باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدىڭ جەر-جەرى فورماسى الۋان ءتۇرلى «مەملەكەتتىك نەگىزگى زاڭ كۇنى» قيمىلىن ورىستەتتى

    كەلۋ قاينارى: شينجياڭ حالىق راديو ىستانسياسى    2017-12-05 11:26:42  

ستانسيامىزدىڭ جيناق حابارىن تىڭداڭىزدار: بۇگىن ەلىمىز بويىنشا 4-رەتكى «مەملەكەتتىك نەگىزگى زاڭ كۇنى» ءارى «-17رەتكى ەلىمىز بويىنشا زاڭ-ءتۇزىم ۇگىت كۇنى »، بيىلعى ۇگىت كۇنىنىڭ باستى تاقىرىبى ــــ «پارتيا 19-قۇرىلتايىنىڭ رۋحىن ۇيرەنىپ جانە دايەكتىلەندىرىپ، نەگىزگى زاڭنىڭ بەدەلىن قورعاۋ». وسى بايلانىسپەن رايونىمىزدىڭ جەر-جەرى مەن تاراۋلارى زاڭ ۇگىتىنە قاتىستى الۋان ءتۇرلى قيمىل وتكىزىپ، ءار ۇلت بۇقاراسىنىڭ نەگىزگى زاڭدى بارىنەن جوعارى ورىنعا قويۋ، زاڭ الدىندا بارلىق ادامنىڭ تەرەزەسى تەڭ بولۋ دەيتىن زاڭمەن باسقارۋ تانىمىن ورناتۋىنا مۇمكىندىك جاسادى.
4-جەلتوقسان ءتۇستىڭ الدىندا، ەڭ جوعارى حالىق سوت مەكەمەسى «4-جەلتوقسان» الەۋمەتتىك اشىق ۇستاۋ كۇنى قيمىلىن وتكىزگەندە، ءۇرىمجى قالالىق ورتا دارەجەلى حالىق سوت مەكەمەسى رايونىمىزداعى سوت مەكەمەلەرى اتىنان بەينە ەكران جالعادى، ءار ۇلت كادر-ساقشىلارى مەن سۋديالار جانە الەۋمەتتىك اۋماقتاعى كادرلار مەن بۇقارا پارتيا 19-قۇرىلتايىنىڭ رۋحى، زاڭمەن باسقارىلاتىن شينجياڭ قۇرىلىسى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بويىنشا قىستاقتا تۇرۋ قىزمەتى جانە «ۇلتتار ىنتىماعىنىڭ ۇلى شاڭىراعىندا» قيمىلى سياقتى مازمۇندارعا بىرلەستىرىپ، بۇكىل ەلىمىزدەگى ءار دارەجەلى سوت مەكەمەلەرىندەگى كاسىپتەستەرمەن العان اسەرىن ءبولىستى. ءۇرىمجى قالاسى تيانشان رايونى جەڭىس جولى اۋماعىن باسقارۋ كوميتەتىنە قاراستى بيانرۇي الەۋمەتتىك اۋماعى تۇرعىندار كوميتەتىنىڭ ورىنباسار مەڭگەرۋشىسى گۇلميرا جۇماي بىلاي دەدى: نەگىزگى ساتىداعى پارتيالى كادر تۇرعىسىنان، باس شۋجي شي جينپيڭنىڭ پارتيا -19قۇرىلتايىندا جاساعان بايانداماسىندا اتاپ كورسەتكەنىندەي، جالپى حالىققا زاڭدى جالپىلاستىرۋ تەبىنىن كۇشەيتىپ، نەگىزگى زاڭدى بارىنەن جوعارى ورىنعا قويۋ، زاڭ الدىندا بارلىق ادامنىڭ تەرەزەسى تەڭ بولۋ دەيتىن زاڭمەن باسقارۋ تانىمىن ورناتىپ، قاراستى وڭىردەگى تۇرعىنداردىڭ زاڭعا قۇرمەت ەتۋ، زاڭعا بويسۇنۋ، زاڭنان پايدالانۋ تانىمىن وسىرۋىنە ۇلەس قوسامىن.
قۇلجا قالاسىنىڭ حالىق الاڭى، تۇڭلوۋان الاڭى، شاڭلين الاڭى سياقتى جەرلەردە، ىلە وبلىسىنا توتە قاراستى مەكەمە ورىندار تاقتا گازەت شىعارۋ، كەرمە تۋ ءىلۋ سياقتى تاسىلدەرمەن كوشەدەگى جۇرگىنشىلەرگە زاڭ جالپىلاستىرۋ ۇگىتىن جۇرگىزىپ، ولارعا زاڭدىق كەڭەس بەرىپ قىزمەت وتەدى. قالا تۇرعىنى زايكىن سۇماحۇن: مەن جاڭا عانا ءبىر تالاي ماتەريال جينادىم، قايتىپ بارىپ ءبىر-بىرلەپ وقىپ، قاتىستى زاڭ ساۋاتتارىن ۇيرەنىپ بىلسەم دەيمىن، اسىرەسە ءبىز سياقتى قارتتاردىڭ ۇقىق-مۇددەسىن قالاي قامتاماسىز ەتۋ سياقتى جاقتارداعى زاڭ-ەرەجەلەرمەن تانىسسام دەگەن ويدامىن. ءبىز زاڭ ۇيرەنىپ، ونى بلگەندە عانا قوعامنىڭ تىنىشتىعى مەن ىنتىماعىن ويداعىداي قورعاي الامىز،-دەدى.
«نەگىزگى زاڭنىڭ بەدەلىن قورعاپ، زاڭدا بەلگىلەنگەن بورىشىمىزدى ادا ەتەيىك...» سانجى قالاسى جۇڭشان جولى ءمالى باسقارماسىنىڭ مۋدان الەۋمەتتىك اۋماعىنداعى كادرلار سەرت بەرگەن سوڭ، ۇگىت قولدانبالارىن جانە زاڭ ساۋاتىن ۇگىتتەۋ بەلگىسى بار ەستەلىك بۇيىمدارىن الىپ، تۇرعىنداردىڭ ۇيلەرىنە بارىپ، ولارعا زاڭ ساۋاتتارىن ۇگىتتەدى. وسى الەۋمەتتىك اۋماقتىڭ تۇرعىنى چىن يۇيفىن: مەنىڭ نەكە زاڭىن جانە ايەلدەر مەن بالالاردىڭ ۇقىق-مۇددەسىن قورعاۋ زاڭىن بىلگىم كەلەدى، ءبىز زاڭعا سانالى بويسۇنىپ، زاڭ ارقىلى ۇقىق-مۇددەمىزدى قورعاۋدى ۇيرەنىپ الۋىمىز كەرەك ەكەن،-دەدى.
بايىنعولىن وبلىسى ياركەن اۋداندىق حالىق سوتى مەكەمەسىندە، اۋداندىق ءبىرىنشى باستاۋىش مەكتەپتىڭ وقۋشىلارى سۋديا، الەۋمەتتىك شاعىم ايتۋشى سياقتى رولدارعا شىعىپ، ەلىكتەمەلى تەرگەۋ جۇرگىزدى، ايباتتى تەرگەۋ الاڭىنان، قاتاڭ سوتتاۋ تارتىبىنەن كوپشىلىك زاڭنىڭ قاتاڭدىعىن شىنايى سەزىندى. وقۋشى ءاليفىرا روزى بىلاي دەدى: بۇگىن ءتۇسىندىرۋشىمەن بىرگە سوت مەكەمەسىن ەكسكورتسيالادىق، كوپتەگەن نەگىزگى زاڭ بىلىمدەرىن ۇيرەندىم، الدا، جاقسى وقىپ، ماڭايىمداعىلارعا اناعۇرلىم كوپ زاڭ بىلىمدەرىن ۇگىتتەپ، زاڭنان حابارى بار، زاڭدى تۇسىنەتىن، زاڭعا بويسىناتىن جاقسى وقۋشى بولامىن.
«مەملەكەتتىك نەگىزگى زاڭ كۇنىندە» قۇمىل قالالىق 2-ورتا مەكتەپ زاڭ ارقىلى جونگە سالۋ ساباقحاناسى، ارناۋلى تاقىرىپتاعى تالقى جارىسى سياقتى قيمىلداردى ورىستەتىپ، وقىتۋشى-وقۋشىلاردىڭ نەگىزگى زاڭنىڭ بەدەلىن سانالىلىقپەن قورعاۋ تانىمىن جەتىلدىرىپ، مەكتەپتى زاڭ ارقىلى باسقارۋ قۇرىلىسىن ىلگەرلەتتى. وقۋشى سۇڭ زىلۇڭ بىلاي دەدى: ءبىز مەملەكەتتىڭ بولاشاعى جانە ءۇمىتىمىز، ىسكە وزىمىزدەن باستاپ كىرىسىپ، ماڭىمىزداعى كىشى-گىرىم ىستەردەن باستاپ ىستەۋىمىز، مەكتەپتە كۇندەلىكتى ارەكەتىمىزدى جۇيەگە ءتۇسىرىپ، مەكتەپ اۋلاسىنان شىققاننان كەيىن زاڭ-تارتىپكە قاتاڭ بويسىنىپ، زاڭ ارقىلى باسقارۋ تانىمىن ماڭىمىزداعىلارعا ۇگىتتەۋىمىز كەرەك.
تۇرپان قالالىق پارتكومنىڭ ۇگىت ءبولىمى، قالالىق قوعامدىق عىلىم سالاسى بىرلەستىگى، شينجياڭ يالقۇنتاق ادۆاكاتتار ءىس ورنى ەدىحۇت رايونى شاتقال اۋىلى قاراقوجا كارىز قىستاعىندا پارتيا 19-قۇرىلتايىنىڭ رۋحى جونىندە ۇگىت-لەكسيا جاساۋ جانە زاڭ جالپىلاستىرۋ ۇگىت قيمىلىن ورىستەتتى. ۇگىت-لەكسيانى دەن قويا تىڭداعاننان كەيىن قسىتاق تۇرعىندارى: نەگىزگى زاڭدى بارىنەن جوعارى ورىنعا قويۋ تانىمىن سانالىلىقپەن ورناتىپ، نەگىزگى زاڭنىڭ بەدەلىن قورعاۋىمىز كەرەك،-دەستى. قىستاق تۇرعىنى مارجانگۇل اپار بىلاي دەدى: لەكسيا بىزگە كوپتەگەن زاڭ بىلىمدەرىن ۇيرەتتى، الدا، زاڭ-ەرەجەلەرگە جالعاستى قاتاڭ بويسىنىپ، مەملەكەتتىڭ ورنىقتىلىعىن قورعاۋ جولىندا كۇش-قۋاتىمدى ارنايمىن. الدا، وسىنداي زاڭ ۇيرەنۋ ورايى بولسا بەلسەنە قاتىناسامىن.

ءان الەمى

جول توسىلىپ قالدى

تۇلپارىم