جاڭا حابارلار

ۇلتتار ىنتىماعى − ءۇمىتتىڭ قاينارى

    كەلۋ قاينارى: شينجياڭ گازەتى    2017-12-20 13:52:36  

گازەتىمىزدىڭ شولۋشىسى

 پارتيا 19 - قۇرىلتايىنىڭ بايانداماسىندا ۇلتتار ىنتىماعى، العاباسارلىعى تاربيەسىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ اناردىڭ دانىندەي تىعىز ۇيىسىپ، ىنتىماقتاسا كۇرەس جۇرگىزىپ، بىرگە كوركەيىپ - گۇلدەنۋىن، دامۋىن جەبەۋ ورتاعا قويىلدى. ۇلتتار ىنتىماعىنىڭ رۋحىن ادامداردىڭ ءاربىر ءسوز - ارەكەتىنە دەيىن ءسىڭىرۋ ءبىزدىڭ باس تارتۋعا بولمايتىن جاۋاپكەرلىگىمىز.
  «لاۋلاعان وت الدىندا اياز جوق، ىنتىماق الدىندا قيىنشىلىق جوق». شينجياڭنىڭ وسىناۋ بايتاق دالاسىندا ۇلتتاردىڭ ءبىر وتباسىنىڭ ادامدارىنداي وتكەن اسەرلى حيكايالارى جەتەرلىك: ۇلتتار ىنتىماعىنىڭ وڭ ەنەرگياسىن ايگىلەگەن نۇردىن توڭكەرىستىك ەستەلىك بۇيىمدار ءۇيى، قۇلجا اۋدانىءۇش ون حۇيزۋ ۇلتتىق اۋىلى توقۇشى ءيۇزى قىستاعىنداعى اۋىلداستارىن كىرىستەرىن ارتتىرىپ، اۋقاتتانۋ جولىنا باستاعان، 32 جىل بويى سۇيسپەنشىلىگىن جالعاعان «گۋ اپاي»، «تىرشىلىك شەكتەلگەن رايوندا» جاسىل عالامات جاراتقان، جەرگىلىكتى تاجىك ۇلتى بۇقاراسىنىڭ كىرىستەرىن ارتتىرىپ، بايۋ جولىنا كومەكتەسكەن حونجىراپ شەكارالىق تەكسەرۋ - كارەنتيندەۋ پۋنكتىندەگى ەكىنشى دارەجەلى ساقشى سۇن چاۋ، سونداي - اق از ۇلت بۇقاراسىنىڭ جۇمىستانۋ ماسەلەسىن الدىمەن شەشكەن جيەلييا شينجياڭ شينيۋە جىبەك جولى شەكتى سەرىكتەستىگى ... ۇلتتار ىنتىماعىنىڭ وسىنداي مىسالدارى شينجياڭدا ايتىپ تاۋىسقىسىز.
  ىنتىماق جۇرت تىلەگىن توعىستىرادى، ىنتىماق كۇش - قۋاتتى ۇيىستىرادى. قۇلاعىمىزعا تانىس وسىنداي سوزدەر شينجياڭداعى ءار ۇلت بۇقاراسىنىڭ قاراپايىم ورتاق تانىمىن دالمە - ءدال ايگىلەدى. ىنتىماق − ءار ۇلت باۋىرلاستارىنىڭ كوركەم بولاشاققا بىرگە بەت الۋىنداعى ءۇمىتتىڭ قاينارى.
  تاريح پەن فاكت ۇلتتار ىنتىماعى رۋحىنىڭ ءار ۇلت بۇقاراسىنىڭ كوڭىل تۇكپىرىنە ۇيالاعانىن، تيانشان ۇلاندارىنىڭ قانىنا سىڭگەنىن قايتالاي دالەلدەدى. قۇربان اتايدىڭ جارىم عاسىردىڭ الدىنداعى «ەسەككە ءمىنىپ بەيجيڭگە بارۋ» حيكاياسى − شەكاراداعى از ۇلت بۇقاراسىنىڭ پارتيانى، وتاندى سۇيەتىن، ۇلتتار ىنتىماعىن قورعايتىن تاماشا حيكاياسىنىڭ ءبىر بولەگى. جارتى عاسىردان كەيىنگى بۇگىنگى تاڭدا دا تيانشاننىڭ تۇستىگى مەن تەرىستىگىندەگى ۇلتتاردىڭ ىنتىماق گۇلى جايقالا اشىلۋدا.
  ۇلتتار ىنتىماعىن كۇشەيتۋدە ۇساق ىستەردەن باستاۋعا تۋرا كەلەدى. پارتيانىڭ ۇلت، ءدىن ساياساتىن ۇگىتتەۋ ءۇشىن، ءبىز مال شارۋاشىلىق وڭىرلەرىنە بارىپ، كيگىز ۇيلەرگە كىردىك؛ ۇلتتار ىنتىماعىنىڭ نەگىزىن بەكەمدەۋ ءۇشىن، ءبىز نەگىزگى ساتى ۇيىمى قۇرىلىسىن كۇشەيتتىك؛ ءبىز بالالارعا جارقىن جول اشۋ ءۇشىن، «قوس ءتىل» وقۋ - اعارتۋىن اتقاردىق؛ ۇلتتاردىڭ ارالاسۋىن، ىشتەسۋىن، توعىسۋىن كۇشەيتۋ ءۇشىن، ءبىز «ۇلتتار ىنتىماعىنىڭ ۇلى شاڭىراعى» قيمىلىن ىشكەرىلەي ورىستەتتىك ... اماليات وسىنداي جۇرەكتەس قيمىلدار، جۇرەكتى جىلىتاتىن شارالار، حالىق ءۇشىن ىستەلگەن شىنايى ىستەر بايتاق دالاعا ءنار بەرەتىن كوكتەم جاۋىنىنداي ءار ۇلت بۇقاراسىنىڭ جان دۇنيەسىنە تەرەڭ ۇيالاعانىن دالەلدەدى. وسىنداي ىستەر، شارالار بۇكىل رايونىمىزدىڭ يدەيادا، تانىمدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاعانىنىڭ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن ىشكەرىلەي دايەكتىلەندىرگەنىنىڭ، تياناقتاندىرعانىنىڭ، وتە - موتە، ۇلتتار ىنتىماعى جونىندەگى ماڭىزدى پايىمداۋىنىڭ جاندى امالياتى.
  ناتيجە بولاشاققا جول سىلتەيدى. بۇل كۇندەرى ۇلتتار ىنتىماعىنىڭ قامتىمى ۇزدىكىسز مولايۋدا، دانەكەرى دە ۇزدىكسىز جاڭالانۋدا. ۇلتتار ىنتىماعى قىزمەتىن ۇزدىكسىز جاقسى ىستەۋ ءۇشىن، ءبىز، ءسوز جوق، تاجىريبەلەردى شەبەرلىكپەن قورىتىندىلاۋىمىز قاجەت. مەيلى جوعارى ورەدەگى ىلگەرىلەتۋ، الدە نەگىزگى ساتىداعى امالياتتا بولسىن، بارلىعىندا ۇلتتار ىنتىماعى، العاباسارلىعىن ماڭىزدى ءتۇيىن ەتىپ، ءبىر جەڭنەن قول، ءبىر جاعادان باس شىعارا ىلگەرىلەتىپ، ۇلتتار ىنتىماعىن سالالارعا، قىزمەتتەرگە، جەكە ادامدارعا دەيىن جاپپاي ءسىڭىرىپ، ۇلتتاردىڭ بەرەكەلى، تاتۋ - ءتاتتى، تىزە قوسا كۇش بىرىكتىرگەن، جاراسىمدى دامىعان تاماشا جاعدايىن بىرگە قالىپتاستىرىپ، ۇلتتار ىنتىماعىنىڭ گۇلىن تيانشاننىڭ تۇستىگى مەن تەرىستىگىندە قۇلپىرتۋىمىز كەرەك.
  ۇلتتار ىنتىماعى دەگەنىمىز نە؟ بۇل قۇر ءسوز ەمەس، ول شينجياڭداعى ءار ۇلت بۇقاراسىنىڭ قانىنا سىڭگەن سۇيىسپەنشىلىك، ول سونداي تابيعي ءارى شىنايى. مىنە وسىنداي سۇيىسپەنشىلىك كوركەم شينجياڭنىڭ شەكسىز ءۇمىتىن ۇزدىكسىز تۋىنداتۋدا.


بەرىپ كەت ورامالىڭدى

دوستار

الىستاعى اق ەركە