جاڭا حابارلار

شي جينپيڭ مەن بۋتىفليكا زۇڭتۇڭ ءوزارا قۇتتىقتاۋ تەلەگرامماسىن جولدادى

    كەلۋ قاينارى: شينجياڭ گازەتى    2017-12-11 20:09:58  

الجيريانىڭ 1 - ءنومىرلى حابارلاسۋ جاساندى سەرىگىنىڭ ءساتتى ۇشىرىلعاندىعىن قۇتتىقتادى

  شينحۋا اگەنتتىگىنىڭ 11 - جەلتوقساندا بەيجيڭنەن بەرگەن حابارى. 11 - جەلتوقساندا مەملەكەت ءتوراعاسى شي جينپيڭ مەن الجيريانىڭ زۇڭتۇڭى بۋتىفليكا ءوزارا قۇتتىقتاۋ تەلەگرامماسىن جولداپ، الجيريانىڭ 1 - ءنومىرلى حابارلاسۋ جاساندى سەرىگىنىڭ شيچاڭ ۇشىرۋ ورتالىعىنان ءساتتى ۇشىرىلعاندىعىن قۇتتىقتادى.
  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: الجيريانىڭ 1 - ءنومىرلى حابارلاسۋ جاساندى سەرىك نىسانى جۇڭگو مەن الجيريانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ماڭىزدى بەينەسى، ول جۇڭگونىڭ اراب ەلدەرىمەن عارىش سالاسىنداعى ىنتىماقتاستىقتى قانات جايدىرۋىنداعى تابىستى ۇلگى، الجيريا ەكونوميكاسىنىڭ دامۋىن، حالىق تۇرمىسىنىڭ جاقسارۋىن، قوعامنىڭ العا باسۋىن ىلگەرىلەتۋدە ماڭىزدى رول اتقارادى. كەلەر جىلى جۇڭگو مەن الجيريانىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى. جۇڭگو الجيريامەن بىرگە قۇلشىنىپ، ءارقايسى سالالارداعى اۋىس - كۇيىستى، ىنتىماقتاستىقتى كۇشەيتىپ، جۇڭگو مەن الجيريانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ىشكەرىلەي دامۋىن العا ىلگەرىلەتىپ، ەكى ەل مەن ەكى ەل حالقىن بارىنشا جاقسى يگىلىككە كەنەلتۋدى قالايدى.
  بۋتىفليكا قۇتتىقتاۋ تەلەگرامماسىندا بىلاي دەدى: الجيريانىڭ 1 - ءنومىرلى حابارلاسۋ جاساندى سەرىگىنىڭ ءساتتى ۇشىرىلۋى الجيريا مەن جۇڭگونىڭ عارىش ىنتىماقتاستىعىنداعى ماڭىزدى تابىس، ول تاراپتاردىڭ تەرەڭ، ءداستۇرلى دوستىعىن ايگىلەيدى. الجيريا جۇڭگومەن بىرگە قۇلشىنىپ، ءارقايسى سالالارداعى ىنتىماقتاستىقتى بىرگە العا ىلگەرىلەتىپ، اناعۇرلىم كوپ تابىستارعا قول جەتكىزۋدى قالايدى.


بەرىپ كەت ورامالىڭدى

دوستار

الىستاعى اق ەركە