باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

بۇقارانىڭ دەنساۋلىق ارمانىنا قۇلشىنا قۇلاش سەرمەدى

    كەلۋ قاينارى: شينجياڭ گازەتى    2017-12-06 18:11:32  

−قاشقار قالاسىنىڭ ءار ۇلت بۇقاراسىنا دەنساۋلىق بويىنشا جان-جاقتى، تولىق قىزمەت ەتكەنى ;جونىندە
ءتىلشىمىز حان چينيان

        بەتاشار

  پارتيا 19 - قۇرىلتايىندا جۇڭگوشا سوتسياليزمنىڭ جاڭا داۋىرگە وتكەنى جونىندە كەلەلى ساياسي تۇجىرىم جاسالىپ، ەلىمىز دامۋىنىڭ جاڭا تاريحي ورنىن بەلگىلەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا جاڭا باستاما كورسەتىپ بەردى. «جاڭا داۋىردە جاڭا بەينە بولۋى، ونان دا ماڭىزدىسى، جاڭا تەبىن بولۋى كەرەك». پارتيا 19 - قۇرىلتايى جابىلعان ءبىر ايدان استام ۋاقىتتان بەرى، تيانشاننىڭ تۇستىگى مەن تەرىستىگىندە قالىڭ كادرلار مەن بۇقارا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىندا بەلگىلەنگەن نىسانا - مىندەتتەردى ارقاۋ ەتىپ، رۋحتى سەرپىلتىپ، جالىن اتقان جالىندى سەزىممەن قايراتتانا ۇمتىلىپ، قوعام ورنىقتىلىعى مەن باياندى تىنىشتىق باس نىساناسىنا كۇشتى شوعىرلاندىرىپ، حالىق تۇرمىسىن جاقسارتۋعا زەيىن - زەردەنى اۋدارىپ، ىنتىماق پەن ورنىقتىلىقتى ىلگەرىلەتىپ، رەفورما مەن دامۋدى جوبالاپ، نەگىزگى ساتىنىڭ نەگىزىن بەكەمدەپ، تانىمدارى ونان ارى بىرلىككە كەلىپ، بەتالىس اناعۇرلىم ايقىندالىپ، جىگەر اناعۇرلىم تاسقىنداي ءتۇستى. بۇگىننەن باستاپ گازەتىمىز «جاڭا ءداۋىر، جاڭا بەينە، جاڭا تەبىن» ارناۋلى ستونىن اشىپ، جەر - جەردىڭ 19 - قۇرىلتاي رۋحىن ۇيرەنۋ، دايەكتىلەندىرۋدەگى جاڭا شارا، جاڭا ناتيجەلەرىن حابارلاپ، تيانشاننىڭ تۇستىگى مەن تەرىستىگىندەگى حالىق تۇرمىسىن جاقسارتۋدىڭ، جاراسىمدىلىق پەن ورنىقتىلىقتىڭ، رەفورما مەن دامۋدىڭ، ۇلتتار ىنتىماعىنىڭ، ەكولوگيالىق وركەنيەتتىڭ، كەدەيلىكتەن قۇتىلدىرۋدان قامال الۋدىڭ جاڭا بەينەسىن، جاڭا تەبىنىن ايگىلەپ، وقىرماندارمەن بىرگە جاڭا ءداۋىردىڭ سەرپىندى تىنىسىن بولىسەدى.
  جالپى حالىقتىڭ سالاماتتىلىعى بولماسا، جاپپاي دوڭگەلەك داۋلەتتەن ءسوز اشۋ قيىن. پارتيا 19 - قۇرىلتايىندا حالىقتىڭ دەنساۋلىعى ساياساتىن كەمەلدەندىرىپ، حالىق بۇقاراسىنا دەنساۋلىق بويىنشا جان - جاقتى، تولىق قىزمەت ەتۋ كەرەكتىگى العا قويىلدى. قاشقار قالاسى دەنساۋلىق جاعىنان قامقورلىق جاساۋدى، ەمدەۋ جاعىنان قامتاماسىز ەتۋدى كەمەلدەندىرۋ، ساپالى دەنساۋلىق ساقتاۋ قىزمەتى دەڭگەيىن ءوسىرۋ ىستەرىن تىڭعىلىقتى ىلگەرىلەتىپ، ءار ۇلت بۇقاراسىنىڭ ءۇيىنىڭ جانىنان ءتىپتى كوپ جان - جاقتى، تولىق دەنساۋلىققا قىزمەت كورسەتۋدەن يگىلىكتەنۋىنە مۇمكىندىك جاسادى.
  جانعا جىلۋ باعىشتاعان جالپى حالىقتىڭ دەنساۋلىعىن تەگىن تەكسەرۋ جۇمىسى 
  30 - قاراشادا قاشقار قالاسى وستەڭ بويى ءمالىسىنىڭ تورەجارباق كوشەسىندە تۇراتىن ءبۇپاتيما مامەتكەرىم قاشقار قالاسىنىڭ 1 - دەنساۋلىق ساقتاۋ ورتالىعىنا دەنساۋلىعىن تەگىن تەكسەرتۋگە تاڭەرتەڭ ەرتە كەلدى.
  دەنساۋلىق ساقتاۋ ورتالىعىنىڭ زالىندا، ءبۇپاتيما قىزمەتكەرلەردىڭ كومەگىمەن «ازاماتتىق كۋالىكتى وقۋ اپپاراتىنان» جانە «جولاقتى كودتى سكانەرلەۋ اسپابىنان» ءوتىپ، جەكەلىك نەگىزگى ينفورماتسياسىن تولىقتاعاننان كەيىن، دەنساۋلىق تەكسەرتۋگە قاتىستى جولاقتى كود تۇسىرىلگەن دەنساۋلىق تەكسەرتۋ كورسەتكىش تالونى پرينتەردەن باسىلىپ شىقتى.
  كورسەتكىش تالونداعى ينفورماتسياعا نەگىزدەلىپ ءبۇپاتيما رەتى بويىنشا قان الدىردى، بوي بيىكتىگىن، دەنە سالماعىن، قان قىسىمىن ولشەتتى، B تيپتى ۋلترا كۇلگىن ساۋلە اپپاراتىنا، جۇرەك كارديوگرامماسىنا ءتۇستى.
  «دەنساۋلىق تەكسەرتۋ ءتارتىبىنىڭ كەمەلدەنۋى بۇقارانىڭ دەنساۋلىق تەكسەرتۋىنە قولايلىلىق تۋدىردى ءارى دەنساۋلىق تەكسەرتۋدەگى قايتالاۋ، كوپ رەت تەكسەرتۋ ماسەلەلەرىنىڭ الدى الىندى»، - دەدى قاشقار قالالىق 1 - دەنساۋلىق تەكسەرۋ ورتالىعىنىڭ مەڭگەرۋشىسى شاۋ رۇڭ.
  قاشقار قالاسىنىڭ تۇرعىنى توحتىحان وشۇر: بۇگىنگى تەكسەرىلۋ جۇمىستارىم وتە ءساتتى بولدى، ءبىر ساعاتتا تەكسەرىلىپ بولدىم، دەنساۋلىق تەكسەرۋ ورتالىعىنىڭ قارتتارعا مۇنداي قامقورلىق جاسايتىنىن ويلاماعان ەكەنمىن، - دەدى تەبىرەنە.
  60 جاستاعى توحتىحان دەنساۋلىق تەكسەرتۋ كورسەتكىش تالونى شىققاننان كەيىن، قىزمەتكەر كورسەتكىش تالونىنىڭ ۇستىڭگى وڭ جاق بۇرىشىنا كىشكەنە المانىڭ بەلگىسىن جاپسىرىپ قويدى. كەزەك كۇتپەگەن توحتىحان ءبىر ساعاتقا جەتپەيتىن ۋاقىتتا 10 نەشە تەكسەرۋ ءتۇرىن ورىنداپ بولدى.
  قارتتار، السىزدەر، اۋرۋلار، مۇمكىندىگى شەكتەۋلى جاندار، اۋىر اياق ايەلدەر سياقتى ءجۇرىس - تۇرىسى قيىنعا سوققان جۇرتشىلىققا قامقورلىق جاساۋ ءۇشىن، قاشقار قالاسىنداعى دەنساۋلىق تەكسەرۋ ورتالىقتارى جاسىل وتكەل اشىپ، دەنساۋلىق ساقتاۋ تۇيىندەرىنە بارىپ دەنساۋلىق تەكسەرتە المايتىن جۇرتشىلىقتىڭ ۇيلەرىنە بارىپ دەنساۋلىقتارىن تەكسەردى.
  15 - قازانعا دەيىن قاشقار قالاسىندا ءبىرىنشى كەزەڭدە دەنساۋلىق تەكسەرتۋگە ءتيىستى 484 مىڭ 775 ادامنىڭ دەنساۋلىق تەكسەرتۋ جۇمىسى %100 ورىندالدى، قازىر 2 - كەزەڭدەگى ۇكىمەت قىزمەتكەرلەرى، اۋىلىنا ورالعاندار، شينجياڭ نوپوسىنا كىرگەندەر سياقتى قاۋىمنىڭ دەنساۋلىق تەكسەرتۋ جۇمىسى باستالىپ كەتتى.

  جالپى حالىقتىڭ دەنساۋلىعىن تەگىن تەكسەرۋ قىزمەتى قاشقار ايماعىندا ءتارتىپتى ىلگەرىلەتىلۋىمەن قاتار، قاشقار قالاسىنىڭ اۋىل - قىستاقتارىنداعى جالپى حالىقتىڭ دەنساۋلىعىن تەگىن تەكسەرۋ قىزمەتى دە تارتىپپەن جۇرگىزىلۋدە.
  جەلتوقساننىڭ باسىندا قاشقار قالاسى اۋات اۋىلىنىڭ دەنساۋلىق تەكسەرۋ ورتالىعىندا، جالپى حالىقتىڭ دەنساۋلىعىن تەگىن تەكسەرۋ جۇمىسى اياقتالعانىمەن، جۇرتشىلىققا كەيىنگى قىزمەت كورسەتۋ جۇمىستارى ءالى اياقتالعان جوق.
  «قانداعى قانت قۇرامى تەجەلىپتى، ءدارىنى ۋاعىندا ءىشىپ تۇرىڭىز». 1 - جەلتوقساندا اۋات اۋدانى كوكشىم قىستاعىنىڭ 44 جاستاعى تۇرعىنى قاسىم تۇرسىن شيپاگەردىڭ ءسوزىن ەستىپ، كوڭىلى جاي تاپقانداي بولدى. بيىل جالپى حالىقتىڭ دەنساۋلىعىن تەكسەرۋ كەزىندە ونىڭ قانتتى نەسەپ اۋرۋىنا شالدىققانى انىقتالعان ەدى.
  قاشقار قالالىق دەنساۋلىق ساقتاۋ، جوسپارلى تۋىت كوميتەتى پارتكومىنىڭ ورىنباسار شۋجيى، مەڭگەرۋشىسى شىڭ شينپيڭ: جالپى حالىقتىڭ دەنساۋلىعىن تەگىن تەكسەرۋ ينجەنەرياسىن، ءسوز جوق، ساپاسى مەن سانىنا كەپىلدىك ەتە وتىرىپ ورىنداۋىمىز كەرەك، ءبىر ادامدى دا قاعىس قالدىرماي، بۇقارانى رازى ەتۋىمىز كەرەك، - دەدى.
كوپ فۋنكتسيالى قىزمەت ەتەتىن جالپى حالىقتىڭ دەنساۋلىعىن تەكسەرۋ ورتالىعى  
  ءار ۇلت بۇقاراسىن ءۇيىنىڭ ىرگەسىندە جانعا جىلى ءارى جوعارى ءونىمدى دەنساۋلىق تەكسەرۋىنەن يگىلىكتەندىرۋ ءۇشىن، تەك بيىلعى جىلدىڭ وزىندە قاشقار قالاسى 13 ميلليون 320 مىڭ يۋان قارجى شىعارىپ، قالا مەن اۋىلداردا جالپى حالىقتىڭ دەنساۋلىعىن تەكسەرۋ ورتالىعىنان 12سىن جاڭادان سالدى جانە كەڭەيتىپ سالدى.
  قاشقار قالاسى جالپى حالىقتىڭ دەنساۋلىعىن تەگىن تەكسەرۋ قىزمەتىندە نەگىزگى ەمدەلۋدى قامتاماسىز ەتۋ ءتۇزىمىن بەلسەنە كەمەلدەندىردى. بۇگىندە دەنساۋلىقتى تەگىن تەكسەرۋ جالپى حالىقتى قامتىپ قانا قويماي، دەنساۋلىق تەكسەرۋ ورتالىعىن دەنساۋلىق بويىنشا اقىل - كەڭەس بەرۋ، دەنساۋلىق تەكسەرۋ، دەنساۋلىق جاعىنا ارالاسۋ، جوسپارلى ەكپە، جوسپارلى تۋىت ءبىر تۇلعالاندىرىلعان كوپ فۋنكتسيالى قىزمەت ەتۋ ورتالىعى ەتىپ قۇرىپ شىقتى.
  قاشقاردا قالا، اۋىل − ەكى دارەجەلى دەنساۋلىق تەكسەرۋ ورتالىقتارىنىڭ بارلىعىندا قىزمەت ەتۋ تۇعىرى، تىزىمدەۋ ورنى، B تيپتى ۋلترا كۇلگىن ساۋلە اپپارات ءۇيى، جۇرەك كارديوگرامماسى ءۇيى، دەنە تۇلعاسىن تەكسەرۋ، بوي بيىكتىگىن، دەنە سالماعىن، قان قىسىمىن ولشەۋ ءۇيى، اۋىز قۋىسىن، كورۋ قۋاتىن تەكسەرۋ ءۇيى، قان الۋ ءۇيى، كىشى دارەت تەكسەرۋ ءۇيى، حيميالىق تەكسەرۋ ءۇيى سياقتى بولىمدەر بار ءارى «تاربيە مەن ەمدەۋدى ۇشتاستىرۋ» وي جەلىسى بويىنشا اۋىلدىق ەمحانالارمەن، اۋىلدىق جوسپارلى تۋىت قىزمەت كورسەتۋ پۋنكتتەرىمەن توعىسا قىزمەت ىستەپ، 22 ميلليون يۋاننىڭ ۇستىندە قارجى شىعارىپ، سيفرلى تىكەلەي كەسكىندەۋ جۇيەسى سياقتى ءىرى، ورتا تۇرپاتتى ەمدەۋ جابدىقتارىن ساتىپ الدى.
  قاشقار قالاسى شينجياڭ نوپوسىنداعى ادامدار مەن سىرتتان كەلگەن ادامداردىڭ دەنساۋلىعىن وسى قالادا اقىسىز تەكسەرۋ قىزمەتىن ءتارتىپتى تۇردە ورىستەتىپ قانا قويماي، ادام، قازىنا، زات كۇشى ۇسىنىلىمىن ارتتىرىپ جانە تەحنيكالىق تىرەكتى كۇشەيتىپ، «ءبىر جاعىنان تەكسەرىپ، ءبىر جاعىنان ەستەلىككە الۋ»، «ءۇش دارەجەلى ساپا تىزگىندەۋ»، «3 كۇندە جاۋاپ بەرۋ»، «قايتا تەكسەرۋ مەن ەمحانادا جاتىپ ەمدەلۋدى قۇلاق قاعىس ەتۋ»، «كەز كەلگەن ۋاقىتتا تەكسەرۋ جانە دەنساۋلىق تاربيەسى» سياقتى مەحانيزمدەردىڭ ۇدايىلانۋىن ىسكە اسىردى؛ قالا، اۋىل، قىستاق − ءۇش دارەجەلى اۋرۋ تىزىمىنە تالداۋ جاساۋ مەن ونى قولدانۋدى ويداعىداي يگەرىپ، اۆتونوميالى رايوننىڭ ەمدەۋ جاعىنان حالىققا تيىمدىلىك جاساۋىن قالىڭ وتباسىلارعا جەتكىزدى.
  جالپى حالىقتىڭ دەنساۋلىعىن تەگىن تەكسەرۋدىڭ سانىنا، اسىرەسە،ساپاسىنا كەپىلدىك ەتتى  
  «چىن فاڭ، مىناۋ باۋىردىڭ جەڭىل مايلاسۋىنىڭ كلينيكالىق بەلگىسى». قاشقار قالالىق 1 - دەنساۋلىق تەكسەرۋ ورتالىعىنىڭ 4 - قاباتىنداعى B تيپتى ۋلترا كۇلگىن ساۋلە اپپاراتىمەن تەكسەرۋ ۇيىندە، جاس تەحنيك اينۇر رەيىم بيىل قابىلدانعان كاسىپتەسى چىن فاڭعا مۇقيات ءتۇسىندىرىپ جاتتى: «ءبىر ادامدى تەكسەرۋگە از دەگەندە 5 مينۋت، كوپ بولعاندا 10 نەشە مينۋت كەتەدى، ءار ادامنىڭ جاعدايى ۇقسامايدى، ءبىراق ءبىز ءاربىر ادامنىڭ كوكىرەك مۇشەلەرىن ءدال، انىق كورۋگە كەپىلدىك ەتۋىمىز كەرەك».
  بيىل قاشقار قالاسى ارنايى بەكىتكەن 481 شتاتتىڭ اراسىندا، العاشقى توپتا بۇكىل ەل كولەمىنەن قابىلدانعان 112 ستۋدەنت دەنساۋلىق ساقتاۋ قۇرىلىمدارىنىڭ قوسىنىن تولىقتىردى. وسى 112 ستۋدەنتتىڭ بىرەۋى چىن فاڭ ەدى. جەتەكتەۋ، كومەكتەسۋدىڭ ناتيجەسىندە وسى ستۋدەتتەر كاسىپكە تەز جەتىلىپ كەتتى.

  شىڭ شينپيڭ بىلاي دەدى: «شينجياڭعا كومەككە كەلگەن شىنجىندىق مامانداردىڭ جەتەكشىلىك ەتۋىندە، ءبىز نەگىزگى الەۋمەتتىك دەنساۋلىق ساقتاۋدى ينفورماتسيالاندىرۋ تۇعىرىنان پايدالانىپ، بۇكىل قالا بويىنشا جالپى حالىقتىڭ دەنساۋلىعىن تەگىن تەكسەرۋدە ءبىر جاعىنان تەكسەرىپ، ءبىر جاعىنان ەستەلىككە الۋدى ەڭ الدىمەن ىسكە اسىردىق. بۇل شارا دەنساۋلىق ساقتاۋ ونىمدىلىگىن جوعارىلاتىپ، دەنساۋلىق تەكسەرۋ ناتيجەسىن شىعارۋ ۋاقىتىن قىسقارتىپ، قاتەلىك سالىستىرماسىن تومەندەتىپ، دەنساۋلىق تەكسەرۋ ناتيجەسىنىڭ سالىستىرمالى دالدىگىن قامتاماسىز ەتتى».
  جالپى حالىقتىڭ دەنساۋلىعىن تەگىن تەكسەرۋ قىزمەتىنىڭ سانىنا، اسىرەسە، ساپاسىنا كەپىلدىك ەتۋدى ۇدايىلاندىرۋدىڭ تالابىن قامتاماسىز ەتۋ ءۇشىن، قاشقار قالالىق دەنساۋلىق ساقتاۋ جانە جوسپارلى تۋىت كوميتەتى ايلىق جيىن، جۇمىس ءۇستى جيىنى، رەتتەۋ جيىنى سياقتى ءار ءتۇرلى قاداعالاۋ، جەتەكشىلىك ەتۋ ۇلگىلەرىن قۇرىپ، دەنساۋلىق تەكسەرۋ تۇرلەرى، ينفورماتسيانى ەستەلىككە الۋ، ساپانى تىزگىندەۋ، ناتيجەنى اڭىس ەتۋ، كەز كەلگەن ۋاقىتتا تەكسەرۋ، اقىل - كەڭەس بەرۋ سياقتى جۇمىستاردى ءتىپتى ءتارتىپتى، ءونىمدى تۇردە جۇرگىزدى، سونداي - اق جالپى حالىقتىڭ دەنساۋلىعىن تەگىن تەكسەرۋدى اتقارۋ جوباسىن جاساپ، ءتۇرلى قىزمەتتەرگە باسشىلىق ەتۋ، باسقارۋ گرۋپپالارىن قۇرىپ، قىزمەت ءتۇزىمىن بىرلىككە كەلتىرىپ، ءتۇرلى قىزمەتتەردىڭ ولشەمدەرىن جاريالاپ، بۇكىل قالانىڭ دەنساۋلىق تەكسەرۋ بويىنشا سايكەستىرۋ، شۇعىل جاعدايعا توتەپ بەرۋ، ءبىر جاقتى ەتۋ، قامتاماسىز ەتۋ قىزمەتتەرىن ءبىر تۇتاس جاقسى ىستەپ، شىن مانىندە الدىن الا قامداندى.
  جالپى حالىقتىڭ دەنساۋلىعى ارقىلى جاپپاي دوڭگەلەك داۋلەتكە دەم بەردى، قاشقار قالاسىنىڭ بۇل جاعىنداعى بەلسەندى امالياتىنىڭ جەرگىلىكتى ورىنداعى ءار ۇلت حالقىنا ءتىپتى كوپ يگىلىك اكەلەتىنىندە داۋ جوق.

ءان الەمى

جول توسىلىپ قالدى

تۇلپارىم