باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ياۋ حانىم التاي قالاسىنىڭ قىزىلتاس شاعىن رايونى الەۋمەتتىك اۋماعىنىڭ ساقشىلار كەڭسەسىنە العىس حات اپاردى

    كەلۋ قاينارى: شينجياڭ حالىق راديو ىستانسياسى    2017-12-07 13:08:03  
التاي حالىق راديو ستانسياسىنىڭ ءتىلشىسى ياڭ شۋسايدىڭ حابارىن تىڭداڭىزدار: 6-جەلتوقسان تۇستەن بۇرىن، التاي قالاسىنىڭ تۇرعىنى ياۋ حانىم التاي قالاسىنىڭ قىزىلتاس شاعىن رايونى الەۋمەتتىك اۋماعىنىڭ ساقشىلار كەڭسەسىنە العىس حات اپارىپ، حالىق ساقشىلارىنىڭ قاقاعان ايازعا قاراماي، 9 ساعات تىنباي ىزدەۋ ارقىلى جوعالعان باۋىرىن تاۋىپ بەرگەنىنە العىس ءبىلدىردى.
بۇل وقيعا 1-جەلتوقسان تۋىلعان، سول كۇنى التاي قالاسىنىڭ اۋا تەمپەراتۋراسى نولدەن تومەن 10 نەشە سەلتسي گرادۋسقا تومەندەدى، ياۋ حانىمنىڭ اقىل-وي كەمىستىگى بار باۋىرى تۇستەن كەيىن ساعات 6 دان اسقاندا، ۇيدەن شىعىپ كەتىپ، سول بەتى قايتىپ ورالمايدى، ءوزى ىزدەپ تابا الماعان ياۋ حانىم كەشكى ساعات 8 جارىمدا قىزىلتاس شاعىن رايونى الەۋمەتتىك اۋماعىنىڭ حالىق ساقشىلارىنا دەلو مالىمدەپ، كومەكتەسۋدى وتىنەدى، ول بىلاي دەدى: «قاتتى ابىرجىعان مەن وسى جەرگە كەلىپ حالىق ساقشىلارىنان قول ۇشىن بەرۋدى ءوتىندىم، ولار مەنى وتە ىقىلاسپەن قابىلداپ، قاتىستى جاعدايدى ۇعىسقاننان كەيىن، دەرەۋ جوعالعان ادامدى ىزدەۋگە كىرىستى».
جاعدايدى ۇعىسقاننان كەيىن قىزىلتاس شاعىن رايونى الەۋمەتتىك اۋماعىنىڭ حالىق ساقشىلارى ءبىر جاعىنان جاعدايدى جوعارىعا مالىمدەپ، ماڭايداعى ساقشى كۇشتەرىنە حابارلاسىپ، ياۋ حانىمنىڭ باۋىرىن ىزدەسە، ەندى ءبىر جاعىنان ياۋ حانىمدى ەرتىپ، ونىڭ جوعالعان باۋىرى بارۋى مۇمكىن بولعان جەرلەرگە ورناتىلعان باقىلاۋ كامەرالارىن تەكسەرىپ، دەرەك ىزدەدى. اۋلەمەتتىك اۋماقتىڭ حالىق ساقشىسى قۋانىشبەك قادىل ۇلى بىلاي دەدى: «ءبىز ەكى گرۋپپاعا ءبولىنىپ ىزدەدىك، ءبىر گرۋپپا التىن تاۋ جولىنا، ازاتتىق جولىنا، ىنتىماق جولىنا بارىپ ىزدەدى، ەندى ءبىر گرۋپپا وڭتۇستىك رايوندى شارلادى. قاراڭعى تۇسكەننەن كەيىن، ىزدەۋ قيىنعا ءتۇسىپ، تەلە كامەرالارداعى كەسكىندەر ارقىلى ىزدەي باستادىق».
حالىق ساقشىلارىنىڭ 9 ساعاتقا تاياۋ تىنباي ىزدەۋىنىڭ ناتيجەسىندە، 2-جەلتوقسان تاڭەرتەڭ ساعات 5 جارىمدا جوعالعانىنا 11 ساعات بولعان ياۋ حانىمنىڭ باۋىرى اقىرى تابىلادى. ياۋ حانىم بىلاي دەدى: «سول كەزدە توڭعاندا بەتى كوگەرىپ، سويلەۋگە دە شاماسى كەلمەي قالىپتى. ەگەر دەر كەزىندە تابىلماعان بولسا، ارتى قالاي بولارىن ويلاۋعا باتىلىم بارمايدى. حالىق ساقشىلارىنا ەرەكشە العىس ايتامىن».
ءان الەمى

جول توسىلىپ قالدى

تۇلپارىم