باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ «پالەستينا حالقىنا قولداۋ كورسەتۋ حالىقارالىق كۇنىن» ەسكە ءتۇسىرۋ جينالىسىنا قۇتتىقتاۋ تەلەگرامماسىن جولدادى

    كەلۋ قاينارى: شينجياڭ گازەتى    2017-12-01 19:19:19  
 شينحۋا اگەنتتىگىنىڭ 30 - قاراشادا بەيجيڭنەن بەرگەن حابارى. ب م ۇ 29 - قاراشادا «پالەستينا حالقىنا قولداۋ كورسەتۋ حالىقارالىق كۇنىن» ەسكە ءتۇسىرۋ جينالىسىن وتكىزدى، مەملەكەت ءتوراعاسى شي جينپيڭ جينالىسقا قۇتتىقتاۋ تەلەگرامماسىن جولدادى.
  شي جينپيڭ قۇتتىقتاۋ تەلەگرامماسىندا بىلاي دەدى: پالەستينا ماسەلەسى ورتا شىعىس ماسەلەسىندەگى ءتۇپ - توركىن سيپاتتى ماسەلە، پالەستينا سياقتى ورتا شىعىس ەلدەرىنىڭ باياندى تىنىشتىعى مەن گۇلدەنىپ - كوركەيۋىنە، دامۋىنا قاتىستى. پالەستينا ماسەلەسىن ەرتەرەك، جاپپاي، ءادىل ءبىر جايلى ەتۋ وسى وڭىردەگى پالەستينا سياقتى ءار ەل حالقىنىڭ مۇددەسىنە ۇيلەسەدى، دۇنيە ءجۇزىنىڭ بەيبىتشىلىگىن، ورنىقتىلىعىن جەبەۋگە پايدالى.
  شي جينپيڭ بىلاي دەپ اتاپ كورسەتتى: جۇڭگو پالەستينا مەن يزرايل بەيبىتشىلىگىنىڭ باتىل قولداۋشىسى، بيىل شىلدەدە پالەستينا ماسەلەسىن ءبىر جايلى ەتۋدى العا ىلگەرىلەتۋ جونىندە جۇڭگو 4 ءتۇرلى قۋاتتاما العا قويدى، مۇندا پالەستينا مەن يزرايلدىڭ ءوزارا سەنىمدىلىكتى قايتا تۇلعالاۋىن جەبەپ، بەيبىتشىلىك كەلىسسوزىن ەرتەرەك قايتا باستاۋىن كوزدەلدى. ب م ۇ - نىڭ حاۋىپسىزدىك القالار كەڭەسىنە تۇراقتى القا ەل جانە جاۋاپكەرشىلىكتى ۇستىنە الاتىن ءىرى ەل ساناتىندا جۇڭگو حالىقارالىق قوعاممەن بىرگە ۇزدىكسىز قۇلشىنىپ، ورتا شىعىستىڭ جان - جاقتى، ءادىل، باياندى بەيبىتشىلىگىن ەرتەرەك جۇزەگە اسىرۋ ءۇشىن قاجىماي - تالماي قۇلشىنۋدى قالايدى.
ءان الەمى

جول توسىلىپ قالدى

تۇلپارىم