جاڭا حابارلار

فينانس تيىمدىلىگىن جالپىلاستىرۋ ءتاسىلى ارقىلى كەدەيلەردى دالمە-ءدال سۇيەمەلدەۋ قىزمەتىنە دەم بەردى

    كەلۋ قاينارى: شينجياڭ حالىق راديو ىستانسياسى    2017-12-04 11:28:21  
كەريا اۋدانى مۇعاللا قالاشىعىنىڭ مۇعاللا قىستاعى ءتۇيىندى كەدەي قىستاق، بۇكىل اۋداننىڭ كەدەيلىكتەن قۇتىلۋدان قامال الۋ شايقاسىنىڭ جەڭىسىنە جەتۋىندەگى قيىن ءتۇيىن ەسەپتەلەدى. بيىل، حالىق بانكەسى حوتان ايماقتىق سەنترلى تارماق بانكەسىنەن وسى قىستاققا تۇسكەن قىزمەت اترەتى فينانس تيىمدىلىگىن جالپىلاستىرۋ ءتاسىلى ارقىلى قىستاقتاعى قولىندا ونەرى بار، شارۋاشىلىق قۇرعىسى كەلەتىن قىستاق تۇرعىندارىنا كومەكتەسىپ، بۇكىل قىستاقتىڭ كەدەيلەردى دالمە-ءدال سۇيەمەلدەۋ قىزمەتىنە دەم بەردى.
ءتىلشىنىڭ: دۋتتاردى قانشاعا ساتاسىز؟ دەگەن سۇراۋىنا، ماتيۇسىپ ماتسىدىق، 500 يۋانعا ساتاتىنىن، ورنەگى بارىن 2 مىڭ يۋانعا، ورنەگى جوعىن 500 يۋانعا ساتاتىنىن ايتتى.
تاڭەرتەڭ ەرتە، كەريا اۋدانى مۇعاللا قالاشىعى مۇعاللا قىستاعىنىڭ تۇرعىنى ماتيۇسىپ ماتسىدىق دۇكەنىنە كەلىپ، دۋتار جاساۋدىڭ قاربالاستىعىنا ءتۇستى، ول وسى ايدا 10 دۋتاردىڭ تاپسىرىسىن قابىلداعانىن، ءار كۇنى ۇستەمەلەپ جۇمىس ىستەيىنىن ايتتى. بيىل مامىردا، حالىق بانكەسى حوتان ايماقتىق سەنترلى تارماق بانكەسىنەن وسى قىستاققا تۇسكەن قىزمەت اترەتىنىڭ كومەگىندە، 45 جاستاعى ماتيۇسىپ ماتسىدىق دۋتار جاساۋ دۇكەنىن اشتى، ونىڭ قولمەن جاساعان دۋتارىنىڭ دىبىسى جاعىمدى، كورىنىسى كوركەم بولعاندىقتان، قىزۋ قارسى الۋعا بولەنىپ، ماڭىنداعى اۋدان، قالالارعا دەيىن ساتىلدى. ماتيۇسىپ ماتسىدىق بىلاي دەدى: « مەن پارتيا مەن ۇكىمەتتىڭ كەدەيلەردى سۇيەمەلدەۋ قارىز اقشاسىنان 50 مىڭ يۋان الدىم، قىزمەت اترەتى تاعى 5 مىڭ يۋان شارۋاشىلىق قۇرۋ قارجىسىن بەردى، اتا-بابامنان قالعان قولونەردى جالعاستىرىپ ۇلتتىق اسپاپتاردى جاساپ، جارىم جىلعا جەتپەيتىن ۋاقىتتا 30 مىڭ يۋان اقشا تاپتىم».
بيىل قىزمەت اترەتى قىستاق تۇرعىندارىنىڭ كەدەيلىك جاعدايىن، كەدەيلەسۋ سەبەبىن دالمە-ءدال ايىرىپ، «وتباسى سايىن بىردەن ەسەپ داپتەر» تۇرعىزىپ، قىستاق تۇرعىندارىنىڭ پىكىرىن تولىق قابىلداۋ نەگىزىندە، «وتباسى سايىن ەسەپ داپتەرىن تۇرعىزۋ، وتباسى سايىن قارىز اقشا بەرۋ، وتباسى سايىن تيىمدىلىك جەتكىزۋ » سىندى ءۇشتى وتباسىنا جەتكىزۋ امانات-قارىز جاعىندا كومەكتەسىپ سۇيەمەلدەۋ شاراسىن قولداندى. قازىرگە دەيىن، قىزمەت اترەتى اۋىل شارۋاشىلىق بانكەسىمەن جانە اۋىل-قىستاق امانات-قارىز كوپەراتيۆىمەن سايكەسىپ، قىستاقتاعى 109 كەدەي وتباسىنا مەرزىمى 3 جىلدىق جيىنى 3 ميلليون 970 مىڭ يۋان قارىز اقشا تاراتتى. قىزمەت اترەتىنىڭ باستىعى جاڭ حاي بىلاي دەدى: «نەگىزىنەن ارحيۆتەگى كەدەي وتباسىلارىنا ساياسات سيپاتتى ەكى ءتۇرلى قارىز اقشانى تياناقتاندىردىق؛ ال ارحيۆتە جوق، قارىز اقشاعا قاجەتى تۇسكەن ساۋداگەرلەر مەن ديقاندارعا باعىتتاپ جەرگىلىكتى ورىننىڭ فينانس قۇرىلىمدارىمەن بەلسەنە سايكەسىپ، ولاردى قارجى جاعىنان قولدادىق، سونىمەن بىرگە قاتىستى وتكەلەكتەر مەن پايدا دەڭگەيىن تومەندەتۋ ارقىلى بۇقاراعا قىزمەت وتەپ، ساۋداگەرلەردىڭ قارجى جاعىندا بۇكىلدەي سۇيەمەلدەۋگە يە بولۋىنا مۇمكىندىك جاسادىق».
قىستاق تۇرعىندارىنىڭ اقشاسى بولعاننان كەيىن، كەيبىرەۋى دۇكەن اشسا، كەيبىرەۋى اۆتوكولىك ساتىپ الىپ، تاسىمالمەن شۇعىلداندى، كەيبىرەۋلەرى اۋلا شارۋاشىلىنا ويىسىپ ەگىنشىلىك، باعىمشىلىق كولەمىن كەڭەيتىپ،بارلىعىنىڭ ىستەيتىن جۇمىسى، تاباتىن اقشاسى بولدى. قىزمەت اترەتى تاعى «رۋحاني جاقتان دەمەۋ، تەحنيكامەن سۇيەمەلدەۋ ينجەنەرياسىن» باستاپ اتقارىپ، قىستاق تۇرعىندارىن شەبەرلىككە تاربيەلەدى جانە ولارعا مەملەكەت ءتىلىن ۇيرەتتى. جاڭ حاي بىلاي دەدى: «اۋەلى قىستاعىمىزدىڭ ادام كوپ، جەر از، ديحاندار اۋلاسىندا بوس تۇرعان جەر نەداۋىر كوپ بولۋ سىندى جاعدايمەن ۇشتاستىرىپ، قىستاعىمىزدىڭ باسقا سالادا جۇمىسقا ورنالاستىرۋ قىزمەتىن جانە اۋلادا ەگىنشىلىك، باعىمشىلىق ەرەكشە كاسىبىن وركەندەتۋدى بۇدان كەيىنگى دامىتاتىن كاسىپ باعدارى ەتىپ، كەدەيلىكتەن قۇتىلدىرۋدان قامال الۋ شايقاسىن ويداعىداي جۇرگىزىپ، پارتيا 19-قۇرىلتايىنىڭ رۋحىن باتىل ويداعىداي دايەكتىلەندىرىپ، تياناقتاندىرىپ، 2019-جىلى تۇتاس قىستاق بويىنشا كەدەيلىك قالپاعىن الىپ تاستاۋعا كەپىلدىك ەتەمىز».

بەرىپ كەت ورامالىڭدى

دوستار

الىستاعى اق ەركە