جاڭا حابارلار

شينجياڭعا كومەككە كەلگەن كادرلاردىڭ «تۋىستاسۋ اپتالىعى»

    كەلۋ قاينارى: شينجياڭ گازەتى    2017-12-25 20:39:47  

 ءتىلشىمىز جوۋ پىڭ

  «تان بو، سيىر بۇرشاقتى تىم ۇلكەن تۋراما». 19 - جەلتوقسان كەشتە حوتان قالاسى جييا اۋىلى قۋتازمالى قىستاعىنىڭ تۇرعىنى روزىتوحتى ماتقۇرباننىڭ اس ۇيىنەن حۋنان اكسەنتىندە سويلەگەن داۋىستار ەستىلەدى. شينجياڭ قۇرىلىس تەحنيكا ينستيتۋتىنان كەلگەن يىن چاۋياڭ، ۋاڭ بين جانە تان بو كەشكى اسقا دايىندىق كورىپ جاتقان. كەشتە تۋىسىنا حۋنان قۋىرماشىن جەگىزۋ ءۇشىن قاربالاس بولىپ جاتقان - دى.

  يىن چاۋياڭ، ۋاڭ بين، تان بو حۋنان ولكەسىنەن شينجياڭعا كومەككە كەلگەن كادرلار. 16 - جەلتوقسان ولار شينجياڭ قۇرىلىس تەحنيكا ينستيتۋتىندەگى 70 نەشە كادر - قىزمەتكەرمەن بىرگە قۋتازمالى قىستاعىنا كەلىپ، ۇلتتار ىنتىماعى بويىنشا «تۋىستاسۋ اپتالىعى» قيمىلىن ورىستەتتى.

  بىرنەشە كۇن ىشىندە ولار سول جەردىڭ تۇرمىسىنا ۇيىرلەسىپ كەتتى. تۋىسىنا پارتيا 19 - قۇرىلتايىنىڭ رۋحىن ۇگىتتەۋمەن بىرگە، حۋنان قۋىرماشتارىن جاساۋدى ۇيرەتۋ، قىستاقتاعى ەگىنشىلىكپەن شۇعىلداناتىن اۋقاتتى وتباسىن شاقىرىپ، تۋىسىنا پارنيكتە ەگىن ەگۋ تەحنيكاسىن ۇيرەتۋ جۇمىستارىمەن قاتتى قاربالاس بولدى.

  روزىتوحتى: بۇل قىستاقتا بۇرىن ستۋدەنتتەردىڭ ءوزى از كەزدەسەتىن، قازىر مەنىڭ دوكتور جانە ماگيستر تۋىسىم بار، قىستاقتاعىلار بىزگە قىزىعا قارايدى. ولار ۇيىمىزدە تۇرىپ، ءۇيدىڭ توك جولدارىن جوندەپ، ەگىس جۇمىستارىنا كومەكتەستى. تاعى پارتيانىڭ ءتيىمدى ساياساتتارىن ۇگىتتەدى. مەن بالالارىمدى جاقسى وقىپ، بولاشاقتا دوكتورلىققا، ماگيسترلىككە ەمتيحان بەرىپ، جارامدى ادام بولۋعا تاربيەلەيمىن، - دەدى.

  يىن چاۋياڭ تەبىرەنە: قىستاق تۇرعىندارىمەن بىرگە تۇراتىن وراي وتە از بولاتىن، ولارمەن بىرگە تۇرمىس كەشىرۋ بارىسىندا قىستاق تۇرعىندارىمەن اڭگىمەلەسىپ، ىشكەرىلەي ارالاسىپ، ولاردىڭ قاراپايىم دا اق كوڭىل ەكەنىن سەزىندىم، بۇل ماعان تەرەڭ اسەر قالدىردى، - دەدى.  

  اۋدارعان: باقىت نۇكەن قىزى (پراكتيكانت)


بەرىپ كەت ورامالىڭدى

دوستار

الىستاعى اق ەركە