باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ 11 ەلدىڭ جاڭادان تاعايىندالعان جۇڭگودا تۇراتىن باس ەلشىلەرى تاپسىرعان مەملەكەت جولداماسىن قابىلدادى

    كەلۋ قاينارى: شينجياڭ حالىق راديو ىستانسياسى    2017-12-07 19:23:16  
 شينحۋا اگەنتتىگىنىڭ 5 - جەلتوقساندا بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - جەلتوقسان تۇستەن بۇرىن حالىق سارايىندا 11 ەلدىڭ جاڭادان تاعايىندالعان جۇڭگودا تۇراتىن باس ەلشىلەرى تاپسىرعان مەملەكەت جولداماسىن قابىلدادى.
  قىسقى كۇننىڭ شۇلەن شۋاعى توگىلگەن بەيجيڭنىڭ اسپانى شايداي اشىق. حالىق سارايىنىڭ سولتۇستىك قاقپاسىنىڭ الدىندا قۇرمەت قاراۋىلى قىزىل كىلەمنىڭ ەكى جاعىنا ساپ تۇزەپ تۇردى. كەرنايشى قوناق قابىلداۋ ۇرانىن تارتتى، جاڭادان تاعايىندالعان جۇڭگودا تۇراتىن ەلشىلەر ىلگەرىندى - كەيىندى جەتىپ، تەكشە باسبالداعىن بويلاي جوعارى كوتەرىلىپ، بەيجيڭ زالىنا كىردى. «بەيجيڭ كورىنىسى» سۋرەتى الدىندا، ەلشىلەر رەتى بويىنشا شي جينپيڭگە مەملەكەت جولداماسىن تاپسىردى، شي جينپيڭ ولارمەن ىقىلاسپەن قول الىسىپ، ەستەلىك سۋرەتكە ءتۇستى. جاڭادان تاعايىندالعان جۇڭگودا تۇراتىن باس ەلشىلەر مىنالار: نورۆەگيانىڭ جۇڭگودا تۇراتىن باس ەلشىسى پەيكايرۋ، وڭتۇستىك كورەيانىڭ جۇڭگودا تۇراتىن باس ەلشىسى لۋ يىڭمين، اراب بىرىككەن امىرلىگىنىڭ جۇڭگودا تۇراتىن باس ەلشىسى زاحيليل، رۋمينيانىڭ جۇڭگودا تۇراتىن باس ەلشىسى كونستانتين ناسكۋ، گامبيانىڭ جۇڭگودا تۇراتىن باس ەلشىسى سيسسە، ەفيوفيانىڭ جۇڭگودا تۇراتىن باس ەلشىسى بوحانە، يسپانيانىڭ جۇڭگودا تۇراتىن باس ەلشىسى كارنەيرو، ليۆاننىڭ جۇڭگودا تۇراتىن باس ەلشىسى جابۇل، ءۇندىستاننىڭ جۇڭگودا تۇراتىن باس ەلشىسى بانحاران، تۇركيانىڭ جۇڭگودا تۇراتىن باس ەلشىسى يوران، پورتۋگاليانىڭ جۇڭگودا تۇراتىن باس ەلشىسى دۋاۋجيە.
  شي جينپيڭ ءار ەل ەلشىلەرىنىڭ جاڭا مىندەت اتقارۋعا جۇڭگوعا كەلگەندىگىن قارسى الىپ، ولارعا ءوز ەلدەرىنىڭ باسشىلارىنا جانە حالقىنا شىنايى سالەمى مەن ىزگى تىلەگىن جەتكىزۋدى ايتتى، ول بىلاي دەدى: جۇڭگو ۇكىمەتى ەلشىلەردىڭ مىندەت اتقارۋىنا قولايلىلىق تۋدىرادى جانە قولداۋ كورسەتەدى، ەلشىلەردىڭ ءوز ەلدەرىنىڭ جۇڭگومەن دوستىعىن كۇشەيتۋىنە، ەكى جاقتى قاتىناستىڭ دامۋىن جەبەۋىنە بەلسەندى ۇلەس قوسۋلارىن ءۇمىت ەتەمىن. شي جينپيڭ مىنالاردى اتاپ كورسەتتى: جۇڭگو ءار ەلمەن ساياسي سەنىمدىلىكتى كۇشەيتىپ، ناقتى ىستەر سەلبەستىگىن تەرەڭدەتۋگە ءارى ءتىپتى دە كوپ بەلسەندى جەتىستىكتەرگە قول جەتكىزۋگە قۇلشىنىپ، حالىقارالىق ىستەردەگى ىنتىماقتاستىقتى كۇشەيتىپ، تىزە قوسا ىلگەرىلەپ، تار جول، تايعاق كەشۋدەن بىرگە ءوتىپ، ورتاق دامۋدى جۇزەگە اسىرىپ، دۇنيە ءجۇزىنىڭ بەيبىتشىلىگى، ورنىقتىلىعى، گۇلدەنىپ - كوركەيۋى ءۇشىن ۇلەس قوسۋدى قالايدى.
  ءار ەلدىڭ ەلشىلەرى ج ك پ 19 - قۇرىلتايىنىڭ تولىق تابىستى بولعاندىعىن شىن جۇرەكتەن قۇتتىقتاپ، ج ك پ 19 - قۇرىلتايى جەتىستىكتەرىنىڭ الەمدىك ىقپالىن جوعارى باعالادى. ەلشىلەر ءوز ەلدەرىنىڭ مەملەكەت باسشىلارىنىڭ شي جينپيڭگە جولداعان ىقىلاستى سالەمىن جانە شي جينپيڭنىڭ ج ك پ ورتالىق كوميتەتىنىڭ باس شۋجيى بولىپ قايتالاي سايلانعاندىعى جونىندەگى شىنايى قۇتتىقتاۋىن جەتكىزدى. ەلشىلەر وزدەرىنىڭ جۇڭگونىڭ جاڭا داۋىرگە وتكەن ساتىندە جۇڭگودا تۇراتىن باس ەلشى بولىپ تاعايىندالعاندىعىن ماقتانىش سەزىنەتىندىكتەرىن، ءوز ەلدەرىنىڭ جۇڭگومەن بولعان ءوزارا تۇسىنىستىگى مەن دوستىعىن كۇشەيتىپ، ناقتى ىستەر ىنتىماقتاستىعىنىڭ ءتىپتى دە تەرەڭ دەڭگەيگە، ءتىپتى دە كەڭ سالاعا قاراي ءورىس اشۋىن ىلگەرىلەتۋگە بەلسەنە قۇلشىنىس جاساۋدى قالايتىندىقتارىن ءبىلدىردى.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ جوعارىداعى قيمىلعا قاتىناستى.
ءان الەمى

جول توسىلىپ قالدى

تۇلپارىم