باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

كۇنەس اۋدانىنىڭ كۇنەس قالاشىعىنا قاراستى شاقپى اۋىزى قىستاعى جاڭعاق ءوسىرۋ كولەمىن كەڭەيتۋدى شارۋالار كىرىسىن ارتتىرۋدىڭ جاڭا شاراسى رەتىندە مىقتى يگەردى

    كەلۋ قاينارى: شينجياڭ حالىق راديو ىستانسياسى    2017-11-14 11:39:17  
گۇليا قاسىمقان قىزى حابارلايدى: سوڭعى جىلدارى كۇنەس اۋدانىنىڭ كۇنەس قالاشىعىنا قاراستى شاقپى اۋىزى قىستاعى جاڭعاق ءوسىرۋ كولەمىن كەڭەيتۋدى اۋىل شارۋاشىلىق كاسىپ قۇرىلىمىن رەتتەۋدىڭ نەگىزى، شارۋالار كىرىسىن ارتتىرۋدىڭ جاڭا شاراسى رەتىندە مىقتى يگەردىءارى «سەرىكتەستىك، سەلبەستىك كووپەراتيۆ، شارۋالار سەلبەسكەن» تيجارات تاسىلىنەن پايدالانىپ، اۋىل شارۋاشىلىق ونىمدەرىنىڭ قوسىمشا قۇنىن جوعارىلاتۋعا دەن قويدى. ناتيجەدە بيىل بۇل قىستاقتىڭ 2 مىڭ 500 مۋ جەرىندەگى جاڭعاقتان 114 توننا ءونىم الىنىپ، ءار مۋىنىڭ كىرىسى 4 مىڭ يۋاننان اينالدى.
قىستاق تۇرعىنى ۋان يۇڭچاڭ 200 مۋ جەرگە جاڭعاق اعاشىن ەگىپتى. اۋىل شارۋاشىلىق ونىمدەرىنىڭ ىركىلىسسىز ساتىلۋىنا كەپىلدىك ەتۋ ءۇشىن، ول قىستاقتاعى جاڭعاق ەگەتىن وتباسىلارىمەن سەلبەسىپ، «ورمان جەمىس كاسىبى سەلبەستىك كووپەراتيۆىن» قۇرىپتى. ءوندىرۋ، مانەرلەۋ، قوراپتاۋ، ساتۋدى ءبىر تۇلعالاندىرعان بۇل سەلبەستىك كووپەراتيۆىنىڭ قازىر 50 مۇشەسى بار. ۋان يۇڭچاڭ تىلشىگە: جاڭعاق ءوسىرىپ، سەلبەستىك كووپەراتيۆىن قۇرعالى ەكونوميكالىق كىرىسىمىز ارتتى. بيىل جاڭعاقتىڭ ءتۇسىمى وتە جاقسى، بازارى دا كۇسەت. كووپەراتيۆىمىز بيىلدان باستاپ، ەلەكتروندى ساۋدانى جانداندىرىپ، ونىمدەرىمىزدى ەلىمىزدىڭ جەر-جەرىنە ساتۋدى جوسپارلاپ وتىر،-دەدى.
قىستاق تۇرعىنى، «كۇنەس اۋدانى يحىيۋان جەمىس ورمانى كووپەراتيۆىنىڭ» باسالقاسى ۋان يۇڭچاڭ: بىلتىرعىمەن سالىستىرعاندا، بيىل جاڭعاقتىڭ ءونىمى وتە جاقسى. مۋ باسىندىق كىرىستى ءبىر ەسەلەۋدەن ءۇمىت بار. قازىر نەگىزىنەن ەلەكتروندى ساۋداعا قاراي ويىسقاندىعىمىز سەبەپتى ونىمدەرىمىز ىركىلىسسىز ساتىلۋدا،-دەدى.
جاڭعاق ءوسىرۋ شارۋالار وتباسىنىڭ كىرىستەرىن ارتتىرىپ عانا قالماي، قىستاقتاعى ارتىق ەڭبەككۇشتەردىڭ جەرگىلىكتى ورىندا جۇمىس ىستەپ، اقشا تابۋىنا دا ءتيىمدى بولدى. قىستاق تۇرعىنى سى حۇڭيۋە كۇندەمە جۇمىس ىستەپ اقشا تاباتىن. بيىل جاڭعاق وسىرگەن وتباسىلارىنا كومەكتەسىپ، كۇندەمە جۇمىس ىستەگەن ول ايىنا 3 مىڭ يۋان اقشا تاباتىنىن ايتا كەلىپ: «قىستاعىمىزدا جاڭعاق وسىرگەن اۋماق كولەمدەنگەن سايىن قىستاقتاعى كۇندەمە ىستەپ اقشا تاباتىنداردىڭ كىرىسى دە ارتىپ كەلەدى»،-دەدى.
ءان الەمى

جول توسىلىپ قالدى

تۇلپارىم