جاڭا حابارلار

ءۇرىمجى تەلەۆيزياسىنىڭ الەۋمەتتىك اۋماقتا تۇراتىن قىزمەت اترەتى «ءتورت شەپتىڭ» ابىزالدىلىعىن ساۋلەلەندىرىپ، ءار ۇلت بۇقاراسىنا قىزۋ ىنتامەن قىزمەت ەتتى

    كەلۋ قاينارى: شينجياڭ حالىق راديو ىستانسياسى    2017-11-27 18:56:34  
ستانسيامىزدىڭ ءتىلشىسى ما گولەيدىڭ حابارىن تىڭداڭىزدار: ءۇرىمجى تەلەۆيزياسىنان ءۇرىمجى ەكونوميكالىق، تەحنيكالىق اشۋ رايونى يۇڭمۋ الەۋمەتتىك اۋماعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى الەۋمەتتىك اۋماققا بارعاننان بەرى، «ءتورت شەپتىڭ» ابىزالدىلىعىن ساۋلەلەندىرىپ، بۇقاراعا قىزۋ ىنتالى قىزمەت ەتىپ، قاراستى رايونداعى تۇرعىنداردىڭ القاۋىنا بولەندى.
ءۇرىمجى تەلەۆيزياسىنان يۇڭمۋ الەۋمەتتىك اۋماعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ مۇشەلەرى كەشە تۇستەن بۇرىن الەۋمەتتىڭ اۋماقتىڭ تۇرعىنى ءان جۇننىڭ وتباسىنداعىلاردىڭ كونە ۇيىمەن سۋرەتكە تۇسۋىمەن قاربالاستاندى. ءۇرىمجى كونە بازار رايونىن جاڭالاۋ جوسپارى بويىنشا، يۇڭمۋ الەۋمەتتىك اۋماعى بيىل جىل سوڭىنان بۇرىن كوشىرۋ قىزمەت مىندەتىن ورىنداماقشى. ۇزاق ۋاقىت بىرگە جاساسىپ كەلگەن وسى ءوڭىر قاراستى اۋماقتاعى تۇرعىندارعا ەرەكشە ىستىق سەزىلەتىندىكتەن دە، قىزمەت اترەتى « يۇڭمۋ الەۋمەتتىك اۋماعىمەن بىرگە سۋرەتكە ءتۇسۋ» قيمىلىن ورىستەتىپ، كوشۋ الدىنداعى تۇرعىنداردى كونە ۇيلەرىمەن سۋرەتكە ءتۇسىرىپ ەستەلىك قالدىرىپ، كوپشىلىكتىڭ وسى اراداعى تۇرمىس كەشىرمەلەرىنە ايعاق بولدى. الەۋمەتتىك اۋماقتىڭ ءبىرىنشى شۋجيى، قىزمەت اترەتىنىڭ باستىعى ۋاڭ ينا: كونە ۇيىمەن سۋرەتكە تۇسىرگەننەن كەيىن، ولاردى قازىرگى جاڭا ۇيىمەن دە سۋرەتكە ءتۇسىرىپ، كونە ءۇي مەن جاڭا ءۇيدى سالىستىرا وتىرىپ سۋرەتتى ولارعا بەردىك،-دەدى.
يۇڭمۋ الەۋمەتتىك اۋماعى ءۇرىمجى قالاسىنىڭ سولتۇستىك ورتا ازيا كوشەسىندە، قاراستى رايوندا جەكە وزدەرى سالعان ۇيلەر مەن جىلجىمالى جان سانى نەداۋىر كوپ. ءۇرىمجى تەلەۆيزياسىنان ءۇرىمجى ەكونوميكالىق، تەحنيكالىق اشۋ رايونى يۇڭمۋ الەۋمەتتىك اۋماعىنا تۇسكەن قىزمەت اترەتى تۇرعىندارمەن قويۋ قارىم-قاتىناس ورناتۋ ءۇشىن، ابىزالدىلىقتارىن تولىق ساۋلەلەندىرىپ، «ءتورت شەپ» جوباسىن تالقىلاپ جاسادى. راديو پۋنكتىنىڭ «كەڭىستىك شەبىن»، الەۋمەتتىك اۋماقتىڭ گازەت-جۋرنال وقۋ تاقتاسى «جەر بەتى شەبىن»، الەۋمەتتىك اۋماقتىڭ ۇنحات تەكشەسى «قولداعى شەبىن» جانە تەلەۆيزيانىڭ «ەكران شەبىن» جارىققا شىعارىپ، ساياسات زاڭ-ەرەجەلەردى، حالىققا ءتيىمدى ساياساتتار، الەۋمەتتىك اۋماقتىڭ قىزمەت ينفورماتسياسى، ماڭىنداعى ىزگى جاندار مەن يگى ىستەر سياقتى مازمۇنداردى ۋاعىندا جاريالاپ، قاراستى اۋماقتاعى تۇرعىندارعا ەڭ قولايلى تاسىلمەن جەتەكشىلىك ەتتى جانە قىزمەت وتەدى. تاياۋدا، الەۋمەتتىك اۋماقتاعى ءبىر تۇرعىننىڭ بالاسى ويناپ ءجۇرىپ ۇيىنە قايتاتىن جولدى ۇمىتىپ قالادى، قىزمەت اترەتى قاراستى رايونداعى بۇقارانىڭ اڭىسى بويىنشا ۇنحات تەكشەسى ارقىلى جارتى ساعاتتىڭ ىشىندە بالانى تاۋىپ، اتا-اناسىنا تابىس ەتەدى، بالانىڭ اتا-اناسى ولارعا شەكسىز العىسىن بىلدىرەدى. ۋاڭ ينا بىلاي دەدى: يۇڭمۋ الەۋمەتتىك اۋماعىنىڭ راديو پۋنكتى كۇندەلىكتى ۇيعۇرشا، حانزۋشا ەكى تىلدە پارتيانىڭ ساياساتىن راديودا ۇگىتتەيدى. سونىمەن بىرگە، گازەت-جۋرنال تاقتاسىن شىعارىپ، كوپشىلىك گازەت-جۋرنال وقىپ ساياساتتىق ينفورماتسيالاردى اناعۇرلىم ىشكەرلەي ءتۇسىندى. ءبىز «ءۇرىمجى حابارلارى»، «ۇلكەن جانە كىشى-گىرىم ىستەر» باعدارلاماسى ارقىلى قاراستى رايونداعى ىزگى جاندار مەن يگى ىستەردى، وزات تيپتەردى، ۇلتتار ىنتىماعى جاعىنداعى وزاتتاردى اقپارات حابارلارى ارقىلى حابارلايمىز. يۇڭمۋ الەۋمەتتىك اۋماعىنىڭ APP ىن كەمەلدەندىرىپ، كوپشىلىك تۇسىنگىسى كەلەتىن ساياسات زاڭ-تۇزىمدەردى، وزات تيپتەردى APP ارقىلى جولدايمىز. قىزمەت اترەتىنىڭ مۇشەلەرى مەن يۇڭمۋ الەۋمەتتىك اۋماعىنداعى قىزمەتكەرلەر گرۋپپا ۇيىمداستىرىپ، 3 ادام ءبىر گرۋپپا بولىپ ۇگىت-لەكسيا جاساۋ اترەتىن قۇرىپ، وتباسىلارىن ارالاپ زاڭ-ەرەجەلەر جونىندە ۇگىت-لەكسيا جاسادى.
سونىمەن بىرگە، قىزمەت اترەتىندەگىلەر تاعى وتباسىلارىن ارالاپ جاعداي ۇعىسۋ قىزمەتىن بەلسەنە ورىستەتىپ، بۇقارانىڭ قيىنشىلىعى مەن قاجەتىن دەر كەزىندە ۇعىستى. ءۇرىمجى قالالىق 67-ورتا مەكتەپتىڭ ورتالاۋ 2-جىلدىعىنا وقيتىن ءادىلجان مامەت كىشكەنتاي كەزىندە اكەسى قايتىس بولىپ، وتباسىنداعىلار شەشەسىنىڭ كوشەدەگى جايما ورنىنان تاباتىن تاپاۋاتىنا سۇيەنىپ كۇنەلتەتىن، ءال-اۋحاتى ناشار بولاتىن. قىزمەت اترەتى مۇنان حابار تاپقاننان كەيىن ءادىلجانعا ۇنەمى سۇيىسپەنشىلىكتەرىن جەتكىزىپ تۇردى. ءادىلجان مامەت تىلشىگە بىلاي دەدى: قىزمەت اترەتىندەگىلەر مەنەن نەگە اۋەس ەكەنىمدى سۇراعاندا فۋتبولدى ۇناتاتىنىمدى ايتتىم، ەرتەسى تاڭەرتەڭ تۇرعاننان سوڭ جۇگىرىپ بولىپ قايتىپ كەلسەم، ۇستەلدە فۋتبول تۇر ەكەن، شەشەم قىزمەت اترەتىندەگىلەردىڭ ساعان بەرگەن ساۋعاسى دەدى. ول كىسىلەر اي سايىن ماعان كىتاپ، سومكا اكەلىپ بەرەدى، مەنى تەلەۆيزيانىڭ قيمىلدارىنا قاتىناستىرادى، وي-ءورىسىم دە كەڭەيدى. قىزمەت اترەتىندەگى اعايلار مەن اپايلارعا ەرەكشە العىس ايتامىن.

بەرىپ كەت ورامالىڭدى

دوستار

الىستاعى اق ەركە