باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تارباعاتاي ايماعى جەل ەلەكتر ەنەرگياسىنان پايدالانۋدى كۇشەيتتى

    كەلۋ قاينارى: xjbs    2017-12-26 20:00:15  

 ءتىلشىمىز كامالبەك بوقان ۇلى حابارلايدى. بيىل 80نىڭ سەڭگىرىنەن اسقان نۇرەكە سىدىق ۇلى بۇرىن جاتاعان ۇيدە وتىراتىندىقتان، قىستا ءۇيىن پەشكە كومىر جاعىپ جىلىتاتىن. 2016 - جىلى ول اۆتونوميالى رايوننىڭ تازا ەنەرگيادان پايدالانىپ جىلۋمەن قامداۋدان ۇلگى كورسەتۋ نىسانى اتقارىلعان ديڭشياڭ حۋايۋان الەۋمەتتىك اۋماعىنداعى عيماراتقا كوشىپ بارىپ، وسى تۇرعىندار رايونىنداعى 505 وتباسى تۇرعىندارىمەن بىرگە شاۋەشەك قالاسىنىڭ تازا ەنەرگيادان پايدالانىپ جىلۋمەن قامداۋ نىسانىنان يگىلىكتەندى.

  تارباعاتاي ايماعىنىڭ جەل ەنەرگيا بايلىعى مول، سوڭعى جىلدارى مەملەكەتتىڭ تازا ەنەرگيانى اشۋعا قولداۋ كورسەتۋ تەبىنىن ۇزدىكسىز ارتتىرۋىنا بايلانىستى ءبىر توپ ءىرى جەل ەلەكتر نىساندارى تارباعاتايعا ىرگە تەۋىپ، جەل ەلەكتر بازاسى قۇرىلىسىن جەدەلدەتتى.

   ءبىرقانشا جىلدىق قۇرىلىس جۇرگىزۋدىڭ ناتيجەسىندە جۇڭگو گۋاڭدۇڭ يادرو ەلەكترى، جۇڭگو ەلەكترگە قارجى قوسۋ توبى، مەملەكەتتىك ەلەكتر قۋاتى، تيانرۇن جاڭا ەنەرگيا توبى، لۇڭيۋان جەل ەلەكترى، جاڭا ەنەرگيانى دامىتۋ توبى سياقتى جەل ەلەكتر كاسىپورىندارىنا قاراستى بولىمشەلەر ارت - ارتىنان ىسكە ءتۇستى. 2016 - جىلدىڭ اياق شەنىنە دەيىن تارباعاتاي ايماعىنداعى ەلەكتر تورابىنىڭ جالپى اگراگاتتار سيىمدىلىعى 1568.205 مەگاۆاتقا، مۇنىڭ ىشىندە جەل ەلەكتر تورابىنىڭ جالپى اگراگاتتار سيىمدىلىعى 594 مەگاۆاتقا جەتىپ، جالپى اگراگاتتار سيىمدىلىعىنىڭ ۇشتەن ءبىرىن ۇستادى.

  تارباعاتاي ايماعى جەل ەلەكتر كاسىبىن باياندى دامىتۋمەن بىرگە، اۆتونوميالى رايوننىڭ «شينجياڭعا ەلەكتر، تابيعي گاز جالپىلاستىرۋ» قىزمەتىن جەبەۋ جونىندەگى شەشىمى مەن ورنالاستىرۋىنا ساي، جەل ەلەكترى سىندى تازا ەنەرگيادان پايدالانىپ جىلۋمەن قامداۋ سىناق ءتۇيىنى قىزمەتىن جەدەلدەتتى. ەڭ اۋەلى اۋدان، قالاداعى جاڭادان سالىنعان عيماراتتاردى نەمەسە شاعىن پار قازانىنا كومىر جاعۋ ارقىلى جىلۋمەن قامدالاتىن عيماراتتاردى ەلەكتر ارقىلى جىلۋمەن قامداۋ سىناق ءتۇيىنى ەتىپ، كومىردىڭ ورنىنا ەلەكتر پايدالانۋدى جۇزەگە اسىرۋعا قۇلشىندى.

  شاۋەشەك قالالىق جۇنشياڭ اۆتوكولىك، ەلەكتر جابدىقتارى ورتالىعى تارباعاتاي ايماعىنداعى تۇڭعىش قۇرعاق اككۋمۋلياتور تەحنيكاسى ارقىلى تازا ەنەرگيادان پايدالانىپ جىلۋمەن قامداۋ جۇيەسىن جالپىلاستىرعان نىسان ورنى. بۇل نىساننىڭ ەڭ ۇلكەن ابزالدىلىعى كومىردىڭ ورنىنا جەل ەلەكترىن پايدالانىپ، جاراقسىز گاز شىعارماۋ، ورتانى لاستاماۋدى جۇزەگە اسىردى.

   سوڭعى جىلدارى اۆتونوميالى رايونىمىزداعى تازا ەنەرگيادان پايدالانىپ جىلۋمەن قامدايتىن 3 سىناق ءتۇيىنىنىڭ ءبىرى بولعان تارباعاتاي ايماعى جەل ەلەكترى قاتارلى تازا ەنەرگانى تابيعي گاز، كومىر جانە مۇناي سياقتى باسقا دا ەنەرگيانىڭ ورنىنا پايدالانۋدى بارىنشا ىلگەرىلەتتى. بۇل تارباعاتاي ايماعىنداعى مول تازا بايلىق قاينارىن كادەگە جاراتۋمەن بىرگە، تارباعاتاي ايماعىنىڭ ەكولوگيالىق ورتاسىن ويداعىداي قورعادى.

ءان الەمى

جول توسىلىپ قالدى

تۇلپارىم