باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تولى اۋدانى كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزىپ، «كەدەيلىك قالپاعىن» الىپ تاستادى

    كەلۋ قاينارى: شينجياڭ گازەتى    2017-11-27 20:01:01  

گازەتىمىزدىڭ تارباعاتايداعى تىلشىلەر پۋنكتىندە تۇراتىن ءتىلشىسى فان چۇنحاي، ەرىكتى تىلشىلەر مو ليدا، دۋ جۇن

 تولى اۋدانى دولاتى اۋىلى قۇجىرتاي قىستاعى كەستەشىلىك بازاسىن قۇرۋ ارقىلى ۇلتتىق كيىم - كەشەك، كىرلىك سياقتى ونىمدەردى ءوندىرىپ، سول ماڭداعى 60 نەشە كەدەي ايەلدى جۇمىسقا ورنالاستىردى. جىل باسىنان بەرى، وسى كەستەشىلىك بازاسى شينجياڭنىڭ ءىشى - سىرتىنداعى ساۋداگەرلەرمەن 230 مىڭ يۋاندىق تاپسىرىسقا قول قويىستى. سۋرەتتە: 15 - قاراشادا كەستەشىلىك بازاسىنىڭ قىزمەتكەرلەرى كەستە ونەرى جونىندە پىكىر اۋىستىرۋدا. سۋرەتتى چىن لۋمان تۇسىرگەن

 2016 - جىلى تولى اۋدانى كەدەيلىكتەن قۇتىلدىرۋدان قامال الۋدى قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ماڭىزدى تۇتقاسى ەتۋدەن جازباي، كەدەيلەردى سۇيەمەلدەۋ بايلىعىن تولىق بىرىكتىرىپ، جالپى 620 ميلليون يۋان قارجى قوسىپ، ءوندىرىستى دامىتۋ، قونىس جاڭالاپ سۇيەمەلدەۋ، ەكولوگيالىق تولىقتاما قاراجات بەرۋ، وقۋ - اعارتۋدى دامىتۋ، حالىق ىستەرى كەدەيلەردى كەدەيلىكتىڭ ەڭ تومەنگى شەگىنەن تۇسىرمەۋگە كەپىلدىك ەتۋ سياقتى ءبىر قىدىرۋ شارالار ارقىلى كەدەيلەردىڭ كەدەيلىكتەن قۇتىلۋىن جۇزەگە اسىرىپ، كادرلار مەن بۇقارا كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە تىزە قوسا قول جەتكىزىپ، 30 جىلعى «كەدەيلىك قالپاعىن» تۇبەگەيلى الىپ تاستادى.
  «2016 - جىلى تولى اۋدانىندا 3393 وتباسى، 11 مىڭ 700 كەدەي دەر كەزىندە كەدەيلىكتەن قۇتىلدى، 19 كەدەي قىستاق كەدەيلىك تىزىمىنەن شەگەرۋ ولشەمىنە جەتتى، كەدەيلىكتىڭ تۋىلۋ مولشەرى %18.7تەن %0.24كە تومەندەدى، سول جىلدىڭ سوڭىندا اۆتونوميالى رايوننىڭ كەدەيلىكتەن قۇتىلدىرۋدان قامال الۋ قىزمەتىنە باسشىلىق ەتۋ گرۋپپاسىنىڭ تەكسەرىپ - وتكىزىپ الىپ، اداقتاۋىنان جانە اۆتونوميالى رايون دارەجەلى 3 جاقتىڭ باعالاۋىنان ءساتتى ءوتتى. تاياۋدا تاعى مەملەكەتتىك كەڭەستىڭ كەدەيلەردى سۇيەمەلدەۋ، وركەندەتۋ قىزمەتىنە باسشىلىق ەتۋ گرۋپپاسى ۇيىمداستىرعان كەدەي اۋدانداردىڭ كەدەيلىك تىزىمىنەن شەگەرىلۋىن 3 - جاقتىڭ باعالاپ، اداقتاۋىنان ءوتتى، ءبىز كەدەي اۋدان سىندى «قالپاقتى» الىپ تاستادىق»، - دەدى 15 - قاراشادا تولى اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى جوۋ ۋيحۇڭ.
  دالمە - ءدال پارىقتاپ، كەدەيلەردى سۇيەمەلدەۋ جاۋاپكەرلىگىن تياناقتاندىردى
  تولى اۋدانىنىڭ ءۇستىرتتى، سۋىق تاۋلى رايون، شەكارا، شالعاي مالشىلىق رايون، شەكارا تاۋلى رايون سىندى كوپ ءتۇرلى قيىنشىلىق ءبىر تۇلعالانعان جاعدايىنا مەڭزەس، تولى اۋدانى كەدەيلىكتەن دالمە - ءدال قۇتىلدىرۋ جولىن ورتاعا قويدى.
  2015 - جىلى تولى اۋدانى سۇيەمەلدەنەتىن وبيەكتىلەردىڭ «ءبىرىن دە كەمىتپەۋ، ءبىر وتباسىن دا قاتاردان قالدىرماۋ» پرينسيبىن ارقاۋ ەتىپ، كەدەي وتباسىلارىن، قىستاقتاردى، اۋداندى ارحيۆ تۇرعىزىپ، كارتچكالاندىرۋدى ماڭىزدى ينجەنەريا رەتىندە ىلگەرىلەتىپ، تۇتاس اۋدانداعى كەدەيلەردىڭ ءوندىرىس قۇرال - جابدىقتارى، كىرىس قاينارى، سۇيەمەلدەنۋ تىلەگى سياقتى جاعدايلارعا قاراتا دالمە - ءدال پارىقتاۋ جۇرگىزىپ، سۇيەمەلدەنەتىن كەدەي وبيەكتىلەردى ءدال تاپتى.
  سونىمەن بىرگە، تولى اۋدانى باسشىلىق ەتۋ گرۋپپاسىن ارناۋلى قۇرىپ، «تولى اۋدانىنىڭ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە، ءسوزسىز، قول جەتكىزۋ جونىندەگى اتقارۋ پىكىرىن» باسىپ تاراتىپ، اۋىل - قالاشىقتارمەن، قىستاقتارمەن كەدەيلىكتى ازايتۋ، كەدەيلىكتەن قۇتىلدىرۋ جاۋاپكەرلىك حاتىنا قول قويىپ، كەدەيلىكتەن قۇتىلدىرۋ مىندەتىن ءبولىپ تياناقتاندىرىپ، كەدەيلەردى سۇيەمەلدەۋ قىزمەتىنىڭ ناقتى ونىمدىلىككە قول جەتكىزۋىنە كەپىلدىك ەتتى.
  تولى اۋدانى كۇپ اۋىلدىق پارتكومنىڭ شۋجيى اسەت بىلاي دەدى: كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋگە كەپىلدىك ەتۋ ءۇشىن، تاياۋ جىلدارى تولى اۋدانى بارلىق كاسىپتىك تاراۋلاردان قاراجاتتى كەدەي قىستاقتارعا بەيىمدەۋدى، كەدەي وتباسىلارىن الدىمەن ەسكەرۋدى تالاپ ەتىپ، كەدەي بۇقارانىڭ ءوندىرىس، تۇرمىس نەگىزدىك شارت - جاعدايىن اناعۇرلىم جاقسارتتى، كەدەي بۇقارانىڭ كىرىسىن ارتتىرۋ ارناسىن ءتۇرلى جولدارمەن كەڭەيتتى.
  دالمە - ءدال تالداۋ جاساپ، كەدەيلىكتەن قۇتىلدىرۋدان قامال الۋ جولىن كەڭەيتتى
  تولى اۋدانى قۇرعاق، سۋى تاپشى، ەكولوگيالىق ورتاسى ءالسىز ءوڭىر، ءىشىنارا اۋىل - قىستاقتارى شەت - شالعايدا، قاتىناسى قولايسىز بولعاندىقتان، ءىشىنارا ەگىنشى - مالشىلار ۇزاق ۋاقىت كەدەيلىك جاعدايىندا تۇردى. ناقتى جاعدايعا مەڭزەس، كەدەي وتباسىلارىنىڭ كەدەيلىك دەڭگەيى، كەدەيلەسۋ سەبەبى، كەدەيلىكتەن قۇتىلدىرۋ شاراسى سياقتى جاعدايلاردى اداقتاپ، تالداۋ جاساعاننان كەيىن، تولى اۋدانى پارتيا قۇرىلىسى ارقىلى كەدەيلەردى سۇيەمەلدەۋ، ەرەكشە كاسىپتەر ارقىلى كەدەيلىكتەن قۇتىلۋعا دەم بەرۋ، سۇيەمەلدەۋ، جۇمىستاندىرۋ ارقىلى كەدەيلىكتەن ورنىقتى قۇتىلدىرۋعا دەم بەرۋ سياقتى ينجەنەريالاردى تۇراقتاندىرىپ جانە اتقارىپ، كەدەيلىكتەن قۇتىلدىرۋ قىزمەتىن ىلگەرىلەتىپ، كەدەيلەردىڭ ءتۇرلى جولدارمەن، ءتۇرلى ارنالارمەن كىرىسىن ارتتىرىپ، بايۋىنا كەپىلدىك ەتتى.
  تولى اۋدانى پارتيا قۇرىلىسى ارقىلى كەدەيلەردى سۇيەمەلدەۋ ۇلگىسى جونىندە بەلسەنە ىزدەنىس جاساپ، ەرەكشە كاسىپ جەلىسىن كەدەيلىكتەن قۇتىلدىرىپ، بايۋ جەلىسىمەن تىعىز تۇتاستىرىپ، 22 ءتۇيىندى كەدەي قىستاقتىڭ ءبىرىنشى شۋجيىنە مىقتىلاردى سارالاپ تاعايىندادى، 2016 - جىلدىڭ وزىندە كەدەي ەگىنشى وتباسىلارىنا جالپى 15 مىڭنان استام ناقتى ءىس، جاقسى ءىس ىستەپ، بۇقارانىڭ ريزاشىلدىق دەڭگەيىن %99.8كە جەتكىزدى.
  جوۋ ۋيحۇڭ بىلاي دەدى: ەرەكشە كاسىپتەردىڭ كەدەيلىكتەن قۇتىلدىرۋعا دەم بەرۋى جاعىندا تولى اۋدانى، باستىسى، باستاماشى كاسىپورىندار، وسى زامانعى اۋىل شارۋاشىلىق باقشاسى رايونى، كاسىپتىك سەلبەستىك كووپەراتيۆى جانە مايتالمان ءىرى وتباسىلارى سياقتى جاڭاشا اۋىل شارۋاشىلىق بازارى سۋبيەكتىنە ارقا سۇيەپ، كەدەي بۇقارانىڭ ەرەكشە كاسىپتەردى دامىتۋ، تاپسىرىستى ءوندىرىس، ۇسىنىسپەن جۇمىس ىستەۋ، جارنا قوسىپ، تابىس ۇلەسى، جەردى اينالىمعا سالۋ سياقتىلار ارقىلى كىرىستەرىن ارتتىرىپ، كەدەيلىكتەن قۇتىلۋىن جۇزەگە اسىرۋىنا جەتەكشىلىك ەتىپ، كەدەي وتباسىلارىنىڭ كاسىپتەرىن دامىتىپ، كىرىستەرىن ارتتىرۋداعى قيىندىقتى ۇتىمدى شەشتى.
  ەرشات وتباسى تولى اۋدانى كۇپ اۋىلى بەلاعاش قىستاعىنداعى كەدەي وتباسى، 2016 - جىلى قىستاق جەم - ءشوپ، مال بىرلەسكەن سەلبەستىك كووپەراتيۆىن قۇرعاننان كەيىن، ول 62 قويىن، 2 سيىرىن جارنا قوسۋ تاسىلىمەن سەلبەستىك كووپەراتيۆىنە تاپسىرىپ بەردى دە، ءوزى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ تانىستىرۋىمەن جاقىن ماڭدا جۇمىسقا ورنالاسىپ، ايىنا 2000 نەشە يۋان تاباتىن بولدى.
  جۇمىسقا ورنالاسۋعا كومەكتەسىپ، كەدەيلىكتەن ورنىقتى قۇتىلدىرۋدى ىلگەرىلەتۋ جاعىندا تولى اۋدانى سۇيەمەلدەپ جۇمىسقا ورنالاستىرۋدى كەدەي بۇقارانى كەدەيلىكتەن قۇتىلدىرۋداعى ماڭىزدى ارنا ەتىپ، 2016 - جىلى جۇمىسقا ورنالاستىرىپ سۇيەمەلدەۋ ماقساتىندا 10 ميلليون يۋاننان كوبىرەك قارجى قوسىپ، كەدەي قىستاقتارعا جۇمىسقا ورنالاستىرۋدى، دامۋدى جەبەيتىن 120 ءۇي ساتىپ اپەرىپ، 20 ءسۇت پۋنكتىن قۇرىپ، بۇلاردى كەدەي وتباسىلارىنىڭ شاعىن تاۋارلاردى بولشەك ساتۋ، شاعىن قولونەر كاسىبى، شاعىن رەمونتشىلىق، شاعىن اسحانا، شاعىن ءسۇت پۋنكتى، شاعىن ساياحات سياقتى «6 شاعىن ينجەنەريامەن» شۇعىلدانۋىنا، بۇلاردى دامىتۋىنا اقىسىز بەرىپ، 300 نەشە كەدەي بۇقارانى كىرىسىن مولايتىپ، كەدەيلىكتەن قۇتىلۋعا تىكەلەي جەتەكتەدى.
  سونىمەن قاتار تولى اۋدانى وقۋ - اعارتۋ ارقىلى اقىل - پاراسات جاعىنان سۇيەمەلدەپ، كەدەيلىكتەن قۇتىلدىرۋ ينجەنەرياسىن دا اتقارىپ، «وقۋ - اعارتۋ ارقىلى اقىل - پاراسات جاعىنان سۇيەمەلدەپ، كەدەيلىكتەن دالمە - ءدال قۇتىلدىرۋدىڭ» ۇكىمەت وقۋ كومەك قاراجاتىن قۇرىپ، قيىنشىلىعى بار وتباسىلارىنداعى وقۋشىلاردىڭ وقۋىن تاۋىسۋىنا كومەكتەسىپ، وتباسىنىڭ اۋىرتپالىعىن جەڭىلدەتىپ، كەدەيلىكتەن قۇتىلۋدى دەمەدى. قوعامداعى ءار سالا كۇشتەرىن اتتانىسقا كەلتىرىپ، 10 مىڭ ادامدىق جۇپ قۇراپ، سۇيەمەلدەۋ ارەكەتىن ورىستەتتى، 2016 - جىلعى سۇيەمەلدەۋ قارجىسىنىڭ، زاتتارىنىڭ جالپى قۇنى 30 ميلليون يۋاننان استى.
  كەدەيلىكتەن قۇتىلدىرۋ جەتىستىكتەرىن بەكەمدەدى
  كەدەيلىكتەن قۇتىلعاننان كەيىن، كەدەيلىكتەن قۇتىلۋ تابىستارىن قالاي بەكەمدەۋ كەرەك؟ ەرشات وتباسى سياقتى مالدارىن سەلبەستىك كووپەراتيۆىنە وتكىزىپ بەرگەننەن كەيىن، جاقىن ماڭنان باسقا كاسىپ سالاسىنا ويىسىپ جانە سەلبەستىك كووپەراتيۆىنىڭ پايداسىن ءبولىسىپ، كىرىسىن ارتتىرۋ تولى اۋدانىنداعى كەدەي ەگىنشى - مالشىلاردىڭ كىرىسىن ۇزاق ۋاقىت، ورنىقتى ارتتىرۋىنداعى شارالاردىڭ ءبىرى بولدى.
  تولى اۋداندىق پارتكومنىڭ ورىنباسار شۋجيى، اۋدان اكىمى تولقىن تولەگەن ۇلىنىڭ سوزىنە قاراعاندا، تۇتاس اۋدان كەدەيلىكتەن قۇتىلعان بۇقارانىڭ ءوندىرىسىنىڭ دامۋىن، تۇرمىسىنىڭ جاقسارۋىن كەدەيلىكتەن قۇتىلدىرۋدىڭ تابىستارىن بەكەمدەۋدىڭ جانە مۇنى دامىتۋدىڭ تىڭ باستاماسى، جاڭا سالاسى ەتىپ، كەدەيلىكتەن دالمە - ءدال قۇتىلدىرۋدان قامال الۋ شايقاسىنان بەكەمدەۋدىڭ، دامىتۋدىڭ جاڭا قالىبىنا ويىسىپ، باياندى دا ورنىقتى اينالىم ءتۇزىلىسىن ورناتقان.
  تولى اۋدانى پارتيا 19 - قۇرىلتايىنىڭ رۋحىن جەتەكشى ەتىپ، كەدەيلىكتەن قۇتىلعان وتباسىلارىن ءۇرتىس سۇيەمەلدەۋ، بەكەمدەۋ ساياساتىن اناعۇرلىم كەمەلدەندىرگەن. كەدەيلەردى ءوندىرىستى دامىتۋ، شارۋاشىلىق قۇرۋ، جۇمىسقا ورنالاسۋ، ءوسىمى ۇكىمەت قازىناسىنان كوتەرىلەتىن قارىز اقشا بەرۋ، سونداي - اق الەۋمەتتىك قىزمەت كورسەتۋدى سايكەستىرۋ، ەگىن، مال شارۋاشىلىعى نەگىزدىك قۇرىلعىلارى سياقتى جاقتاردا سۇيەمەلدەۋ سەرپىنىن اناعۇرلىم كۇشەيتكەن. سونىمەن قاتار ەرەكشە باسىمدىعى بار كاسىپ سالالارىن دامىتىپ، كۇشەيتىپ، كەدەي قىستاقتاردىڭ، اترەتتەردىڭ جانە كەدەي بۇقارانىڭ ءوزىن دامىتۋ قابىلەتىن نىعايتىپ، تۇتاس اۋدانداعى ءار ۇلت كادرلارى مەن جۇرتشىلىعىنىڭ تۇرمىسىن اناعۇرلىم جاقسارتقان.

ءان الەمى

جول توسىلىپ قالدى

تۇلپارىم