جاڭا حابارلار

قىزمەت اترەتىندەگىلەر بوتامويىن قىستاعىنىڭ تۇرعىندارىن بايۋعا باستادى

    كەلۋ قاينارى: ءتاڭىرتاۋ تورابى    2017-12-12 19:36:54  
  ءتىلشىمىز جاڭ تيڭ، ەرىكتى ءتىلشى دۋ ۋىنحۋا، سۇڭ شۋان
  17 - قاراشا بۋرىلتوعاي اۋدانى جەتى ارال قالاشىعى بوتامويىن قىستاعىنىڭ تۇرعىنى، 30 جاستاعى كۇلپان سايلان قىزى تۇسكى استى دايىنداۋمەن قاربالاس بولىپ جاتقان، بۋرىلتوعاي اۋداندىق مەملەكەتتىك باجى مەكەمەسىنەن «ۇعىسۋ، تيىمدىلىك جاساۋ، توعىستىرۋ» قيمىلى بويىنشا بوتامويىن قىستاعىنا تۇسكەن قىزمەت اترەتىنىڭ باستىعى لي لي مەن اترەتتىڭ مۇشەلەرى پارتيا 19 - قۇرىلتايىنىڭ رۋحىن ۇگىتتەيتىن اسپالى سۋرەتتەردى الىپ كەلدى.
  ەسىكتەن كىرە سالا لي لي كۇلپانعا ءسوز قاتىپ: جىبەك كەستە تىگۋگە جاتىلىپ قالدىڭىز با؟ جەرگىلىكتى تاۋىقتان نەشەۋ ساتتىڭىز؟ كەلەر جىلعا دەگەن قانداي جوسپارلارىڭىز بار؟ - دەپ سۇرادى.
  ءبىر جىلدىڭ الدىندا بۇگىن وسىنداي قۋانىشتان جۇزىنە كۇلگى ءۇيىرىلىپ وتىرعان قازاق ايەلى تۇرمىستان قاتتى قىسىلعان ەدى. كۇلپان تىلشىگە: مەنىڭ بۇرىننان اشقازان اۋرۋىم بار، تاپقان اقشانىڭ ءبارىن ەمدەلۋگە جۇمسادىم. قاتتى - قايىرىم جۇمىسقا جارامايتىندىقتان، ۇيدە وتىرعاننان باسقا امالىم جوق. بيىل باعىم جانعاندا قىزمەت اترەتىندەگىلەر كەلىپ كومەكتەسىپ، مەنى بايۋ جولىنا باستاۋدىڭ ءتۇرلى امالدارىن قاراستىردى، ءوزىڭىز كورىپ وتىرعان مىنا تاۋىقتاردى قىزمەت اترەتىندەگىلەردىڭ كومەگىندە باعىپ وتىرمىن، - دەدى تىلشىگە.
  بيىل مامىر ايىندا لي لي وتباستارىن ارالاپ جاعداي ۇعىسقان كەزدە، قىستاقتاعى كۇلپان سياقتى باعىمشىلىق تاجىريبەسى بار، ءبىراق وتباسىنىڭ قيىنشىلىعىنا بايلانىستى، وندىرىستىك ماتەريال كەمشىل بولىپ وتىرعان قىستاق تۇرعىندارىن بايقايدى.
  كەدەي مالشىلاردى كەدەيلىكتەن قۇتىلدىرۋ قىزمەت اترەتىنىڭ باستى مىندەتىنە اينالدى.
  لي لي: «اقشا بەرۋ، زات اپارىپ بەرۋ، قان قۇيۋ» تەك كوز الداعى قيىنشىلىقتى عانا شەشەدى، بايۋ جولىنا باستايتىن ءوندىرىس نىساندارى عانا كەدەي وتباستارىن وزدەرىنە «قان جاساتقان» سوڭ بارىپ ولار قيىنشىلىقتان قۇتىلادى.
  بيىل التاي ايماعى اۋلا شارۋاشىلىعىن زور كۇشپەن دامىتىپ، اعاش كوشەتىن، شوجە، كوكونىس مايساسىن تاراتۋداي ينجەنەريانى اتقاردى. ۇكىمەت ەگىنشى - مالشىلارعا تەگىن اعاش كوشەتىن، شوجە، كوكونىس مايساسىن تاراتىپ، اۋلا شارۋاشىلىعىن دامىتۋدىڭ سارا جولىن ىزدەدى. قىزمەت اترەتىندەگىلەر قىستاقتىڭ ءىس جۇزىندىك جاعدايىنا قاراي، قىستاقتاعى 15 كەدەي وتباسىنا 700 شوجە تاراتتى.
  «قىزمەت اترەتىندەگىلەر ماعان 40 شوجە بەردى، ءوزىم اقشا جيناپ 80 شوجە ساتىپ الدىم. باعۋ بارىسىندا قىزمەت اترەتىندەگىلەر ارناۋلى مامان ۇسىنىس ەتىپ، بىزگە شوجە باعۋدا كوڭىل بولەتىن ىستەردى ءتۇسىندىردى. 100دەن استام شوجەم جاقسى ءوسىپ كەلەدى، ورتاشا سالماعى 3 كيلوگرام نان استى، قازىرگە دەيىن 90 تاۋىق ساتىپ، 8000 دا 9000 يۋان كىرىس كىرگىزدىم»، - دەدى كۇلپان.
  كۇلپان: بيىلعى تاپقان تابىسىم نەگىزىندە كەلەر جىلى ءوزىمنىڭ 20 مۋ جايلىمدىق جەرىمە 300 دە 400 جەرگىلىكتى تاۋىق باعۋدى، مۇنىڭ سىرتىندا ءسۇت ونىمدەرىن ساتۋدى جوسپارلاپ وتىرمىن. بۇرىن دەنساۋلىعىم ناشار بولعان سوڭ، بايۋدى ويلاپ كورگەم جوق، ال قازىر قىزمەت اترەتىندەگىلەردىڭ ارقاسىندا يدەيامدا كوپ وزگەرىستەر بولدى، جاس كەزىمدە كوبىرەك اقشا تاۋىپ، تۇرمىسىمدى جاقسارتۋعا قۇلشىنامىن، - دەدى.
  بوتامويىن قىستاعىندا كۇلپانعا ۇقساس بايۋ جولىنا تۇسكەن تاعى ءبىر مالشى 46 جاستاعى سەرىك بەكباي ۇلى بولاتىن.
  سەرىك قۋانا: كەدەيلىكتەن قۇتىلدىرۋعا قوي تاراتىپ بەردى، ەندى تۇرمىسىمىزدىڭ جاقسارۋىنا جاڭا ءۇمىت پايدا بولدى، - دەدى.
  سەرىكتىڭ وتباسىندا 3 جان بار، 6 جاستاعى ۇلى اۋداندىق باستاۋىش مەكتەپتە وقيدى، جۇبايىنىڭ دەنساۋلىعى ناشار، ءبىر ءۇيلى جان تەك سەرىكتىڭ تاپقانىنا عانا سۇيەنىپ جان باعادى. جاز بولسا، ول جۇمىس ورنىندا ۋاقىتتىق جۇمىس ىستەيدى، ال قىستا ۇيىندە قويعا قارايدى. جىل بويى تىربىنىپ ءجۇرىپ تاپقان 10 مىڭ يۋان اقشاسى ايەلىن ەمدەتۋگە ارەڭ جەتەتىندىكتەن، تۇرمىستارى وتە ناشار بولاتىن.
  قازان ايىنىڭ سوڭىندا قىستاقتا تۇرعان قىزمەت اترەتى مەن نەگىزگى ساتى كادرلارى وتباسىن ارالاپ، جاعداي ۇعىسقان كەزدە، قىستاقتا 5 كەدەي وتباسىن شۇعىل سۇيەمەلدەۋ كەرەك ەكەنىن تۇراقتاندىرادى. قىزمەت اترەتى بەلسەندى تۇردە قىستاق «ەكى كوميتەتىمەن» شەشۋ امالىن اقىلداسىپ، ءبىر كاسىپورىنمەن بايلانىس جاساپ، كاسىپورىننىڭ قارجىلاي كومەك كورسەتۋىندە 8 - قاراشادا كەدەيلەردى سۇيەمەلدەۋ قويىنان 50 تۇياق ساتىپ اكەلدى.
  سول كۇنى بوتامويىن قىستاق كوميتەتىنىڭ اۋلاسى دىر - دۋمانعا بولەندى، «كەدەيلەردى سۇيەمەلدەۋ قويىن» ءادىل دە ءتارتىپتى تاراتۋ ءۇشىن، قىزمەت اترەتىنىڭ مۇشەلەرى كەدەي وتباسىلارىنا جەرەبە تارتۋ ءتاسىلىن قولدانادى. قىزمەت اترەتى، قىستاق كوميتەتى جانە كەدەي وتباسى 3 جاق بولىپ، كەدەي وتباستارىنىڭ «كەدەيلەردى سۇيەمەلدەۋ قويىن» قۇنتتاپ باعىپ، ونى ساتۋعا بولمايتىن، سويۋعا بولمايتىن باعىمشىلىق كەلىسىمىنە قول قويىپ، كەدەيلەردى سۇيەمەلدەۋ قويىن شىن مانىندەگى بايۋ جولىنا باستايتىن قوي ەتۋگە كەپىلدىك ەتتى. سونىمەن بىرگە قىستاق كادرلارىنىڭ ۇنەمى كەدەي وتباستارىنا بارىپ، كەدەيلەردى سۇيەمەلدەۋ قويىنىڭ قالاي باعىلىپ جاتقانىن تەكسەرۋدى تالاپ ەتتى، قاتىستى مامانداردى ورنالاستىرىپ، كەدەي وتباسىلارىنا باعىمشىلىق بىلىمدەرىن ۇيرەتۋمەن قاتار، جۇقپالى اۋرۋدىڭ الدىن الۋعا جەتەكشىلىك ەتتى.
 سەرىك سەنىمدى تۇردە: 10 تۇياق قويىمدى جاقسى باعىپ، بايۋ جولىنا قادام تاستايمىن. پارتيانىڭ حالىققا تيىمدىلىك جاساۋ ساياساتى جاقسى، تۇرمىسىمىزدىڭ كۇن سايىن جاقسارارىنا سەنىمىمىز كامىل، - دەدى.

بەرىپ كەت ورامالىڭدى

دوستار

الىستاعى اق ەركە