جاڭا حابارلار

شەتەلدە وقىپ، وتاننىڭ ءۇمىتىن اقتاۋداي داڭقتى ءداستۇردى ساۋلەلەندىرىپ، جاستىق شۇعىلاسىن ارمان ءۇشىن كۇرەسۋ جولىندا جارقىراتايىق

    كەلۋ قاينارى: شينجياڭ گازەتى    2018-01-02 11:38:46  

شي جينپيڭ جاۋاپ حات جازىپ، موسكۆا ۋنيۆەرسيتەتىندەگى جۇڭگولىق وقۋشىلاردى شابىتتاندىردى

  شينحۋا اگەنتتىگىنىڭ 30 - جەلتوقساندا بەيجيڭنەن بەرگەن حابارى. جاڭا جىل كەلۋ ساتىندە، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 30 - جەلتوقسان كۇنى موسكۆا ۋنيۆەرسيتەتىندەگى جۇڭگولىق وقۋشىلارعا جاۋاپ حات جازىپ، ولاردى اسقاق مۇراتقا تالپىنىپ، جاپاعا شىداپ ۇيرەنىپ، ەرتەرەك تولىسۋعا شابىتتاندىردى ءارى شەتەلدەگى بارلىق ءبىلىمپازدارعا مەرەكەلىك سالەم جولدادى.
  شي جينپيڭ جاۋاپ حاتىندا بىلاي دەدى: حاتتارىڭدى وقىپ قاباعات قۋاندىم، مەن حاتتارىڭىزدان وتاننىڭ كۇن سايىن قۇدىرەتتەنۋىنىڭ سىزدەرگە بەرگەن ماقتانىش سەزىمىن اڭعاردىم ءارى شەتەلدەگى وقۋشىلاردىڭ وتان دەپ سوققان جۇرەگىن، العا باسۋعا تالپىنعان كۇشتى جۇرەك ءۇنىن سەزىندىم.
  شي جينپيڭ مىنالاردى اتاپ كورسەتتى: 60 جىلدىڭ الدىندا، ءتوراعا ماۋ زىدۇڭ سىزدەردىڭ مەكتەپتەرىڭىزدە جۇڭگولىق وقۋشىلاردى قابىلداعاندا تەرەڭ سەزىممەن «جاستار بەينە تاڭەرتەڭگى ساعات 8 − 9 دارداعى كۇن سياقتى، ءۇمىتتى سىزدەرگە ارتىپ وتىرمىز» دەگەن بولاتىن. جاستار مۇراتتى، ونەرلى بولسا، جاۋاپكەرلىك ارقالاسا، مەملەكەتتىڭ كەلەشەگى بولادى، ۇلتتىڭ ءۇمىتى بولادى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءار ۇرپاق جاستاردىڭ كۇش جالعاپ قۇلشىنۋىنان ايرىلا المايدى. سىزدەردىڭ شەتەلدە وقىپ، وتاننىڭ ءۇمىتىن اقتاۋداي داڭقتى ءداستۇردى ساۋلەلەندىرىپ، ۇلى مۇراتقا تالپىنىپ، جاپاعا شىداپ ۇيرەنىپ، اۋىر مىندەتتى ۇستىنە الا الاتىن تاڭداۋلى دارىندىلار بولىپ ەرتەرەك جەتىلىپ، ۇيرەنگەن بىلىمدەرىڭىزدى وتان مەن حالىققا ارناۋلارىڭىزدى، جاستىق شۇعىلاسىن ارمان ءۇشىن كۇرەسۋ جولىندا جارقىراتۋلارىڭىزدى ءۇمىت ەتەمىن.
  1957 - جىلى ماۋ زىدۇڭ جولداس موسكۆا ۋنيۆەرسيتەتىندە جۇڭگولىق وقۋشىلاردى قابىلداعاندا، «ءۇمىتتى سىزدەرگە ارتىپ وتىرمىز» اتتى ايگىلى ءسوزىن سويلەگەن بولاتىن. جۋىردا موسكۆا ۋنيۆەرسيتەتىندەگى جۇڭگولىق وقۋشىلار باس شۋجي شي جينپيڭگە حات جازىپ، سول جىلدارداعى ءتوراعا ماۋ زىدۇڭنىڭ سوزىمەن ۇشتاستىرىپ، پارتيا 19 - قۇرىلتايىنىڭ رۋحىن ۇيرەنۋدەگى اسەرلەرىن بايانداپ، العا باسۋعا تالپىنىپ، وتاننىڭ ءۇمىتىن اقتاپ، حالىق ءۇشىن ىستەيتىن بەكىمدەرىن بىلدىرگەن بولاتىن.


بەرىپ كەت ورامالىڭدى

دوستار

الىستاعى اق ەركە