باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ۇسىنىس بويىنشا ا ق ش - تىڭ زۇڭتۇڭى ترامپپەن تەلەفوندا سويلەستى

    كەلۋ قاينارى: شينجياڭ گازەتى    2017-12-01 19:20:12  
 شينحۋا اگەنتتىگىنىڭ 29 - قاراشادا بەيجيڭنەن بەرگەن حابارى. مەملەكەت ءتوراعاسى شي جينپيڭ 29 - قاراشادا ۇسىنىس بويىنشا ا ق ش - تىڭ زۇڭتۇڭى ترامپپەن تەلەفوندا سويلەستى.
  شي جينپيڭ بىلاي دەپ اتاپ كورسەتتى: زۇڭتۇڭ مىرزانىڭ جۋىردا جۇڭگوداعى مەملەكەتتىك ساپارى توتەنشە تابىستى بولدى، ءبىز جۇڭگو - ا ق ش قاتىناسى جانە ورتاق كوڭىل بولەتىن كەلەلى ماسەلەلەر جونىندە ىشكەرىلەي پىكىر اۋىستىرىپ، كوپ جاقتا ماڭىزدى ورتاق تانىمعا كەلدىك، بۇل جۇڭگو - ا ق ش قاتىناسىنىڭ اقاۋسىز، ورنىقتى دامۋىن ىلگەرىلەتۋدە كەلەلى ماڭىز الادى.
  شي جينپيڭ مىنانى باسا دارىپتەدى: جۇڭگو مەن ا ق ش ەكى ەل باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ەكى ەلدىڭ جوعارى دارەجەدەگىلەرىنىڭ جانە ءار دارەجەدەگىلەرىنىڭ بارىس - كەلىسىن مۇقيات جوسپارلاۋى جانە ورنالاستىرۋى، جۇڭگو مەن ا ق ش - تىڭ 4 جوعارى دارەجەدەگى كەڭەس مەحانيزمىنىڭ 2 - رەتكى كەڭەسىن ويداعىداي وتكىزۋى، ەكى ەلدىڭ ىنتىماقتاستىق كەلىسىمى مەن نىساندارىن تياناقتاندىرۋدى مىقتى يگەرۋى كەرەك. ەكى جاق كەلەلى حالىقارالىق جانە وڭىرلىك ماسەلەلەردە ءجيى تىلدەسۋدى جانە سايكەسۋدى ساقتاۋى كەرەك.
  ترامپ بىلاي دەدى: ءتوراعا شي جينپيڭنىڭ جۇڭگوعا ساپارلاي بارعانىمدا ىستىق ىقىلاسپەن قارسى العانىنا تاعى دا العىس ايتامىن، جۇڭگونىڭ شۇعىلالى تاريحى، مادەنيەتى دە ماعان تەرەڭ اسەر قالدىردى. مەن ءتوراعا شي جينپيڭنىڭ ساپاردىڭ ناتيجەسىنە بەلسەندى باعا بەرگەنىن جانە جۇڭگو مەن ا ق ش قاتىناسىن ىلگەرىلەتۋ جونىندەگى كوزقاراسىن قۇپتايمىن.
  ترامپ بىلاي دەدى: ا ق ش جاق سولتۇستىك كورەيانىڭ بالليستيكالىق زىمىران سىناعىن تاعى جاساۋىنىڭ حالىقارالىق حاۋىپسىزدىككە ىقپال جەتكىزۋىنەن قاتتى الاڭدايدى، ا ق ش جاق جۇڭگو جاقتىڭ سولتۇستىك كورەيانىڭ يادرو قارۋلارى ماسەلەسىن شەشۋدەگى ماڭىزدى رولىنا ءمان بەرەدى، جۇڭگو جاقپەن تىلدەسۋدى، سايكەسۋدى كۇشەيتىپ، كورەي تۇبەگىن يادروسىزداندىرۋ ماسەلەسىن شەشۋ ءادىسىن تابۋدى قالايدى.
  شي جينپيڭ مىنانى باسا دارىپتەدى: كورەي تۇبەگىنىڭ يادروسىزدانۋىن جۇزەگە اسىرۋ، حالىقارالىق يادرو قارۋلارىنىڭ تارالۋ كولەمىن كەڭەيتپەۋ جۇيەسىن قورعاۋ، شىعىس سولتۇستىك ازيانىڭ بەيبىتشىلىگى مەن ورنىقتىلىعىن قورعاۋ -− جۇڭگو جاقتىڭ بۇلجىماس نىساناسى. جۇڭگو جاق ا ق ش - تى قامتىعان قاتىستى جاقتارمەن تىلدەسۋدى جالعاستى ساقتاپ، كورەي تۇبەگىنىڭ يادرو ماسەلەسىنىڭ كەلىسسوز وتكىزۋ، بەيبىت جولمەن شەشۋ بەتالىسىنا قاراي دامۋىن بىرگە ىلگەرىلەتۋدى قالايدى.
ءان الەمى

جول توسىلىپ قالدى

تۇلپارىم