باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «قىستاق ىستەرىن باقىلاۋ كوميتەتىن قۇرۋ، كەمەلدەندىرۋ جونىندەگى جەتەكشى پىكىردى» باسىپ تاراتتى

    كەلۋ قاينارى: شينجياڭ گازەتى    2017-12-06 18:20:53  
 شينحۋا اگەنتتىگىنىڭ 4 - جەلتوقساندا بەيجيڭنەن بەرگەن حابارى. جۋىقتا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «قىستاق ىستەرىن باقىلاۋ كوميتەتىن قۇرۋ، كەمەلدەندىرۋ جونىندەگى جەتەكشى پىكىردى» باسىپ تاراتتى ءارى قۇلاقتاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايعا ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
  «قىستاق ىستەرىن باقىلاۋ كوميتەتىن قۇرۋ، كەمەلدەندىرۋ جونىندەگى جەتەكشى پىكىردىڭ» تولىعى مىناداي:
  قىستاق ىستەرىن باقىلاۋ كوميتەتى − قىستاق تۇرعىندارىنىڭ قىستاق ىستەرىنە دەموكراتيالىق باقىلاۋ جۇرگىزەتىن قۇرىلىمى. قىستاق ىستەرىن باقىلاۋ كوميتەتىن قۇرۋ، كەمەلدەندىرۋ − قىستاق تۇرعىندارىنىڭ قاسىنداعى بۇرىس ستيلدەر مەن ءىرىپ - ءشىرۋ ماسەلەلەرىن تۋ باستان شاۋجايلاپ، اۋىل - قىستاقتاردىڭ جاراسىمدىلىعى مەن ورنىقتىلىعىن جەبەۋدە ماڭىزدى رول اتقارادى. پارتيانى جاپپاي قاتاڭ جونگە سالۋدىڭ نەگىزگى ساتىعا قانات جازۋىن ىلگەرىلەتىپ، قىستاق تۇرعىندارىنىڭ قىستاق پارتيا ۇيىمىنىڭ باسشىلىعىنداعى ومىرشەڭدىك كۇشكە تولى ءوزىن - ءوزى باسقارۋ مەحانيزمىن ونان سايىن كەمەلدەندىرىپ، قىستاق دارەجەلى دەموكراتيالىق باسقارۋ مەن باقىلاۋدى كۇشەيتىپ، اۋىل - قىستاقتاردىڭ جونگە سالۋ قابىلەتىن جوعارىلاتۋ ءۇشىن، ورتالىق كوميتەتتىڭ قاتىستى تالاپتارى مەن «جۇڭحۋا حالىق رەسپۋبليكاسىنىڭ قىستاق تۇرعىندار كوميتەتىنىڭ ۇيىمدىق زاڭىنداعى» بەلگىلەمەلەر بويىنشا، قىستاق ىستەرىن باقىلاۋ كوميتەتىن قۇرۋ، كەمەلدەندىرۋ جونىندە تومەندەگىدەي جەتەكشى پىكىر شىعاردىق.
  ءبىرىنشى، جالپى تالاپ. پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ پارتيانى جاپپاي قاتاڭ جونگە سالىپ، اۋىل - قىستاقتارداعى نەگىزگى ساتى ۇيىمدارىنىڭ قۇرىلىسىن كۇشەيتۋ تۋرالى ورنالاستىرۋ - تالاپتارىن مۇقيات تياناقتاندىرىپ، قىستاق ىستەرىن باقىلاۋ كوميتەتىن قۇرىپ جانە كەمەلدەندىرىپ، قىستاق ىستەرىن باقىلاۋ قىزمەتىن ونان سايىن كۇشەيتىپ جانە ارناعا سالىپ، قىستاق تۇرعىندارىنىڭ زاڭدى ۇقىق - مۇددەسى مەن قىستاق كوللەكتيۆىنىڭ مۇددەسىن شىنايى قامتاماسىز ەتىپ، اۋىل - قىستاقتاردىڭ جاراسىمدىلىعى مەن ورنىقتىلىعىن جەبەپ، پارتيانىڭ بيلىك تۇعىرىن بەكەمدەۋ. پارتيانىڭ جان - جاقتى باسشىلىعىن كۇشەيتىپ، قىستاق پارتيا ۇيىمىنىڭ باسشىلىق ۇيتقىلىق ورنىنا قاشاندا بۇلجىماستان تاباندى بولىپ، قىستاق ىستەرىن باقىلاۋ كوميتەتىنىڭ ءتۇرلى قىزمەتىن پارتيانىڭ باسشىلىعىندا جۇرگىزۋ؛ ورنىن دۇرىس يگەرۋ، قىستاق ىستەرىن باقىلاۋ كوميتەتى − قىستاق تۇرعىندارىنىڭ ءوزىن - ءوزى باسقارۋ مەحانيزمى مەن قىستاق دارەجەلى قىزمەت مەحانيزمىنىڭ كەمەلدەندىرىلۋى، قىستاق تۇرعىندارىنىڭ قىستاق ىستەرىنە باقىلاۋ جۇرگىزۋىنىڭ نەگىزگى ءتاسىلى؛ قاتاڭ تۇردە زاڭ بويىنشا باقىلاۋ جۇرگىزىپ، قىستاق ىستەرىن باقىلاۋ كوميتەتىنىڭ زاڭ بويىنشا قىزمەت مىندەتىن اتقارۋىنا كەپىلدىك ەتىپ جانە قولداۋ كورسەتىپ، قىستاق دارەجەلى ىستەردىڭ جاريالىلىعىن، ادىلدىگىن، ادىلەتتىلىگىن جەبەۋ.
  ەكىنشى، قۇرامى. قىستاق ىستەرىن باقىلاۋ كوميتەتى ادەتتە 3 تە 5 ادامنان قۇرالادى، ءبىر مەڭگەرۋشى قويىلادى، مەڭگەرۋشىلىككە قىستاق تۇرعىندار كوميتەتىنىڭ مۇشەسى ەمەس قىستاق پارتيا ۇيىمى باسشىلىق القاسىنىڭ مۇشەسىن نەمەسە پارتيا مۇشەسىن تاعايىنداۋ دارىپتەلەدى، پرينسيپتىك جاقتان قىستاق پارتيا ۇيىمى شۋجيىنىڭ مەڭگەرۋشىلىكتى قوسا وتەۋىنە بولمايدى. قىستاق ىستەرىن باقىلاۋ كوميتەتىنىڭ مۇشەلەرى قىستاق تۇرعىندارىنىڭ جينالىسىندا نەمەسە قىستاق تۇرعىندارى ۋاكىلدەرىنىڭ ماجىلىسىندە قىستاق تۇرعىندارى اراسىنان كورسەتىلىپ سايلانادى، ولاردىڭ مىندەت وتەۋ مەرزىمى قىستاق تۇرعىندارى كوميتەتىنىڭ مىندەت وتەۋ مەرزىمىمەن بىردەي بولادى. قىستاق ىستەرىن باقىلاۋ كوميتەتىنىڭ مۇشەلەرىنىڭ يدەيالىق - ساياسي ساپاسى ايتارلىقتاي جاقسى بولۋى، تارتىپكە، زاڭعا بويسۇناتىن، ءادىل، تۋراشىل، پرينسيپكە تاباندى، جاۋاپكەرشىلىكتى جۇرەكتىلىكپەن ارقالاي الاتىن، جۇرتشىلىق جاپپاي قۇپتاعان بولۋى، بەلگىلى ساياساتتىق دەڭگەي مەن زاڭ بويىنشا ءىس جۇرگىزۋ قابىلەتىن ازىرلەگەن بولۋى، قىستاق تۇرعىندارىنا ىستىق ىقىلاسپەن قىزمەت كورسەتەتىن بولۋى قاجەت، ولاردىڭ اراسىندا قازىنا - بۇعالتىرلىق، باسقارۋ بىلىمدەرىنەن حابارلى ادامدار بولۋعا ءتيىس. اۋىل - قالاشىق پارتكومدارى، قىستاق پارتيا ۇيىمدارى تاڭداۋ وتكەلىن ويداعىداي يگەرۋى قاجەت. قىستاق تۇرعىندار كوميتەتى مۇشەلەرىنىڭ جانە ولاردىڭ تۋىس - تۋعاندارىنىڭ، قىستاق بۇعالتىرىنىڭ (قىستاق ەسەپشىسى)، قىستاق حاتشىسىنىڭ، قىستاقتىڭ كوللەكتيۆ ەكونوميكالىق ۇيىمىنىڭ جاۋاپتىلارىنىڭ قىستاق ىستەرىن باقىلاۋ كوميتەتىنىڭ مۇشەلىگىن وتەۋىنە بولمايدى، ءارقانداي ۇيىم مەن جەكە تۇلعانىڭ قىستاق ىستەرىن باقىلاۋ كوميتەتىنىڭ مۇشەلەرىن كورسەتىپ بەلگىلەۋىنە، تاعايىنداپ جىبەرۋىنە بولمايدى.
  ءۇشىنشى، قىزمەت جاۋاپكەرشىلىگى جانە ۇقىق شەگى.قىستاق ىستەرىن باقىلاۋ كوميتەتىنىڭ قىزمەت جاۋاپكەرشىلىگى: قىستاق ىستەرى مەن قازىنا ىستەرىنىڭ باسقارىلۋى سياقتى جاعدايلارعا باقىلاۋ جۇرگىزۋ، قىستاق تۇرعىندارىنىڭ قاتىستى ۇسىنىس - پىكىرلەرىن ءبىر جايلى ەتۋ جانە جيناۋ. قىستاق ىستەرىن باقىلاۋ كوميتەتى مەن ونىڭ مۇشەلەرىندە مىناداي ۇقىقتار بولادى: (1) جاعدايدى ءبىلۋ ۇقىعى. قىستاق تۇرعىندار كوميتەتىنىڭ، قىستاق تۇرعىندارى گرۋپپالارىنىڭ جيىندارى مەن قىستاق تۇرعىندارىنىڭ ۋاكىلدەر ءماجىلىسى، قىستاق «ەكى كوميتەتىنىڭ» بىرلەسكەن ءماجىلىسى سياقتىلارعا سىرتتاي قاتىناسىپ، جاعدايدى ۇعىسىپ، يگەرىپ وتىرادى. (2) ۇعىسۋ ۇقىعى. قىستاق تۇرعىندارىنان كۇشتى پىكىر تۇسكەن قىستاق ىستەرى مەن قازىنالىق ىستەردى ۇعىسادى جانە قاتىستى جاقتاردى قىستاق تۇرعىندارىنا تۇسىنىك جاساۋعا شاقىرادى. (3) تەكسەرۋ ۇقىعى. دەموكراتيالىق داۋلەت قۇراۋ جانە قىستاق ىستەرىن اشىق ۇستاۋ سياقتى تۇزىمدەردىڭ تياناقتانۋ جاعدايىنا تەكسەرۋ جۇرگىزەدى. (4) ۇسىنىس قويۋ ۇقىعى. قىستاق «ەكى كوميتەتىنە» قىستاق ىستەرىنىڭ باسقارىلۋى جونىندە ۇسىنىس قويادى، قاجەت دەپ بىلگەن كەزدە اۋىل - قالاشىق پارتكومى مەن ۇكىمەتىنە ۇسىنىس قويادى. قىستاق ىستەرىن باقىلاۋ كوميتەتى مەن ونىڭ مۇشەلەرى ءتارتىپ، زاڭ بويىنشا، شىندىقتى ءىس جۇزىنەن ىزدەي وتىرىپ وبيەكتيۆ، ءادىل تۇردە باقىلاۋ جۇرگىزۋى، قىستاق ىستەرى جونىندە ناقتى شەشىم قابىلداۋ مەن باسقارۋ جۇرگىزۋگە تىكە ارالاسپاۋى، قىستاق «ەكى كوميتەتىنىڭ» كۇندەلىكتى جۇمىستارىنا كيلىكپەۋى ءتيىس. (5) دەموكراتيالىق باعالاۋ ۇقىعى. قىستاق تۇرعىندارى ءماجىلىسى نەمەسە قىستاق تۇرعىندارى ۋاكىلدەرى ءماجىلىسى قىستاق تۇرعىندار كوميتەتى مۇشەلەرىنىڭ جانە جۇمىستان قالۋ تولەماقىسىن قىستاق تۇرعىندارى نەمەسە قىستاق كوللەكتيۆى كوتەرەتىن ۇسىنىس ەتىلگەن قىزمەتكەرلەردىڭ ءوز مىندەتىن اتقارۋ جاعدايىنا دەموكراتيالىق باعالاۋ جۇرگىزگەندە، ونى قىستاق ىستەرىن باقىلاۋ كوميتەتى باسقارادى.
 ءتورتىنشى، باقىلاۋ مازمۇنى.قىستاق ىستەرىن باقىلاۋ كوميتەتى قىستاقتىڭ ءىس جۇزىندىك جاعدايىنا تىعىز ۇشتاستىرىپ، مىنا جاقتارداعى باقىلاۋدى ءتۇيىندى تۇردە كۇشەيتۋى ءتيىس: (1) قىستاق ىستەرىنە شەشىم جاساۋ جانە ونى جاريا ۇستاۋ جاعدايى. باستىسى، قىستاق ىستەرىنە شەشىم قابىلداۋ بەلگىلەنگەن ءتارتىپ بويىنشا جۇرگىزىلدى مە - جوق پا، قىستاق ىستەرىن جاريا ۇستاۋ جان - جاقتى، شىنايى، دەر كەزىندە، ولشەمدى بولدى ما - جوق پا. (2) قىستاق دارەجەلى قازىنا - مۇلىكتىڭ باسقارىلۋ جاعدايى. باستىسى، قىستاق تۇرعىندار كوميتەتى، قىستاق تۇرعىندار گرۋپپاسى وكىلەتپەن باسقاراتىن قىستاق كوللەكتيۆى قاراجاتىنىڭ، مال - مۇلكىنىڭ، بايلىعىنىڭ باسقارىلۋ جاعدايى، قىستاق دارەجەلى باسقا دا قازىنالىق باسقارۋ جاعدايى. (3) قىستاقتىڭ ينجەنەريالىق نىسان قۇرىلىستارىنىڭ جاعدايى. باستىسى، نەگىزدىك قۇرىلعىلار مەن الەۋمەتتىك قىزمەت كورسەتۋ قۇرىلىستارى سياقتى ينجەنەريالىق نىسانداردىڭ جوباعا الىنۋ، مەردىگەر شاقىرۋ - قابىلداۋ، مەجە ەسەپ جانە سوڭعى ەسەپ، قۇرىلىس جۇرگىزۋ، ساپالىق تەكسەرىپ وتكىزىپ الۋ جاعدايلارى. (4) شارۋالارعا جەڭىلدىك جاساۋ ساياساتتارىنىڭ تياناقتانۋ جاعدايى. باستىسى، اۋىل شارۋاشىلىعىن قولداۋ جانە كەدەيلەردى سۇيەمەلدەۋ قاراجاتتارىنىڭ پايدالانىلۋى، اۋىل شارۋاشىلىق سالاسىنداعى ءتۇرلى قوسىمشا قاراجاتتاردىڭ تاراتىلۋى، اۋىل - قىستاقتارداعى قوعامدىق جاردەم قاراجاتتارىنا ءوتىنىش ەتۋ جانە ونى تاراتۋ سياقتى جاعدايلار. (5) اۋىل - قىستاقتاردىڭ رۋحاني وركەنيەت قۇرىلىسىنىڭ جاعدايى. باستىسى، وركەنيەتتى اۋىل سالتىن ورناتۋ، وركەنيەتتى قىستاق - قورجالار قۇرۋ، سالت - سانانى جاڭالاۋدى ىلگەرىلەتۋ، اۋىل - قىستاقتاردىڭ قورشاعان ورتا تازالىعىن رەتكە سالۋ، قىستاق تۇرعىندارىنىڭ ءوزىن - ءوزى باسقارۋ ەرەجەلەرى مەن قىستاق تۇرعىندارى شارتتارىنىڭ اتقارىلۋى سياقتى جاعدايلار. (6) باقىلاۋعا ءتيىستى وزگە دە ىستەر.
  بەسىنشى، قىزمەت ءتاسىلى.قىستاق ىستەرىن باقىلاۋ كوميتەتى ادەتتە مىناداي تاسىلدەرمەن باقىلاۋ جۇرگىزەدى: (1) پىكىر الۋ. جوعارى دارەجەلى پارتكومدار مەن ۇكىمەتتەر ورنالاستىرعان ءتۇيىندى قىزمەتتەرگە جانە قىستاق دارەجەلى ورىندار ۇيعارعان كەلەلى ىستەرگە ساي، ارىز - ارمان قابىلداۋ، ارالاپ احۋال ۇعىسۋ سياقتى فورمالار ارقىلى ۇسىنىس - پىكىرلەردى كەڭ كولەمدە جيناپ، باقىلاۋ ىستەرىن تۇراقتاندىرۋ. (2) ۇسىنىس قويۋ. باقىلاۋ ىستەرىن ارقاۋ ەتىپ، قىستاق پارتيا ۇيىمدارى مەن قىستاق تۇرعىندار كوميتەتىنە جيناعان پىكىرلەرىن دەر كەزىندە اڭىس ەتىپ، قىزمەت ۇسىنىسىن ورتاعا قويۋ. (3) تياناقتانۋىن باقىلاۋ. باقىلاناتىن ىستەرگە قاراتا جاپپاي باقىلاۋ جۇرگىزىپ، ورىن تەۋىپ وتىرعان ماسەلەلەردى دەر كەزىندە بايقاۋ ءارى تۇزەتۋ. قيانات جاساۋ، ءىرىپ - ءشىرۋ، جەكە مۇددەنى كۇيتتەۋ، بۇقارانىڭ مۇددەسىنە سۇعاناقتىق جاساۋ سياقتى تارتىپكە، زاڭعا قايشى ماسەلەلەردى بايقاعاندا قىستاق پارتيا ۇيىمىنا، اۋىل - قالاشىق پارتكومى مەن ۇكىمەتىنە جانە ءتارتىپ تەكسەرۋ، باقىلاۋ - تەكسەرۋ ورگانىنا دەر كەزىندە مالىمدەۋ. (4) جاۋاپ قايتارۋ جاعدايىن حابارلاندىرۋ. اشىق تۇعىر، ءماجىلىس اشۋ، ايىرىم كەڭەسۋ سياقتى تاسىلدەر ارقىلى جاۋاپ قايتارىلعان باقىلاۋ ناتيجەسىن دەر كەزىندە حابارلاندىرۋ. قىستاق ىستەرىن باقىلاۋ كوميتەتى ادەتتە ءار ماۋسىمدا ءبىر رەت داعدىلى ءماجىلىس اشىپ، قىستاق ىستەرىن باقىلاۋ قىزمەتىن اداقتاپ، قورىتىندىلاۋى، اقىلداسىپ، ورنالاستىرۋى كەرەك؛ ءار جارىم جىلدا قىستاق پارتيا ۇيىمدارىنا قىستاق ىستەرىن باقىلاۋ جاعدايىنان ءبىر رەت مالىمەت بەرۋ، قىستاق پارتيا ۇيىمدارى قىستاق ىستەرىن باقىلاۋ كوميتەتىنىڭ پىكىرىن مۇقيات تىڭداۋ كەرەك؛ ءار جىلى قىستاق تۇرعىندارى ماجىلىسىندە نەمەسە قىستاق تۇرعىندارى ۋاكىلدەرى ماجىلىسىندە قىزمەتتەن ءبىر رەت بايانداما جاساۋ كەرەك، قىستاق تۇرعىندارى ءماجىلىسى نەمەسە قىستاق تۇرعىندارى ۋاكىلدەرى ءماجىلىسى قىستاق ىستەرىن باقىلاۋ كوميتەتىنە جانە ونىڭ مۇشەلەرىنە دەموكراتيالىق باعالاۋ جۇرگىزەدى.
  التىنشى، باعالاۋ قىزمەتىن باسقارۋ.قىستاق ىستەرىن باقىلاۋ كوميتەتىنىڭ مۇشەلەرىن تاربيەلەۋ، باۋلۋ قىزمەتىن جوسپارلى تۇردە ورىستەتۋگە، قىستاق ىستەرىن باقىلاۋ كوميتەتىنىڭ مەڭگەرۋشىسىن تاربيەلەۋگە ادەتتە اۋدان دارەجەلى ورىندار جاۋاپتى بولادى، باسقا مۇشەلەرىن تاربيەلەۋگە ادەتتە اۋىل - قالاشىق جاۋاپتى بولادى. اۋىل - قالاشىق پارتكومدارى مەن ۇكىمەتتەرى جانە قىستاق پارتيا ۇيىمدارى قىستاق ىستەرىن باقىلاۋ كوميتەتىنىڭ مۇشەلەرىن كۇندەلىكتى تاربيەلەۋدى، باسقارۋدى كۇشەيتىپ، ولاردىڭ يدەيالىق، ساياسي ساپاسى مەن قىزمەت دەڭگەيىن جوعارىلاتۋىنا كومەكتەسۋ كەرەك، اۋىل - قالاشىق ءار جىلى قىستاق ىستەرىن باقىلاۋ كوميتەتى مەڭگەرۋشىسىنىڭ مىندەتتى اتقارۋ جاعدايىنا باعالاۋ جۇرگىزەدى، باعالاۋدا تاڭداۋلى بولعاندارىن لايىقتى سيلايدى، مىندەتىن مۇقيات اتقارماعاندارىنا سىن ايتىپ، تاربيە بەرەدى، تۇزەتۋگە بۇيىرادى. تەگەرۋ مەحانيزمىن كەمەلدەندىرۋ كەرەك، قىستاق ىستەرىن باقىلاۋ كوميتەتى مۇشەلەرىنىڭ مىندەتىن اتقارۋى دارمەنسىز بولعاندار، تارتىپكە، زاڭعا قايشى كەلۋ ارەكەتى تۋىلىپ، تەكسەرىپ ءبىر جاقتى ەتىلگەندەر، ت. ب لاردى قىستاق تۇرعىندارى ءماجىلىسى نەمەسە قىستاق تۇرعىندارى ۋاكىلدەرى ءماجىلىسى تالقىلاپ، ۇيعارۋ ارقىلى ولاردى مىندەتىنەن قالدىرادى؛ تارتىپكە اۋىر قايشىلىق جاساپ پارتيا ءتارتىبى جازاسى بەرىلگەندەردىڭ، 2 جىل ىشىندە ەكىدەن ارتىق اكىمشىلىك قولدا ۇستاي تۇرۋ جازاسى بەرىلگەندەردىڭ، قىلمىستىق ىستەر جازاسىنا ۇكىم ەتىلگەندەردىڭ، دەموكراتيالىق باعالاۋدا ءۇرتىس 2 جىل تولىمدى بولماعانداردىڭ نەمەسە ارەكەت قابىلەتىنەن ايرىلعانداردىڭ مىندەتى وزدىگىنەن توقتاتىلادى.
  جەتىنشى، ۇيىمدىق باسشىلىق. ءار دارەجەلى پارتكومدار مەن ۇكىمەتتەر قىستاق ىستەرىن باقىلاۋ كوميتەتىن قۇرۋ، كەمەلدەندىرۋ قىزمەتىنە باسا ءمان بەرۋ كەرەك، اۋدان دارەجەلى پارتكومدار مەن ۇكىمەتتەر سۋبيەكتتىك جاۋاپكەرلىگىن شىنايى اتقارىپ، اتقارۋعا ناقتاپ ۇيىمداستىرىپ، قىزمەتتەردىڭ تياناقتانۋىن مىقتاپ يگەرىپ، قاتىستى ماسەلەلەردى دەر كەزىندە اقىلداسىپ شەشۋ كەرەك. ءار دارەجەلى پارتكومداردىڭ ۇيىمداستىرۋ تاراۋلارى باستاماشىلدىقپەن سايكەستىرۋى، حالىق ىستەرى، پارتكومداردىڭ اۋىل - قىستاق قىزمەتىنە قاتىستى جالپىلىق تاراۋلارى سياقتى ورىندار بىرگە ات سالىسۋى، جەتەكشىلىكتى كۇشەيتۋى كەرەك. قاتىستى تارتىپتەردى قاتايتىپ، قىستاق ىستەرىن باقىلاۋ قىزمەتىنە سايكەسپەگەن، قولداۋ كورسەتپەگەن، كەدەرگى قويعان، ءتىپتى، قىستاق ىستەرىن باقىلاۋ كوميتەتىنىڭ مۇشەلەرىنە سوققى بەرىپ، ءوش العانداردى دەر كەزىندە اۋىزدىقتاۋ، تۇزەتۋگە بۇيىرۋ كەرەك، جاعدايى اۋىر قاتىستى ادامداردىڭ جاۋاپكەرلىگىن ءتارتىپ، زاڭ بويىنشا قۋزاستىرۋ كەرەك؛ قىستاق ىستەرىن باقىلاۋ كوميتەتى مۇشەلەرىنىڭ باقىلاۋ مىندەتى ۇقىعىنان پايدالانىپ جەكە مۇددەسىن كوزدەگەندەرىن، جەكە شەرىن تاراتىپ، پرينسيپسىز داۋ - داماي قوزعاعاندارىنا، قايشىلىق تۋدىرعاندارىنا دەر كەزىندە ەسكەرتۋ بەرىپ، سىن - تاربيە جۇرگىزۋ كەرەك. زاردابى اۋىر بولعاندارىن قاتىستى ءتارتىپ بويىنشا مىندەتىنەن توقتاتۋ ءارى ءتارتىپ، زاڭ بويىنشا جاۋاپكەرلىگىن قۋزاستىرۋ كەرەك. جەر - جەر، قاتىستى تاراۋلار ءىس جۇزىندىكتى شىعار ءتۇيىن ەتىپ، قىستاق ىستەرىن باقىلاۋ كوميتەتىنىڭ قىزمەت ورىستەتۋىنە تاماشا شارت - جاعداي جاراتىپ، قامتاماسىز ەتۋ جاعىنان قولداۋ كورسەتۋ كەرەك.
ءان الەمى

جول توسىلىپ قالدى

تۇلپارىم