جاڭا حابارلار

ءبىز ءبىر ءۇيدىڭ ادامىمىز

    كەلۋ قاينارى: شينجياڭ گازەتى    2017-12-31 00:49:58  

سۋرەتىن ءتۇسىرىپ، حابارىن جازعان ەرىكتى ءتىلشى ياڭ شۋ

25 - جەلتوقساندا ياڭ جياۋجياۋ مەن ءسادام ءسادامنىڭ 2 نەمەرە قىزىن الىپ قايتۋ ءۇشىن بالاباقشاسىنا بىرگە باردى.

 26 - جەلتوقسان تاڭەرتەڭ، شايار اۋداندىق حالىق شيپاحاناسىنىڭ كوز، قۇلاق، مۇرىن، كومەكەي ءبولىمىنىڭ سەسترالار باستىعى ياڭ جياۋجياۋ تۋىسى ءسادامنىڭ جۋىنىپ - شايىنۋىنا كومەكتەسىپ بولعان سوڭ، قازان - اياق جاققا بارىپ، جۇگەرى بوتقاسىن دايىندادى، ىلە - شالا بازارعا جۇگىرىپ بارىپ، نان ساتىپ اكەلدى، بۇلار ءسادامنىڭ داعدىلى تاڭعى اسى ەدى.
  اۆتونوميالى رايوننىڭ ۇلتتار ىنتىماعىنىڭ «تۋىستاسۋ اپتالىعى» قيمىلى ورىستەتىلگەننەن بەرى، شايار اۋداندىق حالىق شيپاحاناسىنىڭ ەمدەۋ قىزمەتكەرلەرى كەرەك - جاراقتارىن ارقالاپ، سالەم - ساۋقىتتارىن الىپ قىزىلتۋ اۋىلى تاللىق قىستاعىنا كەلىپ، تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەندى. بۇگىن ياڭ جياۋجياۋدىڭ تۋىسى ءسادامنىڭ ۇيىندەگى سوڭعى كۇنى.
  ءسادامنىڭ دەنساۋلىعى جاقسى ەمەس، ۇل - قىزدارى جىل بويى سىرتتا جۇمىس ىستەيدى، ول تاعى 2 نەمەرە قىزىن باعىپ وتىر. 10 كۇننىڭ الدىندا، ءسادامنىڭ قان قىسىمى ورلەپ، شيپاحاناعا جاتقاندا، ياڭ جياۋجياۋ كۇندە بارىپ، وعان قارايلاسىپ تۇردى.
  «ۇيىمدە نە ءىس بولسا دا، مىنا قىزىم جۇگىرىپ كەلىپ، كومەكتەسەدى»، - دەيدى ءسادام تەبىرەنە.
  ءسادامنىڭ 2 نەمەرە قىزى پاتىگۇل مامەت پەن گۇلميرا مامەت ياڭ جياۋجياۋدى «ياڭ شەشەي» دەپ اتايدى، بۇعان ياڭ جياۋجياۋ ىشتەي قاتتى قۋاندى.
  قوشتاسار ساتتە، ءسادام ياڭ جياۋجياۋدىڭ قولىن ۇستاپ، جىبەرگىسى كەلمەدى. ياڭ جياۋجياۋ ءسادامدى جۇباتىپ: بىرنەشە كۇننەن كەيىن ءسىز بەن بالالاردى كورۋگە تاعى كەلەم، ءبىز ءبىر ءۇيدىڭ ادامىمىز عوي، - دەدى.

25 - جەلتوقساندا ياڭ جياۋجياۋ ءسادامنىڭ قان قىسىمىن ولشەۋدە.

26 - جەلتوقساندا ياڭ جياۋجياۋمەن قوشتاسار ساتتە ءسادام قيماستىقپەن كوزىنە ىستىق جاس الدى.


بەرىپ كەت ورامالىڭدى

دوستار

الىستاعى اق ەركە