جاڭا حابارلار

شي جينپيڭ جۇڭگو مەن جاپونيا بيلىك باسىنداعى پارتيالارى اۋىس - كۇيىس مەحانيزمىنىڭ 7 - رەتكى جينالىسىنا قاتىناسقان جاپونيا جاقتىڭ ۋاكىلدەرىمەن كەزدەستى

    كەلۋ قاينارى: شينجياڭ گازەتى    2017-12-31 00:58:40  
 شينحۋا اگەنتتىگىنىڭ 28 - جەلتوقساندا بەيجيڭنەن بەرگەن حابارى (ءتىلشى ۋاڭ حۇيحۇي). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 28 - جەلتوقساندا بەيجيڭدە جۇڭگو مەن جاپونيا بيلىك باسىنداعى پارتيالارى اۋىس - كۇيىس مەحانيزمىنىڭ 7 - رەتكى جينالىسىنا قاتىناسقان جاپونيا ليبەرال دەموكراتتار پارتياسىنىڭ باس حاتشىسى توشيحيرو نيكايمەن، ادىلەت پارتياسىنىڭ باس حاتشىسى يوشيحيسا ينوۆەمەن جانە ولار باستاپ كەلگەن ۋاكىلدەر ۇيىرمەسىندەگىلەرمەن كەزدەستى.
  شي جينپيڭ جۇڭگو مەن جاپونيا بيلىك باسىنداعى پارتيالارى اۋىس - كۇيىس مەحانيزمىنىڭ ەكى جاق قاتىناسىنىڭ دامۋىن ىلگەرىلەتۋدەگى رولىنا بەلسەندى باعا بەردى، ەكى باس حاتشىنىڭ جۇڭگو مەن جاپونيانىڭ بيلىك باسىنداعى پارتيالارىنىڭ اۋىس - كۇيىسىن ىلگەرىلەتۋگە ۇزاق ۋاقىتتان بەرى قاجىماي - تالماي كۇش سالعانىن، ەكى ەلدىڭ ناقتى ىستەرمەن شۇعىلداناتىن ىنتىماقتاستىعى مەن حالىقتىق دوستىقتى جەبەۋ ءۇشىن قۇلشىنعانىن القادى. ەكى جاقتىڭ پارتيالار اراسىنداعى بارىس - كەلىستى كۇشەيتىپ، پىكىرلەسۋدى، ىنتىماقتاستىقتى تەرەڭدەتىپ، جۇڭگو مەن جاپونيا قاتىناسىنىڭ جاقسارۋى، دامۋى ءۇشىن جەتەكشىلىك رولىن اتقارۋىن ءۇمىت ەتتى.
  توشيحيرو نيكاي مەن يوشيحيسا ينوۆە شي جينپيڭنىڭ ۋاقىت شىعارىپ كەزدەسكەندىگىنە العىس ايتتى، ولار جاپونيانىڭ بيلىك باسىنداعى پارتيالارىنىڭ جۇڭگو كوممۋنيستىك پارتياسىمەن اراداعى اۋىس - كۇيىستى، ىنتىماقتاستىقتى كۇشەيتىپ، ەكى ەل قاتىناسىنىڭ دامۋىن ىلگەرىلەتۋگە ەسەلى ۇلەس قوسۋعا پەيىل ەكەندىكتەرىن ءبىلدىردى.
  كەزدەسۋدەن كەيىن، شي جينپيڭ جۇڭگو مەن جاپونيا بيلىك باسىنداعى پارتيالارى اۋىس - كۇيىس مەحانيزمىنىڭ 7 - رەتكى جينالىسىنا قاتىناسقان جاپونيا جاقتىڭ ءىشىنارا ۋاكىلدەرىمەن ەستەلىك سۋرەتكە ءتۇستى.
  ياڭ جيەچى جوعارىدا اتالعان قيمىلعا قاتىناستى.
  جۇڭگو كوممۋنيستىك پارتياسى مەن جاپونيا ليبەرال دەموكراتتار پارتياسى، ادىلەت پارتياسى بىرگە وتكىزگەن جۇڭگو مەن جاپونيا بيلىك باسىنداعى پارتيالارى اۋىس - كۇيىس مەحانيزمىنىڭ 7 - رەتكى جينالىسى 25 - جەلتوقساننان 26 - جەلتوقسانعا دەيىن فۋجياننىڭ شيامىن قالاسىندا، فۋجوۋ قالاسىندا وتكىزىلدى، جينالىس «جۇڭگو مەن جاپونيا بيلىك باسىنداعى پارتيالارى اۋىس - كۇيىس مەحانيزمىنىڭ 7 - رەتكى جينالىسىنىڭ ورتاق دارىپتەمەسىن» ماقۇلدادى.

بەرىپ كەت ورامالىڭدى

دوستار

الىستاعى اق ەركە