جاڭا حابارلار

«وتتاي ىستىق كوڭىلمەن، تۋىسىم كەلدى الىستان»

    كەلۋ قاينارى: شينجياڭ گازەتى    2017-12-29 19:55:43  

−اۆتونوميالى رايونعا توتە قاراستى ورگان قىزمەت كوميتەتىنىڭ 2-توپتا ۇلتتار ىنتىماعى بويىنشا «تۋىستاسۋ اپتالىعى» قيمىلىن وتكىزگەندىگى جونىندە
ەرىكتى ءتىلشىمىز گۇڭ ۋي

  «تۋىستاسۋ اپتالىعى» قيمىلى ورىستەتىلگەننەن بەرى، اۆتونوميالى رايونعا توتە قاراستى ورگان قىزمەت كوميتەتىنىڭ 2 - توپتاعى كادرلارى تۋىستارىنىڭ ۇيىنە كەلىپ قوندى. ولار پارتيا 19 - قۇرىلتايىنىڭ رۋحىن، اۆتونوميالى رايوندىق پارتكومنىڭ تاپسىرماسىن، تۋىستارىنا دەگەن قويۋ ساعىنىشىن بىرگە الا كەلدى.
  پوسكام اۋدانى ءسايلى اۋىلى يىما قىستاعىنىڭ تۇرعىنى ابدىرازاق مامەتىمىن جانە مامەت تۇلۇپتىڭ ءۇي ءىشى قۋانىشقا بولەندى. الىستان كەلگەن تۋىستارىن قارسى الۋ ءۇشىن، ەكى وتباسى الدىن الا ۇيلەرىن تازالاپ، رەتتەپ قويعان ەدى.
  الىستاعى تۋىسى − اۆتونوميالى رايونعا توتە قاراستى ورگان قىزمەت كوميتەتىنىڭ كادرلارى كوڭىلدەرىنە تۇيگەن جۇرەك جاردى سوزدەرىن ءبىر اپتالىق ۋاقىتتان پايدالانىپ، تۋىستارىنا جەتكىزۋدى ويلادى.
  تۋىسىم ۇيىمە كەلدى
  ۇرىمجىدەن پوسكام اۋدانىنا باراتىن پويەزدا اۆتونوميالى رايونعا توتە قاراستى ورگان قىزمەت كوميتەتىنىڭ تۋىستاسۋعا بارا جاتقان كادرلارى جول بويى تۋىستاسۋ اياسىندا اڭگىمەلەستى. ولار قىستاققا جەتكەندە تاڭ ءالى اتپاعان ەدى، تۋىستاسۋعا بارعان كادرلاردىڭ جەتەكشىسى، اۆتونوميالى رايونعا توتە قاراستى ورگان قىزمەت كوميتەتىنىڭ ورىنباسار شۋجيى پىڭ كىچىڭ دەرەۋ تۋىستاسۋعا بارعان كادرلار مەن قىستاقتا تۇراتىن قىزمەت اترەتى مۇشەلەرىنە ءماجىلىس اشىپ، «تۋىستاسۋ اپتالىعى» قيمىلىن ورنالاستىرۋ جونىندە تالقى جۇرگىزدى، كوپشىلىك تەز ارادا پارتيا 19 - قۇرىلتايىنىڭ رۋحىن بىرگە ۇگىتتەۋ، ءبىر رەت زەيىن سىناۋ جارىسىن وتكىزۋ، ءار كۇنى ۇلتتار ىنتىماعىنا قاتىستى كينو كورۋ، ءبىر رەت قىزعىلىقتى دەنە تاربيە قيمىلىن ورىستەتۋ، قىسقى كۇن توقىراۋدا تۋىستارمەن بىرگە تۇشپارا جەۋ، ەگىس، ءۇي جۇمىستارىن بىرگە ىستەۋ، تۋىستارىنىڭ وتباسىن بىرگە ارالاۋ سىندى قيمىلداردى وتكىزۋدەي ورتاق تانىمعا كەلدى.
  تۋىستاسۋعا بارعان كادرلار قىستاقتا تۇراتىن قىزمەت اترەتىنىڭ جاتاعىندا ازىراق تىنىعىپ الۋدى ويلاعان ەدى، ءبىراق تۋىستارى ىزدەپ كەلىپ تاڭعى استى بىرگە ىشۋگە شاقىردى.
  تۋىسىمەن بىرگە تۇرۋ بۋى بۇرقىراعان تاڭعى استان باستالدى. بىرەۋ قالجىڭداپ: مامەت، سەن ءۇيدىڭ ءىشىن مازداتىپ جىبەرىپسىڭ، پويەزداعى شارشاۋىمىز ىستىقپەن بىرگە جوق بولدى، - دەگەندە، ساقا پارتيا مۇشەسى مامەت قۋانىشپەن: وتتاي ىستىق كوڭىلمەن الىستان تۋىسىم كەلدى ەمەسپە، - دەدى.
  ىشكەرىلەي توعىسۋ ۇساق ىستەردەن باستالدى
  ەر جولداستار كورپە - جاستىقتارىن ورنىنا قويىپ، پەش قويىپ وت جاعىپ، اۋلانى تازالاسا، ايەل جولداستاردىڭ كەيبىرەۋى كوكونىس اكەلىپ، كەيبىرەۋى ىدىس - اياق جۋىپ، قاربالاستانىپ كەتتى.
  تۋىستاسۋعا بارعان كادر ءماردانا ابدىرەيىم قوي ەتىن، قاز ەتىن، ءسابىز، پياز... سىندى ماتەريالدى دايىنداپ، تاماقتى ءوزى ىستەپ، تۋىستارىنا اسپازدىق ونەرىن كورسەتتى.

  كوپشىلىك سۇپىدا وتىرىپ، حايىرگۇل قۇندوس وتباسىنىڭ باقىتتى تۇرمىسىن قۋانا اڭگىمەگە قوستى.
  حايىرگۇلدىڭ كۇيەۋى ەرتە قايتىس بولعان، ءوزى جالعىز 3 بالانى باعىپ ەرجەتكىزگەن، قازىر 2 بالاسى ۋنيۆەرسيتەتتە وقىسا، ەندى ءبىر بالاسى قىستاقتاعى حالىق جاساق اترەتىنىڭ باستىعى بولىپ ىستەيدى.
  ءماردانا: ۇلتتار ىنتىماعىنىڭ بەرەكەلى شاڭىراعى قيمىلىن ورىستەتكەننەن بەرى، حايىرگۇلدىڭ وتباسىندا كوپ وزگەرىستەر بولدى، 3 بالاسى دا جەتەلى بولىپ ەرجەتتى، ونىڭ باقىتتى تۇرمىسى باستالدى، - دەدى.
  جاۋىپ تۇرعان قارعا دا قاراماي، تۋىستاسۋعا بارعان كادر چىن فان تۋىسىنىڭ ۇيىنە جەتكەن كەزدە، تۇرسىنقان توقتىمات كاريا تەبىرەنە قارسى الدى، ول كوزىنە ىستىق جاس الىپ: سەندەر اقىرى كەلدىڭدەر، سەندەر كەلگەننەن باستاپ، تۇرمىسىمىز جاقساردى، جاڭا ءۇي سالدىم، ۇلىم دۇكەن اشتى، بۇنىڭ بارلىعى پارتيا مەن ۇكىمەتتىڭ جاقسى ساياساتتارىنىڭ ارقاسى، ايتار العىسىم شەكسىز، - دەدى.
  قارتتىڭ جاڭا ۇيگە كوشىپ كىرسەدە، ءۇي جيھازدارى ءالى تولىق ەمەس ەكەنىن بايقاعان سوڭ، چىن فان قارتقا كرەسلو، شاي ۇستەل، ورىندىق ساتىپ الىپ بەردى.

  تاماشا ساياساتتاردى جەتكىزىپ، تۇرمىستارىن جاقسارتتى
  قاس قارايعان شاقتا، ءبىر كۇندى قاربالاس وتكىزگەن كادرلار تۋىستارىمەن بىرگە تاماقتانىپ، اڭگىمە دۇكەنىن قۇردى.
  پىڭ كىچىڭ: اۋىل - قىستاقتاردى كوركەيتۋ ستراتەگياسى قانداي؟ - دەپ سۇراۋ قويعاندا، مامەت كوتەرىڭكى داۋىسپەن: اۋىل - قىستاقتى ءتىپتى دە كوركەم ەتىپ قۇرىپ، ءبىزدى كەدەيلىكتەن قۇتىلدىرىپ، بايۋ جولىنا باستاپ، اناعۇرلىم باقىتتى تۇرمىسقا جەتكىزۋ، - دەدى.
  پىڭ كىچىڭ وعان: دۇرىس جاۋاپ بەردىڭ، اۋىل شارۋاشىلىعى، اۋىل - قىستاق، شارۋالار ماسەلەسى − حالىق شارۋاشىلىعى مەن ەل تۇرمىسىنا قاتىستى ءتۇبىرلى ماسەلە. مەملەكەت ديقانداردىڭ تۇرمىسىنا باسا ءمان بەرەدى، ءبىز وسىنداي ءتيىمدى ساياساتتاردى پايدالانا وتىرىپ، ورمان جەمىس - جيدەك شارۋاشىلىعى، باعىمشىلىق كاسىبى قاتارلى باسىمدىقتى ساۋلەلەندىرىپ، اۋىل - قىستاقتاردى گۇلدەندىرۋدى جۇزەگە اسىرىپ، پارتيا ۇيىمىنىڭ باسشىلىعىندا، كەدەيلىكتەن قۇتىلىپ، دوڭگەلەك داۋلەتتى قوعامعا تالپىنۋىمىز كەرەك، - دەدى.
  «ءارقايسى ءتيىمدى ساياساتتار، اتقارىلىپ جاتقان ءار ءتۇرلى شارالار اۆتونوميالى رايوندىق پارتكومنىڭ اۋىل - قىستاقتى كوركەيتۋدى مىقتى ۇستاۋدىڭ ناقتىلى شاراسى»، - دەدى پىڭ كىچىڭ، ونىڭ ءسوزىن ءمارداناعا مۇقيات اۋدارىپ بەرگەن ەدى، اۋىلداستار دەن قويا تىڭداپ، قايتا - قايتا باس يزەپ، تۇسىنگەندەرىن ءبىلدىردى. «سەندەردى تاماشا تۇرمىسقا كەنەلتۋ جۇڭگو كوممۋنيستىك پارتياسىنىڭ جاۋاپكەرلىگى»، - دەپ ءسوزىن قورىتىندىلادى پىڭ كىچىڭ.
   اۋدارعان دينار جۇماي قىزى (پراكتيكانت)


بەرىپ كەت ورامالىڭدى

دوستار

الىستاعى اق ەركە