باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۋىل تۇلەكتەرى «ءبىر يۋان» قورىنىڭ قامقورلىق قالتاسىنا يە بولدى

    كەلۋ قاينارى: ءتاڭىرتاۋ تورابى    2017-11-14 15:46:35  
سەرىك يمانقان ۇلى حابارلايدى. قىراۋلى قىس كەلىپ، كۇن سۋىتا باستادى. الايدا بۋرىلتوعاي اۋدانى كوكاعاش اۋىلى جولتۇسكەن قىستاق كوميتەتىنىڭ جيىن زالى مەيىرگە تولدى. تالپىنعىش تۇلەكتەر سۋداي جاڭا مامىق شاپانىن كيىپ، جاڭا سۋمكا اسىندى، قولدارىنا كەنگۋرۋ ماركالى قۋىرشاقتارىن الىپ، جاندارىنان تاستاماي الىپ جۇرەتىن قالام - قارىنداشقا يە بولىپ، جۇزدەرىنەن شاتتىقتىڭ لەبى ەستى. مىنە بۇل ارادا «ءبىر يۋان» قورىنىڭ قامقورلىق قالتاسىن تارتۋ ەتۋ سالتى ءوتىپ جاتقان ەدى.
«ءبىر يۋان» قورىنىڭ قامقورلىق قالتاسىنا جولداپ ۇلەستىرۋ تالابى بويىنشا، اۋداندىق ونەركاسىپ - ساۋدانى اكىمشىلىك جاقتان باسقارۋ مەكەمەسىنەن جولتۇسكەن قىستاعىنا تۇسكەن قىزمەت اترەتى وتباسىن ارالاپ جاعداي ۇعىسۋ ارقىلى ماتەريال توپتاۋ، قاتىستى ينفورماتسيالاردى اداقتاۋ، بەلسەنە كۇش شىعارۋدىڭ ناتيجەسىندە، ساتىلار بويىنشا تەكسەرۋدەن وتكىزۋ ارقىلى بۇل قىستاققا 15 قامقورلىق قالتاسىن ۇلەستىردى. سونىمەن بىرگە، 19- قۇرىلتايدىڭ رۋحىن ۇگىتتەۋدى شىنايى ءىس جۇزىندىك ارەكەتتەرىمەن ىسكە اسىرىپ، باس شۋجي شي جينپيڭ العا قويعان حالىق تۇرمىسىن قامتاماسىزداندىرۋ مەن جاقسارتۋدا ەڭ كوڭىل ءبولىپ وتىرعان، ەڭ رەالدى مۇددەلىك ماسەلەلەردى مىقتى ىستەۋ ۇندەۋىنە ءۇن قوستى.
9-قاراشا كۇنى مەيىر باعىشتاۋ سالتىندا، قىستاقتاعى مەكتەپتىڭ 15 وقۋشىسى قىزمەت اترەتىنىڭ باستىعى جيە شينيۋاننىڭ قولىنان «ءبىر يۋان» قورىنىڭ قامقورلىق قالتاسىن تاپسىرىپ الدى ءارى سۋىقتان ساقتانۋ جاڭا كيىمدەرىن كيىپ، ءشارپىلارىن تاقتى، قولدارىنا بىردەن سۇيكىمدى قۋىرشاقتارىن قۇشاقتاپ تۇردى. جيىن زالىن بالاۋسا بالدىرعانداردىڭ شاتتىق ءۇنى كەرنەپ، اتا- انالاردىڭ العىس سەزىمىنە تولدى.
«‹ۇعىسۋ، تيىمدىلىك جاساۋ، توعىستىرۋ› قيمىلىنىڭ مۇشەسى بولعان ءبىز جاڭا داۋىردەگى جۇڭگوشا ەرەكشەلىككە يە سوتسياليزم يدەياسىنىڭ ۇگىتشىلەرى، امالياتشىلارى بولا ءبىلىپ، حالىق بۇقاراسىنا ايتارلىقتاي قىزمەت ىستەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ءبىر كىسلىك ۇلەسىمىزدى قوسايىق»،- دەدى جولتۇسكەن قىستاعىنا تۇسكەن قىزمەت اترەتىنىڭ مۇشەسى جەڭىسگۇل.
ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى
ءان الەمى

جول توسىلىپ قالدى

تۇلپارىم