باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ اڭشان سۋجيمەن، حۇڭسىنمەن جەكە − جەكە كەزدەستى

    كەلۋ قاينارى: شينجياڭ گازەتى    2017-12-03 18:51:40  

 شينحۋا اگەنتتىگىنىڭ 1 - جەلتوقساندا بەيجيڭنەن بەرگەن حابارى (ءتىلشى ليۋ حۋا). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 1 - جەلتوقساندا حالىق سارايىندا جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىنە قاتىناسۋعا كەلگەن بيرمانىڭ مەملەكەت كەڭەسشىسى اڭشان سۋجيمەن كەزدەستى.
  شي جينپيڭ بىلاي دەدى: بيرما مەملەكەتتىك دەموكراتيا وداعى بيلىك جۇرگىزگەننەن بەرى، مەن سىزبەن كوپ رەت كەزدەسىپ، ەكى جاقتىڭ دا وزەكتى مۇددەسىنە ساياتىن جانە قاداعالاي نازار اۋدارىپ وتىرعان كەلەلى ماسەلەلەرى جونىندە ءوزارا ءتۇسىنىسىپ، ءوزارا قولداۋ كورسەتىپ، ءوزارا سايكەستىك،ءار سالاداعى ناقتى ىنتىماقتاستىقتار بەلسەندى ىلگەرىلەۋشىلىكتەرگە قول جەتكىزدى، ەكى ەلدىڭ قاتىناسى اقاۋسىز، ورنىقتى دامۋداي تاماشا تەبىندى ساقتادى. جۇڭگو كوممۋنيستىك پارتياسى مەن بيرما مەملەكەتتىك دەموكراتيا وداعىنىڭ دوستىق قاتىناسى ۇزدىكسىز تەرەڭدەي، جاقسى دامىپ، جۇڭگو مەن بيرما قاتىناسىنىڭ ساياسي نەگىزىن بەكەمدەۋدە، ەكى ەل حالقىنىڭ دوستىعىن كۇشەيتۋدە بەلسەندى رول اتقاردى.
  شي جينپيڭ مىنالاردى اتاپ كورسەتتى: جۇڭگونىڭ پارتيا مەن ۇكىمەت تاراپى بيرماعا بۇرىنعىسىنداي دوستىق باعىتىن ۇستانىپ، ەكى ەل قاتىناسىنا ستراتەگيالىق دەڭگەيدەن جانە ۇزاق ۋاقىتتىق تۇرعىدان مامىلە جاسايدى. ءبىز بيرمامەن بىرگە، جۇڭگو - بيرما قاتىناسى دامۋىنىڭ دۇرىس بەتالىسىن مىقتاپ يگەرىپ، تاراپتار كەلىسكەن ورتاق تانىمداردى تىڭعىلىقتى تياناقتاندىرىپ، جۇڭگو - بيرما ەكونوميكالىق ءدالىزىن قۇرۋ سياقتى جاڭا ىنتىماقتاستىقتىڭ ارتۋ تۇيىندەرى جونىندە بەلسەندى ىزدەنىس جاساپ، جۇڭگو - بيرما قاتىناسىنىڭ ءارى جاقسى، ءارى تەز دامۋىن جەبەپ، ەكى ەل حالقىن اناعۇرلىم مول يگىلىككە كەنەلدىرۋدى قالايمىز. جۇڭگو مەن بيرمانىڭ بيلىك باسىنداعى پارتيالارىنىڭ قويۋ قارىم - قاتىناستى ساقتاپ، پارتيانى باسقارۋ، پارتيانى جونگە سالۋ، ەل باسقارۋ تاجىريبەسى جاعىنداعى اۋىس - كۇيىستى جانە ستراتەگيالىق قارىم - قاتىناستى تەرەڭدەتىپ، ەكى جاقتى قارىم - قاتىناسقا ساياسي جەتەكشىلىكتى كۇشەيتىپ، جۇڭگو مەن بيرمانىڭ جان - جاقتى ستراتەگيالىق ىنتىماقتاستىق سەرىكتەستىك قاتىناسىن ورناتۋ ءۇشىن تىڭ ۇلەس قوسۋىن ءۇمىت ەتەمىن.
  شي جينپيڭ بىلاي دەدى: بيىل قازاندا اشىلعان ج ك پ 19 - قۇرىلتايى جۇڭگو جونىنەن كەلەلى ستراتەگيالىق ماڭىزعا يە. قۇرىلتاي ج ك پ 18 - قۇرىلتايىنان بەرگى قىزمەتتەردى قورىتىندىلاپ، بۇكىل پارتيانىڭ ەركىن شوعىرلاندىراتىن، حالىق تىلەگىنە ۇيلەسەتىن، امالياتتىق دامۋ تالاپتارىنا ساي كەلەتىن ساياسي باياندامانى ماقۇلداپ، ءداۋىر تالابىنا ۇيلەسەتىن ارەكەت باعدارناماسى مەن كەلەلى باعىت - ساياساتتاردى جاسادى ءارى ادامزاتتىڭ تاعدىرلاس ورتاق تۇلعاسىن تۇلعالاۋدى جاڭا داۋىردەگى جۇڭگونىڭ ديپلوماتيالىق ىستەردەگى قۇلشىنۋ بەتالىسى ەتتى. ءبىز بيرمانى قامتىعان ءار ەل حالقىمەن بىرگە، ادامزاتتىڭ تاعدىرلاس ورتاق تۇلعاسىن تۇلعالاۋدى بەلسەنە ىلگەرىلەتۋدى قالايمىز.
  اڭشان سۋجي جۇڭگو جاقتىڭ بيرما جاقتى جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسى سىندى تاريحتا بولىپ كورمەگەن سالتاناتتى جينالىسقا شاقىرعانىنا العىس ايتتى. ول بىلاي دەدى: بيرما - جۇڭگو قاتىناسى بيرما جاق جونىنەن العاندا ەرەكشە ماڭىزدى مانگە يە، ءبىزدىڭ تاريحى ۇزاق ەل ارالىق دوستىق سۇيىسپەنشىلىگىمىز بار ءارى جۋىق جىلداردان بەرى ءوزارا سەنىپ، ءوزارا قۇرمەتتەۋدەي تىعىز ىنتىماقتاستىعىمىز دا بار. باس شۋجي شي جينپيڭنىڭ بيرما - جۇڭگو قاتىناسىنا وسكەلەڭ ءمان بەرگەنىنە راقىمەت ايتامىن، ءبىز جۇڭگونىڭ پارتيا مەن ۇكىمەت تاراپىنىڭ شىنايى دوستىق سۇيىسپەنشىلىگىن تولىق سەزىندىك، بۇل، ءسوزسىز، بيرما - جۇڭگو قاتىناسىنىڭ اناعۇرلىم بۇكپەسىز، قويۋ دوستىققا اينالۋىن جەبەيدى، بيرما - جۇڭگو ەكونوميكالىق ءدالىزى سياقتى ءار سالادا ايرىقشا تابىستى ىنتىماقتاستىقتار ورىستەتۋدى ىلگەرىلەتەدى. بيرما مەملەكەتتىك دەموكراتيا وداعى ج ك پ - نىڭ بيلىك جۇرگىزۋدەگى تابىستارى مەن مول بيلىك جۇرگىزۋ تاجىريبەسىنە سۇيىنەدى، پارتيانى، مەملەكەتتى جونگە سالۋ جاعىنداعى تاجىريبە اۋىس - كۇيىسىن ونان ارى تەرەڭدەتۋدى ءۇمىت ەتەمىن.
  شۋەشياڭ، ياڭ جيەچى قاتارلىلار كەزدەسۋگە قاتىناستى.

 شينحۋا اگەنتتىگىنىڭ 1 - جەلتوقساندا بەيجيڭنەن بەرگەن حابارى (تىلشىلەر ليۋ حۋا، شۇي كى). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 1 - جەلتوقساندا حالىق سارايىندا جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسىنە قاتىناسۋعا كەلگەن كامبودجا حالىق پارتياسىنىڭ ءتوراعاسى، ۇكىمەتتىڭ باس ءۋازىرى حۇڭسىنمەن كەزدەستى.
  شي جينپيڭ بىلاي دەدى: حۇڭسىن باس ءۋازىر جۇڭگو كومپارتياسى مەن حالقىنىڭ جاقسى دوسى، كونە دوسى، شىن دوسى. قازىر جۇڭگو - كامبودجا قاتىناسى تاريحتاعى ەڭ جاقسى مەزگىلدە تۇر، ەكى جاقتىڭ ساياسي سەنىمدىلىگى ۇزدىكسىز نىعايىپ، ناقتى ىنتىماقتاستىقتار ءۇرتىس كەڭەيىپ، گۋمانيتارلىق اۋىس - كۇيىس كۇن سايىن قويۋلاپ، ەكى ەل حالقىنا ناقتى پايدالار جەتكىزدى. كەلەر جىلى جۇڭگو مەن كامبودجانىڭ ديپلوماتيالىق قاتىناس ورناتقاندىعىنىڭ 60 جىلدىعى، ەكى جاقتىڭ ەكى ەلدىڭ ديپلوماتيالىق قاتىناس ورناتقاندىعىنىڭ 60 جىلدىعىن تويلاۋدى وراي ەتىپ، ەكى ەل قاتىناسىنىڭ تەرەڭدەي دامۋىن، ورنىقتى قاداممەن باياندى جالعاسۋىن جەبەۋىن ءۇمىت ەتەمىن.
  شي جينپيڭ مىنالاردى باسا دارىپتەدى: جۇڭگونىڭ پارتيا، ۇكىمەت تاراپتارى جۇڭگو - كامبودجا قاتىناسىنا باستان - اياق ستراتەگيالىق دەڭگەيدەن جانە ۇزاق ۋاقىتتىق تۇرعىدان مامىلە جاسايدى جانە يگەرەدى. جۇڭگونىڭ وزەكتى مۇددەسىنە ساياتىن ماسەلەلەردە، كامبودجا باستان - اياق جۇڭگو جاقتى باتىل قولداپ كەلدى. جۇڭگو جاق قاشاندا كامبودجانىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، كامبودجا ۇكىمەتىنىڭ مەملەكەتتىڭ دامۋىن، ورنىقتىلىعىن قورعاۋ جاعىندا جاساعان قۇلشىنىستارىن قولدايدى. جۇڭگو جاق كامبودجا جاقپەن بىرگە، ەكى ەلدىڭ ستراتەگيالىق ىنتىماقتاستىعىن بەلسەنە كەڭەيتىپ، ەكى پارتيا بارىس - كەلىسىنىڭ ەكى ەل قاتىناسىنداعى ساياسي جەتەكشىلىك رولىن ساۋلەلەندىرىپ، ناقتى ىنتىماقتاستىقتاردىڭ كەڭدىگىن، تەرەڭدىگىن ارتتىرىپ، قورعانىس ىستەرى جانە زاڭ اتقارۋ حاۋىپسىزدىگى سالالارىنداعى ىنتماقتاستىقتى كۇشەيتىپ، گۋمانيتارلىق اۋىس - كۇيىستى جەبەپ، ەكى جاقتىڭ ب م ۇ، شىعىس ازيا ىنتىماقتاستىعى، لانساڭجياڭ - مەكونگ وزەندەرى ىنتىماقتاستىعى سياقتى كوپ جاقتى مەحانيزمدەردەگى سايكەستىك پەن سەلبەستىكتى تەرەڭدەتىپ، جۇڭگو مەن كامبودجانىڭ مىزعىماس تاعدىرلاس ورتاق تۇلعاسىن قول ۇستاسا تۇلعالاۋدى قالايدى.
  شي جينپيڭ بىلاي دەدى: جۇڭگو كوممۋنيستىك پارتياسىنىڭ مەملەكەتتىك 19 - قۇرىلتايى بيىل قازاندا جەڭىسپەن اشىلدى. قۇرىلتاي ج ك پ 18 - قۇرىلتايىنان بەرگى قىزمەتتەردى قورىتىندىلاپ، جۇڭگوشا سوتسياليزمنىڭ جاڭا داۋىرگە ءوتۋى سىندى كەلەلى ساياسي تۇجىرىم جاساپ، قوعامنىڭ باستى قايشىلىعىنداعى جاڭا وزگەرىستى اتاپ كورسەتتى، 2 باسقىشقا ءبولىپ ءجۇرىپ سوتسياليستىك وسىزاماندانعان قۇدىرەتتى ەل قۇرىپ شىعۋداي جاڭا نىسانانى ايقىندادى. ءبىز كامبودجا جاقپەن پارتيانى، مەملەكەتتى جونگە سالۋعا قاتىستى تاجىريبە اۋىس - كۇيىسىن كۇشەيتۋدى قالايمىز.
  حۇڭسىن شي جينپيڭنىڭ بۇكىل پارتيانىڭ، بۇكىل ەل حالقىنىڭ قولداۋىنا يە بولىپ، ج ك پ ورتالىق كوميتەتىنىڭ باس شۋجيلىگىنە تاعى دا سايلانعانىن قىزۋ قۇتتىقتادى، جۇڭگو جاق وتكىزگەن جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ جوعارى دارەجەلىلەر كەڭەسى سىندى ساياسي پارتيالاردىڭ الەمدىك سالتاناتتى جينالىسىن وسكەلەڭ باعالادى. ول بىلاي دەدى: جۇڭگو جاق كامبودجا جاقتىڭ وسكەلەڭ سەنىم ارتاتىن جانە تولىق سەنەتىن جاقىن سەرىگى، كامبودجا جاق كامبودجا - جۇڭگو قاتىناسىنا بارىنشا ريزا، جۇڭگو جاقپەن كەلەر جىلعى ەكى ەلدىڭ ديپلوماتيالىق قاتىناس ورناتقاندىعىنىڭ 60 جىلدىعىن بىرگە تويلاپ، كامبودجا - جۇڭگو قاتىناسىنىڭ ورەسىن ۇزدىكسىز جوعارىلاتۋدى ءۇمىت ەتەدى. ج ك پ - نىڭ پارتيانى، مەملەكەتتى جونگە سالۋ تاجىريبەسى كامبودجا حالقىنا كوپ وي سالدى، ءبىز وسى جونىندە جۇڭگو جاقتان ۇيرەنۋدى، اۋىس - كۇيىستى ونان ارى تەرەڭدەتىپ، ءوزىمىزدىڭ بيلىك جۇرگىزۋ قابىلەتىمىز بەن ورەمىزدى ۇزدىكسىز جوعارىلاتۋدى ءۇمىت ەتەمىز.
  ديڭ شۋەشياڭ، ياڭ جيەچى قاتارلىلار كەزدەسۋگە قاتىناستى.

ءان الەمى

جول توسىلىپ قالدى

تۇلپارىم