جاڭا حابارلار

الىستان كەلگەن اعايىن

    كەلۋ قاينارى: شينجياڭ حالىق راديو ىستانسياسى    2017-12-08 12:19:45  
ءۇشتۇرپان اۋداندىق راديو ستانسياسىنىڭ ءتىلشىسى جاڭ حىنىڭ حابارىن تىڭداڭىزدار: ولاردىڭ بىرەۋى شاندۇڭدىق، بىرەۋى شينجياڭدىق، كىلەم ساۋداسىمەن اينالىسقاندىقتان احىمەت مۇلامات لي لينلۇيمەن تانىسىپ، كاسىپتە جاقسى سەرىك، تۇرمىستا جاقىن اعالى-باۋىر بولىپ كەتتى.
ءۇشتۇرپان اۋدانى وتباسى اۋىلى قۇمبۇلۇڭ قىستاعىنىڭ ديحانى مۇلامات سىدىقتىڭ ءۇيى جاقىندا ءبىر ەرەكشە قوناقتى قارسى الدى ــــ قۇمىلدا كىلەم ساۋداسىمەن اينالىساتىن احىمەت مۇلامات ءوزىنىڭ جاقسى اعاسى لي لينلۇيدى ۇيىنە ەرتىپ باردى. احىمەت مۇلامات: ول ءبىزدىڭ شاندۇڭنان كەلگەن تۋسىمىز،-دەدى. لي لينلۇي سالەمەتسىز بە! اعاي دەنساۋلىعىڭىز جاقسى ما؟ سىزگە امانداسا كەلدىم،-دەدى. احىمەتتىڭ اكەسى: ونىڭ ساعان ەرگەنىنە ۇزاق ۋاقىت بولدى، قازىر سەنى قوسقاندا مەنىڭ ءتورت ۇلىم بار،-دەدى.
احىمەت مۇلامات كىلەم ساۋداگەرى، 2015-جىلى ماۋسىمدا، قۇمىلدا وتكەن ءبىر رەتكى اۋىس-كۇيىس جاساۋ ماجىلىسىندە، شاندۇڭ ولكەسىنىڭ ۋچىڭ اۋدانىنان كەلگەن كىلەم وندىرەتىن ساۋداگەر لي لينلۇيمەن تانىسادى. اشىق-جارقىن، قىزعىندى شاندۇڭدىق جىگىت پەن اق كوڭىل ەرشىكەش شينجياڭدىق ازامات ءبىر-بىرىنەن تەرەڭ اسەر قالدىردى. لي لينلۇي: بىرتىندەپ بارىس-كەلىس جاساي كەلە، ونىڭ وتە جاقسى، ءارى ادال ادام ەكەنىن سەزىندىم،-دەدى.
شاندۇڭعا قايتىپ بارعاننان كەيىن، لي لينلۇي احىمەت مۇلاماتتى ءوزىنىڭ قۇمىلداعى ۋاكىلدىك ساتۋشىسى ەتىپ بەلگىلەۋدى جوسپارلادى. ول احىمەت مۇلاماتتى ارنايى شاندۇڭعا كەلىپ، ءوزىنىڭ كىلەم ءوندىرەتىن كاسىپورنىن ەكسكورسيالاۋعا ۇسىنىس ەتەدى، ءارى ونى ەرتىپ شاڭحاي كىلەم كورمەسىنە قاتىناستىردى. احىمەت مۇلامات لي لينلۇيدىڭ ادالدىعىنا ەرەكشە اسەرلەنەدى، سونىمەن ول قۇمىلدا لي لينلۇيدىڭ وندىرگەن كىلەمىن ۋاكىل رەتىندە ساتتى. احىمەت مۇلامات: ول مەنىڭ اعام سەكىلدى، اقشا بولماي قالعاندا، ونىڭ كىلەمدەرىن الدىمەن نەسيەگە الىپ، ساتىپ بولعاننان كەيىن اقشاسىن بەرەمىن، ءبىزدىڭ وسىلاي سەلبەسىپ ساۋدا ىستەگەنىمىزگە ەكى جىل بولدى، اقشام بولماي قالسا، ول اقشا بەرىپ تۇرادى،-دەدى.
وسىلايشا ەكەۋى ءوزارا سەنىم ارتىپ، ساۋدادا ءبىر-بىرىنە كومەكتەسىپ كەلەدى. قازىر احىمەت مۇلاماتتىڭ جىلدىق كىرىسى 100 مىڭ يۋاننان اسادى، جىل سوڭىندا، ول لي لينلۇيدى اكە-شەشەسىنىڭ ۇيىنە قوناق بولۋعا ارنايى ۇسىنىس ەتتى. احىمەت مۇلامات: ول مەنىڭ اعام سەكىلدى، ونىڭ ۇيىنە دە باردىم، ول مەنىڭ قۇمىلداعى ۇيىمە دە، ءۇشتۇرپانداعى ۇيىمە دە بارعان،-دەدى.
لي لينلۇي: «وسىنداعى اكە-شەشەم مەنى قىزعىن قارسى الدى، ءوز ۇيىمدە جۇرگەندەي جىلى مەيىردى سەزىندىم، ولار مەنى ءوز بالاسىنداي كۇتتى»،-دەدى.

بەرىپ كەت ورامالىڭدى

دوستار

الىستاعى اق ەركە