باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ مەن ۆيەتنامنىڭ مەملەكەت ءتوراعاسى چىن داگۋاڭ بىرلەسىپ وتكىزگەن قارسى الۋ قوناعاسىنا قاتىناستى

    كەلۋ قاينارى: شينجياڭ گازەتى    2017-11-14 16:02:55  
 شينحۋا اگەنتتىگىنىڭ 12 - قاراشادا حانويدان بەرگەن حابارى (تىلشىلەر حو شياۋگۋاڭ، مىڭ نا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - قاراشادا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭ مەن ۆيەتنامنىڭ مەملەكەت ءتوراعاسى چىن داگۋاڭنىڭ حانوي حالىقارالىق ءماجىلىس ورتالىعىندا وتكىزگەن سالتاناتتى قارسى الۋ قوناعاسىنا قاتىناستى.
  جەرگىلىكتى ۋاقىت كەشكى 7دەن 30 مينۋت وتكەندە، شي جينپيڭ مەن رۋان فۋجۇڭ قوناعاسى زالىنا بىرگە جەتىپ، چىن داگۋاڭنىڭ ىستىق ىقىلاستى قارسى الۋىنا بولەندى. وركەستر ۆيەتنام مەن جۇڭگو ەلدەرىنىڭ مەملەكەت گيمنىن ورىندادى.
  رۋان فۋجۇڭ ۆيەتنام پارتياسى، ۇكىمەتى جانە حالقى اتىنان شي جينپيڭنىڭ ۆيەتنامعا مەملەكەتتىك ساپارمەن كەلگەنىن قىزۋ قارسى الدى. رۋان فۋجۇڭ بىلاي دەدى: ۆيەتنام مەن جۇڭگو دوس كورشىلەر، ەكى ەلدىڭ ءداستۇرلى دوستىعىنىڭ تامىرى تەرەڭ. ءتوراعا حۋ جىميڭ، ءتوراعا ماۋ زىدۇڭ باستاعان ەكى ەلدىڭ اعا بۋىن باسشىلارى ورناتقان تەرەڭ دوستىق ەكى ەل حالقىنىڭ باعالى بايلىعىنا اينالدى. ۆيەتنام ۆيەتنام - جۇڭگو قاتىناسىنا ايرىقشا ءمان بەرەدى، جۇڭگومەن بىرلەسە وتىرىپ ءداستۇرلى دوستىقتى كۇشەيتىپ، سىندارلى سەلبەستىكتى تەرەڭدەتىپ، ۆيەتنام مەن جۇڭگونىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىنىڭ ۇزدىكسىز، اقاۋسىز، ورنىقتى دامۋىن ىلگەرىلەتۋدى قالايدى. شي جينپيڭ باس شۋجيدىڭ، مەملەكەت ءتوراعاسىنىڭ وسى رەتكى مەملەكەتتىك ساپارىنىڭ ۆيەتنام - جۇڭگو قاتىناسىنا، ءسوز جوق، تىڭ قوزعاۋشى كۇش ۇستەيتىنىنە سەنەمىن.   شي جينپيڭ ارناۋ سوزىندە مىنالاردى اتاپ كورسەتتى: وسىناۋ كورىكتى دە ىرىستى توپىراققا 2 جىلدان كەيىن قايتا قادام تاستاپ، ۆيەتنام حالقىنىڭ جۇڭگو حالقىنا دەگەن تەرەڭ سۇيىسپەنشىلىگىن تاعى ءبىر مارتە سەزىندىم. بۇگىنگى ۆيەتنامنىڭ ساياسيى، قوعامى ورنىقتىلىقتى ساقتاپ، ەكونوميكاسى ۇزدىكسىز دامىپ، حالقى الاڭسىز تىرشىلىك ەتۋدە. ۆيەتنام كوممۋنيستىك پارتياسىنىڭ پارمەندى باسشىلىعىندا، ۆيەتنام حالقىنىڭ، ءسوز جوق، ۆيەتنامدى حالقى باي، مەملەكەتى قۇدىرەتتى، ءادىل، دەموكراتيالى، وركەنيەتتى، سوتسياليستىك وسىزاماندانعان ەل ەتىپ كۇن ىلگەرى قۇرىپ شىعاتىنىنا سەنەمىن.
  شي جينپيڭ مىنالاردى باسا دارىپتەدى: بۇل رەتكى ساپارىمنىڭ باستى ماقساتى − ءداستۇرلى دوستىقتى بەكەمدەپ، سىندارلى ىنتىماقتاستىقتى تەرەڭدەتىپ، جۇڭگو - ۆيەتنام قاتىناسىنىڭ جارقىن بولاشاعىن جوسپارلاۋ. جۇڭگو مەن ۆيەتنام ەكى ەلدىڭ دە كوممۋنيستىك پارتيانىڭ باسشىلىعىنا تاباندى بولۋى، سوتسياليزم جولىنا تاباندى بولۋى، ىنتىماقتى سەلبەستىكتى كۇشەيتىپ، دامۋدى، گۇلدەنۋدى بىرگە جوسپارلاۋى ەكى ەل حالقىنىڭ ءتۇبىرلى مۇددەسىنە ۇيلەسەدى، بۇل وسى ءوڭىردىڭ، ءتىپتى، بۇكىل الەمنىڭ بەيبىتشىلىگىنە، ورنىقتىلىعىنا، دامۋىنا ءتيىمدى. جۇڭگو ۆيەتناممەن بىرگە ۇزاق ۋاقىت ورنىقتى بولۋ، بولاشاقتى بەتكە الۋ، تاتۋ كورشى بولۋ، جاپپاي ىنتىماقتاستىق جاساسۋ باعىتىن جانە جاقسى كورشى، جاقسى دوس، جاقسى جولداس، جاقسى سەرىك بولۋ رۋحىن ۇزدىكسىز نەگىز ەتىپ، جۇڭگو مەن ۆيەتنامنىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىنىڭ ۇزدىكسىز العا دامۋىن ىلگەرىلەتۋدى قالايدى.
  قوناعاسى ىقىلاستى، دوستىق مەرەيدە ءوتتى.
  قوناعاسىنىڭ الدىندا، شي جينپيڭ مەن رۋان فۋجۇڭ «ۆيەتنام فوتوگرافتارى كوزىندەگى جۇڭگو» اتىنداعى فوتو سۋرەت كورمەسىن بىرگە ەكسكۋرسيالادى.
  ديڭ شۋەشياڭ، ليۋ حى، ياڭ جيەچى قاتارلى جۇڭگو جاقتىڭ ساپارلاستارى، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ ۇنەمىلىك ىستەرگە جاۋاپتى شۋجيى، ورتالىق تەكسەرۋ كوميتەتىنىڭ مەڭگەرۋشىسى چىن گو - ۋاڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇيىمداستىرۋ ءبولىمىنىڭ باستىعى فان ميڭجىڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي، سىرتقى ىستەر مينيسترى فان پيڭميڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت - تاربيە ءبولىمىنىڭ باستىعى ۋ ۋىنشاڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ەكونوميكا ءبولىمىنىڭ باستىعى رۋان ۋىنپيڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت بۇقارالىق جۇمىلدىرۋ ءبولىمىنىڭ باستىعى جاڭ شىمەي، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ۇنەمىلىك ىستەرگە جاۋاپتى ورىنباسار زۇڭلي جاڭ حىپيڭ، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورىنباسار زۇڭلي ۋاڭ تيڭحۇي، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەت قورعانىس مينيسترى ۋ چۇنلي، ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، قوعام حاۋىپسىزدىگى مينيسترى سۋ لين قاتارلىلار قارسى الۋ قوناعاسىنا قاتىناستى.
ءان الەمى

جول توسىلىپ قالدى

تۇلپارىم