاستىعىن تەرەڭدەتىپ، ەكى ەل حالىقتارىن ءتىپتى جاقسى باقىتقا كەنەلتۋ كەرەك.
  ۋىن زاييان جۇڭگو كوممۋنيستىك پارتياسى 19 - قۇرىلتايىنىڭ تابىسپەن اشىلعانىن، شي جينپيڭنىڭ تاعى دا ج ك پ ورتالىق كوميتەتىنىڭ باس شۋجيى بولىپ سايلانعانىن قۇتتىقتادى، ءتوراعا شي جينپيڭنىڭ 19 - قۇرىلتايدا العا قويعان ادامزات تاعدىرى ورتاق تۇلعاسىن قۇرۋ جونىندەگى تۇرعىسىن قولدادى. ۋىن زاييان مىنانى ءبىلدىردى: كورەيا مەن جۇڭگونىڭ بىرگە قۇلشىنىپ، ەكى ەلدىڭ جوعارى جىكتەگىلەرىنىڭ بارىس - كەلىسىن جانە ءار سالاداعى قارىم - قاتىناس ىنتىماقتاستىعىن تەزىرەك قالپىنا كەلتىرۋىن ءۇمىت ەتەمىن. كورەيا «ءبىر بەلدەۋ، ءبىر جول» قۇرىلىسىن قولدايدى ءارى وعان بەلسەنە ات سالىسۋدى قالايدى. كورەيا جۇڭگونىڭ «ساد» ماسەلەسىنە نازار اۋدارعانىنا باسا ءمان بەرەدى، جۇڭگونىڭ ستراتەگيالىق حاۋىپسىزدىك مۇددەسىنە زيان جەتكىزۋ ويى جوق.
  ەكى ەل باسشىلارى چاۋشيان تۇبەگى جاعدايى جونىندە پىكىر اۋىستىردى. شي جينپيڭ بىلاي دەپ اتاپ كورسەتتى: جۇڭگو تۇبەكتىڭ يادروسىزدانۋىن ىسكە اسىرۋعا، تۇبەكتىڭ بەيبىتشىلىگى مەن ورنىقتىلىعىن قورعاۋعا، ماسەلەلەردى كەڭەسۋ جولىمەن شەشۋگە تاباندى بولادى. جۇڭگو تۇبەك جاعدايىنىڭ جاقسى بولۋىن شىن جۇرەكتەن ءۇمىت ەتەدى، كورەيانى چاۋشيانمەن اڭگىمەنى، كەڭەستى قايتا باستاپ، تاتۋلىقتى، ىنتىماقتاستىقتى قالپىنا كەلتىرۋگە جىگەرلەندىرەدى. ءبىز دە تۇبەكتىڭ ورنىقتىلىعىن قورعاۋ، سوعىستان ساقتانۋ، تاتۋلىققا شاقىرىپ، كەلىسسوزدى جەبەۋ جونىندە كورەيامەن بايلانىستى ساقتاپ تۇرۋدى قالايمىز. ۋىن زاييان كورەيانىڭ جۇڭگونىڭ چاۋشيان تۇبەگىنىڭ يادرو ماسەلەسىندە ساۋلەلەندىرگەن بەلسەندى رولىن القايتىندىعىن، جۇڭگومەن تىعىز بايلانىس ورناتىپ جانە سايكەسىپ، چاۋشيان تۇبەگىنىڭ يادرو ماسەلەسىن بەيبىت تاسىلمەن شەشۋگە، تۇبەكتىڭ بەيبىتشىلىگىن قورعاۋعا تاباندى بولۋدى قالايتىندىعىن ءبىلدىردى.
  ديڭ شۋەشياڭ، ليۋ حى، ياڭ جيەچى كەزدەسۋدە بىرگە بولدى.
  شينحۋا اگەنتتىگىنىڭ 11 - قاراشادا ۆيەتنامنىڭ داناڭىنان بەرگەن حابارى (تىلشىلەر ۋاڭ فىڭفىڭ، حاۋ ۋەي - ۋەي). مەملەكەت ءتوراعاسى شي جينپيڭ 11 - قاراشادا ۆيەتنامنىڭ داناڭ قالاسىندا فيليپپيننىڭ زۇڭتۇڭى دۋتەرتپەن كەزدەستى.
  شي جينپيڭ مىنالاردى اتاپ كورسەتتى: دۋتەرت زۇڭتۇڭ بىلتىر قازان ايىندا جۇڭگودا ساپاردا بولعاننان بەرى، جۇڭگو مەن فيليپپننىڭ قاتىناسىندا جاڭا بەت اشىلدى، تاراپتار بەلسەنە ىنتىماقتاستىق ورىستەتىپ، ەكى ەلدىڭ قاتىناسى اقاۋسىز، ورنىقتى دامىپ، ەكى ەل حالقىنا ناقتى پايدا جەتكىزدى ءارى ءوڭىردىڭ بەيبىتشىلىگىنە، ورنىقتىلىعىنا ماڭىزدى ۇلەس قوستى. كورشىلىك، دوستىق − جۇڭگو مەن فيليپپين قاتىناسىنىڭ، ءسوزسىز، تاباندى بولاتىن دۇرىس بەتالىسى. جۇڭگو فيليپپينمەن بىرگە ەكى ەل قاتىناسىن ستراتەگيالىق بيىكتىكتەن جانە ۇزاق بولاشاقتىق تۇرعىدان ۇزدىكسىز يگەرىپ، ساياسي سەنىمدىلىكتى ارتتىرىپ، ىنتىماقتاستىقتى بەكەمدەپ جانە تەرەڭدەتىپ، ەكى ەل حالقىنا ءتىپتى دە كوپ جەتىستىكتەر ارقىلى باقىت جاراتۋدى قالايدى.
  شي جينپيڭ مىنالاردى باسا دارىپتەدى: وتكەن ايدا عانا جابىلعان ج ك پ 19 - قۇرىلتايى الداعى ءبىر مەزگىلدەگى جۇڭگونىڭ كۇرەس نىساناسىن تۇراقتاندىردى. جۇڭگونىڭ دامۋى باياندى، بەيبىت، ورنىقتى سىرتقى ورتانى قاجەت ەتەدى. جۇڭگو بەيبىت دامۋ جولىنان اۋىقتىماي، دامۋدى ەسىك اشۋ جانە ىنتىماقتاسىپ تەڭ يگىلىككە كەنەلۋ بارىسىندا جۇزەگە اسىرۋعا تاباندى بولادى. جۇڭگو جاقىن، ادال، ءتيىمدى، كەڭ پەيىل بولۋ ۇستانىمىن جانە كورشىلەرگە ىزگى نيەتتە بولۋ، كورشىگە سەرىك بولۋ سىندى توڭىرەكتىك ديپلوماتيا باعىتىن ۇزدىكسىز اتقارىپ، ادامزات تاعدىرلاس ورتاق تۇلعاسىن قۇرۋدى ىلگەرىلەتەدى. كەزەكتە جۇڭگو - فيليپپين قاتىناسى جاڭا تاريحي باستامادا تۇر. تاراپتار جوعارى جىكتەگىلەردىڭ بارىس - كەلىسىن كۇشەيتىپ، تۇسىنىستىك پەن سەنىمدىلىكتى نىعايتىپ، ستراتەگيالىق جەتەكشىلىكتى كۇشەيتىپ، ەكى ەل قاتىناسىنىڭ باستان - اياق دۇرىس بەتالىستى بويلاي دامۋىنا شىنايى كەپىلدىك ەتۋى كەرەك. «ءبىر بەلدەۋ، ءبىر جول» دارىپتەمەسى مەن فيليپپيننىڭ دامۋ ستراتەگياسىن توعىستىرۋدى ارقاۋ ەتىپ، نەگىزدىك قۇرىلعى قۇرىلىسى، اۋىل شارۋاشىلىعى، قارجى قوسۋ سياقتى سالالارداعى ناقتى ىنتىماقتاستىقتى تەرەڭدەتۋ جانە كەڭەيتۋ كەرەك. جۇڭگو فيليپپيننىڭ كەدەيلەردى سۇيەمەلدەۋ قىزمەتىن ويداعىداي ىستەۋىنە كومەكتەسىپ، فيليپپين ۇكىمەتىنىڭ مەملەكەت حاۋىپسىزدىگىن قورعاۋ قۇلشىنىسىن ۇزدىكسىز قولداۋدى قالايدى. تاراپتار ساياسي پارتيالاردىڭ، پارلامەنتتەردىڭ، جەرگىلىكتى ورىنداردىڭ، حالىقتىق ۇيىمداردىڭ بارىس - كەلىسىن كۇشەيتىپ، وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، سپورت، جاستار ىستەرى سياقتى سالالارداعى سەلبەستىگىن نىعايتىپ، حالىقتىڭ اقىل - پاراساتى مەن كۇش - قۋاتىن جۇمىلدىرىپ، جۇڭگو - فيليپپين قاتىناسىنىڭ حالىق رايى نەگىزىن بەكەمدەۋ كەرەك. جۇڭگو شىعىس وڭتۇستىك ازيا وداعىنا مۇشە ەلدەرمەن بىرگە نانحاي ءوڭىرىنىڭ بەيبىتشىلىگىن، ورنىقتىلىعىن جانە دامۋىن، گۇلدەنىپ - كوركەيۋىن ۇزدىكسىز ويداعىداي قورعايدى.
دۋتەرت بىلاي دەدى: فيليپپين مەن جۇڭگو قاتىناسى توتەنشە ماڭىزدى، فيليپپين جۇڭگونى شىنايى دوس دەپ قارايدى، جۇڭگونىڭ فيليپپيننىڭ ەكونوميكالىق قۇرىلىس، لاڭكەستىككە قارسى تۇرىپ، ورنىقتىلىقتى قورعاۋ سياقتى جاقتارىنا كورسەتكەن كومەگىنە العىس ايتادى. فيليپپين ەكى ەلدىڭ ءار سالاداعى ىنتىماقتاستىعىنىڭ العا قاراي دامۋىن ىلگەرىلەتۋگە كۇش سالادى ءارى جۇڭگومەن بىرگە ەكى جاق كەلىسكەن ورتاق تانىمى بويىنشا تەڭىز ماسەلەسىن ەكى جاقتى ارنامەن لايىقتى ويداعىداي ءبىر جاقتى ەتۋدى قالايدى.
  ديڭ شۋەشياڭ، ليۋ حى، ياڭ جيەچى قاتارلىلار كەزدەسۋدە بىرگە بولدى.
  شينحۋا اگەنتتىگىنىڭ 11 - قاراشادا ۆيەتنامنىڭ داناڭىنان بەرگەن حابارى (تىلشىلەر حۋو شياۋگۋاڭ، جىڭ شياۋ - ي). مەملەكەت ءتوراعاسى شي جينپيڭ 11 - قاراشادا ۆيەتنامنىڭ داناڭ قالاسىندا جاپونيانىڭ باس ءۋازىرى شينزو ابەمەن كەزدەستى.
شي جينپيڭ مىنالاردى اتاپ كورسەتتى: جۇڭگو مەن جاپونيا جاقىن كورشى، سونداي - اق ازياداعى جانە دۇنيە جۇزىندەگى باستى ەكونوميكالىق تۇلعالار. جۇڭگو - جاپونيا قاتىناسىنىڭ ورنىقتى دامۋى ەكى ەلدىڭ مۇددەسىنە ۇيلەسەدى، ول ءوڭىر جانە الەم ءۇشىن ماڭىزدى ىقپالعا يە. بيىل جۇڭگو مەن جاپونيا قاتىناسىنىڭ قالىپقا تۇسكەندىگىنىڭ 45 جىلدىعى، كەلەر جىلى جۇڭگو - جاپونيا بەيبىت دوستىق شارتى جاسالعانىنىڭ 40 جىلدىعى. تاراپتار ەكى ەل حالقىنىڭ ءتۇبىرلى مۇددەسىن شىعار ءتۇيىن ەتىپ، بەيبىتشىلىك، دوستىق، ىنتىماقتاستىق ۇلكەن باعىتىن ءدال يگەرىپ، تىنباي قۇلشىنۋ ارقىلى ءتيىمدى شارت - جاعدايلار قالىپتاستىرىپ، جۇڭگو - جاپونيا قاتىناسىنىڭ ۇزدىكسىز جاقسارۋىن، جاقسى باعىتقا قاراي دامۋىن ىلگەرىلەتۋ كەرەك.
  شي جينپيڭ مىنالاردى باسا دارىپتەدى: جۇڭگو - جاپونيا قاتىناسىن جاقسارتۋدىڭ تەتىگى − ءوزارا سەنىمدىلىكتە. جاپونيانىڭ اناعۇرلىم كوپ ناقتى ارەكەتتەرمەن جانە ناقتى ساياساتتارمەن «جۇڭگو مەن جاپونيا ءوزارا ىنتىماقتاستىق سەرىكتەستەر، ولار ءبىر - بىرىنە قاتەر تۋدىرمايدى» دەيتىن ستراتەگيالىق ورتاق تانىمدى ايگىلەۋىن ءۇمىت ەتەمىن. تاريح، تايۋان سياقتى جۇڭگو - جاپونيا قاتىناسىنىڭ ساياسي نەگىزىنە ساياتىن ماڭىزدى پرينسيپتىك ماسەلەلەردە، ءارقاشان جۇڭگو مەن جاپونيانىڭ 4 ساياسي حۇجاتى جانە ەكى ەلدىڭ قول جەتكىزگەن ورتاق تانىمى بويىنشا ارەكەت ەتۋ كەرەك. ناتيجەلى تاسىلمەن ەكى ەل اراسىنداعى الاۋىزدىقتى لايىقتى باسقارۋ - مەڭگەرۋ كەرەك.
  شي جينپيڭ مىنالاردى اتاپ كورسەتتى: ءوزارا پايدالى ىنتىماقتاستىق − جۇڭگو - جاپونيا قاتىناسىن العا دامىتاتىن قوزعاۋشى كۇش. جاڭا جاعدايدا، تاراپتار ەكى جاقتى سىندارلى ىنتىماقتاستىق دەڭگەيىن جوعارىلاتۋى، وڭىرلىك ەكونوميكانىڭ ءبىر تۇلعالانۋىن بەلسەنە ىلگەرىلەتۋى، «ءبىر بەلدەۋ، ءبىر جول» اياسىنداعى ىنتىماقتاستىقتاردىڭ ەرتەرەك تياناقتانۋىن جەبەۋى ءتيىس. تاراپتار مادەنيەت، اقپارات قۇرالدارى، جاستار مەن ورەندەر ىستەرى سياقتى سالالارداعى اۋىس - كۇيىستى ۇزدىكسىز كۇشەيتىپ، ەكى ەلدىڭ ىركەس - تىركەس وليمپيادا وتكىزۋ ورايىنان پايدالانىپ، وليمپيادالىق ىنتىماقتاستىق ورىستەتىپ، ەكى ەل قاتىناسى دامۋىنىڭ حالىق تىلەگى دانەكەرىن نىعايتۋ كەرەك.
شينزو ابە مىنالاردى ءبىلدىردى: ج ك پ 19 - قۇرىلتايىنىڭ ءساتتى اشىلعانىن، ءتوراعا شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ قايتا سايلانعانىن قۇتتىقتايمىن. جاپونيا جۇڭگومەن بىرگە قۇلشىنىپ، كەلەر جىلعى جۇڭگو - جاپونيا بەيبىتشىلىك دوستىق شارتى جاسالعانىنىڭ 40 جىلدىعىن وراي ەتىپ، ەكى ەلدىڭ ستراتەگيالىق ءوزارا ءتيىمدى قاتىناسىنىڭ ۇزدىكسىز العا دامۋىن ىلگەرىلەتۋدى قالايدى. جاپونيا جۇڭگومەن جوعارى جىكتەگىلەردىڭ بارىس - كەلىسىن كۇشەيتۋدى، ءوزارا ءتيىمدى، تەڭ يگىلىككە كەنەلەتىن ساۋدا - ەكونوميكالىق ىنتىماقتاستىق ورىستەتىپ، ءوزارا بايلانىس جانە «ءبىر بەلدەۋ، ءبىر جول» اياسىنداعى ىنتىماقتاستىقتى بەلسەنە تالقىلاۋدى، ساياحات، مادەنيەت، جاستار مەن ورەندەر ىستەرى سياقتى سالالارداعى اۋىس - كۇيىستى تەرەڭدەتۋدى ءۇمىت ەتەدى. جاپونيا مەن جۇڭگو ىركەس - تىركەس 2020 - جىلعى جانە 2022 - جىلعى جازعى وليمپيادا، قىسقى وليمپيادا ويىندارىن وتكىزەدى، جاپونيا وسى جونىندە جۇڭگومەن اۋىس - كۇيىس، ىنتىماقتاستىق جاساسۋدى قالايدى.
ديڭ شۋەشياڭ، ياڭ جيەچى قاتارلىلار كەزدەسۋدە بىرگە بولدى.

ءان الەمى

جول توسىلىپ قالدى

تۇلپارىم