باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اۆتونوميالى رايون كەدەيلەردى سۇيەمەلدەۋ سالاسىندا تارتىپكە قايشىلىق جاساعان 10 تيپتىك دەلونى حابارلاندىردى

    كەلۋ قاينارى: شينجياڭ گازەتى    2017-12-05 18:25:02  
 ءوز حابارىمىز.جۋىردا اۆتونوميالى رايوندىق ءتارتىپ تەكسەرۋ كوميتەتى كەدەيلەردى سۇيەمەلدەۋ سالاسىندا تارتىپكە قايشىلىق جاساعان 10 تيپتىك دەلونى حابارلاندىرۋ شىعارىپ اشكەرەلەدى، اتالعان 10 تيپتىك دەلو مىنالار:
  1. اتۇش قالاسى قاراجول اۋىلى قىزىلتاۋ قىستاعى پارتيا ياچەيكاسىنىڭ بۇرىنعى شۋجيى جۇما قادىردىڭ (ءىسورىن شتاتى) جالعان مالىمدەپ، كەدەيلەردى سۇيەمەلدەۋگە بەرىلەتىن قويدى قىمقىرىپ الۋ ماسەلەسى. 2012 - جىلدان 2015 - جىلعا دەيىن جۇما قادىر قىزمەت قولايلىلىعىنان پايدالانىپ، بەلگىلەمەگە قايشىلىق جاساپ، وتاۋ بولىپ شىقپاعان ۇلى تۇردىباي جۇمانى كەدەي وتباسى دەپ تۇراقتاندىرىپ، كەدەيلەردى سۇيەمەلدەۋگە بەرىلەتىن قويدان 10دى العان؛ بەلگىلەمەگە قايشىلىق جاساپ، شارتى ساي كەلمەسە دە ۇلى تۇردىباي جۇمانىڭ، نەمەرە ۇلى مامەتتۇردى سولتان مەن تۋىسى ومار ساتىبالدىنىڭ (پەنسياعا شىققان كادر) 4 بەيقۇت ءۇي الۋىنا مۇمكىندىك جاساپ، ولاردى بەيقۇت ءۇي، ەنەرگيا ۇنەمدەۋ، قورا - قالتقى سياقتىلارعا بايلانىستى 234 مىڭ 300 يۋان كومەك قاراجاتتان يگىلىكتەندىرگەن. 2017 - جىلى شىلدەدە جۇما قادىرعا پارتيادان شىعارۋ، قىزمەت دارەجەسىن (2 دارەجە) تومەندەتۋ جازاسى بەرىلدى.
  2. حوتان اۋدانى ۇزىنشور اۋىلدىق پارتكومنىڭ بۇرىنعى مۇشەسى، اۋىلدىڭ بۇرىنعى ورىنباسار باستىعى، اۋىل - قىستاق كوللەكتيۆ ەكونوميكا كەڭسەسىنىڭ بۇرىنعى مەڭگەرۋشىسى ۋاڭ لەيدىڭ الدامكوستىك ىستەپ، كەدەيلەردى سۇيەمەلدەۋ قارجىسىن جالداپتىقپەن الۋ ماسەلەسى. 2014 - جىلى جەلتوقساندا ۋاڭ لەي قىستاق كادرىن ماقتا ەگىلگەن جەر اۋدانىن جالعان مالىمدەپ، ماقتا كومەك قاراجاتىنان 180 مىڭ يۋاندى جالداپتىقپەن الۋعا ايداپ سالعان ءارى ونىڭ 38 مىڭ يۋانىن ءوزى العان؛ 2015 - جىلى قىزمەت قولايلىلىعىنان پايدالانىپ، شارۋالاردىڭ اۋلاسىن، قورا - قالتقىلارىن وزگەرتىپ سالۋ كومەك قاراجاتىنان 6000 يۋاندى ۇستاپ قالعان. 2017 - جىلى تامىزدا ۋاڭ لەيگە پارتيا ىشىندەگى مىندەتىنەن الىپ تاستاۋ، اكىمشىلىك قىزمەتتەن الىپ تاستاۋ جازاسى بەرىلدى.
  3. نىلقى اۋدانى كوكحوتحور موڭعۇل اۋىلى ۇشتوبە قىستاعى پارتيا ياچەيكاسىنىڭ بۇرىنعى شۋجيى ما ميڭشيڭنىڭ كەدەيلەردى سۇيەمەلدەۋگە بەرىلەتىن تاۋىقتى بەلگىلەمەگە قايشى تۇردە تاراتۋ ماسەلەسى. 2014 - جىلى قاراشادا ۇشتوبە قىستاعى كەدەيلەردى سۇيەمەلدەۋگە بەرىلەتىن تاۋىقتى تاراتقان كەزدە ما ميڭشيڭ بەلگىلەمەگە قايشىلىق جاساپ، كەدەي وتباسىلارعا تاراتىلۋعا ءتيىستى تاۋىقتى ادەتتەگى وتباسىلارعا تاراتىپ، ءار وتباسىنان 7800 يۋاندىق ولشەممەن جەم قاراجاتىن جيناعان. 2017 - جىلى قاراشادا ما ميڭشيڭگە پارتيا ىشىندە قاتاڭ ەسكەرتۋ جازاسى بەرىلدى.
  4. كەلپىن اۋدانى گەزلىك قالاشىق ەمحاناسى پارتيا ياچەيكاسىنىڭ بۇرىنعى شۋجيى يبىرايىم ءمۇتالىپتىڭ قوعامدىق قامتاماسىزداندىرۋ قارجىسىن جالداپتىقپەن الۋ ماسەلەسى. 2017 - جىلى اقپاننان 2017 - جىلى قازانعا دەيىن يبىرايىم ءمۇتالىپ يۇيىرچي اۋىلدىق ەمحاناسى، گەزلىك قالاشىق ەمحاناسى پارتيا ياچەيكاسىنىڭ شۋجيى مىندەتىن وتەپ تۇرعان كەزدە اۋرۋ تاريحىن قولدان جاساۋ فورماسىمەن ىلگەرىندى - كەيىندى 5 رەت ناعاشى اعاسى كا XXتىڭ قوعامدىق قامتاماسىزداندىرۋ قارجىسىنان 11 مىڭ 700 يۋان اقشانى جالداپتىقپەن الۋىنا مۇمكىندىك جاساعان. 2017 - جىلى قاراشادا يبىرايىم مۇتالىپكە پارتيا ىشىندە قاتاڭ ەسكەرتۋ جازاسى بەرىلدى.
  5. يەڭەسار اۋدانى ماڭشين اۋىلدىق پارتكومنىڭ مۇشەسى، اۋىلدىق حالىق قۇرىلتايىنىڭ ءتوراعاسى ابدىسەيىت مامەتيمىننىڭ جالعان مالىمدەپ، كەدەيلەردى سۇيەمەلدەۋ نىسانى كومەك قاراجاتىن قىمقىرىپ الۋ ماسەلەسى. 2016 - جىلى قاراشادا ابدىسەيىت مامەتيمىن ماڭشين اۋىلى تومەنارا ءمالى قىستاعىنىڭ كەدەيلەردى سۇيەمەلدەۋ قالامشا باقشاسى نىسانى كومەك قاراجاتىن تاراتۋ بارىسىندا 13 وتباسىنىڭ تىزىمدىگىن قولدان جاساۋ فورماسىمەن 11 مىڭ 300 يۋان نىسان قارجىسىن جالداپتىقپەن العان. 2017 - جىلى قىركۇيەكتە ابدىسەيىت مامەتيمىنگە پارتيا ىشىندە قاتاڭ ەسكەرتۋ جازاسى بەرىلدى.
  6. حوتان قالاسى يۇرۇڭقاش قالاشىعىنىڭ ورىنباسار ءبولىم دارەجەلى قىزمەتكەرى ءنابيجان ماحمۇتتىڭ بەلگىلەمەگە قايشىلىق جاساپ، ەڭ تومەنگى تۇرمىستى قامتاماسىزداندىرۋدان يگىلىكتەنۋ ماسەلەسى. 2014 - جىلى ماۋسىمدا ءنابيجان ماحمۇت ەڭ تومەنگى تۇرمىستى قامتاماسىزداندىرۋ كەڭسەسىنىڭ مەڭگەرۋشىسى ابىلەت امەتكە قۇلاققاعىس ەتىپ، وزىنە جانە شارتى ۇيلەسپەيتىن 3 تۋىسىنا اۋىل - قىستاق ەڭ تومەنگى تۇرمىس قامتاماسىزداندىرۋىن ءساتتى ءوتىنىش ەتىپ، 2017 - جىلى ناۋرىزعا دەيىن بەلگىلەمەگە قايشىلىق جاساپ، ەڭ تومەنگى تۇرمىستى قامتاماسىزداندىرۋ قارجىسىنان 19 مىڭ 600 يۋان العان. 2017 - جىلى قىركۇيەكتە ءنابيجان ماحمۇتقا پارتيا ىشىندە قاتاڭ ەسكەرتۋ جازاسى بەرىلدى.
  7. ءۇشتۇرپان اۋداندىق مال شارۋاشىلىق مەكەمەسى پارتيا باسشىلىق گرۋپپاسىنىڭ بۇرىنعى ورىنباسار شۋجيى، بۇرىنعى مەكەمە باستىعى ابدۇقادىر ابلانىڭ بەلگىلەمەگە قايشىلىق جاساپ، باسقالاردىڭ جايلىم ەكولوگياسىن قورعاۋ كومەك قاراجاتىنان يگىلىكتەنۋىنە كومەكتەسۋ ماسەلەسى. 2012 - جىلى شىلدەدە ابدۇقادىر ابلا قىزمەت قولايلىلىعىنان پايدالانىپ بەلگىلەمەگە قايشىلىق جاساپ، دوسى احمەت مامۇتتىڭ جايلىم ەكولوگياسىن قورعاۋ كومەك قاراجاتىنان يگىلىكتەنۋىنە كومەكتەسكەن، ول 3 جىلدا جيىنى 29 مىڭ يۋان العان. 2017 - جىلى قازاندا ابدۇقادىر ابلاعا پارتيا ىشىندە ەسكەرتۋ جازاسى بەرىلدى.
  8. قاعىلىق اۋدانى جەتىملىقۇم اۋىلى سەنترلى باستاۋىش مەكتەبىنىڭ باستىعى ابليميت توقسۇننىڭ مەملەكەتتىڭ كەدەي وڭىرلەردەگى وقۋشىلاردىڭ قورەكتىك تولىقتاۋىنا بەرگەن كومەك قاراجاتىن باسقاعا جۇمساۋ ماسەلەسى. 2016 - جىلى ناۋرىزدان ماۋسىمعا دەيىن ابليميت توقسۇن بۇكىل اۋىلدىڭ كەدەي وڭىرلەردەگى وقۋشىلاردىڭ قورەكتىك تولىقتاۋىنا بەرىلگەن قوسىمشا قاراجاتىنان 119 مىڭ يۋاندى 7 بولىمشە مەكتەپتەگى ۇسىنىس ەتىلگەن 33 اسپازدىڭ ەڭبەكاقىسىن تاراتۋعا جۇمساعان. 2017 - جىلى قاراشادا ابليميت توقسۇنعا پارتيا ىشىندە ەسكەرتۋ جازاسى بەرىلدى.
  9. شاپشال سىبە اۆتونوميالى اۋدانى كەن اۋىلى مازار قىستاعىندا تۇرىپ مەشىتتى باسقاراتىن كادر ءادىل احمەتجاننىڭ ەڭ تومەنگى تۇرمىستى قامتاماسىز ەتۋ قارجىسىن تاراتۋدا مىندەتىن ويداعىداي وتەمەۋ ماسەلەسى. 2015 - جىلدان 2016 - جىلعا دەيىن ءادىل احمەتجان كەن اۋىلى حالىق ىستەرى كەڭسەسىنىڭ مەڭگەرۋشىسى مىندەتىن وتەگەندە، باقىلاۋ، باسقارۋ جاۋاپكەرلىگىن دۇرىس اتقارماي، قاتاڭ تەكسەرمەي، باقىلاۋ، باسقارۋدا دارمەنسىزدىك ىستەپ، ەڭ تومەنگى تۇرمىسى قامتاماسىز ەتىلەتىن وبيەكتىلەردىڭ وزگەرۋ جاعدايىن دەر كەزىندە ۇعىسپاي، ەڭ تومەنگى تۇرمىسى قامتاماسىز ەتىلەتىن، قايتىس بولىپ كەتكەن 5 ادامنىڭ جانە كوشىپ كەتكەن 2 ادامنىڭ ەڭ تومەنگى تۇرمىستى قامتاماسىز ەتۋ قاراجاتىنان يگىلىكتەنە بەرۋىنە سەبەپشى بولعان. 2017 - جىلى قاراشادا ءادىل احمەتجانعا اكىمشىلىك كۇنا جازۋ جازاسى بەرىلدى.
  10. مارالباسى اۋدانى اناركول اۋىلى قازىنا ىستەرى بولىمشەسىنىڭ بۇعالتىرى اسقار جۇمانىڭ بەلگىلەمەگە قايشىلىق جاساپ، مەملەكەتتىڭ كومەك قاراجاتىنان يگىلىكتەنۋ ماسەلەسى. 2011 - جىلى شىلدەدە اسقار جۇما اناركول اۋىلى الاعىر چەك قىستاعىنىڭ تۇرعىنى ايسا قادىر اتىنان 88.16شارشى مەتر بەيقۇت ءۇي سالعان ءارى بەلگىلەمەگە قايشىلىق جاساپ بەيقۇت ءۇي سالىپ، حالىقتى اۋقاتتاندىرۋ كومەك قاراجاتىنىڭ 24 مىڭ يۋانىن يگىلىكتەنگەن. 2017 - جىلى قاراشادا اسقار جۇماعا اكىمشىلىك كۇنا جازۋ جازاسى بەرىلدى.
  اۆتونوميالى رايوندىق ءتارتىپ تەكسەرۋ كوميتەتى مىنانى تالاپ ەتتى: كەزەكتە كەدەيلىكتەن قۇتىلدىرۋدان قامال الۋ شەشۋشى جەڭىسكە جەتۋدىڭ شەشۋشى كەزەڭىندە تۇر. ءار دارەجەلى پارتيا ۇيىمدارى مەن پارتيا مۇشەلەرى، كادرلار جوعارىداعى دەلولاردان ساباق الىپ، عيبىرات ەتىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋدىڭ كەلەلى ساياسي ماڭىزىن جەتە تانىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت تالاپتارىن باتىل دايەكتىلەندىرىپ، تياناقتاندىرىپ، «4 تانىمدى» بەكەمدەپ، ساياسي دەڭگەيدى ءوسىرىپ، جاۋاپكەرلىك ارقالاۋدى كۇشەيتىپ، ۋاقىتتى مەڭگەرە ءبىلۋ، ۋاقىتپەن جارىسۋ رۋحىمەن، اناعۇرلىم «قاتاڭ، تەرەڭ، ىجداعاتتى، ناقتى» قىزمەت ستيلىمەن كەدەيلىكتەن قۇتىلدىرۋدان قامال الۋ قىزمەتىنىڭ ورنىقتى، ءتارتىپتى، جوعارى ونىمدىلىكپەن ورىستەتىلۋىن ىلگەرىلەتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ تاراۋلارى كەدەيلەردى سۇيەمەلدەۋ سالاسىنداعى باقىلاۋ، ءتارتىپ اتقارۋ، جاۋاپقا تارتۋ قىزمەتىن كورنەكتى ورىنعا قويىپ، بوساڭسىماي، كىدىرمەي، قايتا اتتانىپ، پارتيا 19 - قۇرىلتايىنىڭ جاڭا ورنالاستىرۋلارى، جاڭا تالاپتارى بويىنشا، كەدەيلەردى سۇيەمەلدەۋ سالاسىنداعى بۇقارانىڭ مۇددەسىنە زيان جەتكىزۋ، ستيلى ناقتى بولماۋ، الدامكوستىك ىستەۋ، جوعارىنى الداپ، تومەندەگىلەردەن جاسىرۋ، قول ۇشىمەن ىستەپ، قاشقالاقتاۋ سياقتى ماسەلەلەردى توتەنشە قاتاڭ پوزيتسيامەن تەكسەرىپ ءبىر جايلى ەتىپ، كەدەيلەردى سۇيەمەلدەۋ قارجىسى مەن زاتتارىنان «ولجا تۇسىرۋگە» باتىلدىق ەتكەندەردى، ءسوزسىز، قاتاڭ تەكسەرىپ ءبىر جايلى ەتىپ، تيتتەي دە اياۋشىلىق ەتپەي قاتاڭ جازالاپ، اۆتونوميالى رايوننىڭ كەدەيلىكتەن قۇتىلدىرۋدان قامال الۋ مىندەتىن ۋاعىندا ورىنداۋى ءۇشىن، ستيل، ءتارتىپ جاقتارىنان پارمەندى كەپىلدىك ازىرلەۋ كەرەك.
ءان الەمى

جول توسىلىپ قالدى

تۇلپارىم