باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

شي جينپيڭ كانادانىڭ زۇڭليى ترۋداۋمەن كەزدەستى

    كەلۋ قاينارى: شينجياڭ گازەتى    2017-12-07 19:29:13  

مەملەكەت ءتوراعاسى شي جينپيڭ 5 - جەلتوقساندا دياۋيۇيتاي مەملەكەت قوناق ۇيىندە كانادانىڭ زۇڭليى ترۋداۋمەن كەزدەستى

  شينحۋا اگەنتتىگىنىڭ 5 - جەلتوقساندا بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - جەلتوقساندا دياۋيۇيتاي مەملەكەت قوناق ۇيىندە كانادانىڭ زۇڭليى ترۋداۋمەن كەزدەستى.
  شي جينپيڭ ترۋداۋدىڭ جۇڭگوعا تاعى ساپارلاي كەلگەنىن قارسى الدى. شي جينپيڭ مىنالاردى اتاپ كورسەتتى: جۇڭگو - كانادا ەكى ەل باسشىلارىنىڭ تىعىز قارىم - قاتىناس جاساۋى ەكى ەل قاتىناسىن دامىتۋدا ماڭىزدى جەتەكشىلىك رول اتقارادى. جۇڭگو - كانادا ەكى ەلدىڭ ءوز باسىمدىقتارى بار، ءوزارا تولىقتاۋ مۇمكىنشىلىگى كۇشتى، ىنتىماقتاستىق ورناتۋداعى كومەسكى كۇشى زور. ەكى جاقتىڭ وي جەلىنى كەڭەيتىپ، بەلسەندى شارالار قولدانىپ ەكى ەل قاتىناسىن ىلگەرىلەتىپ، ءتىپتى دە مول ناقتى ناتيجەگە قول جەتكىزۋدى ءۇمىت ەتەمىن.
  شي جينپيڭ مىنالاردى باسا دارىپتەدى: ساياسيدا ءوزارا سەنىم ارتۋدى كۇشەيتۋ − ەل مەن ەلدىڭ قاتىناسىن ورنىقتى دامىتۋدىڭ العى شارتى. ءبىر ەلدىڭ دامۋ جولىن تەك سول ەلدىڭ حالقى عانا بەلگىلەيدى. جۇڭگو مەن كانادانىڭ ساياسي ءتۇزىمى ۇقساماسا دا، ەكى جاقتىڭ ءوزارا قۇرمەت ەتىپ، پارىقتاردى ساقتاپ، ورتاقتىققا ۇمتىلىپ، ىنتىماقتاستىقتى كۇشەيتىپ، قارىم - قاتىناس اياسىن كەڭەيتىپ، ەكى ەل حالقىنا ءتىپتى دە مول پايدا جەتكىزۋىنە ابدەن بولادى.
  شي جينپيڭ مىنالاردى اتاپ كورسەتتى: جۇڭگو مەن كانادا ناقتى ىستەر جونىندەگى ىنتىماقتاستىق اياسىن كەڭەيتىپ، ىنتىماقتاستىق ورناتۋداعى كومەسكى كۇشتى تولىق اشىپ، ەنەرگيا - بايلىق، عىلىم - تەحنيكادا جاڭالىق اشۋ، اۆياتسيا - قاتىناس، فينانستىق قىزمەت كورسەتۋ، وسى زامانعى اۋىل شارۋاشىلىعى، تازا تەحنيكا سياقتى سالالاردا ىنتىماقتاستىق ورناتۋدىڭ ءتىپتى دە كوپ جارقىن تۇيىندەرىن ورناتۋى كەرەك. ءبىز جۇڭگوداعى مىقتى كاسىپورىنداردىڭ كاناداعا بارىپ قارجى قوسۋىنا ۇزدىكسىز قولداۋ كورسەتۋدى قالايمىز، سونداي - اق كاناداداعى ءىرى كاسىپورىنداردىڭ «ءبىر بەلدەۋ، ءبىر جول» قۇرىلىسىنا بەلسەنە ات سالىسۋىن قارسى الامىز. جۇڭگو - كانادا ەكى ەل حالقىندا تەرەڭ ءداستۇرلى دوستىق بار. ەكى جاق وقۋ - اعارتۋ، مادەنيەت، ساياحات، دەنە تاربيە سياقتى سالالارداعى اۋىس - كۇيىستى، ىنتىماقتاستىقتى كۇشەيتىپ، جۇڭگو مەن كانادانىڭ دوستىعىن جۇرت جۇرگىنە اناعۇرلىم تەرەڭ ۇيالاتۋى كەرەك. ەكى جاق 2018 - جىلعى جۇڭگو - كانادا ساياحات جىلىن ويداعىداي وتكىزۋگە قۇلشىنۋى كەرەك، جۇڭگو 2022 - جىلعى قىسقى وليمپيادا سپورت جارىسىن وتكىزۋدىڭ دايىندىق جۇمىستارىندا كانادانىڭ وزىق تاجىريبەسىنەن ۇلگى الۋدى ءۇمىت ەتەدى. ەكى جاق كليمات وزگەرىسى سياقتى ماڭىزدى سالالارداعى جانە كوپ جاقتى جۇلگە اياسىنداعى سايكەستىك پەن ىنتىماقتاستىقتى كۇشەيتىپ، جۇڭگو مەن كانادانىڭ ستراتەگيالىق سەرىكتەستىك قاتىناسىنىڭ ءمانىن ۇزدىكسىز بايىتا ءتۇسۋى كەرەك.
  ترۋداۋ بىلاي دەدى: مەن شي ءتوراعانىڭ كانادا مەن جۇڭگونىڭ قاتىناسىنا بەرگەن باعاسىن قۇپتايمىن. كانادا مەن جۇڭگو دوستىعىنىڭ تاريحى ارىدا جاتىر. تاياۋ جىلداردان بەرى كانادا مەن جۇڭگونىڭ ىنتىماقتاستىعى ارشىندى دامىپ، ەكى ەل حالقىنا ناقتى پايدا جەتكىزدى، سونداي - اق حالىقارالىق قوعامعا بەلسەندى ينفورماتسيا تاراتتى. كانادا ءوزارا قۇرمەت ەتۋ، ءوزارا سەنىم ارتۋ نەگىزىندە جۇڭگومەن قارىم - قاتىناستى تەرەڭدەتىپ، ەكى ەلدىڭ ەكونوميكا - ساۋدا، گۋمانيتارلىق ىستەر سياقتى سالالارداعى اۋىس - كۇيىستى، ىنتىماقتاستىقتى كۇشەيتىپ، دۇنيە جۇزىلىك جانە وڭىرلىك كەلەلى ماسەلەلەردە تىلدەسۋدى، سايكەسۋدى نىعايتادى.
  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ مۇشەسى ياڭ جيەچى قاتارلىلار كەزدەسۋدە بىرگە بولدى.

ءان الەمى

جول توسىلىپ قالدى

تۇلپارىم