جاڭا حابارلار

قىزمەت اترەتىندەگىلەر تۋىستارىنا مامىق شاپان ۇسىندى

    كەلۋ قاينارى: ءتاڭىرتاۋ تورابى    2017-12-08 13:51:45  
ەرگۇل مۇقاتاي قىزى حابارلايدى. تارباعاتاي ايماقتىق حالىق ىستەرى مەكەمەسىنەن شاۋەشەك قالاسى شاشا اۋىلى ورتا سىبەتى قىستاعىنا تۇسكەن قىزمەت اترەتىندەگىلەر مەن قىستاق «ەكى كوميتەتى»، پارتيا مۇشەسى، بۇقارادان جالپى 14 ادام كورشى قىستاقتىڭ مادەنيەت ۇيىنە كەلىپ، «ۇلتتار ىنتىماعىنىڭ بەرەكەلى شاڭىراعى» قيمىلىنداعى تۋىستاسقان وتباسىنا امانداسا باردى ءارى تۋىستارىنا مامىق شاپان ۇسىندى.
قوس كوپىر «قىستاق كوميتەتىندە» تۋىستارى الدە قاشان قىستاق مادەنيەت ۇيىندە توسىپ وتىرعان ەدى، وزدەرىنىڭ تۋىستارىنىڭ كەلگەندىگىن كورگەن كوپشىلىك ءبىر - بىرىمەن امانداسىپ، اڭگىمە دۇكەن قۇرىپ، مارە-سارە بولىستى. ىلگەرىندى - كەيىندى باسقا دا تۋىستار وزدەرىنە لايىقتى مامىق شاپاندى كيىپ، جۇزدەرىنەن باقىتتىڭ لەبى ەستى. بۇل رەتكى قيمىلدا جالپى 25 تۋىستاسقان وتباسى 69 مامىق شاپاندى تاپسىرىپ الدى.
«ۇلتتار ىنتىماعىنىڭ بەرەكەلى شاڭىراعى» قيمىلىندا، قىزمەت اترەتىندەگىلەر مەن قىستاق «ەكى كوميتەتى»، پارتيا مۇشەسى، بۇقارادان جالپى 35 ادام ءوزارا تۋىستاستى ءارى ءوزارا ءبىر - ءبىرىنىڭ وتباسىلارىنا بارىپ اڭگىمە دۇكەن قۇرىپ، حال - جاعداي ۇعىسۋ قاتارلى قيمىلدار بارىسىندا تۋىستىق ارا قاتىناستارى مەن دوستىقتارى نىعايا تۇسكەن ەدى.
 ءتىلشىنىڭ قىزمەت ورنى: شاۋەشەك قالالىق «ۇعىسۋ، تيىمدىلىك جاساۋ، توعىستىرۋ»  قىزمەت كەڭسەسى

بەرىپ كەت ورامالىڭدى

دوستار

الىستاعى اق ەركە