جاڭا حابارلار

اۆتونوميالى رايوننىڭ پارتيا 19-قۇرىلتايىنىڭ رۋحىن ۇگىتتەۋ، لەكسيا جاساۋ ۇيىرمەسى ايماق، وبلىستاردا جالعاستى ۇگىت-لەكسيا جاسادى

    كەلۋ قاينارى: شينجياڭ حالىق راديو ىستانسياسى    2017-11-14 11:49:20  
جيناق حاباردى تىڭداڭىزدار: 13-قاراشا اۆتونوميالى رايوننىڭ پارتيا 19-قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ۇگىت-لەكسيا ۇيىرمەسى ايماق، وبلىس، قالالارداعى ۇگىت-لەكسياسىن جالعاستىردى ءارى جەرگىلىكتى ورىنداعى ءار ۇلت كادر-بۇقارامەن اڭگىمە ءماجىلىسىن وتكىزىپ، پىكىر اۋىستىردى. كوپشىلىك: پارتيا 19-قۇرىلتايىنىڭ رۋحىن شىنايى ءتۇسىنىپ ۇيرەنىپ، ىشكەرلەي يگەرىپ، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، ءتۇرلى قىزمەتتە جاڭا جاعداي اشىپ، قوعامنىڭ ورنىقتىلىعى مەن باياندى تىنىشتىققا بەلسەنە ۇلەس قوساتىندىقتارىن ايتتى.
اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى، دۋان لياڭ تەلەۆيزور-تەلەفون ءماجىلىسى فورماسى ارقىلى اقسۋ ايماعىنداعى ار دارەجەلى پارتيا-ۇكىمەت ورگانى،كاسىپورىن جانە ءىس ورىندارداعى كادرلار مەن بۇقارا ۋاكىلىنەن 40 مىڭنان ارتىق ادامعا ۇگىت-لەكسيا جاسادى. اقسۋ ايماقتىق قورشاعان ورتانى قورعاۋ مەكەمەسىنىڭ باستىعى نيڭ چىڭجياڭ لەكسيانى تىڭداعان سوڭ ەرەكشە اسەرلەنىپ بىلاي دەدى : تىپتى دە كوپ ساپالى ەكولوگيالىق ونىمدەرمەن حالىقتىڭ تاماشا ەكولوگيالىق ورتاعا دەگەن كۇن سايىن ارتىپ بارا جاتقان قاجەتىن قاناعاتتاندىرۋ ۇشىن، مەنىڭشە ەڭ الدىمەن جاسىل دامۋدى اناعۇرلىم جەبەي تۇسۋىمىز تيىس. بۇل بىزدەن وندىرۋ، تۇتىنۋ جانە دامۋ ۇلگىسى، تەحنيكادا جاڭالىق اشۋ، ورتانى قورعاۋ كاسىبى، تۇرمىس تاسىلى سياقتى جاقتاردا جاسىل دامۋ تانىمىن نەگىز ەتە وتىرىپ جوبالاۋدى جانە وسى جوبا بويىنشا اتقارۋدى تالاپ ەتەدى ؛ اۆتونوميالى رايوننىڭ ەكولوگيالىق ورتانى باقىلاپ باسقارۋ تۇزىلىسى رەفورماسىنا بەلسەنە سايكەسىپ، ەكولوگيالىق ورتانى باقىلاپ باسقارۋ ءتۇزىمىن اناعۇرلىم كەمەلدەندىرىپ، ەكولوگيالىق ورتانى بۇلدىرەتىن ارەكەتتەردى قاتاڭ تەجەۋ جانە جازالاۋ قاجەت.
ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار توراعاسى ابدىرەيىم حالىق باي اۋدانىنداعى 800 دەن استام كادر-بۇقاراعا ۇيعۇر تىلىندە ۇگىت-لەكسيا جاسادى. باي اۋداندىق پارتكومنىڭ تۇراقتى مۇشەسى لۇتپوللا ابيبوللا : پارتيا 19-قۇرىلتايىنىڭ بابايانداماسى كىسىگە جىگەر بەرىپ، العا باسۋعا جەتەلەيدى. ۇگىت-لەكسيا جۇيەلى دە جان-جاقتىلى، ۇعىنىقتى بولدى. پارتيالى باسشى كادرلاردىڭ تياناقتاندىرۋدى مىقتى يگەرۋى شەشۋشى ورىندا تۇرادى. بۇدان بىلاي مەن شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن جەتەكشى ەتىپ، پارتيا 19-قۇرىلتايىنىڭ رۋحىن ءتۇرلى قىزمەتتە ويداعىداي تياناقتاندىرىپ، اسىرەسە بۇقارالىق قىزمەتتى تىڭعىلىقتى ىستەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا وز ۇلەسىمدى قوسامىن،-دەدى.
ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق قوعامدىق عىلىمدار اكادەمياسىنىڭ باستىعى گاۋ جيانلۇڭ سانجى حۇيزۋ اۆتونوميالى وبلىسىندا پارتيا 19-قۇرىلتايىنىڭ رۋحىن ۇگىتتەپ لەكسيا جاسادى. ۇگىت-لەكسيا تەلەۆيزور-تەلەفون ءماجىلىسى فورماسىمەن اۋىل-قالاشىقتاردا جاسالدى، سانجى وبلىسىنداعى مىڭنان استام ورگان كادرلارى مەن كاسىپورىن،ىسورىنداردىڭ جاۋاپتىلارى، جوعارى مەكتەپتەردىڭ وقىتۋشى-وقۋشىلارى لەكسيانى تىڭدادى.
گاۋ جيانلۇڭ پارتيا 19-قۇرىلتايىنىڭ باستى تاقىرىبى، نەگىزگى ناتيجەسى، شي جينپيڭنىڭ جاڭا داۋىردەگى جۇڭگوشا سوتسياليزم يدەياسى،پارتيانى جاپپاي قاتاڭ باسقارۋدى بۇلجىتپاي ىلگەرىلەتۋ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسى سياقتى 10 جاقتاعى مازمۇن بويىنشا پارتيا 19-قۇرىلتايىنىڭ رۋحىن جان-جاقتىلى تۇسىندىردى.سانجى مەملەكەتتىك اۋىل شارۋاشىلىعى عىلىم-تەحنيكا باقشاسى پارتيا قىزمەتى كوميتەتىنىڭ ورىنباسار مەڭگەرۋشىسى چاڭ يۋانلي بىلاي دەدى: ۇگىت-لەكسيانىڭ اۋىل شارۋاشىلىعىندا قامداۋ جاعىنداعى قۇرىلىمدىق رەفورمانى ىلگەرىلەتۋ، ەگىنشىلىك كاسىبىن رەتتەپ،كاسىپكە بۇرىلىس جاساپ دارەجەسىن جوعارىلاتۋ، جاڭالىق اشا دامۋ جاعىندا جەتەكشىلىك جانە ونەگەلى رول اتقاراتىنى داۋسىز.
موري اۋدانىنداعى پارتيا-ۇكىمەت ورگانى، ساياسي-زاڭ جۇيەسى جانە ءارقايسى اۋىل-قالاشىقتاعى قازاق كادر-جۇمىسشى-قىزمەتكەر، سونداي-اق وقۋشىلار ۋاكىلىنەن 500 دەن استام ادام اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار توراعاسى ەركەش قۇرمانبەك قىزىنىڭ قازاق تىلىندەگى ۇگىت لەكسياسىن تىڭدادى.موري اۋدانى بايياڭحى اۋىلى شيچۋان قىستاعىىنىڭ تۇرعىنى ازان مۇقاي ۇلى بىلاي دەدى : باس شۋجيدىڭ باسشىلىعىندا،ەلىمىز تەز دامىدى. كوپتەگەن تيىمدى ساياساتتار اتقارىلدى، قازىر بالالارىمىز مەكتەپتە تەگىن وقيدى،ءار جىلى دنساۋلىقتى تەگىن تەكسەرتەمىز، ۇكىمەت قوسىمشا قاراجات بەرگەن جاڭا ۇيلەرگە كوشىپ كىردىك. جۇڭگو ارمانىن جۇزەگە اسىرۋ جولىندا بارلىعىمىز قۇلشىنۋعا ءتيىسپىز.ءبىز قازىرگى جاقسى ساياساتتان ۇتىمدى پايدالانىپ، ساياحاتتى دامىتىپ، ءوندىرىستى وركەندەتىپ، كەدەيلىكتەن قۇتىلىپ اۋقاتتانۋىمىز كەرەك، مەن بۇدان بىلايعى تۇرمىسىمىزدىڭ تىپتى دە جاقسارا تۇسەتىنىنە كامىل سەنەمىن.
اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ مەڭگەرۋشىسى حۋ كايجياڭ شينجياڭ پەداگوگيكا ۋنيۆەرسيتەتىندەگى وقىتۋشى-وقۋشىلارعا ۇگىت-لەكسيا جاسادى.ول پارتيا 19-قۇرىلتايىنىڭ كەلەلى ناتيجەسىن، 5 جىلدان بەر قول جەتكەن جان-جاقتىلى تابىس جانە تۇبىرلى وزگەرىس سىندى 8 جاقتاعى مازمۇن جايلى لەكسيا جاسادى. شينجياڭ پەداگوگيكا ۋنيۆەرسيتەتى ماركسيزم ينستيتۋتىنىڭ وقۋشىسى جاۋ يۇنبيڭ لەكسيانى تىڭداعان سوڭ : بۇگىنگى لەكسيا ارقىلى بۇرىن تولىق تۇسىنبەگەن ماسەلەلەر جايلى جان-جاقتىلى تۇسىنىككە يە بولدىم، ايتالىق، 2035-جىلعا بارعاندا ەلىمىز وسى زامانداندىرۋدى نەگىزىنەن جۇزەگە اسىرادى ەكەن. پارتيامىز وسى كەزەڭدە بىزگە ۇلى جوسپار جاساپ بەردى.مەن وسى كاسىپتىڭ وقۋشىسى بولۋ سالاۋاتىممەن كاسىپ جونىندە جان-جاقتىلى ارى تەرەڭ تۇسنىككە يە بولدىم.مۇنىڭ بۇدان بىلاي وزىمدى دامىتۋىما ارى كاسىپتەنۋ سياقتى جاقتارىندا سەپتىگىنىڭ زور بولاتىنى داۋسىز.
اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتگرۋپپاسىنىڭ شۋجيى ياڭ يۇڭ ءۇرىمجى قالاسىندا تەلەۆيزور-تەلەفون ءماجىلىسى تاسىلىمەن قالاداعى ءار دارەجەلى پارتيالى كادرلارعا تارتىمدى ۇگىت-لەكسيا بايانداماسىن جاسادى. تۇستەن كەيىن ياڭ يۇڭ ءۇرىمجى قالاسى نانحۋ وڭتۇستىك كوشەسى اۋماعىن باسقارۋ كوميتەتى شۇيدۇڭ الەۋمەتتىك اۋماعىنا بارىپ نەگىزگى ساتىداعى كادرلار ۋاكىلدەرىمەن، قاراستى رايونداعى تۇرعىندارمەن اڭگىمەلەسىپ، كوپشىلىك كوڭىل ءبولىپ وتىرعان ماسەلەلەردى نەگىز ەتىپ بەتپە-بەت تۇسىنىك جاسادى. ءۇرىمجى قالاسى چيداۋان اۋماعىن باسقارۋ كوميتەتى شينشيڭ الەۋمەتتىك اۋماعىنىڭ كادرى يزاتگۇل عاني بىلاي دەدى: ۇگىت-لەكسيا جاساۋشى تۇرعىسىنان تۇرعىندار كەشكى كۋرىسى، قىزمەت وتەۋ تەكشەسى، وتباسىلارىن ارالاپ جاعداي ۇعىسۋ ورايلارىنان پايدالانىپ، 19-قۇرىلتاي رۋحى جونىندە ءار قىرىنان بەتپە-بەت ۇگىت-لەكسيا جاساپ، كوپتەگەن ادامعا پارتيانىڭ مەيىر-شاپاعاتىن سەزىندىرىپ، بۇقاراعا باس شۋجي شي جينپيڭنىڭ شينجياڭداعى ءار ۇلت حالقىنا دەگەن قامقورلىعىن تۇسىندىرۋگە كۇش سالدىم. ولاردىڭ ىرىقتىلىقپەن ۇناتىپ تىڭداۋىنا، 19-قۇرىلتايدىڭ رۋحىنىڭ كوكەيىمىزدە ساقتالىپ وركەن جايىپ تامىر تارتۋىنا مۇمكىندىك جاسادىق.
قاراقاش اۋداندىق پارتكومنىڭ ۇلكەن زالىندا، حوتان ايماعىنىڭ اۋدان، قالالارىنداعى ۇگىت جۇيەسىنىڭ كادرلارىن، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاقتاردا تۇرعان قىزمەت اترەتتەرى مۇشەلەرىنىڭ ۋاكىلدەرىن جانە قاراپايىم حالىق اراسىنان شىققان ۇگىتشىلەردى قامتىعان 500 دەن ارتىق ادام، اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى ابيبوللا ابدىسالامنىڭ ءتارتىمدى ۇگىت-لەكسياسىن تىڭدادى. قاراقاش اۋدانى زاۋا اۋىلى بيىكارىق قىستاعىنان بارعان ءماتتۇرسىن ياسىن پارتياعا مۇشە بولعانىنا 30 جىل بولعان قاراپايىم حالىق اراسىنان شىققان ۇگىتشى، ول ۇگىت-لەكسيانى تىڭداۋدان سىرت، مۇقيات ەستەلىككە الدى. ول بىلاي دەدى: قۇرىلتاي بايانداماسىندا، باس شۋجي شي جينپيڭ «حالىقتى» كوپ رەت اۋىزعا الدى، جۇڭگو كوممۋنيستىك پارتياسى قۇرىلعاننان قازىرگە دەيىن، پارتيامىز باستان-اقىر حالىققا قىزمەت ەتۋ ماقساتىنان جازبادى. ۇگىت-لەكسيانى تىڭداپ قايتىپ بارعاننان كەيىن، پارتيا ۋستاۆبىن جانە پارتيا 19-قۇرىلتاي بايانداماسىنىڭ مازمۇنىن جالعاستى مۇقيات وقىپ، پارتيامىزدىڭ توڭكەرىستىك تاريحى، حالىققا قىزمەت ەتۋ تاماشا ءداستۇرى سياقتىلاردى، دەركەزىندە قىستاق ديحاندارىنا جەتكىزۋمەن بىرگە، حالىق بۇقاراسىنىڭ تاماشا تۇرمىسقا دەگەن ۇمتىلىسى جانە پارتيامىزدىڭ كۇرەس نىساناسى، جاقسى ساياساتى سياقتى مازمۇنداردا ءان، ولەڭ جازىپ، قاراپايىم ۇعىنىقتى تىلمەن قىستاق ديحاندارىنا ۇگىت-لەكسيا جاسايمىن. اۆتونوميالى رايوندىق ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇگىت ءبولىمىنىڭ ورىنباسار باستىعى قىزىركەلدى ابدىراحمان ۇلى كوكتوعاي اۋدانى كوكتوعاي قالاشىعىنىڭ تاراتى قىستاعىنا بارىپ، وسى جەردە وتىرىقتانعان 50 نەشە مالشى مەن شەكارا قورعاۋشىعا ۇگىت-لەكسيا جاسادى. نەگىزگى ساتىداعى قاراپايىم حالىق اراسىنان شىققان ۇگىتشى دۇيسەنبەك:-اۆتونوميالى رايوننىڭ ۇگىت-لەكسياشىسى 600 مەترگە جۋىق جول باسىپ، تاۋلى وڭىرگە كەلىپ، مالشىلارعا پارتيا 19-قۇرىلتايىنىڭ رۋحىنان بەتپە-بەت ۇگىت-لەكسيا جاسادى، ەرەكشە راحىمەت ايتامىز. مەن 70 جاستان استام، قىستاقتاعى ۇگىتشى رەتىندە، وتباسىمداعىلارعا، كورشىلەرگە ۇگىت-لەكسيا جاساپ، كوپشىلىكپەن بىرگە ۇيرەنىپ، پارتيا 19-قۇرىلتايىنىڭ رۋحىن جەتە ءتۇسىنىپ، كوكەيگە توقىپ، ويداعىداي پايدالانامىز،-دەدى.

بەرىپ كەت ورامالىڭدى

دوستار

الىستاعى اق ەركە