جاڭا حابارلار

تۋعان اناسىنداي قامقورلىق جاسادى

    كەلۋ قاينارى: شينجياڭ گازەتى    2017-12-10 11:02:43  

ءتىلشىمىز جاۋ شييا

27 - قاراشا. قورعاس اۋدانى قاليا كوشەسى وڭتۇستىك 4 - كوشەسىنىڭ 195 - ءنومىرلى اۋلاسىنان اۋىق - اۋىق كۇلكى ەستىلەدى. بالاۋىز شامنىڭ جارىعىندا تاجىنيسا پالتاجى اپاي بالا - شاعاسى، نەمەرە - شوبەرەلەرىنىڭ ىزگى تىلەگى ىشىندە 80 جاسقا تولعان تۋىلعان كۇنىن قۇتتىقتاپ جاتىر.
  «شەشە، تۋىلعان كۇنىڭىز قۇتتى بولسىن!»، - دەپ كەنجە «ۇلى» حان يە تاجىنيسا اپايدى مەيىرلەنە قۇشاقتاپ بالكۇلشەدەن شەشەسىنە ءدام تاتقىزدى، «بالا كەزىمدە، شەشەم مەنى وسىلاي باققان بولاتىن»، - دەدى ول، تاجىنيسا اپاي ۇلىنىڭ ءسوزىن ەستىپ اسەرلەنگەنىنەن كوزىنە ىستىق جاس الدى.
  حان يە مەن تاجىنيسا اپايدىڭ انا - بالا ماحابباتى وتكەن عاسىردىڭ 80 - جىلدارىنان باستالعان. ول كەزدە حان يەنىڭ اتا - اناسى ەكەۋى دە قىزمەتشى بولعاندىقتان، ۇيىندە بالا قارايتىن ادام جوق ەدى، تاجىنيسا اپاي ولاردىڭ جاعدايىن كورگەننەن كەيىن: كۇندىز بالانى ماعان اكەپ تاستاڭدار، كەشتە قىزمەتتەن تۇسكەندە الىپ كەتسەڭدەر بولدى، - دەدى، اپايدىڭ شىن ىقىلاستى كومەگى حان يەنىڭ اكە - شەشەسىنىڭ كوڭىلىن الاڭسىز ەتتى.
  تاجىنيسا اپايدىڭ ۇلى ابدۇسامەت روزى حان يە جونىندە: جيانجيان ءبىزدىڭ ءۇيدىڭ كەنجەسى، بالالاردىڭ جەتىنشىسى، توپ - تومپاق سۇيكىمدى تەنتەك بولاتىن، - دەدى. ونىڭ وسى ءبىر اۋىز سوزىنەن ونىڭ وسى حانزۋ ءىنىسىن قانشالىق جاقسى كورەتىنىن بىلدىك. ول تاعى بىلاي دەدى: ول كەزدە ءبىزدىڭ ءۇيدىڭ بالالارى نەگىزىنەن ەرجەتىپ كەتكەن، حان يە ءالى ءبىر جاسقا تولماعان كەز ەدى، ءبارىمىز ونى قاتتى ەركەلەتەتىنبىز. كوپشىلىك ۇنەمى دوڭگەلەنىپ وتىرىپ، دۇتتار شالىپ، ءان شىرقايتىنبىز. ءان مەن كۇيگە تولى وسىنداي ورتادا ەرجەتكەن حان يە، ريتىمگە ايرىقشا سەزىمتال، مىنەزى دە اشىق - جارقىن بالا بولىپ ءوستى، ءبىر توپ ۇيعۇر دوستارى بار بولاتىن.
  ءتىلشى تاجىنيسا اپايدىڭ ۇيىنە بارىپ جاعداي ۇعىسۋ بارىسىندا مىنالاردى ءبىلدى: تاجىنيسا اپايدىڭ 6 بالاسى بار، ءبىر ءۇيلى جان تاجىنيسا اپايدىڭ جۇبايىنىڭ ەڭبەكاقىسىنا سۇيەنىپ تىم جۇپىنى كۇن كەشىرسە دە، تاجىنيسا اپايدىڭ ۇيىندەگىلەر ءتاتتى ءدامدى بولا قالسا بولعانى ەڭ الدىمەن كىشكەنتاي حان يەنى ەسكەرەتىن. حان يەنىڭ اكە - شەشەسى قىرىنان قىسىلىپ ۇنەمى تاجىنيسا اپايدىڭ قولىنا اقشا ۇستاتىپ، العىسىن بىلدىرمەكشى بولسا دا، تاجىنيسا اپاي راقىمەت ايتىپ، ءبىر تيىن المايتىن.
  تاجىنيسا اپاي وتكەندى ەسكە العاندا «ءوز بالاسىن باققانعا كىسىدەن اقى الا ما ەكەن؟» دەيدى، كەزىندە سول كوشەدە حانزۋ، ۇيعۇر، حۇيزۋ ۇلتىنان قۇرام تاپقان 10 نەشە سەميا وتىرادى ەكەن، كىم ۇيىندە جۇمىس قاربالاستىعىنان، تاماق جاساۋعا مۇرساسى تيمەگەندە، كورشىنىڭ ۇيىنە بارىپ بىرگە تاماقتانا سالاتىن، تۋىسشىلاپ الىس جەرگە بارماقشى بولعاندا ءۇيدىڭ كىلتىن كورشىگە تاپسىرىپ كەتەتىن ىستەر كوپ بولاتىن، كوپشىلىك بەينە ءبىر ءۇيلى جاندارداي تاتۋ - ءتاتتى تۇرمىس كەشىرەتىن. ارادا كوپ جىلدار ءوتىپ، نەشە رەت قونىس جاڭالاعان بولسا دا، سول كەزدەگى كورشىلەردىڭ ءبىر - بىرىنە سۇيىسپەنشىلىگى باياعىسىنداي قويۋ بولدى.
  تاجىنيسا اپاي حانزۋ ۇلىن اق شايگە نان شىلاپ، سورپاعا لوبى قايناتىپ بەرىپ باعىپ، ساۋ دەنەلى ەرجەتكىزدى، ۇلتتار ىنتىماعى كىشكەنتاي حان يەنىڭ جۇرەگىندە سول كەزدەن باستاپ تامىر تارتتى. كۇندەر ءوتىپ، جىلدار جىلجىپ، حان يە تاجىنيسا اپايدىڭ ۇيىندە 6 جاسقا كەلگەنشە تۇرىپ، مەكتەپكە تۇسەر الدىنداعى دايىندىق كلاسقا كىرەتىن كەزىندە كەتتى.
  «شەشە» دەگەن ءبىر اۋىز ءسوز انا - بالا ماحابباتىن بايلادى. حان يە قازىر تاجىنيسا اپايمەن بىرگە تۇرماسا دا، 30 نەشە جىلدان بەرى تاجىنيسا اپايمەن ۇزبەي بارىس - كەلىس جاساپ كەلەدى. مەرەكە - مەيرام سايىن تاجىنيسا اپايعا امانداسا بارىپ تۇرادى. الىسقا وقۋعا كەتكەن، قىزمەتكە شىققان، ۇيلەنىپ، باسىنا وتاۋ تىككەن، پەرزەنت سۇيگەن ماڭىزدى كەزدەردە تاجىنيسا اپاي ونى ۇنەمى قۇتتىقتاپ، ىزگى تىلەگىن ءبىلدىرىپ كەلەدى. «جاسىم ۇلعايدى، بالالارعا از دا بولسا ەستەلىك قالدىردىم»، - دەدى تاجىنيسا اپاي. بيىل جازدا تاجىنيسا اپاي 2 اي ۋاقىت جۇمساپ حان يەنىڭ ۇيىنە ارناپ ءبىرقانشا ءتور كورپە تىگىپ بەردى.
  «تۋعان اناسىنداي قامقورلىق جاساپ، ۇلتتار ىنتىماعىن قىزمەت پەن تۇرمىستىڭ ءار قىرىندا ايگىلەدى». قازىر حان يە قىزمەت ىستەيتىن قورعاس اۋدانىنىڭ لانگان قىستاعىنداعى حالىقتىڭ %90تەن استامى از ۇلت، قىزمەت قاجەتىنەن شىعۋ ءۇشىن، تاجىنيسا اپاي مەن ونىڭ بالالارى حان يەگە ۇيعۇر ءتىلىن ۇيرەتتى. حان يە قىزمەتتە، تۇرمىستا قيىنشىلىققا ۇشىراعاندا ولارعا سىرىن ايتىپ، اقىل - كەڭەس سۇراپ تۇرادى، ەكى ءۇيلى جان تىعىز قارىم - قاتىناس جاساپ، ءبىر ءۇيلى جانداي تاتۋ - ءتاتتى تۇرمىس كەشىرىپ كەلەدى.


بەرىپ كەت ورامالىڭدى

دوستار

الىستاعى اق ەركە