جاڭا حابارلار

قىزمەت اترەتىندەگىلەر قىستاقتا تۇرعان ءبىر جىلدان بەرى، ءار ۇلت بۇقاراسىنا شىن پەيىلىمەن قىزمەت ەتىپ، ءاربىر قىستاق تۇرعىنىنا شىنايى قامقورلىق جاساپ، قىستاق تۇرعىندارىنىڭ قالتاسىن قامپايتىپ، كوپشىلىكتىڭ اۋقاتتانۋ جولىن كەڭەيتتى

    كەلۋ قاينارى: شينجياڭ حالىق راديو ىستانسياسى    2017-12-05 12:20:36  
ستانسيامىزدىڭ ءتىلشىسى حابارىن تىڭداڭىزدار: شاۋەشەك قالالىق ءتارتىپ تەكسەرۋ كوميتەتىنەن شاۋەشەك قالاسى قاراقاباق اۋىلى كەنجەباي قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قىستاقتا تۇرعان ءبىر جىلدان بەرى، ءار ۇلت بۇقاراسىنا شىن پەيىلىمەن قىزمەت ەتىپ، ءاربىر قىستاق تۇرعىنىنا شىنايى قامقورلىق جاساپ، قىستاق تۇرعىندارىنىڭ قالتاسىن قامپايتىپ، كوپشىلىكتىڭ اۋقاتتانۋ جولىن كەڭەيتتى.
جىل سوڭىنا تاياعاندا، شاۋەشەك قالالىق ءتارتىپ تەكسەرۋ كوميتەتىنەن كەنجەباي قىستاعىنا تۇسكەن«حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعسىتىرۋ» قىزمەت اترەتىنىڭ باستىعى ماۋ يىنچۋان ەرەكشە قاربالاستىققا ءتۇسىپ، قىستاق تۇرعىندارىنىڭ اۋىل شارۋاشىلىق ونىمدەرىن ساتۋىنا كومەكتەسىپ، ارتىق ەڭبەككۇشتەرگە جان-جاقتان جۇمىس ىزدەدى، ءارى قىستاقتاعى حاۋىپسىزدىككە قاتەر توندىرەتىن كومەسكى كىناراتتارىن تەكسەردى. ول: «قىس تۇسكەننەن بەرى، كومىر جاعىپ، ءتابيعي گازدان پايدالانۋ جانە قاتىناس حاۋىپسىزدىگى جاعىن ءتۇيىندى تەكسەردىك، ءار بىر وتباسىنا تولىق ۇگىت جۇرگىزىپ، قاتىستى مازمۇنداردى قسىتاق تۇرعىندارىنا تولىق ۇعىندىردىق»،-دەدى.
جىل باسىندا، كەنجەباي قىستاعىنا بارعاننان كەيىن، ماۋ يىنچۋان ەڭ اۋەلى «قىستاق تۇرعىندار كوميتەتى»، «قىستاق پارتيا ياچەيكاسى» القاسىن كۇشەيتۋدەن باستاپ ىسكە كىرىسىپ، قىزمەت اترەتى مۇشەلەرىن قىستاق كادىرلارىمەن سەرىكتەستىك قاتىناس ورناتىپ، قىزمەت ءادىسىن قولما-قول ۇيرەتىپ، جۇمىستى اقىلداسۋ ءتارتىبىن ارناعا ءتۇسىردى، «ماڭىزدى ءسوزدى ۇيرەنۋ، ستيلگە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن تۇتقا ەتىپ، «پارتيا ىزناگىن جارقىراتىپ تاعىپ جۇرۋ» قيمىلىن ورىستەتۋ سىندى ءبىر قىدىرۋ شارالاردى قولدانۋ ارقىلى كوپشىلىكتىڭ بۇقاراعا قىزمەت ەتۋ قابىلەتىن جوعارلاتىپ، قىستاق كادرلارىنىڭ، پارتيا مۇشەلەرىنىڭ تىڭ وبرازىن ورناتتى.
كەنجەباي قىستاعىندا 600 دەن استام جان سانى بار، ارتىق ەڭبەككۇشتەردى باسقا سالادا كاسىپتەندىرۋ اسا ماڭىزدى ءىس، قىستاقتا تۇراتىن قىزمەت اترەتى قسىتاق تۇرعىندارىنا ءۇش كەزەك كۋرس اشتى، ءارى شاۋەشەك قالاسىنىڭ كوشەت باقشاسى، كەپتىرۋ زاۆوتى، شەكىلدەۋىكتىك قاربىز مانەرلەۋ سەلبەستىك كوپەراتيۆى سياقتى ورىندارمەن بەلسەنە حابارلاسىپ، قسىتاق تۇرعىندارىنىڭ كاسىپتەنۋىنە كومەكتەستى، ماۋ يىنچۋان: «اسپازدىق كۋرسى، ايەلدەردىڭ كەستەشىلىك كۋرسى، قۇرىلىس كۋرىسى اشىلدى، بيىل 500 مىڭ يۋانعا 25 جىلى قورا سالماقشىمىز، قىستاقتاعى كوپتەگەن تۇرعىن ءوز ءۇيىنىڭ جىلى قوراسىن سالعان كەزدە كومەكشى جۇمىسشى بولىپ، ىستەپ كىرىس كىرگىزدى»،-دەدى.
مۇنان تىس، قىزمەت اترەتى تاعى نازاردى قىستاقتاعى وتباسىلارىندا بىتىراندى باعىلعان جەرگىلىكتى تاۋىققا اۋدارىپ، ءۇنحاتتاعى دوستار شەڭبەرى ارقىلى ينفورماتسيا جاريالاپ، ساۋدا جولىن قاراستىرىپ، قىستاق تۇرعىندارىنىڭ 17 مىڭ 500 دانا جاسىل قابىقتى جۇمىرتقا، 300 دەن ارتىق تاۋىق، قاز-ۇيرەگىن ساتۋىنا كومەكتەسىپ، ساتىلىم كىرىسىن 45 مىڭ يۋانعا جەتكىزىپ، 200 نەشە وتباسىن يگىلىككە كەنەلتتى. كەنجەباي قسىتاعى تۇرعىندار كوميتەتىنىڭ مەڭگەرۋشىسى قۋناش قالتاي ۇلى: «بۇقارانىڭ تاۋىعى مەن جۇمىرتقاسى جاقسى ساتىلدى، ءبىر جۇمىرتقا ءبىر يۋان 50 فىنعا، جەرگىلىكتى تاۋىقتىڭ بىرەۋى 80 دە 100 يۋانعا ساتىلدى»،-دەدى.

بەرىپ كەت ورامالىڭدى

دوستار

الىستاعى اق ەركە