باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ ا ق ش - تىڭ بۇرىنعى زۇڭتۇڭى وبامامەن كەزدەستى

    كەلۋ قاينارى: شينجياڭ گازەتى    2017-12-02 18:33:32  
 شينحۋا اگەنتتىگىنىڭ 30 - قاراشادا بەيجيڭنەن بەرگەن حابارى. مەملەكەت ءتوراعاسى شي جينپيڭ 29 - قاراشادا دياۋيۇيتايداعى مەملەكەتتىك قوناق ۇيدە ا ق ش - تىڭ بۇرىنعى زۇڭتۇڭى وبامامەن كەزدەستى.
  شي جينپيڭ وبامانىڭ ا ق ش - تىڭ زۇڭتۇڭى بولىپ تۇرعان مەزگىلدە جۇڭگو - ا ق ش قاتىناسىنىڭ دامۋىن ىلگەرىلەتۋ جولىندا جاساعان قۇلشىنىستارىنا بەلسەندى باعا بەردى.
  شي جينپيڭ مىنانى باسا دارىپتەدى: جۇڭگو مەن ا ق ش - تىڭ دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋ، عالامنىڭ دامۋى مەن گۇلدەنۋىن جەبەۋ جاعىندا كەڭ اۋقىمدى ورتاق مۇددەسى بار، ماڭىزدى جاۋاپكەرشىلىك ارقالاپ وتىر. جۇڭگو - ا ق ش قاتىناسىن ۇزاق ۋاقىت اقاۋسىز، ورنىقتى دامىتۋ جۇڭگو مەن ا ق ش - تىڭ جانە دۇنيە جۇزىندەگى ەلدەردىڭ مۇددەسىنە ۇيلەسەدى. جۇڭگو ا ق ش - پەن بىرگە قۇلشىنىپ، قارىم - قاتىناستى، بارىس - كەلىستى، ىنتىماقتاستىقتى كۇشەيتىپ، ەكى ەل قاتىناسىن تىڭنان دامىتا بەرۋدى قالايدى.
  شي جينپيڭ وباماعا ج ك پ 19 - قۇرىلتايىنىڭ باستى جەتىستىكتەرىن تانىستىردى.
  وباما شي جينپيڭنىڭ وزىمەن كەزدەسكەنىنە العىس ايتتى. وباما مىنانى ءبىلدىردى: جۇڭگونىڭ دامۋ جەتىستىكتەرىن القاماي تۇرا المايمىز. ا ق ش پەن جۇڭگونىڭ سىندارلى قاتىناسىن دامىتۋ ەكى ەل حالىقتارىنىڭ مۇددەسىنە ۇيلەسەدى، مەن ا ق ش پەن جۇڭگونىڭ ءوزارا ءتۇسىنىسۋىن جانە قارىم - قاتىناسىن، ىنتىماقتاستىعىن ىلگەرىلەتۋ جولىندا ۇزدىكسىز بەلسەندى رول اتقارۋدى قالايمىن.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى قاتارلىلار كەزدەسۋگە قاتىناستى.
ءان الەمى

جول توسىلىپ قالدى

تۇلپارىم